حكايتي مع صهيب ١١ والاخير

منى عبدالعزيز. البارت١١ تلتفت يمين وشمال اول ما تليفونها رن باسم جيداء بترد على الإتصال بهمس تبلع ريقها وتقفل التليفون بسرعة. ـ الو. ـ ايه يا قطة تلت تيام لا حس ولا خبر، ايه رجعتي القصر وقلبك جمد. ـ أبداً يا هانم احلفلك بإية انا. كنت هتصل بيك النهاردة. ـ والله وايه اللي منع حضرتك، لو فكره انك تقدرِ تلعبِ عليا تبقى بتحلمِ. ـ وحياتك ياهانم كنت هتصل، عشان اقولك البيه لحد دلوقتي مرجعش شكلها سفرية طويلة. ـ بتقولي ايه. ـ البيه من وقت ما خرج مرجعش ولا اتصل بحد فينا. بعدت التليفون عنها بخوف وهى بتسمع كلام جيداء وسبها بألفاظ سوقيه. ـ انت غبية تلات تيام مش في القصر ومتبلغ نيش عارفة ياحيوانه ضيعتي عليا فرصة بقالي تلات سنين مستنيها، اسمعني كويس بكرة الصبح لو مرجعش تتصلي تبلغني وبأي طريقة دخلينى القصر، فاهمه يا غبية. ـ مقدرش ادخل يامدام الأمن والكاميرات في كل مكان. ـ ملكيش فيه هنعمل بلبله قدام البوابة الرئيسية نشغل بيها الامن والكاميرات امرها سهل، مالك سكته ليه ما تردي اسمعني كويس يشاطره متفكريش كتير مبلغ نص مليون جنيه مش قليل لو كنت جدعه وساعدتنِ في اللي انا هعمله غير الهدايا وهساعدك تعملي مشروع يعيشك ملكة، هترفضي وتعميلي شريفة محدثاتك مع صحبتك وصور صهيب وهو ع اللي مليه بيها تليفونك بلاش اقولك هعمل بيهم ايه، سلام ياقطة فكري كويس وبلغني. قفلت جيداء التليفون وشيماء الخادمة ووقفت تتنقض...اعمل ايه اعمل ايه يالهوى يالهوى البنت رغدة مفيش غيرها. رنت على رغدة: الو رغدة. رغدة: معقولة تتصلي عليا مرتين في يوم واحد لاء كدة كتير اوي. شيماء: رغدة الحقني انا في مصيبة. رغدة بفزع: ايه كفالة الشر. _ شيماء حكت كل حاجه قالتها جيداء. رغدة: بصي بقي مقدمكيش غير تتصلي على البية وتحكيلة. ـ محدش فينا معه رقم البية خالتي صفية بس اللي معها ولو وقفت على شعر راسي لا هتدهولي ولا هعرف أخد تليفونها من وراها وحياتك ولا برضاها خالتي وعارفها. ـ هتعملي ايه بقولك روحي لبتوع الأمن خدية منهم ولا أقولك فاكرة صحبة الحليوة اللي شفته معاه في اخر صورة بعتهالي وهم في حمام السباحة. ـ سليم بيه. ـ أيوة اتصلي عليه واحكيله كل حاجه وهو بقي يفهم البية، مش معاكِ رقمة. ـ ايوة معايا لما كنت عاوزه اشغلك في الشركة اخدت رقمه لما قلتله عليكِ. ـيبق تاهت ولقناها اتصلي بيه وخليه يجيلك القصر حياة او موت تقوليلة كده عشان يقلق احكيلة ك حاجه وكلام الست دى ليك. ـ احكيله ازاي يا هبله انت ناسية الصور وكلامنا. ـ ياهبلة ماهو لما يعرف انك بتحبي البية وبتحميه من حماته ورفضتي نص مليون جنيه كل ده عشان عيون البيه أكيد يعني هيلفت نظر صهيبب بيه ليك والباقي وشطرتك ديتها توصلي لاوضة النوم وبحداقة نخليها جواز. ـ بفرحة وسعادة هتخرج من عنيها: وحياتك يارغدة وقتها نص مليون اللي قالت عليهم الهانم لدهملك مليون،يلا سلام اتصل على سليم بيه. قفلت مع صحبتها واتصلت على رقم سليم رد عليها بعد اكتر من مرة تتصل اول ما سمعت صوته بيكلم. ـ الو سليم بيه أنا شيماء. ـ شيماء مين. ـ اسمعنى يا بيه انا شيماء شغالة بقصر صهيب بيه الله يخليك يابيه عاوزة حضرتك ضروري مسالة حياة او . سليم بخضة قام وقف من مكانه وبتهتهة: أريام. شيماء بخوف: لاء الست هانم بخير ده موضوع تاني تعال القصر يابية وانا هستنه حضرتك في الجنينة متتاخرش يا بيه مفيش وقت. سليم: في ايه يابنتي قلقتني؟ ـ لما حضرتك تجي هتعرف كل حاجه الله يخليك يا بيه متتاخرش. سليم اخد مفاتيح عربيته وخرج من المكتب. ـ مسافة السكة وهكون عندك. ـ ماشي هستنى حضرتك. قفلت شيماء ووقفت قدام المرايا تبتسم وتبص لنفسها في المرايا برافوا يا شيموا عليك يلا جهزى نفسك وشفي الكلام اللي هتقوليه ايه اتعدلت بسرعه بخضة اول ما باب الاوضه اتفتح ودخلت خادمة تانيه الأوضة. شيماء: مش تخبطِ دخله زي البوليس كده ليه. الخادمة: أخبط ايه يا بنتي تعالي اسمعي صهيب بيه رجع. شيماء بفرحة: رجع صهيب بيه رجع، بس رجع امته. الخادمة: لسه جاي من عشر دقايق ـــــــــــــــــــــــــــ اللهم استرنا فوق الارض وتحت الأرض ويوم العرض عليك. غصن اول ما داست برجليها القصر وقلبها نغزها مسكت في ايد صهيب التفت ليها. ـ مالك فيه ايه. غصن هزت راسها مش قادره تنطق حاسة ريقها ناشف. صهيب: طيب مالك بترتعشِ و خايفه كده ومش على بعضك. غصن: قلبي متأخد بس من المكان. مشي صهيب كام خطوة ووقف ينادي على احدي العاملات. ـ دادة يا دادة. حضرت ست كبيرة في الس: حمدالله على سلامتك يابية. غصن بصوت واطي... ام دي. صهيب ضحك بصوت عالي وقرب منها بضيق وهمس في ودنها: دى شغالة هنا بالبيت ريسه الخدمين بقالها سنين طويله معانا هنا. غصن: خدامة انا كنت فكراها امك اصلها هيبه كدة انا خفت من طالتها. صهيب بعصبية يجز على سنانه وبنفس همسه: هيبة ايه وقرف ايه انت في بيت اهلك كنت عايشة ازاي اسمعني كويس انت هنا مرات صهيب الخبيري فاهمة يعني ايه يعني مقامك من مقامي قدام الناس يعني تنسي البلد واللي فيها والجاموسة اللي جاي من وراها وتعرفي انك هانم والخدم هنا تحت أمرك ينفذوا طلباتك كلامي مش هقولة مرة تانيه. صهيب بعد ايد غصن عنه بضيق وشاور لفوق: طلعي الهانم أوضة النوم فوق. بصت الدادة لغصن باستغراب وقالت لصهيب: هانم اوضة نوم سعادتك. صهيب بصوت عالي : دادة كلامي واضح طلعي المدام فوق في أوضتي وساعديها ترتب هدومها في اوضة اللبس . الدادة بتبص لغصن من فوق لتحت باستغراب حركت كتفها: تحت أمرك يا بيه اتفضلي يا هانم. غصن بصت لصهيب وجات تتكلم بصلها بتحذير وشاور ليها تمشي مع الدادة، هزت راسها وبلعت ريقها و طلعت غصن مع الدادة بتتلفت يمين وشمال وهي طالعة السلم كانت هتقع لحقت نفسها على أخر لحظه ورفعت فستانها وكملت طلوع السلم وراها لحد ما وقفت قدام باب الاوضة اديرت الدادة تبص لغصن بصه غريبة: اتفضلي يا هانم على ما الشنط يطلعوا هشوف اوامر البية وارجع اساعدك، فتحت الباب لغصن ودخلتها. غصن: متشكرة يا خالة، لو مفيهاش تعب ممكن كوباية ماية. الدادة ملمح وشها اتغيرت ضمت شفيفها واتكلمت بتريقه: خالة، مفيش تعب التلاجة جوه فيها ماية تقدري تشربي براحتك، بعد اذنك هشوف البية والشنط مطلعوش لحد دلوقتي ليه. دخلت غصن الاوضه رفعت النقاب عنيها مبهورة من اللي شيفاه وباديها تلمس كل حاجه عنيها بتقع عليها وقفت مصدومة وشهقت اول ما عنيها جات على صورة كبيرة للبنت اللي شفتها في تليفون صهيب ، رجعت لورا بخوف اتخبطت بطرابيزة في نص الاوضة اتوجعت رفعت اديها تحسس مكان الخبطه التفت وراها لقت صورة لنفس البنت على كمودينوا جنب السرير مسكتها وقعدت على السرير عنيها بتدمع، الباب خبط اتفزعت وقعت الصورة على الارض اخدتها بسرعه حطتها مكانها، الباب خبط مرة تانيه، ردت بتهتهة، دخلت الدادة ومعها بنتين شايلين الشنط. الدادة بصت للبنات: يلا على تحت شوفوا شغلكم . غصن وقفه مكانها مش قادره تنطق الدادة قربت منها بتكلمها بتعالي. الدادة: تحبي تبتدى باي شنطة الاول. غصن بتوتر وبصوت مخنوق من البكاء: هي الاوضة دى اوضة نوم مين. الدادة باستهزاء: اوضة نوم البية. غصن شاورت على الصورة: ودي مين اللي في الصورة! الدادة: دي مدام أريام مرات صهيب بية. غصن بلعت رقها بخوف ووجع كأنها غرزت نصل بقلبها اتكلمت بحزن: صهيب فين. الدادة بملل: البية دخل عند اريام هانم. غصن: هي هنا في الدار. الدادة بضحكة: القصر بقي دار، ايوه هي هنا بالدار. غصن: عاوزة اكلمه. الدادة: للأسف البية طالما دخل عند الهانم مش هيخرج دلوقتى، ومفيش حد يستجري يخبط عليه مهما حصل. غصن بدموع ووجع في قلبها: قعدت على السرير. الدادة: تحبي نبدء باي شنطة من دول ولا افتح اي واحده وخلاص. غصن: معلش خاليهم زى ماهم لحد البيه ما يطلع او اقلك هو في اوض تانية غير دى. الدادة: ايوة في كتير. غصن: بعد اذنك ممكن تودني وحده تانية. الدادة: لا طبعاً مقدرش البية كان بهدلني.، طالما قال هنا مقدرش اكسر كلامة. غصن حست إن الدادة بتتعامل معها بحقد وبتقل منها كلمت نفسها.. خالتي ام منصور قالتلي لو اللي قدامك حس انك خايفه وضعيفة هيفضل يستهزا بيا وانا لازم ابق قويا ومخفش زى ما قالت خالتي ام منصور واورى اللي قدامي إني قوية. ضحكت جواها بسخرية.. يعني يوم ما استقوي استقوا على خدامة. الدادة: ها ياهانم هتبتدي بأي شنطة دى ولا دي ياريت تحددي ورايا شغل. غصن بصوت مهزوز ورعشه عالت صوتها: قلت وديني اوضة تانيه يا اما ولا اقولك انا هدور بروحي. الدادة... البيه هيتعصب لو طلع ومكنتيش في الأوضة. غصن بخوف حاولت ماتبينش...مش السرايا دى كلها بتاعت البيه وانا مرات البية والاوضة دى دمها تقيل مش نزلالي من زور فروحي للبيه وقوليله اني عاوزة انقل اوضة تانيه. الدادة: البيه أكيد عند مدام أريام وفيس بنادم يهوب ناحية جناح الهانم البيه كان سود عشته. غصن ضمت شفايفها تحت النقاب ولحقت دمعه من. عنيها وبقوة جففتها مشيت ناحية الباب فتحته وخرجت تبص يمين وشمال لقت باب على بعد كام خطوة مشيت ناحيتة وقفت قدامة وشاورت للدادة فاضية الاوضه دى ولا فيها حد. الدادة: فاضية. غصن: يبق هى دى اللي هقعد فيها. الدادة قربت منها: براحتك يا هانم اتفضلي، فتحت الباب وقادت النور ودخلت قدام غصن بتبتسم ليها بشماته، دخلت غصن الاوضة وقفت مكانها بحزن اول ما عنيها جات على صورة في وش الباب، التفت للدادة تبص ليها تسالها لو في اوضة تانيه حاست بقهر وهي بتسمع ضحكة الدادة وكلامها ونبرة صوتها وهي شمتانه فيها. الدادة: كل اوض القصر بالنظام ده فيها صور ست القصر أريام هانم وده لان البيه بيعشقها كل شبر في القصر هتلاقى صورة ليها. غصن عضت شفتها: كفاية ياغصن هتفضلِ لامته حيطة مايله للكل اتحركِ شويه لحلحي نفسك هتسيبِ اللي يسوى واللي ميسواش يتمقلت عليكِ كفاية لحد كدة قوي حالك، زمان كنت بتخافِ تردي مكنش ليك ضهر، وكنتِ فكراهم أهلك، هتسكتِ وانت بنت الأكابر وجوزك. هو اللي بيشغلهم انطقِ عارفيها انك مش هفيه نظرة الشماتة اللي بتبصهالك دي عمال على بطال خاليها تفكر الف مرة قبل ما تفكر ترفعها لعنيكِ، بس دي ست كبيرة تجي من دور امك، ولو لازمن اتغير لازمن أخد حقي بكفاية قهر بكفاية يا غصن خدي حقك بالأدب. الدادة..: الاوضه خلاص عجبتك ولا تحبي تشوفي اوضة تانيه. غصن بصوت في لجلجة خفيفة... الاوضة عجباني شرحة وبرحة واها يرد الروح. الدادة بضيق: شرحه اوك هتبتدي بأي شنطة ولا اقولك أنا هفتح اي واحدة وخلاص. غصن بغيظ من أسلوبها: عندك اياك ايدك تتمد على هدومي وتعالي هنا قوليلي يا ست انت مالك ومالي مش طيقاني وبتكلمني من طرطيف منخيرك ومش طايقة كلمة مني، حاجتي أنا حرة فيها ارصهم بالدولاب ارميهم على الارض ملكيش فيه ويلا من غير مطرود عاوزة