صبا وعزيز الجزء الاخير
عزيز حضنها جامد وقال..ابعدي عني يا صبا..مش هقدر..مش هقدر اعيد الي عملتو من جديد مش هقدر احبك..ولا هقدر اثق فيكي مهما حاولتي ارجوكي ابعدي عني وكان حاضنها جامد وبيتمني انها ترفض تسيبو مشاعر متلخبطه لاقادر يبعد ولا يقرب وبعد شويه ومسح دموعو وقال بقوه مزيفه…مازن بيحبك…بيحبك اوي…انتو الاتنين لايقين على بعض هو من سنك ومعندوش مشاكل ولا عقد حاولي تحبيه حاولي ياصبا انتي تستاهلى تعيشي وتحبي وتنحبي
صبا بصتلو بدموع ومسكت وشو باديها وبصت في عنيه بعشق وقالت…بس انا مش حاسه غير اني عيزاك انت …انا مش بفكر غير فيك…اديني فرصه…هنسيك كل حاجه ارجوك
بس عزيز وقف بعصبيه وقال باندفاع..افهمي بقى افهمي انا حكيتلك كل ده علشان تفهمي ان مفيش فايده مني ارجوكي ..لازم تبعدي كل ما بتكوني قريبه انا..انا مش بقدر اسيطر على نفسي مش بقدر ابعد مش قادر اقرب كمان حرام عليكي
صبا قالت بدموع ..بس انا بحبك والله بحبك يا عزيز..وعمري عمري ما هخونك ولا اذيك صدقني انا بموت لما اشوفك مضايق بس
عزيز قال بغضب..بس انا لا… انا مش بحبك ولا انتي ولا اي واحده ممكن تخليني احب تاني خلاص انسيني انا حر مش عايز ارتبط هو بالعافيه
بقلمي..زهرة الربيع
صبا بعدت عنو ودموعها بتنزل بالم وقالت لا..لا اكيد مش بالعافيه ….تمام…انا ..احم..انا هفضل كام يوم بس لحد ما موضوعنا يتنسي..وبعد كده مش هتشوفني ابدا ومن هنا ورايح هفضل في اوضه تانيه عن اذنك
صبا لسه هتطلع عزيز مسك ايدها وقال…استني انا هطلع انتي خليكي هنا ومشي وسابها وهيه قعدت على الارض بانهيار بقت تبكي بشده وحست ان مفيش اي امل خلاص
عزيز نزل عند عمو وهو مش قادر يتنفس من الوجع الي جواه حاسس بشعور غريب تجاه صبا شعور بيخوفو من كتر ما بيعشقو وحابب قربها وحضنها حابب يفضل معاها على طول لدرجه انو استغرب من نفسو انو حكالها عن ماضيه بسهوله قعد على كرسي جمب عمو لحد ما نام
عند اسيل خرجت من الحمام وهيه لابسه بيجامه ناعمه جدا ووقفت تنشف شعرها
انور بصلها باعجاب شديد ووقف وراها وحضنها جامد وهو بيشم نسيم شعرها وعطرو الساحر وقال…بحبك
اسيل زقتو وقالت بضيق..اه ما انا عارفه قولتي قبل كده ..قبل ما تصورني وتفرجني لاخواتي ..لا وكمان كنت عايز تفرج البلد كلها جس*م حببتك
انور اتنهد بحزن وقال..عمري ما كنت هعمل كده ..انا مستحيل اتخلى عنك ..انا بعترف اني كنت ناوي اضحك عليكي واتخلى عنك علشان اعاقب اخواتك..بس لما قربت منك ..حبيتك..حبيتك ومقدرتش ابعد انا عملت كده علشان اخليكي ليا ..لو مكنتش بعت الفيديو لاخواتك كانو مستحيل يجوزوكي لابن البواب السايس
