سيف ومريم
منال عباس
حكاية سيف ومريم
حصرى لبيدج روايات منال عباس
الثاني والاخير
نزلت ورا سيف وأنا مش قادرة أصدق إن داليا وصلت للقصر بعد كل اللي حصل
كنت فاكرة إنها هتدخل مكسورة أو خايفة أو حتى تحاول تعتذر
لكن أول ما شفتها فهمت إن الموضوع أكبر بكتير
كانت داخلة بثقة غريبة ولابسة فستان أنيق وشكلها كأنها صاحبة المكان
وأول ما عينيها وقعت عليا ابتسمت
وقالت
مبروك يا مريم
بقيتي هانم القصر
بصيتلها من غير ما أرد
سيف وقف قدامي وقال
إنتي جاية ليه يا داليا
قالت وهي بتبصله
جايه أتكلم معاك
قال
اتكلمي
ردت
لوحدنا
سيف بصلي وقال
مريم تفضل هنا
داليا اتوترت وقالت
بس الموضوع يخص كريم
أول ما سمعت اسم كريم قلبي اتقبض
قلت
كريم ماله
داليا بصتلي وقالت
هو عايز يقابلك
سيف اتغيرت ملامحه وقال
مفيش مقابلات
داليا ردت بسرعة
بس هو لسه خطيبي
سيف قال
وده موضوعك
لكن مريم بقت مراتي
وبالتالي أي حاجة تخصها تخصني
داليا سكتت
وأنا لأول مرة حسيت إن سيف واقف في صفي فعلا
مش علشان الجوازة
ولا علشان الفضيحة
لكن علشان هو مقتنع إني مظلومة
داليا بصتلي وقالت
إنتي فاكرة إنك كسبتي
ضحكت وقلت
أنا مش في مسابقة
قالت
لأ
إنتي في حرب
وقربت مني وقالت بصوت واطي
والحرب دي مش هتخلص بسهولة
سيف وقف بينا وقال
كفاية
داليا بصتله وقالت
أنا عارفة إنك مش بتحبني يا سيف
بس قبل ما تحكم عليا اسأل أخوك هو ليه فجأة غير رأيه في مريم
سيف اتجمد لحظة
وأنا بصيتله
قلت
إيه قصدها
مردش
داليا ابتسمت وقالت
هو لسه مقالكش
سيف قال بعصبية
اخرجي
لكن داليا قبل ما تمشي قالت
اسأليه عن اللي حصل ليلة الحادثة
وسابتنا ومشيت
وقفت أبص لسيف
وقلت
حادثة إيه
قال
مفيش حاجة
قلت
داليا قالت حادثة
قال
هي بتحاول توقع بينا
قلت
بس أنا عايزة أعرف الحقيقة
سيف سكت
وبعدين قال
تعالي معايا
طلعنا للدور العلوي
دخل غرفة مكتبه وقفل الباب
وقفت قدامه وقلت
أنا مش هخرج من هنا غير لما أفهم
قال
من حوالي خمس سنين حصلت حادثة في عيلتنا
قلت
إيه اللي حصل
قال
أبوكي كان طرف فيها
اتصدمت
وقلت
أبويا
قال
أيوه
أبوكي كان شريك لوالدي في مشروع كبير
والمشروع ده انتهى بخسارة ضخمة
قلت
وأبويا عمل إيه
قال
اختفى
حسيت إن الكلام بينزل عليا زي الصاعقة
قلت
أبويا عمره ما هرب
سيف بصلي وقال
أنا عارف
قلت
إزاي
قال
علشان أنا كنت موجود
وسكت لحظة
وبعدين قال
أنا آخر شخص شاف أبوكي قبل ما يختفي
قربت منه وأنا مش مصدقة
وقلت
