منال علي 1
قلبي دق بسرعة.
قلت:
“خير؟”
قالت بتردد:صفحه روايات واقتباسات
“معلش… هو حضرتك استلمتي النتيجة بنفسك؟”
استغربت.
قلت:
“لأ… سلفتي هي اللي استلمتها.”
سكتت ثواني.
وبعدين قالت الجملة اللي قلبت حياتي كلها…
“يبقى لازم تيجي المعمل بكرة ضروري… لأن في حاجة خطيرة جدًا حصلت في ملف حضرتك.”
قفلت السكة… وإيدي كانت بتترعش.صفحه روايات واقتباسات
ماكنتش أعرف إن اليوم اللي هروح فيه المعمل، هيكشف أكبر خيانة حصلت ليا من أقرب واحدة دخلتها بيتي…
وإن الحقيقة هتخلي العيلة كلها تقف ضد ريهام لأول مرة.
يتـبع
طول الليل ما غمضليش جفن.
كل كلمة قالتها الموظفة كانت بترن في ودني:
“في حاجة خطيرة جدًا حصلت في ملف حضرتك.”
أول ما النهار طلع، لبست بسرعة ونزلت من غير ما أقول لحد.
حتى كريم كان نايم، وسيبتله رسالة قصيرة:
“رايحة المعمل… ولما أرجع هنتكلم.”
وصلت المعمل، والموظفة أول ما شافتني قالت:
“اتفضلي يا مدام نور… دكتورة المعمل مستنياكي.”
دخلت وأنا قلبي هيقف.
الدكتورة طلعت ملفين من الدرج، وحطتهم قدامي.
وقالت بهدوء: صفحه روايات واقتباسات
“حضرتك متأكدة إنك كل مرة كنتي بتستلمي النتيجة بنفسك؟”
قلت:
“لأ… في أغلب المرات سلفتي هي اللي كانت بتاخدها.”
بصتلي بحزن وقالت:
“إحنا اكتشفنا أثناء مراجعة داخلية إن في أكتر من مرة حصل تبديل في نسخ التقارير اللي خرجت من مكتب الاستلام.”
افتكرت كل مرة كانت ريهام تصر تدخل قبلي.
وكل مرة كانت تخرج ماسكة الملف وتقولي:
“استحملي.” صفحه روايات واقتباسات
إيدي بدأت ترتعش.
قلت للدكتورة:
“يعني إيه تبديل؟”
فتحت الملف الأصلي، ولفته ناحيتي.
وقالت:
“دي نتائجك الحقيقية.”
بصيت…
والصدمة خلتني مش قادرة أتكلم.
كل التحاليل مكتوب فيها:صفحه روايات واقتباسات
“النتائج مطمئنة، ولا يوجد ما يمنع الحمل بصورة قاطعة، ويُنصح فقط بالمتابعة مع الطبيب.”
رفعت عيني للدكتورة وأنا مش مستوعبة.
قلت:
“أمال الورق اللي عندي؟”
طلعت نسخة تانية.
كانت هي نفس الورقة اللي ريهام جابتهالي.
