سكريبت❤️بقلم سولييه نصار -قومي يا فاطمة صلي الفجر. .. قالتها أمي وهي بتحاول تقومني من النوم ... شديت البطانية عليا وانا بقول والنوم مسيطر عليا : -سيبيني يا ماما الجو برد اووي هصليه بكرة ... -يا بنتي هتفوتي صلاة الفجر ..حرام عليكي يا فاطمة يا بنتي ...دي ركعتين الفجر خير من الدنيا وما فيها ... ذمرضتش ارد وانا مغمضة عيني جامد ..كنت مكسلة مش قادرة اقوم حاسة البطانية تقيلة اووي وحاسة أن البرد بينخر في عضمي... -يووه يا ماما قولتلك بكرة هصلي ...بكرة خلاص ...آه.. ز.عقت وفجأة صر خت لما حسيت بالماية بتتكب عليا .... -ايه يا ماما اللي بتعمليه ده !!! صر.خت فيها وانا بقوم فبصتلي بغـ.ضب وقالت: -أقسم بالله يا فاطمة لو مقومتيش تصلي الفجر لأكون جايبة ماية متلجة اكتر من كده. وادلقها عليكي....قومي يالا ... -أووف انتوا هتجبر.وني على الصلاة... صر خت بضـ.يق فقالت : -وطي صوتك. ..وأنا لما أبوكي يجي من الجامع هقوله على قلة أد.بك دي !!!يالا قومي عشان تصلي ... حسيت بالتوتر وهي بتهد.دني ببابا...بابا مفيش احن منه لكن في موضوع الصلاة مش بيتهاون معايا خالص ... قومت واتوضيت وصليت وانا مش حاسة بالراحة اللي بيتكلموا عنها دي لما اصلي ...حاسة ان الموضوع واجب مش اكتر ...أو حاجة أنا مرغمة أعملها ..معرفش ليه من دون كل العبادات الصلاة هي اللي كانت اصعب حاجة على قلبي ....كنت بتضايق لما بفكر في كده ..أنا بحب ربنا بس رغم كده أنا بعـ.صيه ...أنا بلبس ضـ.يق ...ببين شعري ...بحط روج طبعا ده كله واهلي ميعرفوش ...أنا كنت كويسة وبصلي وكنت حابة البس الخمار واستنيت ثانوي عشان البسه ...لكن من أولى ثانوي اتعرفت على صاحبتي شذى...شذى كانت تربيتها غيري بيئتها غيري ...أهلها منفصلين والاتنين اتجوزوا وهي عاشت مع جدتها الكبيرة في السن وعمتها ومكانش حد بيكلمها عن الدين ...اللي عرفته أن حتى عمتها مش بتصلي ...شذى علمتني اعمل حاجات أنا مكنتش اتجرأ أعملها...خلتني احط ميكب. أبطل صلاة ...ألبس ضيق .. ...طبعا كانت بتخليني البس من هدومها ....كنت لما بنطلع سوا ونخرج للدروس كنت بلبس جيبة واسعة وبلوزة بس لما بنبعد عن البيت كنت بخلع الجيبة في أي حمام عموما واكون لابسة بنطلون جينز ضيق ...وكنت بحط ميكب احيانا كنا بنزوغ من الدروس ونتفسح أنا وهي ...وقتها كنت. حاسة اني مكنتش عايشة أنا كنت قبل ما اقابل شذى حياتي مملة اووي كنت من المدرسة للبيت ...بس دلوقتي انا عايشة حياتي عادي ...ومبسوطة بيها ....وهي كانت السبب اني اتعرف على كريم ....حب عمري . ... خلصت صلاة الفجر وروحت أنام جات والدتي ووهي بتقول ببرود : -ابوكي عايزك يا فاطمة روحيله! .... روحت له بتوتر كان قاعد في مكتبه لابس نضارته وماسك كتاب... -بابا .. قولتها بتوتر ابتسم وقال: -أدخلي يا حبيبة بابا ... دخلت وقعدت على الكرسي جنب مكتبه فقال : -أنا تعبت من كتر ما بكلمك على الصلاة...بس برجع وبقول انك امانتي واني لحد ما امو.ت هفضل أحثك على الصلاة ...