سيف ومريم
منال عباس
طول الطريق كنت ساكتة وسيف كان سايق وهو مركز قدامه لكن إيده كانت ماسكة إيدي بقوة كأنه خايف أختفي منه
بصيتله وقلت
سيف
قال
نعم
قلت
لو حصل أي حاجة متسبنيش
بصلي بسرعة وقال
عمري ما هسيبك
الكلمة دي طمنتني أكتر من أي حاجة
وصلنا للمكان اللي اتبعتت منه الرسالة
كان بيت قديم في آخر طريق بعيد
نزلنا ودخلنا
وأول ما فتحنا باب الأوضة سمعت صوت عمري ما توقعت أسمعه تاني
مريم
اتجمدت مكاني
الصوت كان صوت بابا
جريت عليه وحضنته وأنا بعيط
فضل يطبطب عليا ويقول
سامحيني يا بنتي
أنا اضطريت أختفي علشان أحميكي
قلتله
كل السنين دي وأنا فاكرة إنك سبتنا
قال
عمري ما سبتك
وبعدين بص لسيف وقال
وأنت نفذت وعدك
سيف رد
وعدي كان أغلى من حياتي
بابا ابتسم وقال
كنت عارف إنك هتحبها
سيف اتوتر وبصلي
وأنا لأول مرة شفت الراجل القاسي اللي مبيخافش من حد مرتبك قدامي
قلت
إنت بتحبني يا سيف
سكت
وبعدين قرب مني وقال
أنا حاولت أعتبر جوازنا مجرد حماية ليكي
لكن كل يوم كنتي بتقربي مني أكتر
وكل يوم كنت بخاف عليكي أكتر
لحد ما اكتشفت إني مبقتش قادر أتخيل حياتي من غيرك
دموعي نزلت وأنا بضحك
وقلت
وأنا كمان حبيتك
وأول ما قلتها سيف ابتسم
ابتسامة عمرها ما ظهرت على وشه قدامي
رجعنا القصر ومعانا بابا
وكانت المفاجأة إن الشرطة كانت موجودة
داليا اعترفت بكل حاجة
اعترفت إنها كذبت عليا علشان تاخد كريم
واعترفت إنها استخدمت الصورة علشان تفرق بيني وبين سيف
وكمان اعترفت إن في شخص من العيلة كان بيساعدها
أما كريم فوقف قدامي واعتذر
وقال
أنا ظلمتك يا مريم
وأنا دفعت تمن غلطي
بصيتله وقلت
أنا مسامحاك
لكن حياتي بقت في مكان تاني
وبصيت لسيف
كان واقف بعيد ووشه هادي
لكن عينيه كانت بتقول إنه مستنيني
روحت وقفت جنبه
ومسكت إيده قدام الكل
بابا ابتسم
وقال
دلوقتي اطمنت عليكي
مرت الشهور
والقصر اللي دخلته وأنا خايفة منه بقى بيتي الحقيقي
وسيف اللي الناس كانت بتقول إنه بيكره النساء بقى أحن إنسان عليا
كان دايما يطمني ويقف جنبي ويضحكني
ولو حد حاول يضايقني كان أول واحد يدافع عني
وفي يوم وقفنا في حديقة القصر
قال لي
فاكرة أول يوم دخلتي هنا
ضحكت وقلت
كنت مرعوبة منك
قال
وأنا كنت خايف أخسرك
قلت
مع إنك كنت بتقول إن الجوازة مجرد حماية
قال
كنت بكذب على نفسي
ضحكت وقلت
وأنا كنت فاكرة إني منبوذة
قال
إنتي عمرك ما كنتي منبوذة
إنتي كنتي الست اللي القصر كله كان مستنيها
