انا وبنتي حكايات جيجي
اياد.. الحمد لله..
البواب.. بس هو حضرتك بتسال ليه..
اياد.. لا عادي بسال يعني بس انت عارف ان انا باجي ادى درس للبنت وكده فمش حابب اورط نفسي فى اماكن مش كويسه…
البواب.. لا يا بيه دى ست كويسه من ساعة جوزها ما مات وهى قافله
على نفسها وعلى بنتها عمرها ما شفنا منها حاجه وحشه.. حتى بيجيلها على ايدي عرسان ياما اه والله بس هى قالت ان هي مش عايزه تسيب بنتها اصل العرسان اللي بياجولها من بره العماره فهي مش عايزه تسيب البنت وتمشي…
اياد.. تمام شكرا يا ريس..
وراح خبط على باب صباح.. فتحت وقالت..
ايه ده استاذ اياد غريبه هو حضرتك معاك درس النهارده
اياد.. لا لا انا مش جاي للدرس خالص بصراحه جاي ليكى انتى…
صباح.. ليا انا خير.
اياد.. هو بصراحه كده انا جاي طالب ايدك… انا مطلق بس ما عنديش اولاد…. وما عنديش اهل ماما متوفيه وبابا متوفي ما عنديش حد… واخواتي متجوزين كل واحد في بيته والحمد لله انا لوحدي في البيت.. يعني ولو على بنتك لان انا سمعت ان حضرتك مش عايزه تسيبي بنتك ممكن هي تفضل معانا عادي انا ما عنديش مشكله خالص اوعدك ان انا هعتبرها زي بنتي متقبلها معانا يعني ما عنديش مشكله خالص في الموضوع وهى بتحبني بتعتبرني زي ابوها تقدري تساليها حضرتك مش هيبقى عندها مشكله ان شاء الله…
صباح…. والله هو حضرتك فاجئتيني يا استاذ اياد…. فاجئتني قوي الصراحه.. مش عارفه اقولك ايه يعني..
اياد…. لا ما تقوليش حاجه دلوقتي.. فكري براحتك خالص وابقي رديلي ولو لا قدر الله رفضتى عادى اعتبريني ما قلتش حاجه يا ست صباح.. بس فكري كويس ها.. سلام..
ومشى صباح قفلت الباب وابتسمت بس جات ملك من جوه وقالت..
غيرت راى وهاكل معاكى.. ما يهونش عليا زعلك.. ايه ده مالك بتضحكي ليه خير…
صباح…. هقولك انتى بنوتي وكل اللي ليا في الدنيا بصراحه كده انا بعد ابوكي ما مات قفلت عليا بابى وقلت انا هربي بنتي وخلاص على كده بس دلوقتي بصراحه بقى يراودني شعور ان انتى كبرتى وهتتجوزي خلاص كلها كم سنه وهتسيبيني وتمشي…. بصراحه كده بفكر في موضوع جوازي.. انتى هتسيبيني وانا هفضل لوحدي..
ملك.. عايزه تتجوزي يا ماما..
صباح… لو الموضوع ما يضايقكش لو يضايقك اعتبريني ما قلتش حاجه نهائي…
ملك.. لا عادى بس هتتجوزي مين بقى ان شاء الله
صباح.. المستر اياد.. هو كان هنا دلوقتي واتقدملي..
ملك بصدمه.. ايه اياد بتاعنا..
صباح… اهدي في ايه ايوه هو.. طلب ايدي بالحلال وانا قلتله هفكر..
ملك.. ازاي ازاي جي بعد اللي حصل…
صباح… وهو ايه اللي حصل.. انك قولتيلو ان انا كبيره
ملك.. وانتى موافقه.. انتى موافقه عليه..
صباح.. انا قلتلك دلوقتي ان انا بفكر في الموضوع يعني بس هو..
بس ملك دخلت اوضتها وقفلت الباب..
صباح.. يا بنتي حرام عليك ما توجعيش قلبي بقى افتحي الباب مش كده.. مش كل ما نتكلم معاكى تحبسى نفسك… افتحي الباب طيب وقوليلي ايه اللي مضايقك يا بت… طب افتحي الباب وهنتكلم.. انتى زعلتى ليه طيب ممكن تطلعي…
صباح اتصلت بمريم وقالت… الو عايزاكى ضروري بس بسرعه يا مريم بالله عليكى
.
جات مريم وقالت… في ايه يا طنط خير..
صباح.. بصي يا مريم البنت دخلت جوه وانا عماله اخبط عليها بقالي شويه مش راضيه ترد عليا وانا زعلتها تقريبا هي زعلت من الموضوع بس انا قلتلها اطلعي وهنتكلم عادي يعني لو مش عايزه بلاش…
مريم.. هو ايه اللي مش عايزاه هو حضرتك زعلتيها في ايه…
صباح.. بصراحه كده انا كان جايلى عريس وكنت بسالها
مريم.. وهى ايه اللي زعلها في الموضوع يعني. .
صباح.. مش عارفه يمكن انا مش من حقي علشان جوزي مات اتجوز تانى خلاص.. انا زمان كنت رافضه عشان ما حدش يستغلها او حد يضايقها… كنت رافضه اجيبلها جوز ام… بس دلوقتي بقى كبرت وبقيت تقدر تعتمد على نفسها
مريم.. اهدى بس يعني هي ايه اللي هيزعلها في كده… يا طنط… اهدي هي كبيره وفاهمه..
صباح.. المستر اياد بتاع الدرس بتاعها هي بتحبه وبتكلموا وهو بيحبها وبيكلمها وانا قلت انها هتفرح يعني مش واحد ما نعرفوش ولا تخاف منو..
مريم.. هو العريس اللى متقدم يبقى اياد..
صباح.. اه ماله..
مريم.. لا بس هو حضرتك ما لقيتيش غير ده..
صباح.. هو ايه اللي ما لقيتش غير ده ماله على الاقل هي تعرفه وهو يعرفها وبتحبه وبيحبها يعني ما فيش حاجه تضايقها منه…
مريم.. حضرتك ما هي عشان بتحبه هتتجوزيه انتى ويبقى معاكي ازاي…
صباح.. بتحبه ايه ده قد ابوها ده مطلق البنت لسه صغيره على الحاجت دى..
مريم.. والله يا طنط هو ده اللي حاصل… هى هكذا مره بصراحه كده حكيتلي عنه لانها بتحبه وكده وبصراحه كده عشان تبقي في الصوره انا مش فتانه بس هقولك علشان تقدري تتصرفي هى راحت قالتله ان انتى مش كويسه وان انتى بتتكلمي مع رجاله.. عشان هو يبعد بس هو ما بعدش وجيه اتقدم زي الاهبل… معلش بقى ده اللي حصل.. انا ما كنتش هقولك عشان دي اسرار صاحبتي وهي بتحكيهالي وانا حرام اقولها.. بس بصراحه كده ما ينفعش اشوفكم بتتفككوا كده وافضل اقف اتفرج عليكم…