عشان كده قولت اديكي الكتاب ده ... بصتله بحيرة فحط على المكتب كتاب فاتتني صلاة وقال : -لو سمحتي اقري الكتاب ده يا حبيبة بابا ..عشان خاطري يا فاطمة ... كنت محتارة أنه بيترجاني ...حسيت أنه يأس مني....بابا كان عارف اني ببعد عن طريق ربنا ...هو للاسف ميعرفش اللي بعمله كمان من وراه ولو عرف بجد معرفش ممكن يعمل فيا ايه ... اتنهدت واخدت الكتاب وانا مقررة اطنش اقراه وقولت : -حاضر يا بابا ... وبعدين طلعت من اوضة المكتب فاتنهد مختار ابوها وقال : -ربنا يهديكي يا فاطمة يا بنتي ... ....... تاني يوم .. -يعني أيه عايز تنفصل عني ؟ قولتها لكريم ...كنت هر.بت من المدرسة وروحت أقابله جنب كلية التمريض ...الكلية اللي هو فيها .... -ممكن تهدي ... قالها بتوتر فهزيت راسي وانا دموعي بتنزل والماسكرا اللي كنت حاطاها عشان أقابله ساحت وبقا شكلي و.حش ... -مش ههدى ..قولي ليه عايز تسيبني ... -بصراحة ومتزعليش مش انتي البنت اللي اديها اسمي ...أنا بحس أنك ر.خيصة !! يتبع #الهاوية #سولييه_نصار الجزء الثاني❤️ -أنا ر.خيصة يا كريم ... قولتها وانا بعيط فقال : -أيوة يا فاطمة ...انتي بتيجي تقابليني من ورا أهلك ...لبسك و.حش اووي وبتحطي ميكب ...أنا كنت صحيح بتسلى بيكي واهو قولت مش هيـ.ضر اني اتسلى خصوصا انك مش بتمنعني عنك ...أنا مسكت ايديكي...حضنتك قبل كده وانتي مكنتيش ممانعة ابدا.... -لا كد.اب ز.قيتك وقولتلك متعملش كده تاني... قرب مني بضيـ.ق وقال: لو واحدة محترمة صحيح كنتي فرجتي عليا الدنيا وكنتي قطعتي علاقتك بيا لكن ده محصلش ...رد فعلك كان ضعـ.يف ...بصي أنا كمان انسان مش محترم فمش هلومك بس انا خلاص قررت احترم نفسي وأتوب وأبعد...عايز اعيش حياة نضيفة ..أنا عصـ.يت ربنا كتير ...وانا مش كده ومش عايز اكون كده يا فاطمة ...أنا عايز اتخرج من كليتي عايز اقرب من ربنا مش عايز كل يوم اكون قر.فان من نفسي ...ممكن اقبل بيكي لو اتغيرتي لكن طول ما انتي ماشية في السكة دي ابعدي عني يا بنت الناس وروحي شوفي حالك ... وبعدين سابني ومشي وفضلت اعيط وانا حاسة ان قلبي مكـ.سور .... ... روحت البيت في ميعاد المدرسة عشان محدش يشك ....بس فجأة لقيت بابا هو اللي فتحلي الباب وبصلي بغـ.ضب شديد ....دخلت وانا متوترة ولسه هتكلم سألني هو : -أنتي روحتي المدرسة النهاردة ... -أيوة يا بابا روحت .. جاوبت بتوتر فلقيته ضر.بني بالقلم وزعق ق : -بطلي كد.ب بقا ... بصتله بر.عب فز.عق مرة تانية : -أنا روحت المدرسة اسأل عليكي يا هانم لقيتك هر.بتي من الحصة التانية ....يا خيبة أملي فيكي يا فاطمة ... بصيت للأرض وانا بعيط فقال بصوت مخنوق : -أنا ضحيت كتير عشان اللحظة دي انك تكوني في ثانوية عامة وتبقى باشمهندسة كبيرة افتخر أنا بيها ....ده كان حلمك من صغرك ...حلمك اللي كنتي بتحبيه وخلتيني احبه ..ازاي انجر.فتي وروحتي طريق زي ده ..تهربي من الحصص وعرفت انك بتهربي من الدروس الفلوس اللي بيطلع عيني عشان اجيبها بتروحي تتسرم... مقدرش يكمل الكلمة وغمض عينيه بأ.