ارتاح. الدادة بذهول بصت لغصن ومن غيرما تكلم التفت تمشي وقبل ما تخرج من الاوضة وقفتها غصن. غصن: استني تعالي هنا. وقفت الدادة ومن غير ما تدير: نعم. غصن قربت من الصورة المتعلقة على الحيطة وبكل قوة داست على صوابعها وشالة برواز صورة أريام... كلمت الدادة. ـ خدي صورة ست الدار معاكِ حطيها في اي حته ولا أقولك علقيها على رقبتك عشان البيه يكون مبسوط منك. الدادة التفت لغصن ولسه هتكلم راحت غصن مديها البرواز وبقوة في كلامها... هدي حالك يا حاجه وخدي نفسك كده وشيلي الهانم بتعتك ويلا عاوزة ارتاح. ـ انت عارفة البيه لوعرف اللي عملتيه والكلام اللي قولتيه هيعمل ايه. غصن: اجري بلغيه ولا أقولك ارمي الصورة على الارض وقولي انا اللي عملتها واصرخي لحد ما البيه والهانم يجوا جري وقوليلهم انا رمت الهانم على الارض. الدادة بغيظ من تحليل غصن للي ناوت تعمله: انا مش هرد على اللي بتقوليه بس ليا كلام مع البية. غصن قربت منها ومدت اديها بالصورة: عارفه السكة للبيه ولا توهي اجى اوصلك. الدادة اخدت الصورة وخرجت من الاوضة وقفلت الباب وراها بغيظ ونزلت. غصن اول ما مشيت رفعت نقابها لفوق تاخد نفسها وقعدت على الارض مكان ماهى واقفه تبك بحزن على حالها رفعت عنيها مكان الصورة تكلمها. ـ الراجل ده ايه جبار معندهوش قلب مدام بيحبك قوي كده ايه جبرة على الجواز مرة تانية وازاي يجيبني هنا في نفس الدار، ايه قصدة من عملته دي ناوي على ايه ماهو لو فاكر انه بيجيتي هنا هيكسرك يبق غلاطان انا استحالة هوافق يظلمك ولو فاكر انه جيبني هنا تمرمطي فيا يبق ما يعرفش غصن هتعمل ايه، ما انا مش هعمل زى امي حورية واتقهر ولا اقبل اتهان واتمرمت ماهو صهيب زيه زي علوان ما فرقش عنه حاجة علوان اجوز وجاب مراته الدار و امي حورية وخالها متقدرش تنطق وكل اللي يقوله يتنفذ ولما حس انه قدر عليها اتفرعن ومرمت التانية وسابها لغاليه وغادة لحد ما مص دمها وخلها تجول حقي برقبتي ورمها رمية الكلاب، لاء لاء انا لازمن ابق قوية مع الكل اقوي يا غصن انت لوحدك مع ناس جوابهم باين من عنوانهم. سندت على ضهر السرير وضمت رجليها وحواطتهم باديها وحطت راسها عليهم وفضلت تبك وتكلم نفسها... في العزبة لما الحال يضيق بيا كانت خالتي ام منصور وابله سناء بيخففوا عني وبيقوني هتعملي ايه ياغصن وانت لحالك مع ناس لا تعرفيهم ولا يعرفوكِ نامت من كتر التفكير والبكا قامت بعد شوية وقفت بوجع من قعدتها على الأرض، قلعت طرحتها وقربت طرفها من مناخرها تشمها. غصن: امممم ايوه كده ريحة تراب بلدنا ترود الروح، عاوزة احطهم في مكان قريب مني افتح عيني عليهم واغمض عيني عليهم ورحتهم تبق قريبا مني اشمها استقوي بيها. دورت في الأوضة لحد ما لقت طفاية سجاير اخدتها وفكت طرف طرحتها حطت التراب واوراق الزرع في الطفاية وحطتها على الكمودينوا... أيوة كده مكانها حلو أوي، كدة فاضل اصلي الضهر ياتري العصر ادن ولا لاء، عاوزة اتوضي انادى على ام قويق واسالها على مكان الحمام ولا ادور انا وخلاص، انت غبيه ياغصن مش كنت بتشوفي في الافلام والمسلسلات الحمام في اوضة النوم وفي باب اهو يبق ده الحمام. مشيت ناحية الباب فتحته وابتسمت وصقفت لنفسها... نبيه ياغصن طلع الحمام اهو مدت اديها قادت النور ودخلت تبص يمين وشمال تكلم نفسها... هو ايه ده فين الدوش فين الدورة الله ايه ده حوض من غير حنفيه الناس تغسل وشها ازاي، يافرحة ما تمت ياغصن امرك لله روحي نادي على الست الدادة تشفلك حمام شغال. خرجت غصن من الحمام وراحت اخدت طرحتها حطتها على راسها وبتحط اديها تفتح الباب لقت الباب اتفتح ودخل. ـــــــــــــــــــــــــــ اللهم استرنا فوق الأرض وتحت الأرض ويوم العرض عليك. صهيب دخل جناح اريام لاول مره ما يقولش للممرضة تخرج برة وقف يبص عليها وبعد شويه قعد على كرسي قصدها فضل على حالته دى فترة رفع ايده بعد وقت و شاور للممرضة تخرج اول ما قفلت الباب. ـ معرفش ليه انا باصص ليك كده لاول مرة من سنين أركز أوي في ملامحك لاول مرة من وقت ماحبيتك واتعلقت بيكِ أبعد عنكِ، ايام ما كنت في الشرطة لو عدي يوم من غير ما اقابلك كنا بنقضيها تليفونات عارفه يا أريام وأنا في البلد رغم كل اللي حصل ان عادى بالنسبالي آه وحشتني الكام يوم دول يا أريام بس مش حاسس بلهفة كل مرة كنت ببعد عنك فيها، أريام ليه المرة دي ملامحك غريبة عني لا انت شبه عمي في شكله ولا طبعه، ممكن وخده كتير من طبع جيداء لكن شكلك لاء مش شكلها، من سنين وانا حيران من الموضوع ده وملقت لهوش إيجابه هتقولي ايه اللي بقولة ده هقولك معرفش كلام جه في دماغي وقلت أقوله، آه قبل ما أنسي عمي بيسلم عليكِ. اتنهد بصوت عالي وقرب منها.. تعرفي كويس اني رجعت النهاردة، كنت هزعل اوي لو دكتور اسامة جه هو الدكتور الالماني لمتابعة حالتك وانا بعيد، عندي أمل فيه وحاسس إن طريقة علاجه هترجعك من تاني للحياة. بعد وقت من الكلام معها رن تليفونه برقم سليم. ـ الو أيوه يا سليم. ـ صهيب هترجع امته. ـ انا وصلت القصر من ساعة تقريباً. ـ كويس الحمدلله انا جايلك بالطريق خمس دقايق ان شآء الله وهكون عندك. صهيب: اوك هستناك في المكتب يلا سلام. قام وقف وبص عليها: حبيبتي هسيبك دلوقتي وهرجعلك مع دكتور اسامة. وصل سليم ودخل القصر يبص يمين شمال على شيماء الخدامة في الجنية ملقهاش دخل القصر نفس الحال راح علي المكتب فتح الباب ووقف عند الباب يغمز لصهيب. ـ عريس مفيش كلام. صهيب: ادخل يا سليم وبلاها جر شكل. ـ سليم قفل الباب ودخل يابني انا عملت حاجه بقلك عريس مش انت عريس ومتجوزليك يومين. ـ صهيب: اقعد يا سليم أنا مش في المود لأي هزار. سليم قعد على الكرسي قدام المكتب: مالك يا صهيب فيك ايه. صهيب: معرفش ياسليم معرفش في حاجات جوايا مش عارف افسرها تخيل لما تبق داخل مكان لاول مرة متعرفش عنه اي معلومة داخل كاره المكان ده من غير سبب واخد معاك كل اسلحتك ومأمن نفسك واول ما تحط رجلك جوه البيت تلاقي نفسك بترمى وتتخلي عن قوته من قواك وتحب العيشة في البيت ده وحاجه جواك بتخليك حابب تكتشف كل اوضة فيه ومش بس كده لاء انت حابيت العيشة فيه وقررت تنتقل فيه على طول رغم البيت تقليدي ومش ذؤقك ولو وضعك كان مختلف استحالة كنت تفكر تعدى من قدامة. ـ سليم: على الرغم ان تشبيهك غريب وعميق في نفس الوقت، بس سعيد انك بدءت تفوق وعقلك وعينك قررو يشفوا حد تاني، مش عيب انك تلاقي رحتك ومش مهم يكون الحد ده على نفس مستواك ونفس البيئة او التفكير والعلم في ناس بسيطة اوى ممكن تحتل قلبك وتفكيرك. صهيب: خايف وقلقان يا سليم قلقان وتعبان. سليم: من ايه. صهيب: تخيل اول مره من وقت حادثه أريام وأنا اقعد معها من غير ما الوم نفسي أو اطلب منها السماح، اول مره اقعد قدمها وابص في وشها وعقلي يقولى كلام غريب اول مره أسالة لنفسي... ليه الاول كنت بشعر بظلمها دلوقتي لاء ليه كل ليلة كنت بترمى تحت رجليها أبكي واعترف بذنبي ودلوقتي باصص في وشها وعنيا مرمش تش، تخيل يا سليم اول مرة أخد بالي إن أريام بعيده اوي عني مش قصدي عشان الحادثة وحالتها لاء بعيدة بمعني بعيدة عمرها ما سمعتني ولا اتأثرت لأي حاجه وجعتنى وواستني، حتى بعد الحادثة بتسمعني من غير أي ردة فعل. سليم: صهيب اسمع مني انت لازم تستشير دكتور نفسي تكلم معه صهيب انت داخل مرحلة صعبة لو فضلت يوم بحالتك دي عقلك هيصورلك حاجات كتيره غلط على انها صح ومش بعيد تعمل بنفسك اللي جيداء بتسعالة من زمان. صهيب: انت بتقول ايه ياسليم. سليم: من غير ما تتعصب من فترة وانا بقولك اعمل ده ناسي شهاب سافر وبعد ليه نسيت أخر مرة لما قالك نفس الكلام اللي انت قلته بنفسك عملت فيه ايه، صهيب انت محتاج تكلم مع شخص متقلقش انك تعري نفسك قدامة تخرج كل اللي جواك معاه من غير ما تخاف. صهيب.. اللي حصل مع شهاب. قطع كلامه خبط على الباب. صهيب: ادخل. دخلت الدادة شايلة صورة اريام وبتبكِ. صهيب وسليم استغربوا من حالتها وقف صهيب من مكانه وراح عندها... مالك يادادة بتبكِ ليه وماسكة صورة اريام ليه كده. الدادة... صهيب بيه انا بقالي اكتر من عشر سنين بشتغل هنا في القصر ويعز عليا اللي هقولة صهيب بيه بعد اذنك انا هستقيل واسيب الشغل. صهيب.. حصل ايه لكل ده يادادة وايه حكاية الصورة دي. ـ الهانم اول ما دخلت اوضة نوم سعادتك وشافت صور الهانم وشها قلب وسألت مين دي قولتلها دى مدام أريام مرات حضرتك صرخت فيا وصممت اشيل الصور وقالت كلام مايصحش مقدرش اقوله، من هنا لهنا اقنعتها تروح اوضة تانية اول ما دخلت وشافت صورة الهانم هنتني وانا بمنعها ترمي الصورة وتكسرها يابيه وانا بعد اللي حصل مش هقدر استني هنا لحظة واحدة. صهيب مردش عليها وطلع من المكتب يجري على فوق بيطلع السلم كل دراجتين مرة واحده مشي ناحية الاوضة اللي فيها غصن وفتح الباب مرة واحده، لقي غصن وقفه وراء الباب لسه هيكلم لقي غصن مسكت ايده ومشيت ناحية الحمام تكلمه وهي دخله الحمام...كويس انك جيت انت جتلي نجده من السماء، تعال تعالي في حاجه عجيبة قوي بالحمام مش عارفه ايه لزمته تعملوا حمامات ومكلفنها الشي الفلاني واللي يدخل مزنوق يدعي عليكم. صهيب بذهول من كلامها بعد ايده: انت بتقولي ايه انا مش فاهم حاجه. غصن بنفس اسلوبها: دلوقتي انا عاوزة اتسبح و اتوضي عشان اصلي لا لقيه دوش ولا لقية حنفيات وفين بيت الراحة ايه الناس تعملها على نفسها كلفت كل ده ووقفت على دول، مش مهم ازنقتم صرفتم ياما املوا البتاع ده وحطوا كوز ماية اهو الناس تعرف تتصرف. صهيب انت مش طبيعية كوز ايه وماية ايه عمرك ما شفتي بانيوا والدوش اللي بتكلمي عليه اهو بما انك غريبة كلك على بعضك شفي بيفتح ازاي بتنزلي هنا في البانيو وتقفي هنا مكاني بالظبط وبايدك دي تضغطي على الزرار ده الماية.. أه. جججج منه. غصن... شعرك صهيب شدها اكتر.. ليه ماله شعري. غصن اتكسفت بعدت اديها وعنيها.. ها انا انا. صهيب: انت ايه. غصن: مفيش حاجه انا بس. صهيب مش هسيبك غير لما تقولي شعري ايه. غصن بخجل بلعت ريقها: شعرك لونه عامل زي الفضة وبيلمع والماية نزله منه. صهيب... انتى معجبة بيا و بتعكسني بقي ضحكتي حلوة وشعري فضي، لعب حواجبه وايه تاني. غصن بتحاول تبعد ايده اللي محاوطها بيها... سبني سبني الله أه. صهيب قربها منه وانحن قرب من وشها...