صبا وعزيز الجزء التالت

مازن ضحك وقال وهو بيبصلها بوقاحه.ليه بس هو فيه الاشكال احلى من دي..بقولك يا عزيز ماتطلع انت وانا هصالحها واجي وراك متقلقش

عزيز شدو وقال بغيظ..يلا يا مازن

مازن مرضيش يمشي وقال استني بس ..بقولك ايه يا عروسه بعت حد يجبلك فستان وشويه حجات..علشان تلبسيهم في خطوبتنا بالليل

صبا قالت بضيق..مش عايزه منك حاجه..انا عندي فساتين

مازن قال بابتسامتو المستفزه..لا مهمو فساتينك مش هتنفع انتي هتبقى خطيبه ابن عيله الالفي وبعدين يا ستي اعتبريه بدال الفستان الي قطعتو وحط ايده على فستانها

صبا زقت ايده بقرف وقالت..امشي من هنا

مازن قال قاصد يغيظها ..يلا يا عزيز يلا ياعم انت معاك حق احنا غلطانين الي بنتكلم مع خدامه على العموم نكمل كلامنا بعد الخطوبه… وغمز لها بوقاحه

عزيز اتنرفز من تصرفاتو وزقو وقال يلا بينا يلا

بس اتفاجأ بصبا قالت بسخريه..وايه بقى الي هيفرق بعد الخطوبه علشان نتكلم…. بعد ما اتخطب لابن عيله الالفي مش هبقى خدامه ..ولا هبقى خدامه بالنوتيلا

عزيز ضحك بخفه على كلامها وفضل مكانو بس مازن قرب خطوه وقال..لا مهو انتي في الحالتين نوتيلا بس لو تحني وتدوقيني

صبا اتنرفزت وقالت بغضب..واطي

مازن ابتسم وقال بوقاحه..همو*ت واوطى كمان وكمان…

صبا شهقت بصدمه من كلامو وعزيز كتم ضحكتو بالعافيه وشدو من قفاه ومشي بيه قبل ما ينطق حرف تاني

صبا قفلت الباب بغضب وقالت..بعصبيه..ربنا ياخدك ..ربنا يا خدكو انتو لاتنين

مازن كان ميت ضحك وعزيز قعد يضحك كمان وقال بيأس منو..ياريت ما كنت اخدتك تعتذر ولا تنيل ايه الي كنت بتقولو ده هو انت امتى هتعقل

مازن كان بيضحك جامد وقال..شوفتها

شوفت جمالها..تسحر..يخربيت كده ..شوفت علشان تصدقني تبههر قول عجبتك مش كده حلوه ها ايه رأيك

عزيز قال..طبب طيب حلوه كفايه زن

مازن قال بزهول… حلوه..بس

عزيز قال وهو بيبعد نظراتو..احم..المهم خلينا في الجد مش عايز ولا غلطه بالليل جايه ناس مهمه تمام

مازن هز راسو وقال …تمام

عزيز قال بنرفزه..مش تقولي تمام وارجع الاقيك عاكك الدنيا زي من شويه

مازن قال..لا والله اوعدك… هروح اجهز انا انهارده لازم اطلع احلى من اي يوم مش عايز الناس تقول الخدامه احلى منو

مازن مشي وعزيز قال …يخربيت تفاهتك …وافتكر صبا وقد ايه جمالها ملفت وفيه شيى يخطف القلب والاجمل كلامها وشخصيتها فضل يمر قدامو ملامحها في الاسطبل وقربها منو بس استغرب نفسو انها جات على بالو اصلا نفض اي افكار من دماغو وهو مستغرب من نفسو وراح يشوف الترتيبات