لم وقال : -يا خيبة أملي فيكي يا فاطمة ...يا خيبة أملي فيكي يا بنتي !!!! عيطت جامد وهو بيبعد عني ...بصتلي امي وقالت؛ -خيبة كبيرة والله ... وبعدين سابتني ...فضلت أعيط مكاني وانا قلبي وا.جعني ..كلام كريم وكمان كلام اهلي خلوني أفوق لنفسي .... ... بعد شوية روحت مكتب بابا كان قاعد وباين عليه التعب والحزن...قربت منه وركعت وأنا ببوس ايديه وبقول: -سامحني ...سامحني يا بابا ...والله اخر مرة ...بص اديني فرصة واحدة...فرصة واحدة وبس وانا بعدها اوعدك هكون كويسة هصلي وهذاكر وهحقق حلمي وحلمك ...عشان خاطري فرصة واحدة . .... بعد أسبوعين ... -لا بجد مش مصدقة ..لبستي خمار وبقيتي تروحي بإنتظام الدروس وبتذاكري ...هو فيه ايه يا فاطمة بجد بطلنا نخرج مع بعض وبطلتي تستمتعي بحياتك .... قالتها شذى وهي قاعدة جنبي على الديسك في الفصل .... -مش عشان نستمتع بالحياة أننا نعصي ربنا يا شذى و. -احنا لسه صغيرين يا فاطمة وبكرة هنعقل ونستغفر ربنا ونلتزم .....بس مش هنلتزم من دلوقتي الحياة قدامنا طويلة ولازم نستمتع بيها و. -لا يا شذى متعرفيش ممكن نموت في أي وقت عشان كده لازم نكون مستعدين و.... -طيب خلاص هنتغير ونتوب وانا كمان هساعدك بس بشرط .. -ايه هو .. -النهاردة عيد ميلاد مالك الكتكوت بتاعي وعايزك تحضريه معايا بليز... -شذى اتفقنا هنبعد عن الولاد.. -هنبعد يا بيبي بس النهاردة نعيش حياتنا لآخر مرة وبعدين هنتوب .... ......... على المغرب .... استأذنت بابا أروح عيد ميلاد صاحبتي اللي في المدرسة ...طبعا جات شذى ودخلت عليه بدخلة أنها البنت التقية اللي مفيش منها ..خمار طويل وفستان ..وسبحة على إيديها...بابا رغم غضبه مني بس مرفضش خاصة أنه شاف اني اتغيرت كتير في الاسبوعين اللي فاتوا.... ... في حمام عمومي -اووف كنت حاسة اني هتخـ.نق بسبب الخمار ده ...هما ازاي بيلبسوه ! قالتها شذى وهي بتخلع الخمار والفستان وبتحطهم في الشنطة الباك بتاعتها .....بصيت لقيتها لابسة بنطلون ضيق جدا وعليه بلوزة ضيقة وقصيرة....بدأت تحط ميكب بشكل اوفر شوية وبعدين بصتلي وقالت : -اقلعي الهبل ده أنا جبتلك هدوم معايا احسن ... -شذى أنا ... -من غير كلمة قولنا النهاردة هنقضى اخر يوم لينا ونتدلع وبكرة هنتوب أوعدك .... اتنهدت بتعب وانا باخد منها الهدوم .... ... بعد ما خلصنا كل حاجة استغربت أنها قلعت الحجاب وقولت : -هتروحي العيد ميلاد بشعرك ... -أيوة يا بيبي..ده عيد ميلاد فكيها بقا ! ...... روحنا العيد ميلاد..مالك كان حبيب شذى واحد في كلية تربية في السنة الأخيرة ...عمري ما ارتحت ليه ....كانت شذى طول الوقت لازقة في مالك اللي كان حاطط ايديه على كتفها ...عينيا وسعت بصدمة لما لقيته باسها على خدها....كانت تصرفاتهم و.قحة جدا .حسيت بالخجل لاني عملت كده مع كريم ... وبعدين قرر مالك يطلع مع أصحابه ويحتفلوا في النادي ....ركب الكل عربياتهم وشذى اخدتني وركبنا عربية مالك ... كان بيشرب سيجارة وهو بيسوق ومشغل اغاني بصوت عالي..وانا كنت مر.عوبة اووي ...