هسيبك بس بشرط. غصن بعدت عنيها عنه.... شرط ايه. صهيب: اعترفي انك معجبة بيا وكنت بتعكسني. غصن... سبني الأول وانا هقول. صهيب... مش واثق فيك بصراحة. غصن: هقول والله بس سبني. صهيب بعد جسمه لوراه وفك ايده من حوالين وسطها.. ها قولي. غصن اديني الامان واستني لما اطلع من البتاع ده اللى ازحلق فيه. صهيب ساعدها تخرج من البانيو. صهيب... اهو ملكيش حجة. غصن وعنيها في الارض: اديرت ناحية الباب مش انت جوزي واللي قلته حلال ربنا، يبق انت عجبني. جريت غصن ناحيه باب الحمام لحقها صهيب ومسكها من وراه حضنها وانحن شالها وخرج من الاوضه نزلها على السريروهو معها يعيش معها وقت ناسي فيه كل العالم بعد شوية رمي نفسه جنبها على السرير اتعدل مرة واحدة وبص ليها لقها مغمضة عنيها ضحك على حركتها. ـ ههههه مكسوفه انت طلعتي شقيه اوي. غصن وهي مغمضة عنيها وباديها بتشد مفرش السرير على جسمها.. انت غلس. صهيب... ههههه ها ها ها غلس بقي كده. غصن... انا عاوزة اروح الحمام. صهيب... اممم عاوزة تهربي. غصن بلجلجة اهرب من ايه انت ابعد شوية عشان اعرف اروح. ـ ما تروحي وانا مسكك . غصن... هقوم ازاي وانا بالشكل ده ،اخرج برة عشان اعرف اقوم. صهيب...ههههه يعني انا اللي ينفع مش شايفه الهدوم كلها مرميه على الأرض. سكت ووشه اتغير اول ما عينه جات مكان الصورة، عدل نفسه وشدها من دراعها جامد وبايده التانيه شاور على الحيطة... ايه اللي عملتيه ده واازاي تنسي نفسك وتقولي اللي قولتيه للدادة. غصن بخوف من عصبيته... خصيمك النبي تسمعني الاول وبعدها احكم بالحق لو انا غلطت ولامغلطتش. صهيب شد على دراعها... هتقولي ايه. غصن حكت ليه كل اللي حصل من وقت ما دخلت اوضة النوم لحد ما دخل عليها الاوضة ركزت على رجليها اول ما ساب دراعها تقلد حركات وكلام الدادة ناسيه حالتها صهيب عينه عليها مع كل حركة منها، ومركز في كلامها يبص لعنيها والدموع اللي بتنزل منها مع كل كلمة. غصن... ده كل اللي حصل ومستعدة اقف قدمها واعيد كل كلمة قلتها ولو طلعت كدابة ابق اعمل فيا اللي انت عاوزه. صهيب قرب منها رجع شعرها لوره واخدها بحضنه يطبطب على ضهرها مالك بتبكِ ليه خلاص انا مصدقك. غصن... يعني انت مش زعلان مني. صهيب... لا مش زعلان بس كنتِ خاليها تنادى عليا او انت تعالي قوليلي انك مش مرتاحه في الاوضه. غصن... قلتلها قالت انت عند الهانم وطالما دخلت عندها مش هتخرج دلوقتي وهتبهدل اي حد يقرب. صهيب... طيب كنت استنتني في الاوضه كنت عرفت اصرف. غصن بعدت عنه وبخجل شديد... مقدرتش استنى في الاوضه وانا شايفه صورها بكل مكان مقدرتش اتحمل اني ابقي هناك وتجي انت تدخل وعنيك تبق على الصور منين ما تدير حاجه جوايا وجعتني وحاجه قادت فيا صممت اخرج من الاوضة باي تمن ولما جيت هنا ولقيت الصورة مهمنيش كلامها كل اللي همني انك اول ما تدخل عينك هتجي عليها وانا مش هقدر استحمل انك تبصلها. صهيب ابتسم ليها... غيرتي منها ولا غيرتي عليا منها. غصن... الإتنين غيرت منها وانك بتحبها ومش قادر على بعدها وغيرت انها تخدك مني. صهيب اخدها بحضنه مرة تانية... وخداني على فين ورايحة ياغصن. بعد عنها فجأة وقام بسرعه اخد قميصه وبنطلونه ولبسهم بسرعه... سليم نسيت انه تحت، انا شوية وراجع خليك زى ما انت لحد ما اجي فاهمة زى ما انتِ. خرج صهيب راح اوضة نومه دخل اوضة اللبس لبس بنطلون وتشيرت ونزل بسرعة لسليم القاعد باوضة المكتب اول ما دخل سليم قام وقف بسرعة يسألة عمل ايه ليطلق ضحكه طويلة قبل ما صهيب يكلمه. سليم... اللي يشوفك وانت طالع متعصب وعنيك كلها شر ما يشفكش وانت مغير هدومك ووشك منور وصغر عشر سنين. صهيب ابتسم على كلام سليم وقفل الباب... وفيها ايه لما اغير هدومي من وقت ما جبتهم امبارح وانا لبسهم. سليم... طيب الهدوم وقلنا ماشي كلامك مقنع بس وشك المنور ولمعة عينك دي ايه. صهيب بابتسامة وعيون بتلمع... بريئة قوي يا سليم بريئة وعفوية بصورة لا يمكن تتخيلها، غصب عنك لازم تصدق كلامها لانه صدق وعفويتها تخليك تضعف وتعيش معها وقت تتمني ما ينتهيش. سليم... للدرجادي. صهيب... انا عرفت ستات ونمت مع ستات ملهمش حصر شفت قد ايه يبقوا مبهورين بيا ويمدحوا وسامتي وجسمي الرياضي قوة شخصيتي، لاول مرة اشوف نفسي في عين ست بعفويتها ورقتها وخجلها، تخليك عاوز تخدها وتبعد بيها عن كل البشر. سليم... انا مش مصدق في بنت بالمواصفات دي. صهيب... أنا زيك وده مخوفني اوي خايف اصدم وتكون ممثلة شاطرة وقدرت تخدعني. سليم.. متفكرش كتير يا صديقي، سيب نفسك اتحرر من سجن حبست فيه نفسك وعيش بحرية معها، الآ اسمها ايه. صهيب... غصن. سليم... حلو الاسم ده هسمية لبنتي لم تتولد غصن سليم . صهيب: ههههه تصدق لايق بس شهد ووالدتك هيوافقوا. سليم.. البنت انا قلتلهم أنا اللي هسميها والولد شهد هتسميه شهاب. صهيب اتعدل.. سليم احمم شهاب عامل اية بيكلمك مش ناوي ينزل. سليم.. كل كام يوم بيتصل يطمن علي شهد وعلى فكرة كل مرة يسأل عليك مرة مباشر ومرة بين الكلام. صهيب... هو عامل اية مع مراته وبنته. سليم... كويس بس الفترة الأخيرة، حاسس انه مش مبسوط علطول بيتهرب من الكلام عنها حتى حماتي وشهد لاحظوا ده ولولي شهد قربت توضع كانت حماتي سفرت ليهم. صهيب... لما يتصل ابق سلم علية، وقوله يرجع. سليم... ما تأخد رقمه وتتصل عليه، وحالوا الخلاف ما بنكم. صهيب... هيجي وقته. سكت على اتصال تليفوني فتح الاتصال دى نمرة غريبه. سليم... شوف مين. فتح سليم الأتصال: الو. ـ السلام عليكم صهيب. ـ باستغراب أيوه مين معايا. ـ ازيك يا صهيب انا الحاجة زبيدة ست غصن، معلش يابني كنا عاوزين نطمن عليكم وصلتوا بالسلامة رحنا المزرعة بعد ما عرفنا باللي حصل لقنكم مشيتوا اخدنا نمرتك من الحاج قاسم واتصلنا نطمن عليكم. ـ احنا بخير وصلنا من بدري وكله تمام. زبيدة... صهيب يابني مش هوصيك على غصن حطها، في عنيك. ـ متقلقيش يا حاجه عليها. ـ زبيدة لو مش عارفه انك راجل وهتحافظ عليها مكنتش جوزتهالك، هي جنبك ادهالي اكلمها. صهيب: لحظة واحدة هوصلها التليفون. صهيب شاور لسليم انه طالع فوق وراجع ميمشيش، طلع صهيب عند غصن فتح الباب لقي غصن وقفه بتتلفت حواليها ولبسه اسدال الصلاة قرب منها ومد ايده بالتليفون... جدتك عاوزة تكلمك. غصن اول صهيب ما دخل الاوضة قربت منه ... مش بقولك جتلي نجده كل ما احتار القيك قدامي. صهيب حط ايده على التليفون يكتم الصوت... في ايه. غصن... عاوزة أصلي ومش لقيه مصليه ولا عارفه القبلة منين. صهيب: القبلة، كلمي جدتك الاول على ما اشوف القبلة دى فين. اخدت غصن التليفون كلمت جدتها وصهيب خرج وسبها براحتها. نزل عند سليم يكمل كلامة. صهيب شرد وهو بيحرك ايده في شعرة ابتسم وكلام غصن بيتردد في ودانه. سليم بيكلمه واستغرب من عدم رد صهيب بص عليه بذهول وضحك بصوت عالي وقام وقف... أنا بقول أمشي بقي انت عريس وانا راجل حسيس. صهيب اتعدل في قعدته اتحمحم.. احمم مالك يابني في ايه. سليم... في إن عقلك مش معايا، شاور بايده ولعب حواجبة عقلك فوق. صهيب... اقعد يا سليم قولي حصل ايه الكام يوم دول في الشركة. سليم فضل يتكلم مع صهيب وعرفه كل حاجه حصلت. سليم... صهيب نسيت أسالك ايه حصل في البلد عرفت مين حط السم في الأكل ولا لاء. صهيب حكي كل حاجه حصلت لسليم. سليم... ايه سواد في انسانه بالشكل ده وشوف يا أخي ربك عقبها بنفس جريمتها وكشفت نفسها بنفسها فعلا إن ربك لبالمرصاد. صهيب... عارف يا سليم رغم كل اللي حصل واللي مريت بيه اليومين دول الأ اني حاسس ان في حمل تقيل، أووى، انشال من على كتافي. وبعد نص ساعة مشي سليم وصلة صهيب وطلع كام درجة من السلم سمع جرس الباب وقف يشوف مين فتحت الخدامة الباب نزل صهيب بسرعة السلم اول ما شاف دكتور اسامة دكتور أريام ومعه الدكتور الالماني، رحب بيهم صهيب و دخلوا يكشفوا على أريام وقراء المؤشرات الحيوية بالأجهزة والارنيك بكل الادوية ومواعيدها. خرجوا للمكتب يتناقشوا في حالة أريام. اسامة بعد مناقشة بالالمانية مع الدكتور بص لصهيب. ـ للأسف مفيش أمل غير الدعاء حالة المدام بتدهور كل يوم عن قبله أسف كن مستعد في اي لحظة ممكن ربنا يأخد أمانته. صهيب بحزن خيم على وشه: مش قلتلى يادكتور اسامة انها ممكن تتعالج بالخلايا الجذعية بعينه من والدتها ومن والدها. اسامة: زي ما سمعتنا بنتكلم جوة... امل ضعيف جدًا حسب التحليل اللي طلب دكتور هاري اننا نعملها الفترة اللي فاتت بتدينا امل عشرين في المية. صهيب... انا متمسك بيهم عرفني ايه المطلوب لبداية العلاج وانا مستعد لكل التكلفة مهما كلف الموضوع. اسامة رجع يكلم الدكتور، وكلم صهيب بعد ما خلص... الدكتور بيحيك على تمسكك بالأمل ده ويبلغك احترامه ليك، وبالنسبة للمطلوب عينه من الاب والأم من النخاع الشوكي وهناخد عينه من دم الوالد والولدة ونطبقها بدم مدام اريام . انتهي الدكتور من شرح المطلوب للبدء بعلاج أريام ودعهم صهيب ورجع المكتب اتصل على عمه وشرح ليه كل اللي قالة الدكتور واتفق معاه يجي للقاهرة لأخد العينة. خرج صهيب ونادي على الدادة، جات الدادة بتمثل الحزن ... تحت أمرك يافندم. صهيب... اسمعيني يا سعاد انا هتغاض عن كل اللي سمعته، وأعتبره محصلش وهفترض حسن نيتك وحبك لأريام كان دافع ليكِ انك تقولي اللي قولتيه وجزء كبير منه كذب هتغاض عن كل ده لاجل السنين اللي عشتيها معانا واهتمامك بأريام، مدام غصن مراتي زيها زي أريام ليها في القصر زى ما ليها خدمتها وطلباتها تجاب زي ما كنتِ بتخدمي أريام احترمها من احترامي لو قليتي منها هعتبر ده موجه ليا أنا. جات الدادة تتكلم سكتها صهيب. ـ الموضوع خلص لحد كده، دلوقتي جهزي العشاء وطلعية اوضة نوم غصن هانم. مشيت الدادة على المطبخ بتحاول تداري غضبها طلبت من الطباخ يجهز العشاء وبعد تجهيزه قالت للخدامين يشيلوه يطلعوه لصهيب في جناح غصن، ومشيت دخلت اوضة نومها اول ما دخلت وقفت قدام المرايا تبص فيها وبكل قوتها رمت كل اللي عليها على الأرض وهي بتصرخ. معقولة بعد مارتحت من اريام وغرورها تجي فلاحة تتحكم فيا أنا وبعدما كنت ست البيت وبتحكم في كل كبيرة وصغيرة تجي دي وتأخد كل ده مني على الجاهز لا عاشت ولا كانت. وقفت تاخد نفسها ورجعت تبص تاني للمرايا وتكمل كلامها انا اهدي يا سعاد وهدى اعصابك وادرسي الموقف كويس واعرف ازاي تنتقمِ منها على اهانتها ليك غير كلام صهيب بيه وتهديده. تعض شفيفها بحقد واديرت ناحية الباب... لما وريتك يا غصن وكسرتك مبقاش انا سعاد قالت كلامها وخرجت من اوضتها مشيت ناحية اوضة شيماء بنت اختها. ــــــــــــــــــــــــــــــــ اللهم استرنا فوق الارض وتحت الأرض ويوم العرض عليك. شيماء اختفت ابتسامتها وقلبها بقي بيدق مش قادرة تقف على رجليها بتهته سألت الخدامة زميلتها. ـ بتقولي ايه صهيب بيه ايه اتجوز. زملتها... مالك يا شيماء دي عاشر مرة تسأليني واقولك أيوي بس لو شفتيها مش هتصدقي تخيلي صهيب بيه اللي ستات البلد بيتمنوا اشارة من ايده، ومراته أريام هانم اجمل واشيك ست في البلد يتجوز دي. شيماء مسحت دموعها وهي بتدير الناحية التانية: مالها يعني هيفرق شكلها في ايه. ـ انا مشفتش شكلها بس مليانه كده ولبسها طويل وواسع تحسي انها كبيرة في السن. شيماء... كبيرة مشفتيش وشها ليه. ـ لبسه نقاب مغطي