سيف ومريم
منال عباس
وصلنا للبوابة ولقينا ياسر واقف قدام العربية
أول ما شافني بصلي فترة طويلة وقال
سبحان الله
إنتي شبه أبوكي بشكل كبير
قربت منه وقلت
إنت تعرف بابا
قال
أعرفه أكتر مما تتخيلي
سيف وقف قدامي وقال
اتكلم بسرعة
ياسر بصله وقال
واضح إنك لسه زي ما أنت
قاسي ومش بتثق في حد
سيف رد ببرود
ومش هبدأ أثق فيك دلوقتي
ياسر ابتسم وقال
أبوك كان عارف إن اليوم ده هييجي
وبعتني ليكي
قلت بسرعة
هو فين
قال
في مكان آمن
لكن قبل ما أقولك مكانه لازم تعرفي الحقيقة
سيف مسك إيدي وقال
مش هنا
ياسر بص لإيده اللي ماسكة إيدي وبعدين بصلي وابتسم
واضح إن أبوكي كان فاهم أكتر مما توقعت
بصيت لسيف واتوترت وسحبت إيدي بهدوء
لكن سيف قرب مني وقال بصوت منخفض
متبعديش عني
أول مرة أسمع صوته بالطريقة دي
كان فيه خوف حقيقي
مش خوف على نفسه
خوف عليا
دخلنا القصر وقعد ياسر في المكتب
وأنا قعدت جنب سيف
بدأ ياسر يحكي
قال إن أبويا من سنين اكتشف إن في حد من عيلة سيف كان بيحاول يستولي على مشروع كبير
وإن الشخص ده استخدم داليا علشان يوصل لمعلومات كانت عند أبويا
اتصدمت
وقلت
داليا كانت تعرف كل ده
قال
داليا عرفت جزء منه
لكنها مكنتش لوحدها
سيف سأل
مين كان معاها
ياسر سكت
وبعدين قال
شخص قريب جدا منكم
عمي حمدي دخل فجأة وقال
كفاية
ياسر بصله وقال
ليه خايف يا حمدي
أنا بصيت لعمي حمدي
وحسيت إن وشه اتغير
سيف وقف وقال
عمي
إنت تعرف حاجة
عمي حمدي قال
أنا كنت بحاول أحميكم
سيف رد
تحمينا من مين
عمي حمدي بصلي وقال
من الحقيقة
سيف قرب منه وقال
قول
عمي حمدي اتنهد وقال
والدك يا سيف مكنش السبب في اختفاء أبو مريم
لكن الشخص اللي تسبب في كل ده كان أقرب حد ليه
سيف سكت
وبعدين قال
أخويا
عمي حمدي هز راسه
كريم
أنا شهقت
وقلت
كريم
عمي قال
كريم كان صغير وقتها لكنه شاف حاجة مكنش المفروض يشوفها
سيف اتغيرت ملامحه
وقال
إنت بتقول إن كريم كان عارف
عمي رد
أيوه
وفي نفس اللحظة دخل كريم المكتب
وكان واضح إنه سمع كل حاجة
بصلي وأنا كنت غاضبة ومجروحة
وقلت
إنت كنت عارف من البداية
كريم قرب خطوة وقال
كنت عارف جزء
قلت
وليه سبتني أتعذب
قال
علشان داليا هددتني
صرخت فيه
وصدقتها
رد
كنت غلطان
وبعدين بص لسيف وقال
بس أنا مش هخليهم يأذوها تاني
سيف وقف قدامه وقال
إنت فقدت حقك فيها من اللحظة اللي صدقت عليها كذبة
كريم بصلي بحزن
وقال
عارف
وبص لسيف وقال
بس واضح إنك أنت اللي كسبت قلبها