خايفة اهلي يكتشفوا وندمت اني سمعت كلامها .... -خدي يا بيبي ... قالها مالك وهو بيمد ليها سيجارة ..ابتسمت شذى واخدتها منه .. -شذى بتعملي ايه !؛ قولتها بزعيق وكملت : -لا متعمليش كده ....مينفعش ... -صاحبتك دي عيلة اووي ... قالها وهو بيضحك فضحكت شذى وهي بتشرب السيجارة مسك السيجارة مرة تانية ولف عشان يدهالي وقال : -ما تاخدي يا مزة و... لسه ههز.قه بس شذى صرخت لما شافت التريلا اللي جاية علينا من الجنب .... -آه.... كانت اخر حاجة أقولها قبل ما كله يتحول لسواد .. يتبع #الهاوية #سولييه_نصار -مش عايزة أمو.ت يا فاطمة أنا خايفة... قالتها شذى وهي ماسكة ايدي ...الد.م بينزل من كل حتة في وشها ....دموعها نزلت وكملت : -أنا خايفة اقابل ربنا بالشكل ده ..خايفة أقابله وهو مش راضي عني ...عايزة اعيش يوم...لا ...لا ساعة واحدة بس هصلي واتوب وارجع ...بس مش عايزة امو.ت...مش عايزة ...اعملي حاجة ... فضلت اعيط وانا بضر.ب على قزاز العربية المقلوب بيننا ...كان مالك فاقد الوعي او ميـ.ت معرفش وانا رجلي مش قادرة احركها وراسي بتنز.ف لكن شذى كانت حالتها أسوأ ..كانت وشها كله دم ...فيه قزاز على قورتها.... -فاطمة ممكن تدعيلي ربنا يغفر لي ...أنا خلاص همو.ت ... لسه هتكلم كانت قفلت عينيها وقطعت النفس ... -شذى!!! صرخت وأنا بعيط اقتباس من اخر بارت في الاسكريبت♥️تفاعلوا على البارتين اللي نزلوا وهل حابين ننشر سكريبتات توعية دينية تاني ولا لا الجزء الأخير ❤️ -فاطمة ...فاطمة بنتي !!! قالتها ماما وهي ماسكة ايدي ..بابا كان واقف الناحية التانية وبيعيط ...كنت على سرير المستشفى ...فتحت عيني وانا حاسة بأ.لم في راسي. .... -متقوميش ارتاحي .... دموعي نزلت ...حسيت بالخجل من نفسي .... -الحمدلله الدكتور طمننا عليكي ...هي بس جرح في الجبين واخدتي تلات غرز ...ورجلك اتكسرت الحمدلله دي معجزة انك طلعتي حية ... قالها بابا وهو بيحضني ...أنا كنت مستاهلش ده أبداً.... -بابا ... قولتها بصوت مخنوق وبصتله ودموعي بتنزل وقولت : -شذى ؟! -الله يرحمها يا بنتي ...الله يرحمها ... عيطت جامد في حضنه وانا بفتكر اخر كلام بيننا.. فلاش باك فتحت عينيا وانا حاسة بألم شديد في رجلي ....صرخت بر.عب وانا شايفة وش شذى متدمر...كانت بتبصلي وبتعيط ... -مش عايزة أمو.ت يا فاطمة أنا خايفة... قالتها شذى وهي ماسكة ايدي ...الد.م بينزل من كل حتة في وشها ....دموعها نزلت وكملت : -أنا خايفة اقابل ربنا بالشكل ده ..خايفة أقابله وهو مش راضي عني ...عايزة اعيش يوم...لا ...لا ساعة واحدة بس هصلي واتوب وارجع ...بس مش عايزة امو.ت...مش عايزة ...اعملي حاجة ... فضلت اعيط وانا بضر.ب على قزاز العربية المقلوب بيننا ...كان مالك فاقد الوعي او ميـ.ت معرفش وانا رجلي مش قادرة احركها وراسي بتنز.ف لكن شذى كانت حالتها أسوأ ..كانت وشها كله دم ...فيه قزاز على قورتها.... -فاطمة ممكن تدعيلي ربنا يغفر لي ...أنا خلاص همو.ت ... لسه هتكلم كانت قفلت عينيها وقطعت النفس ... -شذى!!! صرخت وأنا بعيط .. رجعت من شرودي وانا بعيط اكتر ...