وشها حتى عنيها مش باينين صوتها مسمع نهوش بس خالتك معها فوق وباين كده الله وأعلم انها كرهاها لله في لله لو تشفي بصاتها ليها هتفهمِ قصدي ايه. شيماء بلعت ريقها بحرقة وخرجت من الاوضة جريت على الجنينة وقفت بين الشجر تبكِ بحرقة شافت من بعيد عربية سليم استخبت وراء الشجر واول ما دخل مشيت بشويش بعد ما مسحت دموعها ووقفت بره القصر وقفت تحت شباك المكتب تسمع كلام صهيب وسليم مقدرتش تتحمل اللي بسمعة، رجعت اوضتها فتحت الباب اتنهدت لما ملفتش، زميلتها رمت نفسها على السرير تبك وتكلم نفسها وهي بتعيد كلام صهيب لسليم. ـ باينه حبها كلامة مع سليم بيه بيقول كده، فيها ايه زيادة عني عشان يحبها وانا لاء انا ليلاتي كنت بستناه لوش الصبح وهو راجع واطمن عليه وياما شافني قدامة وعنيه كانت بتأكد إنه، حاسس بيا واني بحبه، بس لا أنا مش هسكت وهاخد حقي منه بس اعمل ايه اعمل ايه رغدة هي. اخدت تليفونها وضغطت الإتصال وقفلت بسرعة قبل ما يجيها الرد وقالت... رغدة تاني يا شيماء هي السبب في اللي انتِ فيه وادي صهيب راح منك بسبب خططها وافكارها مقدمكيش غير مدام جيداء. هي اللي هتأخدلي حقي منه. اتصلت على جيداء، قالت لها على جواز صهيب. ـ الو ايوه يامدام صهيب بيه رجع بس مش لوحده. ـ مش لوحده ازاي! ـ البيه أتجوز وجاب مراته معاه القصر. ـ اي ي ي. ـ زي ما ي سمعتي حضرتك، شكل عروسته عجبه كان بيقول فيها شعر لسليم بيه انا سمعت كل اللي قاله. ـ غبيه ضيعتي عليا فرصة عمري الأيام اللي فاتت، اسمعيني كويس كل حركة وهمسه تحصل تبلغيني فيها فاهمه، والبتاعة اللي اتجوزها دي كل نفس تتنفسه يكون عندي. قفلت التليفون بعد ما خلصت كلام مع جيداء ورمت نفسها على السرير تبك بحصرة، قامت مفزوعه على صوت فتح باب اوضتها ودخول خالتها. سعاد الدادة... شيماء. شيماء انتفضت من مكانها: ايوه. سعاد بخضة... مالك في ايه. شيماء رمت نفسها في حضن خالتها... اتجوز يا خالتي اتجوز. سعاد بعددها عنها وبصت ليها بشك... مين اللي اتجوز!.؟ ـ صهيب بيه ياخالتي. ـ ما يتجوز فيها ايه، ايه مزعلك اوى كده! ـ غصب عني حبيته واتمنيت اتجوزة حرام عليا فيها ايه اللي اتجوزها زيادة عني ولا عشان فقيرة وبشتغل خدامه. سعاد قربت منها.. هشش ولا كلمة، من امته الكلام ده وليه ما قولتليش. ـ من اول يوم جيت اشتغلت هنا وعنيا وقعت عليه وحكاياتك عنه وعن حبه لاريام مراته وكل ما شوفة قلبي يتنفض كنت برقبه في كل مكان في القصر في المكتب وهو بيعوم في البسين وهو بياكل كنت بستناه لحد ما يرجع اخر الليل سكران عشان بس اقدر أقرب منه. سعاد مسكت ايد شيماء بقوة... تقربي منه ازاي حصل ايه ما بينكم. ـ محصلش يا خالتي محصلش ياريته كان حصل كنت قدرت اتجوزة حتى لو في السر بس مكنش شايفني من أساسه دايما يزعق فيا ويطردني من اوضتة وكل مرة يهددني لو حاولت معه هيطردك ويطردني. سعاد...ليه ما قولتليش ليه ترخصي نفسك بالشكل ده، صهيب بيكرة الست اللي بتترمي تحت رجله، لو كنتِ قولتلي كنت فهمتك تعملي ايه وازاي تعلقيه فيك. ـ خفت خفت منك اوي ياخالتي. ـ سعاد امسحي دموعك وادخلي اغسلي وشك واطمني وحياتك انت كام شهر ولا يطردها من هنا ووقتها لتكوني انت ست البيت واوامرك تجاب على الكبير والصغير. ـ بجد يا خالتي هتساعدني. ـ جاتلي فكرة هتخلينا نخلص من الاتنين في ضربه واحده، وبنفس الوقت يتعلق فيك وهو اللي يجري وراكِ بس عاوزة تكتيك صح من غير ما حد يسمع. سكتوا بسرعه راحت سعاد بشويش تفتح الباب اول ما سمعوا صوت برة الباب مالقتش حد واقف رجعت قفلت الباب وشاورت... مش سمعتي صوت برة صح ولا بيتهيقلي. ـ ايوة سمعت صوت شاهقه. ـ غريبة يعني مش بيتهيقلي، انا قلقت انا هخرج اشوف الوضع برة واتاكد من حد سمعنا ولا لاء وبعد كده للأمان نتكلم في الجنينة او برة القصر. ـــــــــــــــــــــــ اللهم اغفر لنا ذنوبنا وقنا عذاب النار. رفيق بعد ما رجع من القسم واتقبض على ربيع اتصل على زبيده امه قال ليها كل حاجه حصلت وطلب منها تساعده وتقنع سنابل عليه، زبيدة حاولت تهديه وتوعده انها هتحاول بس لازم يتقبل قرار سنابل ايًا كان. سنابل سمعت اللي حصل والأكل الملوث وقلقت على بنتها اترجت زبيدة وراحت معها مزرعة صهيب قابلوا قاسم وعرفوا ان صهيب وغصن سافروا القاهرة، زبيدة طمنت سنابل ان غصن كده بأمان واخدت رقم صهيب الخاص من قاسم يطمنوا علي غصن رجعت البيت هي وسنابل واول ما دخلت اتصلوا بغصن وكلموها واطمنوا عليها ونصحتها زبيدة ازاي تهتم بنفسها وتحبب فيها جوزها وتلبس لبس يعجبه وحزرتها من الدادة وقالت تتعامل معها بحزر وتأخد بالها منها وسنابل ااخدت التليفون وتطمنت على غصن ونصحتها تحافظ على صلاتها وتحاول تقنع صهيب بطريقة هادية للصلاة، وهم بيكلموا سمعوا صوت خبط شديد على الباب والكلام اتقطع واتقفل التليفون. فتحت زبيدة الباب بعد سمعها صوت حفيدها عبدالله. زبيدة: عبدالله؟ رجعت زبيدة للخلف مستغربة من دخول عبدالله وعلاء وغزل ووراهم رشيدة ونعمة وفاطمة ووشهم ما يتفسرش. علاء... ايه ياجدتي مفيش اهلا وسهلا ولا حمدالله على السلامة يا علاء انت وعبدالله. نعمة... ولا حمدالله على سلامتك يانعمة بلاش نعمة فاطنة بت اختك ولا من لقي أحبابه. زبيدة قلبها بيدق. وهي شايفة عنين رشيدة على سنابل لترجع بسرعة تقف قدام سنابل وترفع اديها تحمي سنابل من اي محاولة هجوم منهم. غزل... مالك ياستي خايفه من ايه معقولة خايفة منينَ دا انا غزل حبيبتك ودول ولاد ابنك وحيدك رفيق. زبيدة: عملتي ايه في العيال يا رشيدة وناوية على ايه. رشيدة بحد: على اللي كان لازم يتعمل من سنين يا زبيدة. زبيدة: بس اتأخرتِ قوى يا رشيدة اتأخرتِ لدرجة انتِ ونعمة نقبكم هيطلع على شونه وفاطنة في أديها حاجات كتيره اما احفادي ولاد ابني وحيدي هيقرروا هيقفوا جار مين بعد اللي هقولة دلوقتي. عبدالله... خلاص يا جدتي معتش، بناكل من الكلام ده. علاء... جه الدور نأخد حقنا من اللي كانت السبب في اللي احنا فيه، بداية من اللي حصل مع امهتنا وبعدنا عنهم للحظة اللي احنا واقفين فيها هنا، لازم تموت ويموت هوس، ابونا ليها ويفوق ويعرف ان ولاده كبروا معتش، ينفع يسكتوا على الباطل ولو فضل زي ما هو نحجر عليه ويبق يورينا هيعمل ايه بالحب. زبيدة ضحكت بقوة ضحكة خلتهم يبصوا لبعض بإستغراب نزلت اديها واخدت سنابل وقعدت على كنبة في الصالة... ههههه والنبي طلع دمك خفيف يا ابن فاطنة لا وطلعت نبيه، زى مرات أبوك رشيدة، بس فاتك حاجه الحربيتين نعمة وبتها ما بخهمش في قلبكم. نعمة... انتِ ايه يا شيخة مبتتهديش عاوزة ايه من الدنيا وانتِ بسنك ده. زبيدة: الحمدلله انا اخدت من الدنيا نصيبي واهمهم اطمنت على بنت الغالي وضمنت آمنها وحقها، وريحت ضميري مع باقي أحفادي وكتبت حقوقهم ووزعته عليهم بنصبهم الشرعي عبدالله زيه زي علاء نصبهم بالتساوي بيوت وأراضي وفلوس ومناحل عسل حتى دهبي طلعت نصيبهم فيه، وغزل كمان زيهم طىعت ليها نصيبها بعدل ربنا. نعمة: طول عمرك قوية وعقل ينخاف منه أكيد معملتيش كده لله في لله. رشيدة... أكيد ليك غاية من كل ده. زبيدة... الأول عملت كده عشان احمي احفادي من الطمع في حقوق بعض وكل واحد فيكم تستغل ضعف ابنها وتضره قلبه من ناحية أخوة ساويت بين الولاد، وضمنت حقوق الكبار. علاء بفرحة... معقولة اللي بسمعه ده.! رشيدة.. متفرحش جوي كده استني منشوفوا وراها ايه؟ زبيدة مسكت ايد سنابل اللي بترتعش ونظراتها عليهم كلهم وعلى الواقف عند باب البيت: شرط واحد ليكم كلكم عشان تستلموا ورثكم والشرط ده سنابل تكون بأمان طول ما عايشه وبخير ومحدش فيكم هوب جنبها هتخدوا اللي ليكم، عقلكم وزكم ومشيتوا وراء رشيدة، ونعمة الفلوس والأراضي هتتوزع على المأجرين واهل البلد الغلابة. نعمة بعصبية... متصدقو هاش دا كلام بتقولة عشان تحمي حبيبة قلبها. رشيدة: الماية تكدب الغطاس والورق موجود واللي متعلمين وبيعرفوا يقروا واقفين قدامي، علاء ادير وراك افتح درج دولاب الصيني وطلع الورق واقراهلهم. علاء عمل زى ما زبيدة قالت له خرج الورق وقراء المكتوب فيه، ليلتفوا كلهم وراء اول ما سمعوا صوت رفيق. ـ وانا ياما لغتني من الوجود وزعتي على كيفك ورثتي ولادي وانا عايش على وش الدنيا عملتِ كل ده امته وازاي. زبيدة: ادخل يا رفيق واقفل الباب وراك وخد نصيبك انت كمان. رفيق... نصيبي وايه فاضلي بعد ما قسمتي التورتة. زبيدة: ليه وحريمك دول مش من نصيبك وليهم قسم هم كمان لو نفذتم شروطي انت وهم أكيد الهلومة الكبيرة ليك انت وهم. رفيق: وايه الشرط يا ام عزيز. زبيدة: ام عزيز ههههه وعشان ام عزيز دى اسمع الشرط ليك السرايا بكل الاراض اللي حواليها ومصنع الخضار وتلاجه الفاكهة، ملك ليك ولنسوانك شركة معاك فيهم ويورثوهم من بعدك بشرط واحد وافقت عليه تستلمهم حالا موافقتش يبق منك لعيالك ونسوانك . ـ فاطم: خرجيني أنا يا خالتي من الحسبة دى أنا جيت بس خوف على ابني يعمل حاجه يضيع فيها روحة، غير كده أنا من السعادي مفيش حاجه تربطني برفيق وبعيلة المنسي غير ابني وبس طلقني يا رفيق. رفيق: متقلقيش يا فاطمة اصبري، بس نشوف الشرط قولي يامه شرطك ايه. زبيدة... تطلق سنابل. رفيق: وان قولت لاء مش مطلقها، وزي ما اتفقت معاك هاخدها عروسة، لبيتي يبق هخدها عروسة لبيتي وما يهمنيش الارض ولا المصانع. زبيدة مسكت ايد سنابل بقوة اول ما حسة بخفها ورعشة جسمها واتكلمت بحزم... لو الكلام عجب عيالك ونسوانك معنديش مانع أهو الغلابة كتير. ـ عبدالله... اتكلم يا علاء انت وغزل عجبكم كلام أبوكم ايه يامه رشيدة انتِ وامه نعمة هتسكتوا. علاء... سكته ليه يا مه رشيدة فين كلامك ليا انا وعبدالله. رفيق... بقي انتِ رحتي إسكندرية تقلبي عيالي عليا فكرة بعملتك دي انتِ ونعمه هتخوفنى ولا شروطك يامه يبق متعرفوش مين رفيق المنسي. مشي رفيق كام خطوة ووقف قدام أمه... اسمعوني كلكم أنا قلبي دفته من سنين كتيره دفنته بعشق سنابل، دفنت ابويا واخويا رميت بنته للغريب يربيها بعدتكم عني سنين يعني مش هيفرق معايا وجودكم من عدمه. مد ايده يشد سنابل، وقفت سنابل نطرت ايده... ابعد ايدك متلمسنيش لو فاكر اني هسكت لك تاني تبق غلاطان سنابل بتاعت زمان خلاص اتغيرت لو فاكر انت وهم هخاف منكم لاء والف لاء أنا خلاص مبقتش باقية على الدنيا بنتي ولله الحمدلله رجعت ليا واطمأنت عليها انها بآمان من غدركم مبقتش خايفة خلاص أعيش اموت مش فارقة ولو حياتي مربوطة بالورث والفلوس والاطيان متلزمنيش عيشة كلها خوف واطماع واحقاد وياريت تعملوا اللي انتم كنتم جاين عشانه من الاول، بس قبل منها ارمي عليا اليمين يا رفيق صحيح انه جواز باطل كان غصب عنى بس للأسف لازم تنطقها عشان الحلال، انطقها عاوزة اسمي يفضل مرات عزيز في الدنيا والأخرة، طلقني يا رفيق طلقني. رفيق... مش مطلقك