هوس عشق١
لاحظت صفاء تأخر بنتها قالت – هروح اشوفها
طلعت فوق ملقتش حد راحت اوضتها وفتحت عليها
كانت واقفه عند الدرج قالت – معلش يماما اتاخرت
-كنتى فين
-جيت الاوضه حسيتنى تعبانه
-طيب لما تبقى كويسه تعالى
-حاضر
خرجت قعدت براحه وكانت خايفه ينكشف امرها
فتحت الدرج وخبت الفستان كويس عشان متشوفهوش
-غبيييه.. لو كان فضحك كنتى هتعملى اى
افتكرت شكله كيف كان مخ\\يفه وعروقه ونفسه كان سخن اوى وهو قريب منها
حطت ايدها على وشها بندم مكسوفه من وقوفها قدامه بذلك الشكل
-مكنش فستان.. ده قميص نوم… عايزه ادف\ن نفسي
كان واقف فى مكتبه بيدخن دخل خليل وشافه قال
– مروحتش المحل ليه
– تعبان
استغرب اول مره أسر يقوله جمله زى دى
-تعبان مالك.. حصلك حاجه من آخر عمليه
-لا بفكر فى شغل بردو.. لما اخد قرار هبلغك بلاخبار الحلوه
ابتسم وقال – إذا كان كده ماشي
-عايز اى
استغرب خليل بس ضحك وقال – حافظنى
-اكتر من نفسي ياعمى
قعد على الكرسي وقال – عارف وزير الداخليه رشيد العدل
-اكيد عارفه
-عايز العلاقه مبينا تكون أقوى من كده
-بمعنى؟!!
– عرفت ان عنده بنت وحيده وجميله قريبه من سنك
– ادخل ف الموضوع علطول
قال بجديه-اتجوزها
اتصدم أسر من طلبه قال – اتجوز بنت وزير داخليه..انت عاوزنا ننسابهم
– قولتلك لازم العلاقه تبقا قويه
– نسيت شغلنا ولا انت وحشك اللعب بالن\ار.. وجود شخص زى ده ف العيله مش هيبقى لصالحنا
– بالعكس انا اخترت بنته هو بالذات عشان ابوها
– بس انا مش عايز اتجوز
– مش هتفضل اعزب كتير يا اسر.. شوف البنت لو معجبتكش ارفضها وفرصه هى كمان تشوفك
– اشمعنا انا.. عندك صالح
– انت عارف كويس اشمعنا انت.. لأنى واثق انها هتحبك مش بعيد هى الى تطلبك
-هشوفها فين ؟!!
– كلمت رشيد ومكنش عنده مانع تاخدها من بيتها لمطعم راقى.. وواثق فى ذوقك يا اسر
– انت محضر كل حاجه
– اكيد مش جوازة ابن اخويا وابنى
مردش عليه ونفث دخان سيجارته
قال خليل – البنت من عيله محترمه جدا وهتنفعنا اوى.. اعتبره شغل
قال أسر- لما اشوف انا الموضوع ده
خرج وسابه دخلت فاتن من بعده قالت
– قال اى
– هيوافق.. لازم يوافق
جت سمر وشافتهم قالت – واقفين كده لى…
يلا العشا ولا أى يفاتن
قالت فاتن بابتسامه ضيقه – جيت اقوله أصل الشغل بياخده مع أسر
بصتلها بضيق ومشيت قابلت صالح خدته وقالت
– انت مش ناوى تركز فى شغلك
– – ف اى يماما
-يعنى اى ف اى.. اسر واخد منك الجو مع خالك
– بجد كويس، اخويا دايما بيشرفنا فى الشغل
– انت هتفضل غبى لحد امتى وعامل زى الكلب الى بيمشي وراه وبينفذ وبس
اضايق صالح ممن كلامها قال – انا مش كلب يا امى
– الى بتعمله بيدل على كده.. انت مش تابع لحد بالعكس اثبت انك احسن منه ولما يتكلم على عليه
– اننى عايزه اى
– عايزه اشمت فى فاتن مره بدل ما هى فاكره نفسها صاحبة البيت بسبب ابنها
– ماشي يماما هعلى لى ومش هسمع كلامه.. تحبى بالمره
– لا مش مضطر
تنهد منها وقال – استغفر الله استغفر الله
مشي وهو مضايق من كلامها
