سيف ومريم
منال عباس
إنت كنت تعرف أبويا
قال
أكتر مما تتخيلي
سألته
طب ليه مقلتليش من الأول
قال
علشان كنت مستني أتأكد إنك مريم الحقيقية
اتراجعت خطوة
وقلت
يعني إيه مريم الحقيقية
سيف بصلي طويلا
وقال
علشان في بنت تانية كان المفروض تدخل القصر من سنين
قلت
مين
قال
أختك داليا
حسيت إن نفسي اتقطع
قلت
داليا
قال
أيوه
عيلتنا كانت فاكرة إن داليا هي البنت اللي أبوكي كان مخبيها عنهم
قلت
بس أنا أخته
قال
وده اللي محيرني
وقتها فهمت إن الموضوع مش مجرد خطوبة اتفسخت ولا أخت سرقت خطيبي
في سر قديم بيربط عيلتي بعيلة سيف
وسر يمكن يكون هو السبب الحقيقي في كل اللي حصل
وفجأة باب المكتب اتفتح
وكان كريم واقف
وشه كان شاحب وعينيه مليانة صدمة
بصلي وقال
مريم
أنا لازم أقولك الحقيقة
سيف وقف قدامه وقال
متقولش حاجة هنا
كريم رد
لأ
الوقت فات
وبصلي وقال
داليا كذبت عليك
بس هي كمان كذبت عليا
وأنا عرفت الحقيقة من يومين
سيف قرب منه وقال
كريم
لكن كريم كمل
مريم
إنتي مش البنت اللي أبوكي اختفا بسببها
إنتي السبب اللي الكل كان بيدور عليه من سنين
اتجمدت مكاني
وقلت
أنا
كريم هز راسه
وقال
أيوه
وساعتها سيف بصله بنظرة مرعبة وقال
إنت كده فتحت باب عمره ما هيتقفل حكايات منال عباس
وقفت مكاني وأنا مش قادرة أستوعب كلمة كريم
أنا السبب
إزاي يعني أنا السبب في كل اللي حصل
بصيت لسيف لقيته ساكت وملامحه قاسية بشكل مخيف
قلت وأنا صوتي بيرتعش
عايزة أفهم
كريم قرب مني وقال
أبوكي قبل ما يختفي كان سايب ورق مهم جدا عند واحد من معارفه
الورق ده كان فيه أسرار تخص العيلتين
قلت
وأنا مالي بكل ده
قال
لأن أبوكي قبل ما يختفي قال إن الورق هيوصل لمريم
بصيتله وأنا مش فاهمة
قلت
بس أنا مكنتش أعرف أي حاجة
قال
إحنا عارفين
وعلشان كده سيف كان بيراقب كل حاجة حواليكي من سنين
بصيت لسيف بصدمة
وقلت
إنت كنت بتراقبني
قال بهدوء
كنت بحميكي
قلت بعصبية
تحميني من إيه
رد
من ناس كانت مستنية اللحظة اللي تعرف فيها مكانك
كريم بص لسيف وقال
بس في حاجة إنت مخبيها عنها
سيف رد بحدة
كريم متكملش
لكن كريم بصلي وقال
أخويا كان عارف إن داليا بتخطط تفرق بينك وبيني
شهقت
وقلت
إنت كنت عارف
سيف سكت
قلتله
كنت عارف إن أختي بتكدب عليا وسايبها
قال
كنت مستنيها تكشف نفسها
صرخت
وبسبب انتظارك أنا خسرت كريم
سيف قرب مني وقال
إنتي خسرتي شخص كان مستعد يصدق كذبة عنك
لكن كسبتي الحقيقة