وتعيشي معايا غصب عنك واسمك هيفصل جنب اسمي لأخر يوم في عمري. رشيدة.. بكفياك جنان وغشاوة مليون مرة نقولولك طلقها مهي مش عاو زكاك. نعمة... بطل نعرتك الكذابة دي ارمي اليمين تعبتنا معاك. غزل... ستي شروطك احنا مواففين عليها مش كدا ي علاء انت وعبدالله. رفيق رفع ايده ونزل على وشها سنانها جابت دم من قوة الضربة... اخرسي يا قلية الادب بقي عاوزة تورثيني بالحياء. غزل... بتضربني ليه ما ابن الوز عوام مش زمان قلت كده لجدتي ووقفتلها عشان الورث وزعلان ان جدي كان كاتب كل حاجه لستي. رفيق... وقتها كنت صاحب حق، ورثي من ابويا لكن انتم حقكم ايه، انا عايش وهحرمكم من كل حاجه وهرميكم رامية الكلاب تشحتوا اللقمة. علاء... قبل ما تعملها هنحجر عليك والقاضي هيحكم لينا لاننا هنتهمك بالسفه هنحكي للقاضي عمايلك بالبراهين هنقولة على اللي عملته في بنت اخوك وفينا انا واخواتي، هقولة على رميك ليا انا وعبدالله خمس سنين متعرفش عنا حاجه اخرك قرشين وخلاص تفتكر لما القاضي يسمع كل ده هيحكم لنا،ولا لاء. رشيدة: اسمع يا رفيق كلنا هنا بما فينا امك لينا حق عندك رضيت ولا مرضتش هنأخده. سنابل... طلقني يا رفيق طلقني واخرج من بيت عزيز عزيز اللي موته بقهرته بدل المرة مليون مرة. نعمة... السحر بينقلب على الساحر يارفيق وانت عملت كتير وجه وقت الحساب. فاطمة قربت منه وقفت قدامه... كلنا انكوينا بنارك جه الوقت اللي تدوق لسعة من النار دي بس ياريت تفوق بعدها طلقني يا رفيق. رشيدة... كلنا هنطلق يا فاطمة بس بعد ما كل واحده فينا تاخد نصبها في الثروة. غزل... للأسف يابابا مخلتش ليك حبيب لا ابن ولا زوجة حتى الخدم. عبدالله... طول عمرنا بنتمنا تقرب مننا تعرف مشكلنا وتفهمنا تسال عن احولنا تشوفنا وصلنا لأية لكنن للأسف خزلتنا وضيغت فرحتنا بطعم النجاح وصلتنا للا مبلاة لدرجة انك مش صعبان علينا وانن واقف قدمنا كده وعنيك بتطلب العطف والشفقة على حالك طلق مرات عمي طلقها، كلنا موافين على شرط جدتي. سنابل... طلقني يا رفيق. رفيق عنيه على كل واحد فيهم بيدير مع كل واحد بيكلم قرب من عبدالله رفع ايده يضربه صرخ ومسك مكان قلبه بآلم وقع على الأرض مع صريخ زبيدة باسمة. زبيدة ببكاء رفيييييق. فاطمة.. رفيق حصلك ايه يا خويا عبدالله وعلاء بسرعه شيلوا ابوكم ودوه المستشفى. رشيدة نزلت علي ركبها تفوق رفيق... قوم يارفيق قوم. عبدالله وعلاء شالوا رفيق وركبوا العربية ورحوا المستشفى وجه وراهم الحريم وقفوا كلهم بصدمه اول ما سمعوا صوت الدكتور... جلطة اثرت على النطق والحركة. زبيدة... قعدت مكانها مقدرتش تتحرك تنوح على ابنها بحزن، بصت لرشيدة المنهارة من البكاء ووقفت قدمها. ـ لم انتِ مقهورة قوي عليه كده، ليه لعبتي بعقل عيالة، ووزتيهم عليه. ـ كفاية بقى تقطيم فيا انا فيا، اللي مكافيني، بحبه وقلبي كرة حبة لسنابل فيها ايه زيادة عننا عشان يرمينا كلنا حتي عيالة. زبيدة مسحت دموعها... القلوب ملهاش سلطان يا رشيدة. بصت للكل وقالت... رفيق ابني ونن عني من جوه صحيح وقفتله النهاردة واخدت موقف منه ودست على قلبي عشان انقذكم كلكم من قتل روح بريئة، عاشت مظلومة بسببه وبسببك يا رشيدة صممت افوت عليك خططتك. قرب من ابنها على ااسرير ومتعلق فيها اجهزة كتيرة... ـ اسمعوني كلكم الورث عندكم الاوراق عند المحامي كل واحد نده عقدة بنصيبه بالعدل، لكن رشيدة ونعمة وفاطمة، انتم لسه حريمة وخدمته عليكم. مشيت خطوتين لابنها انحنت باست راسة. سبحان الله داين تدان يا بني والزمن عاد نفسة لنفس المكان واللي عملته في اخوك اتردلك اضغاف وبنفسه. زمان قهرت اخوك بحقدك ولادك ردهالك التفت لاحفادها. ـ خدوا بالكم قوي لانك مع الوقت هتوصلوا لنفس اللي حصله. إن ربك لبلمرصاد، خليكم فاكرين كوبس قوي كلمتي. مشيت زبيدة رجعت لسنابل وقفت تبك قدام صورة عزيز ربك اخد حقك في الدنيا، لس، ولسه عقابه في الأخرة. سنابل... ربنا غفور رحيم يا مه عزيز سامحه وانا مسمحه في حقي الحمد لله بنتي بخير وهي عندي بالدنيا كلها، انا بعد ما اطمنت عليها هعيش الباقي من عمري اعي ربنا يسامحني على تقصيري السنين في حقة. عدت الايام ورفيق رجع السريا بعد ما وضبوها ورجعت زى الأول، كان بيقعد في مكتبه قصاد الشباك على كرسي متحرك عينه على بيت عزيز... ينادى باسم سنابل ويهزي طول الوقت ويحدث شخص طالب السماح. ـــــــــــــــــــــــــــــــــــــ اللهم استرنا فوق الأرض وتحت الارض ويوم العرض عليك. صهيب خلص كلام مع الدادة وطلع اوضة غصن فتح الباب ووقف مذهول من اللي شافه. استغفر الله العظيم واتوب اليه. ـ باقي الاخير غصن ــــــــــــــــــــــــــــــــــــــــــــــــ خرجت ام منصور وقفلت الباب صهيب قرب من غصن ومسح دموعها واخدها بحضنه، حببتي سامحني واوعدك هعوضك عن كل لحظة قضتيها في الحبس بغيرها سعادة واي طلب تطلبيه هنفذه في وقته بس خلينا نمشي من هنا في حاجات كتيره اوى عاوز اقولهالك وهنا مش هينفع. غصن بعدت عنه: ميصحش نمشي خالتي ام منصور هتزعل اوي وكمان انا عاوزة اسلم على ابله سناء وعمي ابو منصور. صهيب قرب أكتر منها وبص في عنيها: حببتي بقولك في حاجات عاوز اقولهالك. غصن بخجل من كلامه وقفت بسرعة: انا هروح اساعد خالتي. صهيب شدهل من ايدها: تعالي هنا مفيش خروج من الاوضه دى غير على الاستراحة. غصن: صهيب ميصحش ومفيش حد غريب عشان . صهيب : والاخين اللي برة دول ايه. غصن: قصدك الاستاذ صلاح ومنصور، دول محترمين اوي عمرهم ما خرجوا العيبة من بقهم. صهيب: وعنيهم اللي عليك من ساعة ما دخلتي، وخصوصا صلاح ده عنيه وتعبير وشه بيقولوا حاجات كتيره اوى. غصن: الاستاذ صلاح ده طيب اوي وحنيته مش على حد. صهيب بحدة وغيرة: غصن. قطع كلامه واخد نفس طويل، يهدي من نفسه: لولي عارف انك عفوية كنت اخدتك ومشيت من هنا واستحالة هسمحلك طول ما انا عايش تجي هنا. خبط الباب قطعوا كلامهم سمح صهيب بدخول اللي برة دخلت ام منصور تقولهم العشاء جاهز ، صهيب خرج ماسك في ايد غصن لقوا ابو منصور وسناء رجعوا سلمت غصن عليهم وقعدوا اكلوا ويتكلموا، غصن بين الكلام سألت على حورية والبنات. سناء: بعد العشاء هنحكيلك كل حاجه. خلصوا اكل وقامت سناء وغصن يشيلوا الاطباق ونظرات صهيب على صلاح اللي عنيه من فترة للتانية على غصن حاول يمسك اعصابه وميمدش ايده عليه، ابو منصور رحب بيه. ابو منصور: شرفتنا يا صهيب بيه. صهيب وعينه على صلاح اللي وقف من مكانه لسه هيكلم قطعة منصور. منصور: صلاح شغل التليفزيون نشوف اعلنوا رمضان بكرة إن شاء الله ولا لاء. ابو منصور: ان شآء الله هيكون بكرة روايح رمضان هله والبركة في كل حاجه وكفاية تشريف صهيب وغصن لينا وان شآء الله فطرهم اول يوم عندنا هنا. صهيب برفض: لاء. ابو منصور: لاء ليه يابني. صهيب لحق نفسه: لاء اول يوم عندي في المزرعة ان شآء الله اول يوم فطركم كلكم عندي. ابو منصور: قول كده، وماله يابني عندنا ولا عندك واحد. خرجت غصن بتبكِ من المطبخ وام منصور سندها وسناء وراهم. صهيب اتفزع راح ليها: غصن في ايه. ام منصور: مفيش حاجه هي بس زعلت على وفاة الست حورية، والبنات لما عرفت ان ابوهم خدهم لمراته التانيه. صهيب: اولا البنات يستهلوا اللي حصل لهم وبالنسبة للولدتهم الله يرحمها دا عمرها وان شآء الله هخلي حد يعملها عمرة في رمضان باسمها اكرام لدفعها عنك وكلامك عليها. بعد وقت هديت غصن واعلن ان رمضان وقاموا راحوا الجامع صلوا الترويح وغصن صلت مع ام. منصور وسناء رجع صهيب واستأذن منهم واخد غصن ومشيوا الاستراحة بعد ما اكد ان الفطار عنده في المزرعة. منصور بعد ما خلص صلاة ترويح مشي في الاراضي الزرعية يكلم نفسه. ـ مالك يا منصور فرحت ليه كده لما شفتها انساها غصن بقت مرات راجل تاني ميصحش انك تفكر فيها انت من الأول محبتهاش كلام غاليه عليها وكلام ماما وسناء جذبني ليها خلاص يا منصور من هنا ورايح غصن اختك الصغيرة. صلاح فضل في الجامع رفض يرجع البيت وطلب من. منصور يتصل عليه لما صهيب يمشي مش هيقدر يشفها ماشيه معه. بعد وقت اتصل عليه منصور ورجع البيت دخل اوضة نومه كلمته امه ـ صلاح دي أخر مرة تفكر في غصن اعتبرها اختك ومن هنا ورايح تحترم جوزها واللي حصل النهاردة ميتكررش. صلاح مقدرش يكلم مع والدته اكتفي بهز راسه وغمض عينه ولما اتاكد من خروج امه من الاوضة فتح عينه وكلم نفسه. ـ خلاص يا صلاح غصن راحت لصاحب نصبها، ابعد عن البلد يا صلاح عشان تقدر تنساها. ــــــــــــــــــــــ خرجت غصن وعنيها، على بيت حورية نزلت دموعها غصب عنها صهيب لف ايده حوليها واخدها بحضنه لحد ما ركبها العربية ومشيوا للمزرعة وصلوا قدام الاستراحة صهيب كلم الغفير وقاله يبلغ كل الشغالين في المزرعة ان فطار اول يوم عنده وبعد ما دخل الاستراحة اتصل على عمه بلغه برجوع غصن ليه وعلى الافطار اللي هيعمله في المزرعة وطلب منه يجهز كل حاجه، قفل مع عمه ادير يكلم غصن ملقهلش سمع صوت مايه في الحمام ابتسم ودخل اوضة النوم غير هدومه وقعد مستني غصن بعد وقت قام راح ليها عند الحمام وبيضرب كف بكف ساعتين ساعتين لا بقا مابدهاش انا هدخل. عينه لمعت وكمل: ده حتى كده احسن كان تايه عنى فين. حط ايده على اوكرة الباب لقاها قافلة من جوه يخبط وينادي وهو سامع صوت المياة. صهيب: كل ده يا حببتي؟ غصن: شوية وخارجه اهو. صهيب: ما تفتحي طيب لو قدامك كتير. _غصن: خمس دقايق . راح قعد على السرير بيفرك. خمس دقايق ايه بس ياربى قربنا على السحور ، دى بتعمل ايه ده كله. فتحت الباب وطلعت بتنشف فى شعرها،بتتكلم بفرحه. المياه حلوة الواحد مكنش عايز يطلع من تحتها، صهيب وقف وراح ليها : اخيرا خرجتي ولما الماية حلوة اوي كده كنت نادي عليا. _غصن بخجل ضربته على صدرة ومشيت صرخت بخضه وصهيب بيشلها ورايح ناحية السرير. غصن *صهيب نزلني عاوزة اسرح شعري. بذمتك جوزك حبيبك بقاله أسبوعين بعيد عنك ماوحشكيش انتِ وحشاني موت. غصن بخجل: موحشنيش أصله معايا على طول. قام قرب منها بفرحة وعنيه بتدمع واخدها فى حضنه انا قولت شقية مصدقتنيش. نيمها على السرير وهو حضنها وشوشته فى ودنه: بالراحة فى هنا صهيب صغير. بعد عنها بسرعة ووقف بذهول يبصلها: انتى قولتي ايه؟ غصن بفرحة شاورت على بطنها: فى صهيب صغير شاقي هنا. هز رأسه وبلع ريقه : عيدى كده اللي قولتيه وعرفتي ازاي وامته؟ غصن بتوتر: مالك يا صهيب انت زعلت كده ليه. صهيب: زعلت ايه بس انا مش مصدق. وبصوت عالى انا هبقى ااااب. قرب منها.. عرفتي امته واتاكدتي ازاي. غصن: من يومين وانا فى السجن تعبت واحده من المساجين قالتلي. صهيب: واحده ايه انا هجيب دكتور يطمني. غصن: اطمن انا إتأكدت امال قلتلك ليه. صهيب: انا لازم اطمن عليك وعليه قالها وهو بيلمس بطنها بايده. غصن: اطمن وهدي حالك ام هاني جابتلى بتاع كده اسمه اختبار حمل من الصيدلية خلت وحده قربيتها تجيبه فى الزيارة واتأكد. صهيب : ولو انا لازم اطمن عليكم واسمع واتأكد من الدكتور واعرف ايه المطلوب واعمل ايه ويكتب ليك مقويات ومغذيات انت خاسة اوي ووشك باين عليه التعب. غصن بتبص لنفسها: خاسه ايه يا صهيب انا زى الكرنبه اهو. صهيب: كرنبة ايه بس دا الهدوم وسعت عليك ازاي، انا هتصل على عمي يجيب الدكتورة ويجي. اتصل على عمه وبعد شوية جه مع الدكتورة ، وبعد ما كشفت عليها خرجت. مبروك المدام حامل، صهيب معلش اكشفي مرة تانيه وطمنيني عليها واكتبي ليها مقويات وفيتامينات. الدكتورة: دي رابع مرة اعيد الكشف غير اختبارين الحمل من الصيدلية وبالنسبة للمقويات انا كتبتهم في الروشتة. صهيب بفرحة اخد عمه بالحضن: اخيرًا ياعمي هبق اب عدنان هيجي للدنيا. قاسم مبروك يابني مبروك يا ابو عدنان. صهيب: يبارك فيك ياعمي، بعد اذنك اول النهار ما يطلع خالي الجزار يدبح عشر عجول وفرق على كل بيت في الخمس عزب ولو مكفوش ادبح عشرة غيرهم وكل يوم طول شهور الحمل لحد عدنان ما يشرف بالسلامة تدبح عجل يتفرق على الغلابة والفقراء في البلاد اللي حوالينا. قاسم: ربنا يقو مهالك بالسلامة يابني، بقلك يا صهيب في موضوع ﻋوزك فيه. صهيب: امر ياعمي. قاسم: متزعلش مني هو صحيح مش وقته وانا لو عليا بعد اللي عرفته مش هيهمني بس هي ملهاش ذنب واكرام الميت دفنه. صهيب اختفت ابتسامته: فهمك ياعمي اول ما يطلع تصريح الدفن هعمل ليها عزاء وادفنها بمدافن العيلة مهما كان دي مراتي وعلى زمتي وزي ما قلت ملهاش ذنب. بعد ما مشي عمه والدكتورة دخل صهيب الاوضة على غصن بفرحة. الحمدلله اناكده اطمنت غصن: يا مفترى علشان تتأكد تخلي الدكتورة تعيد الكشف اكتر من مرة. صهيب: لو أطول اكتر من دكتور مكنتش اتأخرت بس تعالى هنا حامل في شهر ونص ومتعرفيش. غصن ببلاهه: اذا كان انت اكبر منى ومعرفتش انا هعرف. يضحك بهستيريا ويخدها في حضنه وينام جنبها عندك حق انا غلطان، قال اعرف قال. عدي الليل ومن اول النهار صهيب واقف على ايد الجزارين والعمال بيتابع بنفسه كل حاجه ، وتجهيز الفطار واتصل على الحاجة زبيدة جدة غصن جات اول معرفت هي وسنابل ومن كتر فرحتها بحمل غصن فضلت تزرغت وخدها في حضنها ذهلت من كلام غصن وعن اللي حصلها زبيدة عتبت على صهيب وقاسم وغصن عرفت اللي حصل لعمها رفيق، وطلبت من صهيب انهم يزوروه ، قرب المغرب جه ابو منصور، وعيلته معدا صلاح رحب بيهم صهيب واتاكد من وجود مشاعر لغصن بقلب صلاح، حمد ربنا انه مجاش لانه مكنش هيتحمل نظراته لغصن. اتجمع الرجال واتعرفوا وبعد الفطار استأذن ابو منصور يمشي لارتباطة بمواعيد شغله بالمستشفى مشي ابو منصور واتفق مع منصور يستني مع امه واخته ويرجع معهم البيت. اندمج كل الموجودين واتجمع الكل لصلاة الترويح، طلب قاسم من صهيب يشوف الطريق يدخل الحمام يتوضأ، دخل صهيب قدامة نادي على غصن يقولها عمه هيدخل يتوضأ. غصن: خليه يتفضل ستى وامي وام متصور في اوضة النوم ببيصلوا وابلة سناء في المطبخ بتجهز الشاي والحلو للرجالة. دخل قاسم بعد ما قاله صهيب اتوضأ وهو خارج عينه وقعت على بنت خارجة من المطبخ وقف مكانه مش عارف يعمل ايه وهو شايفها بتصرخ وبداري وشها بإديها وبترجع تدخل المطبخ . خرج قاسم بسرعة من الاستراحة كأن حد دلق عليه ماية، بعد إنتهاء الصلاة قعد شارد عينه على باب الاستراحة بيسأل حالة. ـ ياتري مين دي ياقاسم، معقولة تكون سنابل، لا لا جري لعقلك ايه سنابل شفتها مرة زمان مش شبه دي، ايوه الزمن بيغير بس بردة مش بالشكل ده، هتعرف ازاي هي مين، مش هينفع تسأل صهيب يقول ايه دخلت بيتة كشفت حريمة. فضل يفكر هي مين مش مركز في اي كلام للموجودين جنبه ومركزش في مين قاعد ومين مشي ، اتعدل في قاعدته اول ما شاف ست كبيرة في السن ماشيه مع ست تانيه منقبة واول ما شاف منصور ماشي نحيتهم ملامح وشه اتغيرت. غصن طلبت من صهيب تزور عمها بعد الحاح منها وافق صهيب واخدها وراح لسرايا رفيق اول ما شفتها زبيدة كانت خايفه عليها من رشيدة وغزل ونعمة، قبلتهم ورحبت بيهم ودخلتهم اوضة رفيق من غير ما تنطق اسم غصن، دخلت غصن شفها رفيق حاول يتكلم مقدرش، قربت منه غصن وقعدت على طرف السرير مسكت ايده اللي بيحاول يرفعها ووطت باستها وقالت له. ـ انا مش زعلانه منك ياعمي ومسماحك على كل اللي حصل وقلبي مش شايل منك بالعكس انا بحمد ربنا اني عشت بعيد عنكم وبقيت غصن وبس راضية باللي قسمه ربنا ليا وربنا عوضني بصهيب عن ايام الظلم والعذاب اللي عشتها. بكى رفيق ونطق بصعوبة: سامحني وخالي سنابل تسامحني. خرجت من عنده قابلت نعمة ورشيدة وفاطمة وولاد رفيق صهيب حاوطها بدراعه ومشي ناحيه الباب وقفها عبدالله. ـ مش تسلمي يا بنت عمي على ولاد عمك. غصن وهي مدياله ضهرها لو على الواجب ياابن عمي تجيب خواتك وتجي تزور بنت عمك وتشرفها قدام جوزها وعيلته وتعرفوه اني ليا أهل وعزوه وسند لما الدنيا تميل والايام تجي عليا اركن عليكم وأتباهى ان ليا ولاد عم. عبدالله بص لعلاء اللي بص للأرض وقال: عندك حق يا بنت عمي حقك عليا بس عزرنا احنا معرفناش بوجودك غير من فترة صغيرة غير تعب ابويا. غصن: عزركم معاكم يابن عمي عن اذنكم وبيتي مفتوح ليكم في أي وقت وآه نسيت ستي انا مش عاوزة اي ارض وفلوس أنا عشت عمري باكل من شغل ايدى، الحمدلله ربنا رزقني من وسع فضله واداني راجل مقتدر ومش حرمني من أي حاجة. خرجت غصن من بيت رفيق، غصن طلبت من صهيب يتمشوا بالطريق بين الزرع وافق صهيب ومشيوا غصن اول ما قربت من أرض حورية وقفت تلف حوالين نفسها وقربت من شجرة جميز وحضنتها صهيب غصن بتعملي ايه. غصن صهيب سيب نفسك واعمل زيي غمض عينك وافرد ايدك وسيب نفسك وخالي الريح تخدك ويها وتخليك توديك لبلاد وتجيبك من بلاد. ضحك بصوت عالي وقف يتلفت حوالين منه مغمض عينه وفاتح ايديه على وسعها وبيشم ريحه الزرع. بعد شوية كملوا مشي وهو في طريقهم قابلوا ست قاعدة قدام بيت اول ما قربوا من البيت حس بجسمه بيتنفض نزل عينه في الارض وسرع في خطواته وماسك غصن بايده بيمد بسرعه عاوز يبعد عن البيت وقف بعد كام خطوة على صوت حد بينادي عليه. الصوت: يابيه يابية. صهيب وقف مردش عليها وخطى خطوه ووقف مرة تانيه على صوت الست. الست: معرفتنيش يابيه. صهيب وضهره ليها هز راسه كانه بيقولها عارفك كويس. الست: سامحني يابيه السكينة كانت سرجاني ونار ابني كانت لسه جايدة في قلبي عقلي مكنش فيا وكلام الناس كان بيودني ويجبني بس والله العظيم من ساعة ما عقلي ارتاح وربنا نور بصرتي وعرفت ان ده قضاء وقدر وانك ملكش يد وانا بدعي اني اقابلك واستسمحك ودعاتلك في الحرم وانا في العمرة وقلت ربنا يروق بالك ويريح قلبك ويرزقك بالبنات والولاد لحد ما تتلخبط في اسماءهم، ويديك ويراضيك ما انا عرفت انك اللي طلعتني العمرة من كام يوم لما شيخ الجامع قالي انك طلبت منه يختار عشر ه من اهل البلد يطلعوا على حسابك واختارت اسمى وقلتله ما يعرفنيش انك اللي مطلعني.. ابتسم صهيب وهز راسه وقال: ده حقك عليا صحيح جه متأخر بس زي ما حد قالي متأخر احسن من انه ما يجيش خالص. الست: قبل ما تمشي سؤال يابية صحبك اللي كان معاك وايا الحاج قاسم بتشوفه. صهيب: شهاب. الست: مش فكرة اسمه بس الله يجبرك ان شفته سلم عليه وقوله ربنا يخرجه من كل ديقه زي ما خرج ابني من العربية قبل ما تتحرج ويرزقه بسعادة الدنيا والاخرة انا دعايتله هو راخر، ربنا يسعدكم يابيه ياريت تسامحني انا كنت شديده عليك. صهيب التفت ليها شكرهها واخد مسك ومشي للاستراحة اخد غصن وقف قدمها ومن غير اي كلام حضنها وفضل يبك وصوت بكاه عالي طبطبت علي كتفه وقالتله. غصن : تعالي اقعد ارتاح شكلك محتاج ترتاح باين عليك التعب والارهاق. صهيب بعد عنها ومسح دموعه وابتسم ليها: انا من اكتر من تلات سنين ما حستش براحه الا لما دخلتي حياتي ودلوقتي لما ام أشرف كلمتني . غصن : ربنا عنده كل حاجه بمعاد احمد ربنا واشكره على النعمة دى وخرج حاجة لله تشكره بنعمة وكرمه عليك. عدت ايام رمضان وفي يوم من أيامه الأخار جات سناء تعزم غصن وصهيب على الفطار عندهم واصرت غصن انها تقعد معها. ـ الله يخليك يا أبله سناء خليكِ شوية انا عاوزه اتكلم معاكِ من زمان مقعدناش سوى نفسي اشبع من كلامك واتعلم منك. صهيب: اتفضلي يا أستاذة انا كمان من كتر ما غصن بتكلم عنك وعن ودروسك اللي بتعلمهالي غصن حبيت أشكرك وارجوا انك تكرمي وتدرسي لغصن لان ناويت اخليها تتعلم القراية والكتابة واقدم لها في مدرسة. غصن: ههههه هو بعد ما شاب انا الحمدلله راضية بنصيبي اهم حاجه اتعلم اقراء عشان اقرأ القرآن من المصحف صح واتعلم ديني عشان ولادي اعرف اعلمهم لما يكبروا ان شآء الله. سناء: وليه مش الإتنين ياغصن القراية والكتابة وتكملي علامك عشان تذكري لولادك ويفتخروا بيك. غصن وعنيها على صهيب: لو على القراية والكتابة انا متأكدة ان صهيب هيعلمني بنفسه ولو على انهم يفتخروا يكفني نظرة ابوهم ايه ليا وولادي هيطلعوا لا بوهم وزي ما هو شايفني عيالي هيشفوني. سناء: لا انت فصيحة ياغصن وشطرة وانا واثقة انك ان شآءالله هتكوني ام عظيمه وولادك هيكونوا فخورين بيك. غصن: ربنا يسعدك ياابلة سناء، انا الاهم دلوقتي اتعلم اقراء من المصحف لان في سور كتير مش حفظها وعاوزة اتعلم آيات التحصين والرقية لأجل كل يوم اقراها لصهيب وهو ورايح جاي من مصر لهنا كل يوم عشان راحتي انا وهو ماشي ببق حتي ايدي على قلبي وبدعليه ودمعتي مبتنشفش لحد ما يرجع بالسلامة. صهيب بلع ريقه وعنيه لمعت وبص لغصن بحب لولي كلام سناء مسك نفسه يقوم ياخد غصن بحضنه. سناء: حاضر يا غصن ان شآء الله كل يوم بعد المدرسة هعدي عليكِ يا اما تجيلي البيت واهو يبق صلاح يحفظك القرآن بالتجويد. صهيب بحده: لاء صلاح لاء. سناء: ها. صهيب بسرعة لحق نفسه: قصدي حضرتك تجي هنا افضل عشان ظروف غصن والحمل وكده، هنا انا مش موجود معظم الوقت هتكونوا برحتكم. سناء اتفهمت كلامه: تمام ان شآء الله هقول لبابا وماما ونبتدي من بعد العيد. غصن: طيب بعد اذنك تحفظني كام صورة اقراهم في الصلاة وترجعي معايا أية الكرسي اصل صهيب غلب معايا وانا مش عارفه احفظها وراه. سناء: اكيد طبعاً وبدءت تقرأ وغصن وراها وصهيب بيردد في سرة زى عيل صغير خايف صوته يعلي. قاسم المحامي اتصل عليه بلغه ان النيابة انهت التحقيق مع جيداء وحولتها للمحكمة وان تصريح الدفن خرج من مده والنيابة امرت بالدفن قفل مع المحامي و جه لصهيب يعرفه ان النيابة امرت بدفن جثة أريام وهو ماشي في المزرعة قرب من الاستراحة سمع صوت رفع عينه ناحيته لقي صهيب وغصن ووحده منقبه قاعدين بيتكلموا وبعد شويه قراءت القرآن ا قرب يشوف، مين دي بتقرأ القرآن. وقف مكانه يسال نفسه : ياتري صوت مين ده؟ انا اول مرة اسمعه؟ بس حلو قوي. ضحك على نفسه: جرى ايه يا قاسم هو من كتر قعدتك لوحدك تميز الأصوات ده بتاع فلان وده بتاع علان اهو صوت واحده وخلاص،. شافه صهيب جاى قام وقف يرحب بيه: اهلا عمى. قاسم: اهلا بيك يا بن اخويا. غصن سلمت مد ايده وعينه راحت على البنت المنقبة يسلم عليها . : سلمت عليه غصن علشان متحرجهوش، ابله سناء مش بتسلم على رجاله صهيب علق: عمى بعرفك على ابله سناء كانت جارت غصن وفى مقام اختها. قاسم: أهلا وسهلا نورتي المزرعة . قاسم وهو بيرجع ايده وعينه بتلمع بينطق الجملة بهمس بين شفايفه باستمتاع ابلة سناء مش بتسلم على رجالة. صهيب واقف بيبص على عمه ولمعه عنيه فابتسم : اتفضل اقعد يا عمى واقف ليه. قاسم : لا ندخل المكتب علشان الابله وغصن ياخدوا راحتهم فى الكلام. قاسم اتفضل ياعمي بعد اذنكم هندخل احنا جوه. دخل صهيب وقاسم اللي فتح الشباك اول ما دخل المكتب ووقف عينه على سناء. قاسم: مين دي يا صهيب وبنت مين في المنيسة. صهيب بضحكة خفيفة.: دى مش من المنيسة ياعمي دي ساكنه هنا في الخبيري. قاسم: في الخبيري تطلع بيت مين دي. صهيب: هي ساكنه في الخبيري مش من عيله الخبيري. قاسم: ايه ألغازك دى ما تقول كلام مفهوم وبتها فين فر الخبيري. صهيب: دي بنت تمرجي شغال في الوحدة الصحية وساكنين اخر الخبيري مع التماميه. قاسم: قول كده. صهيب: على فكرة مش متجوزه وهتجي كل يوم تدي غصن درس. قاسم بفرحه خفها بسرعه واتحمحم: وانا مالي متجوزه ولا لاء وماتجي برحتها انت حر في بيتك. صهيب: ههههه من باب العلم بالشيء وان شآء الله هتبتدي من بعد العيد. قاسم: بعد العيد حلو اهو الواحد يقدر يمشي كل يوم لهنا برحته. صهيب: بتقول حاجه ياعمى. قاسم: احمم بقولك المحامي اتصل. صهيب: خلاص ياعمي فهمت هتصل على سليم وشهاب وحضرتك اتصل على المحامي يستلموا الجثة ويجوا على هنا ندفن ونعمل العزاء. قاسم بصوت مكسور: عارف ياصهيب قد ايه انا ندمان على جوازي من جيداء وندمان أكتر إني متجوزتش بعد ما طلقتها، قول غباء مني قول خيبة بس خوفي أكسر بنتي هو اللي منعني زائد وهم اني مش بخلف والكذبة اللي عيشت هالي جيداء خلتني مش عاوز اظلم اي ست وحرمها تكون ام اتريها خدعتني عشان تورثني. صهيب: انسي ياعمي والوقت لسه قدامك حضرتك تقدر تجوز وتخلف وتعيش حياتك اللي اتحرمت منها بخدعة حقيرة. قاسم بحصرة: اخلف في سني ده انا خلاص الحمدلله على كده. صهيب: عمي فكر بلاش موضوع الخلفة بس اتجوز تلاقي واحدة تونسك، تعدى الليل عليك لو في يوم تعبت تبق جنبك تديك العلاج وتسهر على راحتك تبقوا عكاز بعضيكم. قاسم: في سنى ده ياصهيب انا قربت من الستين . ـ ماله سنك ياعمى ولو سبعين تمانين الحمدلله صحتك كويسه وجسمك رياضي ولولي وفاة بابا الله يرحمه، ومسكت العيلة والارض كان زمان حضرتك من اكبر رجال الأعمال. قاسم: خلينا في موضعنا الاساسي واي حاجة تانيه خليها بعدين. صهيب : في حاجه كمان ياعمي كنت هاجي اخد رايك فيها بعد الفطار. قاسم: حاجه ايه دى. ـ مهران. ـ في جديد في القضية. ـ النهاردة اتحكم على بثينة خمستاشر سنة شغل بتهمة القتل الخطاء ومحاولة القتل، ومهران هيخرج بعد كام يوم، انا زرته إمبارح واتكلمت معه، لاول مرة يصعب عليا لو شفته مكنتش تصدق ده مهران أبداً. ـ زرته انت يا صهيب. ـ تصدق ياعمي انا نفسي مش مصدق بس كلام غصن عن صلة الرحم وتقولي خد اخوك تحت باطك ده من ريحة أبوك لو مكنتش انت الكبير تخده في حضنك وتحاجي عليه مين هياخد يااه لو فضلت اقولك على اللي قالته محتاج يومين خلاصة القول ياعمى لخصته في ايه واحدة « ادفع بالتي هي أحسن فاذا الذي بينك وبينه عداوة كانه ولي حميم» وكان عندها حق مهران هزني ياعمي هزني لدرجة اول ما عيني وقعت عليه شفقت عليه ومقدرتش ابعد عنه اخدته في حضني ومن وقت ما رجعت من عنده وانا بفكر اخرجه من حالته ازاي، اخدت براي غصن. ـ هو ايه الرأي ده. ـ قبل ما اقول رايها الاول هدخله مصحة يتعالج فيها وغصن اقترحت انه يكون معايا منين ما روح وانا اقتنعت بكلامها ، هاخدة معايا القاهرة واشغله بالشركة ويكمل دراسة وان شآء الله هتكون عيني عليه وسليم وشهاب الوقت اللي انا هنا فيه بالبلد. ـ عين العقل يا صهيب، مهران كويس ابوك مربية زي مرباك على الرجولة والشهامة وحب الخير هي امه منها لله زرعت جواه الغيرة والحقد عليك، خده في حضنك وحاجي عليه زى ما مراتك قالتلك وان شآء الله ينصلح وينعدل حالة. صهيب وقاسم فضلوا يتكلموا واتفقوا على مراسم دفن والعزاء واتصل صهيب بسليم وفهمه كل المطلوب منه وقاسم اتصل بالمحامي وبعد وقت من النقاش بينهم خرج قاسم وصهيب وراحوا ناحية غصن الواقفة تسلم على سناء وتودعها، استاذن قاسم بسرعة منهم وخرج ركب عربيته وقرب من سناء هدى العربية وبصوت هادي. ـ اتفضلي يا أبلة اوصلك الطريق طويل غير الهيش والبوص كلب ولا تعلب يطلعوا فجأة قدامك. ـ متشكرة يا حج قاسم زي ما جيت منه هرجع ان شآءالله مفيش حاجه هتحصل. ـ قاسم بحرج السعادى ساعة ضهريه ومفيش فلاحين في أراضيهم والطريق زي ما انت شايفه ومش من الزوق ولا الواجب أمشي واسيبك يا اما تركبي العربية يا اما هنزل انا وامشي قريب منك لحد ما توصلي البيت. ـ لو سمحت ياحج مايصحش كده، ازاي بس تنزل وتمشي المسافة دى والناس لو شفونا يقولوا ايه. ـ طيب نقسم البلد نصين ايه رايك اركبي العربية وراء وانا هسوق قبل بيتكم ابق انزلي. بعد تفكير وافقت سناء ركبت العربية وراء وساق قاسم لحد ما وصل بيت سناء ورجع البيت عنده، فضل طول اليوم يفكر في كلام صهيب. ــــــــــــــــــــــــــ اللهم اغفر لى ولوالدي وللذين سابقون بالإيمان. غصن دخلت الاستراحة وصهيب جالة اتصال تليفوني من الشغل فضل يتكلم وقت وبعد شوية دخل الاستراحة لفت انتباه صوت غصن بتكلم حد، قرب من المطبخ سمع غصن. ـ مبروك البراءة يا ام هاني فرحتلك قوى. ـ يبارك فيك ياغصن لولي جوزك واللي عمله كنت اسجنت ظلم اشكر هولي وانا بشكرك يابنتي على مساعدتك ليا. ـ تصدقي بايه معرفتش باللي صهيب عمله غير النهاردة الصبح بعد المحامي ما كلمة وقاله انك خرجتي. ـ باينه بيحبك أوى ياغصن، ربنايسعدكم ويخليكم لبعض يارب. ـ صهيب قلبه ابيض زى البفته وحنيته مش على حد ربنا يسعده زى ما بيسعدني. ـ يارب ياغصن يارب، شكلك بتحبية اوى. ـ بحبه دى حاجه بسيطة صهيب مش بس يتحب صهيب ابويا واخويا وجوزي وابني وكل حاجه بالنسبالي صهيب ينعشق يا ام هاني، انا نفسي اسعده واعمله حاجه وحده قصاد اللي بيعمله عشاني. صهيب طاير من الفرحة من كلام غصن قرب بشويش منها اول ما خلصت كلام مع ام هاني وحضنها من غير ما تشعر بدخوله المطبخ دفس راسه في رقبتها يتنفس ريحتها بحب اتخضت غصن وقعت تليفونها على الارض انكسر، اديرت بسرعة تتأسف لصهيب ان التليفون انكسر، قطع كلامها واخد شفيفها في بوسه طويله كل ما غصن تحاول تبعده يتعمق اكتر فيها، بعد عنها بصعوبة يأخد نفسه وانحن شلها ودخل بيها اوضة النوم نزلها على السرير وهو معها لتصرخ فيه غصن. ـ صهيب احنا في رمضان حرام اللي هتعمله ده. بعد صهيب ووقف بسرعة يبلع ريقة بصعوبة وصدرة بيعلي وبيهبط، وعينه على غصن اللي وقفت بسرعة صهيب قرب منها مسكها من وسطها قربها منه، عينه في عينها. ـ انا بقيت مجنون غصن اعمل فيك ايه كل كلمة بتخرجيها من بقك بتوديني لعالم تاني، غصن انا مش بس بعشق انتِ بقيتِ الدم اللي ماشية في عروقي. ـ غصن بصت للارض تداري دموعها صهيب مد ايده رفع وشها وقرب شفايفه يبوس مكان الدموع بعدت غصن لوراء وهي بتفك ايديه من حولين وسطها وتجري تخرج من الباب خرج صهيب وراها لقاها دخلت الحمام وقفلت عليها. صهيب قرب من الباب: غصن افتحي الباب قفله بالترباس ليه. غصن منطقتش بحرف شغلت الماية وفضلت وقفه بعيد كلمت صهيب: مش خارجة لما تخرج برة الاستراحة ما تجيش غيرعلى المغرب. صهيب : كده ياغصن ماشي اوك هخرج بس متنسيش انتِ اللي بديتي. غصن من وراء الباب : اخرج ياصهيب عاوزة اخرج اجهز الفطار. صهيب مشي ناحية باب الاستراحة فتحه وقفله بصوت جامد ومشي بشويش لحد ما وصل قرب الحمام وغصن اول ما سمعت صوت الباب فتحت باب الحمام وجريت على المطبخ وقبل ما توصل مسكها صهيب وهو بيضحك. ـ فكره نفسك شاطرة وذكيه وهتهربي مني. غصن بصرخه: اخص عليك ياصهيب خضتني، طاه انا زعلانه منك صهيب: ههههه وانا مقدرش على زعلك وهصلحك دلوقتي وهجهز معاكِ الفطار. صهيب بعد عن غصن وبداء يساعدها في تجهيز الفطار، خلصوا الفطار والمغرب أذن وفطروا وصلي صهيب بغصن المغرب، وبعد الفطار جالة اتصالا تليفوني وشه اتغير تمام. ـغصبن قربت منه مالك ياصهيب في ايه. صهيب أخد نفس: سليم اتصل النيابة رفضت تسليم جثة أريام ليه وانا اللي لازم أستلمها. غصن قربت منه: روح ياصهيب دى مراتك، ومكتوبة باسمك وفوق كل ده مالهاش ذنب في اللي حصل. صهيب نزل مصر بعد ما اتصل على عمه ورجع مع شهاب وسليم وتم دفن اريام وعمل عزاء حضره كبار رجال الأعمال والسياسة في البلد ومعارف صهيب وقاسم. رجع صهيب الاستراحة بعد يوم خافل من الإرهاق والتعب حاسس بقلبه موجوع ومش عارف يخرج وجعه رمي نفسه على السرير وغمض عينه، قربت غصن وقعدت جنبه تلعب في شعرة زى ما بيحب وقالت له. ـ ابك ياصهيب. متكسفش ولا تخاف بلاش تكتم وجعك. فضلت تكلمه وتطلب منه يكلم بلاش حالته دي. ـ صهيب بصوت مخنوق عارفه ياغصن وانا بدفن أريام متأثرتش وقلبي موجعنيش زي يوم ما دفنت ابوي وامي وابني مش عشان اللي عرفته لاء صدقيني هي ملهاش ذنب فيه بس جالي تبلد غريب امكن لان كنت متوقع اللحظة دى أي وقت، مش عارف ايه حصلي وقتها ولكن وانا راجع بالطريق حاجه قالتلي لو ده حصل لحد تاني قريب منك حالتك هتكون عامله ازاي، وقتها قلبي جاله نغزه غريبة. اتعدل صهيب وقعد قدام غصن: غصن اوعدني متسبتيش أبداً ولا تخبي عليا اي حاجه واوعدك اكون كتاب مفتوح قدامك واحكيلك كل ماضيا واللي جاي من عمري بس متبعديش عني أبداً. غصن رفعت اديها تمسح عرقه من على جبينه وبعفويه زى عادتها: ماضيك ده خلاص مايهمنيش حصل وخلاص المهم اللي جاي واحنا مع بعض، صهيب انت طيب قوى يا تبان شديد وعصبي والحقيقة دمعتك قريبه وحنيتك متتوصفش ربنا بيحبني وراضي عليا اني مراتك وان شآء الله هبق ام ولادك العشرة وهنعيش مع بعض لغاية ما يجي أمر الله اللي لازم نستعدله ونعمل ليه، صهيب أنا بحبك اوي. صهيب اخدها بحضنه وطبطب عليها انتِ جيتي ليا منين ياغصن للدرجة دى ربنا بيحبني عوضني بيكِ انا بعشقك يا غصن بعشق لدرجة حاسس ان قلبي متفتحش قبل منك كل نبضه فيه بتقول كده من اول لحظه ليا معاكِ مش الغريزة اللي حركتني ده شعور وانجذاب مكنتش عارف ايه أساسه لكن عرفت دلوقتي. عدت الايام وانتهي رمضان وسناء بقت كل يوم تيجى تدي الدروس لغصن ومعظم الوقت صهيب مش موجود وقاسم بقت عادة عنده يروح المزرعة ينتظر سناء وهي دخله وهي خارجه يلح عليها يوصلها سناء كانت بترفض وتسيبه وتمشي وفي يوم وقف العربية ونزل قدمها كلمها. ـ أبله سناء بعد اذنك عندي كلمتين عاوز اقلهملك وياريت تقولي رايك بعد ما انهي كلامي، انا هروح لوالدك اتقدملك هينفع ولا لاء، انا قلت اشوف رايك وهل والدك هيوافق ولا يرفض؟ سناء بخجل: والدي ليه مطلق الحرية بالموافقة والرفض لكن بابا قبل اي قرار هيجي يسألني على رايي وانا هقولة موافقة بس الاول اعمل صلاة استخارة. قاسم مش مصدق قلبه بيدق ومش قادر يسيطر على فرحته: قلتي ايه. سناء: بعد اذنك تقدر تروح لبابا تكلم معه. مشيت سناء بسرعه من قدامه وهو باصص عليها وهي ماشية وابتسامته على وشه لحد ما بعدت فاق من حالته وطلع تليفونه واتصل على صهيب وقاله يجي البلد في موضوع مهم، جداً. صهيب بفزع: عمي غصن. قاسم: يابني بقلك عاوزك في موضوع مهم غصن مالها بس، انا هستناك قدام الوحدة مدامك قربت من البلد هنروح نقابل حد هناك. وصل صهيب ونزل بسرعة من العربية لقي عمه واقف مستنية قرب منه... عمي قلقتني في ايه. ـ تعالي بس وهتعرف كل حاجه دخلوا المستشفى سال قاسم عن ابو منصور ابتسم صهيب وبص لعمه بمكر جه ابو منصور سلم عليهم، قاسم: ابو منصور في موضوع خاص عاوز اكلمك فيه. ـ بقلق اتكلم ابو منصور خير يا قاسم بيه. قاسم من غير مقدمات وكلام فاضي انا طالب القرب من كرمتك هو المفروض كنت اتشرف وأجي بيتك بس قلت لو في قبول اجي واجيب عالتي كلها مفيش يبق ماسببش حرج ليا وليكم. واقف مش مستوعب اللي بيتقال: انت يا قاسم بيه عاوز تجوز بنتي أنا. ـ ليا الشرف يوم ما نسبك واسم كرمتك يبق على. اسمي. ـ انا لو عليا موافق بس لازم أخد رايها في الاول هي واخواتها ووالدتها اتفضل شرفنا اشرب الشاي انت وصهيب بيه ونشوف رايها. خرجوا وركبوا عربية صهيب وراحوا لبيت ابو منصور دخل الاول عرف مراته بان معه ضيوف وخرج مرة تانيه رحب بيهم ودخلهم البيت قعدوا في الصالون دخل منصور وصلاح اللي طول الوقت متجنب الحديث مع صهيب ويبصوا لبعض بغيرة وضيق. قاسم طلب ايد سناء مرة تانية قدام الكل وام منصور سألت بنتها قالت هتعمل صلاة استخارة وهترد بعد يومين. عدي اليومين وقاسم على اعصابة وصهيب بيضحك على عمه اللي شبه مقيم عنده كل يوم يجي يشوف سناء من بعيد يفضل واقف في شباك مكتب صهيب لحد ما تمشي ومفيش مرة كلمته يسأل غصن قالت ليها حاجه غصن تقوله لاء، غصن ابتسمت وردت عليه: عمى قاسم أبله سناء قالت تقدر تروح لوالدها تتفقوا. قاسم صهيب سمعت غصن قالت ايه ولا بيتهيقلى. صهيب ضحك: هتفضل واقف كده يلا بينا على بيت ابو منصور قبل ما العروسة تغير رايها. بالفعل قاسم اخد كبار عيلته وصهيب واتقدم لسناء ووافقت وتم كتب الكتاب واصر قاسم يعمل فرح يفرح بيه سناء ولبست فستان أبيض وجاب ليها ميكب أرتست وغصن كانت معها معظم الوقت وبعد انتهاء الفرح ومشي كل المعازيم طلع قاسم وسناء اوضة نومهم رفع قاسم النقاب وشاف وش سناء لتاني مرة اول مرة في الشوفة الشرعيه وكتب الكتاب في نفس اليوم ودى المرة التانية ساعدها تشيل الطرحة والحجاب ودخلت تبدل هدومها واتوضت وصلوا مع بعض سنه الزواج وركعتين شكر لله اخدها قاسم وراحوا للسرير قعدها عليها وكلمها بحنان. ـ سناء عاوز اقولك كلمتين، هو سؤال حيرني كنت عاوز اساله قبل كده بس كنت بخاف تفهمني غلط وبردة كنت بخاف اصدم من الإجابة. ـ سناء بابتسامه أسال مع اني عارفه السؤال. ـ جوبي عليه مدام عارفه. ـ وفقت عليك ليه وفرق السنن كبير ما بنا انا قربت من الاربعين وانت ستين، مش هقولك اني مخفتش من الخطوة دي لاء خفت ولما بابا سألني قالي السن وانتي رفضتي كتير بعد خطيبك الله يرحمه، جوبته وقلت له انا رفضت كل اللي اتقدمولي لان محستش، معهم بالأمان يااما مطلق وعاوز زوجه لعيله او زوجه وخلاص مش هتكلفه حاجه او ارمل محتاج ام لولادة وفي الحالتين لو كنت حسيت مع حد بالأمان كنت، وافقت على واحد فيهم لكن انت يا قاسم من اول يوم شفتك فيه حاسيت اني في آمان. قاسم ريحتي قلبي. قرب منها وسألها هي جهزه تبق مراته شرعًا هزت راسها وعنيها في الارض من الخجل. بعد شويه صرخه مكتومه أعلنت عن ملكيته لها تزامنا مع تلك الدمعة التى سقطت من عيناها ليزيحها بطرف أصبعه ينظر إلى ملامحها المتألمة عيناها المغمضة يهمس بدفء : حاسة بايه موجوعة، اوقف؟ سخر على حاله بداخله: حقا، سيتوقف كيف بعدما ذاق عسل وصالها. سناء ببراءة زادت نيران بقلبه: مش عارفة يا قاسم. قاسم: اااه يا سناء قوليها تأنى. فتحت عيناها له لملامح وجهه القريبة منها للغاية بعد نبرة التوسل التى لمستها بصوته: اضطرب قلبها بجنباتها وهى تراه بهذا الضعف ليكمل هو بعدما رأى نظراتها له: انا محتاجك اوى يا سناء اقترب منها دفن راسه بعنقها: انتى الست الوحيدة ال رجعتي قلبي يدق تأنى انتى ال رجعت يلى ثقتي بنفسي ورجولتي وعلشان كده سامحينى مش هقدر اوقف. سناء بهمس بأذنه القريبة من شفاهها: وانا ملك ايديك. لم ينتظر اكثر من هذا ليبحر معها لذاك العالم تستكشفه على يده هو لا غير. ــــــــــــــــــــــ اللهم نصرًا لغزة. سليم في المستشفى رايح جاي قدام اوضة العمليات صهيب وشهاب اول ما عرفوا. صهيب: اهدي يا سليم ان شآء الله هتقوم بالسلامة. شهاب: يابني امال لو كانت اول مرة كنت عملت ايه. سليم: عاوز اعرف مالك بارد كده مش اختك اللي جوه دي، مش خايف عليها. شهاب: طبعاً اختي حبيبتي وقلقان بس هتستفاد ايه من قلقي، انا ادعلها ان ربنا يقومها بالسلامة والبيبي يطلع ليها قمور ورقيق زيها مش شبهك خالص. سليم: عجبك كده يا صهيب سامع كلامه. شهاب: وهو كمان ربنا يستر على ولاده، لو طلعوله. صهيب: مصيرك تقف الوقفة دى في يوم وهقولك نفس الكلام. بعد وقت، خرجت الممرضة تشيل بنت جميله اوي على اديها ادتها لسليم. ـ اتفضل بنوتة زى القمر. ـ سليم شالها وباس جبنها وعنيه دمعت، قرب صهيب وشهاب. ـ الحق يا صهيب بنت اختي طبق الاصل سليم لاحول الله البنت مش هتجوز. ـ سليم ابعد الشيئ ده بعيد عني يا صهيب. صهيب: أذن للبنت يا سليم وقلها اسمها، وسيب شهاب عليا. سليم: هسميها غصن زى ما قلتلك قبل كده. صهيب: لاء غصن لاء. سليم: لاء ليه. صهيب: لاء وخلاص سميها اي اسم غير غصن. سليم: خلاص ياعم هسميها ورد بلاش غصن، تعالي ياورد يا حبيبتي لابوكِ بكرة يتحايل عليا اجوزك لابنه وانا ارفض. شهاب: ههههه سليم اتهبل. صهيب بهمس: قال غصن قال عشان يعملهالي سلوانة وكل شوية ينادى علي بنته غصن حببتي واتجنن أنا. بعد اسبوع صمم صهيب وعمل سبوع بنت سليم عنده في بيته الجديد اللي، حضر السبوع قاسم وسناء وزبيدة وسنابل وغصن وام شهاب. شهاب دخل المطبخ يجيب مايه للرجالة وهو خارج اتخبط في حد رفع عينه شاف واحدة جميله اتأسفت ليه ودخلت المطبخ جابت مشروبات وخرجه شيلهم وهو واقف مكانه جاله صهيب لما اتاخر لقه واقف وعينه على مكان مش بتتحرك، قرب منه وبحده. ـ شهاب واقف عندك كده ليه. شهاب وعينه على اللي خبط فيها: صهيب كويس انك جيت مين اللي قاعده جنب غصن وماما دى. صهيب بص عليها: قصدك اللي لبسه كحلي بتسأل ليه. ـ مين يا صهيب بجد تعرفها ولا انادي على ماما اسالها. ـ فهمني بتسأل ليه وانا اجوبك. ـ عاوز اتقدم ليها. ـ صهيب انت اتجننت يلا اخرج برة وبلاش جنانك ده وحسك عينك تدخل هنا لما تعوز حاجه اطلبها وانا هجبها. شهاب: في اي يا صهيب مالك اتحمقت كده ليه هي تقربلك ايه عشان تتعصبب كده. صهيب: حاجه بسيطه خالص تبق حماتي والدة غصن. شهاب.: ايه. صهيب: يلا ياشهاب لو حد من الحريم اخد باله من. وقفتنا كده هيبق منظرنا بايخ. شهاب: انت متأكد. صهيب: امشي يا سليم قدامي بلاش جنانك ده. مرت الايام والشهور وشهاب بيحاول يقنع صهيب يتقدم لسنابل وكلم صهيب سنابل رفضت رفض تام رغم موافقة غصن وزبيدة لكن سنابل رفضت وصممت على رايها، شهاب قابلها في المستشفى ايام ولادة غصن لابنها واتكلم معها حاول يقنعها ان فرق السن مش عائق بينهم رفضت وقالت استحالة اتجوز بعد عزيز. ــــــــــــــــــــــ اللهم نصرًا لغزة يتعجب له اهل السموات والأرض. بعد عشر سنين صهيب واقف يبص على غصن وهي ماسكه فاس صغيرة بتزرع في جنينه بيتهم الجديد وجنبها ولادهم. صهيب: مفيش فايدة فيك يا غصن صحتك يا حببتي لو مش خايفه على نفسك خافي على بطنك قربتي تولدي. غصن: قول جنابك خايف على ابنك مش عليا. صهيب: هههه هو انتي وهو ايه مش حبايبي تعالي هنا ايه اللي انت عمله في الولاد ده ممسكهم فوس وهم في السن ده. غصن: صغيرين ايه بسم الله عليهم عدنان قرب علي عشر سنين، وعزيز قفل تمانيه وقاسم وسليم خلاص ست سنين وشهاب اربع سنين دول بقوا رجالة لازم يعرفوا ان مش عيب الواحد يشتغل ويتعب ويأكل لقمته بعرق جبينه. صهيب: حببتي الكلام ده لو محتاجين دول ولاد صهيب الخبيري لو فضلوا يصرفوا طول عمرهم في فلوسه مش هتخلص سيبي الولاد يعيشوا حياتهم ويدرسوا. غصن: اولا قول بسم الله ماشاء الله ما يحسد المال اللي صحابه، وكمان انا عاوزة ولادي يتعبوا ويبنوا نفسهم ويعرفوا يحفظوا على القرش اللي تعبوا فيه، والاهم من الفلوس يتعلموا دينهم ويطلعوا حافظين القرآن. صهيب: في دي عندك حق امال فين حبيبة ابوها مش شيفها مع اخوتها. غصن: مع امي جوة. صهيب حسس على بطنها: لسه مش عاوزة تقول لي الدكتورة قالت والد ولا بنت. غصن: هتفرق معاك في ايه لو على الولاد الحمدلله ربنا يبارك فيهم عندك خمسه والبنات عندك حبيبة قلبك ست غصن اللي اخدتك مني، اعمل حسابك اللي جاي في السكة ده انا اللي هسمية انت فاهم. صهيب: لاء المرة الجاية سمية برحتك لكن ده لو انا. غصن بخضة: هو لسه في مرة تانية. صهيب: تانية وتالته وعشرين انا وحيد وانت قلتي عشر ولاد ومش هنزل كلمتك الأرض أبداً . غصن: صهيب . صهيب: بصي كمليهم عشرة و لو تعبتي ممكن اتجوز وحده تانيه تجيب العشرة التانين. غصن: جريت وراه نعم ياخويا تعمل ايه اوقف هنا بتهرب ليه. صهيب: هههه بهزر ياحبيبتي انتِ عندي بكل ستات الدنيا وبردة مش هتنازل عن عشرين ولد منك. غصن: ايوة كده اتعدل بكلامك. صهيب قرب منها اخدها بخضنه وباس جبنها ومشي معها: انا اكتفيت بيك عن الدنيا كلها عيوني مش بتشوف غيرك وقلبي مش بيدق غير باسمك وكمان انا عجزت مين هترض براجل عجوز وشعرة ابيض. غصن بخجل: ربنا ما يحرمنيش منك أبداً يارب عجوز دا انت هتفضل في عنيا شباب على طول والشعر الأبيض ده زينك . مسك اديها وباسها شقيه ياغصن طالعه لستي زبيدة مش، لماما سنابل. غصن انا اتعلمت الكلام بعد ما حبيتك. صهيب: مبيحللكيش الكلام ده غير قدام الولاد لما نبق لوحدنا مش بسمه منك حاجه من ده، بس لما نبق لوحدنا هعرفك تقوليه ازاي. لف ايده على كتفها وشاور لولاده اللي التفوا حوليهم يلعبوا معهم وصوت ضحكهم مالي المكان. تمت. بحمد الله. منى عبدالعزيز. ـ