قلبي كان واجعني اووي ..... بابا وقتها معملش حاجة غير أنه حضنني ...حضنني جامد أووي.... ..... حضرنا عزا مالك وشذى ...أهاليهم كانوا منهارين. ..الندم على وشوشهم عرفوا أنهم ضيعوا أولادهم ...بس انا بصيت على نفسي ليا أهل بيحبوني بينصحوني رغم كده مكنتش قوية كفاية اقول لا ...كنت منهارة وبعيط ..حاسة ان فيه جبل على قلبي.... ... رجعت البيت وانا منهارة...دخلت اوضتي وقعدت على السرير وانا بعيط ...فجأة لمحت الكتاب اللي بابا ادهوني..فاتتني صلاة ...روحت ومسكت الكتاب وانا بعيط وفضلت اقرأ فيه ...محستش بنفسي وكل كلمة في الكتاب لمستني .... سهرت للفجر عليه والفجر أذن وانا بقرأ : سَاعة الفجر هذهِ لا تُعادلها أيَّ ساعة،يُسميها علماء النَّفس غير المسلمين بالسَّاعةِ السّحريّةِ Magic Hour، وإن أرَدتَ أنت تعوضها في أي ساعة أخرى من اليومِ لن تستطيع لأن تلك السَّاعة أصابتها دعوة النَّبي-عليه الصَّلاة والسَّلام-: 《اللَّهمَّ بارك لأُمّتي في بكورها...》. سبت الكتاب بسرعة وروحت اتوضى عشان أصلي ...ولأول مرة حرفيا ...لأول مرة احس بالراحة وانا بصلي ...وكأني قلبي كان فيه نار هديت وانا واقفة جنب ماما اللي استغربت افتكرت اني هنام وصلينا مع بعض ولما بابا جه من الجامع قعدت معاه وبوست ايديه وانا بقول ؛ -سامحني يا بابا ...أنا أتعلمت درسي أنا قولتلك هروح أنام في اوضتي بس قريت الكتاب اللي ادتهوني ولمس قلبي ..وانا حاسة براحة دلوقتي ...أنا عايزة اتغير يا بابا وهتغير إن شاء الله ... ابتسم وهو بيحضني ... .... الأيام اللي جات قدرت أقاوم شيطا.ني ...قدرت اتغير ....كنت اخدت قراري واتغيرت فعلا ...مبفوتش صلاة الفجر ...ولا اي فرض ...وفي دعائي منستش شذى ابدا ...كنت بروح ازورها واقرأ ليها قرآن ...بدعي أن ربنا يغفر لها ...اللي حصل مع شذى كان قلم صعب فوقني..عرفني أن المو.ت بيجي فجأة دون أي استعدادات ....وان لازم دايما اكون مستعدة اقابل ربنا .... كمان ذاكرت واجتهدت وقدرت احقق حلمي ودخلت هندسة ... .. ...... بعد ست سنين .... -الله يرحمك يا روحي ...ربنا يغفر لك يارب ...أنا عملتلك عمرة يا حبيبتي يا شذى ودعيت كتير أن ربنا يغفر لك وانا واثقة أن ربنا كريم وهيغفرلك يا حبيبتي ... قولتلها ودموعي بتنزل ... قرب كريم مني وحضني وهو بيبوس راسي ...وقال : -الله يرحمها يا حبيبتي ... بصيت لجوزي كريم ..وانا مبتسمة ...أنا وهو أتجوزنا من سنتين وقبلها كما مخطوبين لسنة ...لازم اعترف اني كريم هو بابا وماما دايما كانوا بيشجعوا التغيير اللي عليا ....كنت محظوظة بيهم ..كنت محظوظة بالفرصة اللي ربنا ادهاني عشان اتغير وانا اتغيرت. ... مسك ايديا كريم ومشي وطلعنا من المقبرة ...حط ايديه على كتفي وقال : -ايه رايك يا روحي منرجعش دلوقتي عشان ناخد مراد ابننا من والدتك ...نروح وناكل ايس كريم الاول ؟ -حبيبي يا كريم ❤️ قولتها بسعادة فباس راسي وقال : -حبيبتي يا فطومة ❤️ تمت #الهاوية #سولييه_نصار
