دبلة للأنتقـــــــــــ.ام

الليل دخل تقيل، والسكون بقى مزعج أكتر من أي صوت.
هي قاعدة قدام اللابتوب، عينها حمرا من السهر، وهو واقف وراها بيراقب الشاشة، ساكت بس حاضر.
قالت فجأة
في حد بيلعب على أعصابنا… التسريب ده مقصود
قرب وبص
أيوه… وعايز يشوف رد فعلنا
قفلت اللابتوب بعصبية
يبقى نلعبها صح
لفّ وبص لها بتركيز
إنتي متأكدة؟
رفعت راسها
أنا طول عمري في المواجهة، مش في الانتظار
ابتسم بإعجاب واضح
واضح إنك نسيتِ ليه خفت عليك من الأول
قربت خطوة
وخفت عليا ليه فعلًا؟
سكت ثانية، وبعدين قال بهدوء
علشان اللي زيك… لما بيتكسر، البلد كلها بتدفع التمن
الكلمة وقعت تقيلة، بس ما ضعفتش.بقلم مايا خالد
قالت
يبقى نخليهم هما اللي يدفعوا
رن الموبايل. رقم مجهول.
بصوا لبعض، وهو أشار لها ترد.
قالت بثبات
ألو
صوت واطي، ساخر
مبروك الخطوبة… بس اللعبة أكبر منك
ابتسمت وهي باصة له
واضح إنك قلقان
الصوت سكت لحظة
خليكي في دور العروسة أحسن
قفلت المكالمة بإيد ثابتة.بقلم مايا خالد
قالت
ابتدوا يتهزّوا
قال بهدوء قاتل
وده اللي كنت مستنيه
قرب منها أكتر، المسافة بقت صفر، بس المرة دي في حاجة مختلفة. مش توتر… ثقة.
قالت وهي باصة في عينه
لو وقعت، متسيبنيش
رد من غير تردد
لو وقعنا… نقع سوا
برّه، ضوء عربية وقف لحظة وبعدين مشي.
وهي فهمت إنهم بقوا مراقَبين رسمي.
قالت
يعني مفيش رجوع
ابتسم ابتسامة خفيفة
الرجوع للناس اللي بتهرب… وإنتي عمرك ما كنتي منهم
.بعد أسابيع من التوتر والمواجهات، بدأ الجو يهدأ شوية. الحروب الصغيرة، التهديدات، والسيطرة… كلها فضلت وراهم، والمدينة برّه استقرت على صمت غريب.
جلسوا سوا في الفيلا، عند الشرفة، المطر بدأ يخفّ والهواء ندى. هي ماسكة إيده، وهو ماسك إيدها، لأول مرة من غير صراع، من غير لعب قوة.بقلم مايا خالد
قال وهو بيبص في عيونها
عارفة… طول الطريق ده، كنت فاكر إن اللي بينا صراع… بس دلوقتي… شايف إنه أكتر حاجة حلوة حصلتلي
ضحكت بخفة
وكمان أنا… كنت خايفة… بس دلوقتي حاسة بالأمان… جنبك
ابتسم وقرب منها، لمس خدها بخفة
مش بس أمان… ده إحساس نادر. إحساس إن في حد فاهمك وواقف جنبك مهما حصل
اقتربت منه، وابتسامة واسعة على وشها
يعني… ممكن نقول إننا لسه بنبتدي؟
همس وهي قريبة منه.
أيوه… بس المرة دي الحب الحقيقي
مدّ لها إيده، وبقت ماسكة إيده بقوة
وابتسامة على وجوههم، أول مرة من غير خوف، من غير تهديد، من غير لعبة
والمدينة برا… فضّلت ساكتة، كأنها عارفة
إن الحرب خلصت، وإن الحب… أخيرًا كسب.
قربوا من بعض، وبالعناق الطويل، حسّوا إن كل التعب والخوف كان يستاهل… لأنهم اكتشفوا إن أقوى قوة هي الحب اللي بيبدأ من قلب العداوة.
النهاية: سلام، حب، وأمان… وأول يوم حقيقي في حياتهم مع بعض. ❤️
بقلم مايا خالد