روايه كامله

على الجانب التاني، القطر كان مكمل طريقه في الصعيد..

طارق صحي من النوم بعد كذا ساعة، فرك عينيه وبص حواليه وهو بيتمطى في الكرسي الـ VIP المريح. التفت على فاطمة أخته وقالها بكسل:

— “هي مريم فين؟ لسه واقفة ورا ولا لقت مكان تقعد فيه؟”

فاطمة شالت السماعة من ودنها وقالت ببرود:

— “معرفش، ما شفتهاش من ساعتها.. تلاقيها لقت أي كرسي فضي وقعدت عليه.”

طارق قام بتثاؤب وراح ناحية عربية البضائع والدرجة العادية عشان يتأكد، بس مالقاش ليها أي أثر. سأل الموظفين والركاب في العربية، وكله أجمع إن مفيش حد بالوصف ده واقف من بعد محطة أسيوط!

بدأ القلق يتسرب لقلبه، مسك موبايله وطلب رقمي.. لقاه مقفول.

جرب يبعت رسائل على الواتساب.. ما بتوصلش.

رجّع ضهره لورا وهو حاسس بنغزة في قلبه، وبص لأخته وقالها بصوت متوتر:

— “فاطمة.. مريم مش في القطر!”

فاطمة اتلخبطت وسألته:

— “يعني إيه مش في القطر؟ هتكون راحت فين يعني وهي حامل في السابع وماحيلتهاش حاجة؟ أكيد بتعمل حركات عشان تقلقك!”

لكن طارق كان عارف إن مريم عمرها ما عملت حركة زي دي.. وفي اللحظة دي بالذات، اتفاجئ بموبايله بيرن.

كان المتصل هو المحامي الخاص بعيلتي.. الرجل اللي طارق كان بيدوّر على أي فرصة عشان يقابله أو يسلم عليه.

رد طارق بلهفة وصوت لسه فيه أثر الصدمة:

— “أيوة يا أستاذ.. خير؟ مريم معاك؟”

صوت المحامي جيه عبر التليفون بارد ورسمي جدًا، وقال جملة واحدة خلت الدم يتجمد في عروق طارق:

— “أستاذ طارق.. أنا بكلمك بلسان موكلتي مدام مريم، ونيابة عن والدها. حابب أبلغك إن إجراءات الطلاق بدأت رسميًا من الساعات الأولى للصباح، بالإضافة لإلغاء عقد إقامتك في فيلا التجمع، وتجميد كل المعاملات اللي كانت بين شركتك وبين مجموعة شركات العيلة..”

طارق اتسمر في مكانه، الموبايل كان هيقع من إيده، والشاشة كانت بتشع نور ضعيف وسط ظلام عربية القطر.

— “إنت بتعلم إيه يا أستاذ؟ طلاق إيه وفيلا إيه؟ مريم هي اللي سابتني وجمعت حاجاتها ومشيت! أنا جوزها ولما أرجع القاهرة هعرف أتفاهم معاها!”

رد المحامي بنبرة هادية بس مرعبة:

— “أستاذ طارق، حضرتك مفيش داعي تتعب نفسك وترجع القاهرة على فيلا التجمع، لأن أفراد الأمن هناك عندهم أوامر صارمة بمنع دخولك، وشنطتك الشخصية أتحطت بالفعل في أمانات المحطة. أما بالنسبة لشركتك، فمجلس الإدارة حظر وصولك لجميع الحسابات البنكية اللي كانت متمولة من أصول عيلة مريم.”