نور

اسكريبت ❤ ꧁꧂꧁꧂꧁꧂꧁꧂ دخل الاوضه علشان ينده عليها علشان يفطروا سوا -يلا يا نور الفطار جه.. سكت فجاة لما افتكر انها خلاص مبقتش موجوده فضل واقف بيبص على الاوضه لحد ما عينه وقعت على اللاب بتاعها الى على المكتب فتح اللاب وكان فيه فايل باسمه انا نسيت اعرفكم بنفسى انا مصطفى عندى 30 سنه بشتغل فى شركه استيراد وتصدير كنت عايش لوحدى لان اهلى توفوا فى حادثه و دى نور مراتى عندها 26 بتحب الغنى والعزف وكانت عامله باند صغير كدا احنا مش متجوزين بقالنا سنين بالعكس انا اتعرفت عليها صدفه من شهر انا كنت ديما عايش لوحدى مبخطلتش بالناس كتير او اقرب منهم كنت حاسس بوحده جامده حياتى كانت عباره فراغ مفيهاش حاجه تستاهل اعيش علشانها من كتر ما الاكتئاب وصل عندى لمرحله عاليه بقيت بعمل Cutt.ing كل يوم لحد ما فى يوم كنت راجع من شغلى وواقف مستنى المترو وقفت على حرف الرصيف علشان ارمى نفسى كان خلاص المترو هيخبطنى بس لقيت حد بيشدنى بسرعه لدرجه انى اتفاجات وبصيت بسرعه لقيتها هى بصتلها شويه وهى كمان وقولتلها شكرا و سبتها ومشيت بس هى وقفتنى وقالتلى -رميت نفسك ليه؟ بصتلها و معرفتش ارد عليها اقولها ايه مدت ايدها وقالتلى: -انا نور مديت ايدى وقولتلها: -وانا مصطفى -ممكن نبقى اصدقاء؟ -مفيش مشكله طلعنا من محطه المترو و روحنا قعدنا فى كافيه و طلبنا شاى و قعدنا نتكلم و حكينا لبعض عن حياتنا و طلعت ان هى كمان اهلها توفو وهي صغيره وعمتها الى اخدتها و ربتها لحد ما كبرت وفضلت انها تعيش لوحدها وفى لحظه تهور منى طلبت منها الجواز هتقولولى ازاى دا انت لسه عارفها من دقايق هقولكم حسيت ان احنا شبه بعض والغريب انها وافقت وروحنا لعمتها وانا طلبتها منها و بعد الحاح كتير وافقت وفعلا روحنا عند الماذون واتجوزنا فعلا و روحنا على بيتى الى انا قاعد فيها وكانت شقه كبيره واوضها كتير وكان احسن قرار متهور اخدتو فى حياتى كنت بضحك واهزر معاها من قلبى وكنا كل اسبوع اجازه تصر ان احنا نخرج برغم انى بحب قعده البيت جدا ومبحبش الخروج الكتير بس كنت بخرج علشانها وفى يوم روحنا الملاهى واتصورنا صور جميله كنا ماشيين وهى ماسكه فى دراعى و كنت ماشى فجاة وقفت و بقت بتشد فى دراعى زي العيال الصغيره -مصطفى مصطفى -فى ايه يابنتى -تعالى نتصور -هنتصور فين بس -اهو فى مكان الناس بتتصور وفيه وبتاخد الصور وهى واقفه يلا بقى اتنهدت باستسلام وقولت: يلا ياستى فرحت زي الاطفال و جريت على المكان و دخلنا واتصورنا صور كتير كانت بتعمل حركات طفوليه بس كانت جميله وكانت بتعلمهانى علشان عمرى ما اتصورت و بعد ما اتصورنا و اخدنا الصور قالت: -الله يا مصطفى الصور حلوه اوى بفكر اعملها فى برواز ايه رايك؟ -ماشى مافيش مشكله طيب يلا بسرعه نروح نبروزهم وشدتنى من ايدى و بقت بتجرى علشان نلحق الراجل وفعلا روحنا و خدناهم علقناهم فى الشقه -همم ايه رايك محتاجه تيجى يمين شويه؟ -لا حاسس انها مظبوطه كدا -لا محتاجه تيجى يمين شويه ايش فهمك انت -والله كنت عارف انك هتعملى الى فى دماغك -نينينيني و طلعتلى لسانها زي الاطفال و عدلت البرواز زي ماهى كانت عايزه انا ضحكت على تصرفها العفوى دا وفى مره كنت اجازه لقيتها بتقولى: -مصطفى -همم -انا عايزه اروح السينما -ليه ماحنا بنتفرج على ايه حاجه عاوزينها فى البيت؟ -بصراحه بقى الكرتون بتاعى المفضل نزل و انا عايزه اروح اتفرج عليه وانت عارف انى بحبه اوى -طيب يلا ادخلى البسى بسرعه -هيييه شكرا يا احلى مصطفى فى الدنيا كلها وباستنى من خدى وطلعت تجرى علشان تلبس وفى يوم رجعت البيت لقيت المطبخ يضرب يقلب و هى كانت تحت التربيزه بتلم المكرونه الى وقعت منها و كان وشها متبهدل دقيق -ايه ده ايه الى حصل -كنت بحاول اعمل مكرونه وبانيه بس معرفتش -طب ماحنا عارفين انك مبتعرفيش تطبخى دخلتى المطبخ ليه -علشان كان نفسى تاكل من ايدى اكيد بطنك وجعتك من اكل الشارع -خلاص ادخلى اغسلى وشك و غيرى هدومك المتبهدله دى وانا الى هعمل الاكل -بتعرف؟ -يعنى على قدى -طيبب وفعلا دخلت غيرت و خرجت ساعدتنى كانت هى بتروق المطبخ وانا بعمل الاكل و بعد ما خلصنا قعدنا اكلنا -ها ايه رايك بعرف اطبخ؟ -تحفه اوى دا احسن من الى كنت هعمله كمان ابتسمت على كلامها وقولت: بالف هنا كانت ديما فوضويه مشاغبه عامله ازعاج فى البيت بسبب انها عملت اوضه ليها خاصه بالموسيقى بتاعتها و فيها دباديب كتير ل كرتونها المفضل وانا كنت بضايق منها احيانا علشان كنت متعود على الهدوء بس.. بس كان ازعاجها حلو اتعودت عليه وبقى محبب لقلبى كنت دايما اصحى الصبح اعملى فطار ليا وليها كانت ديما مستعجله و كنا ديما نتخانق مين يدخل الحمام الاول علشان مستعجل اكتر من التانى كانت ديما واحنا خارجين تبقى بتجرى علشان تلحق الجامعه وتنسى الباب مفتوح كانت ديما اخرج اخر واحد علشان اقفل الباب كويس لاول مره كنت احس انى حياتى بقى ليها لازمه وانى عايش علشان حد مبقتش بحس فراغ لان هى ملتو بشقاوتها و و دوشتها و.. ضحكتها كان اسمها نور وفعلا هى كانت نور لحياتى وفى يوم كانت فى الجامعه عندها محاضره بعتلها كلمتها وسالتها هتخلص امتى -الو ايه يانور -ايه ياحبيبى -هتخلصى امتى -اهو خلاص دى اخر محاضره هخلصها واروح السوبر ماركت اجيب شويه طلبات واروح -طيب ماشي نور بعد ما خلصت الجامعه وجبت الطلبات كنت بفتح باب الشقه وانا باكل تفاحه فجاة حسيت بنغزه شديده فى قلبى و اترميت على الارض كانت الرؤيه بتضلم شويه بشويه كنت بحاول اطلب المساعده بس مش قادره اتحرك حتى كنت بنادى بس صوتى مش طالع مصطفى.. مصطفى... اي حد؟!!! وفجاة الدنيا اسودت مصحتش غير وانا فى مكان ابيض و مصطفى واقف جمبى و شكلو قلقان -نور انتى كويسه -اه الدكتور: مش قولتلك يانور ترتاحى و متعمليش اي مجهود بصتله و بصيت لمصطفى الى فهمت من ملامحه انو عرف جاتلى حاله انهيار و زعيق -اطلعو برا مش عايزه حد معايا براااا كلهم اتخضوا ومصطفى بقى يحاول يهدينى والدكتور بسرعه حطلى مهدئ فى المحلول علشان انام مصطفى مشيت وانا تايه بعد ما شوفتها بالحاله دى وعرفت الى عندها و كانت عرفاه من مده قصيره وخبته عليا وهو ان نور طلع عندها ثقب فى القلب و انها مش هتعيش غير لفتره قصيره كنت ضايع مش عارف انا رايح فين بس رجلى ودتنى لشقتنا دخلتها كانت ضلمه و هاديه اوى دخلت اوضتنا واترميت على السرير ونمت حلمت بيها كانت بتعيط و فجاه وقعت من مكان عالى وانا ملحقتش امسك ايدها صحيت مفزوع و كان وشى كله دموع عند نور كنت نايمه و حلمت بمصطفى عمال بيعيط و ايدو بتنزف و فجاه لاقيتو وقع من مكان عالى بس انا... انا ملحقتوش صحيت بسرعه مفزوعه من الحلم و كان وشى غرقان بالدموع عدا الوقت مبقتش قادره ابص فى وش مصطفى برغم انو كل يوم عندى بيجبلى شكولاته و دباديب كتير على شكل الكرتون الى بحبه بس انا كنت بحس فى عنيه نظره لوم الى هو ليه مقولتيش؟ وغير كل دا انا كانت نفسيتى وحشه كنت بفكر فيه هيعمل ايه من بعدى انا كنت حياتو كنت بتعمد اعمل دوشه واتشاقا علشان املى فراغه و اشوف ضحكته الجميله كنت كل ما افتكر اقعد اعيط وانهار بينى وبين نفسى عند مصطفى كنت بروحلها كل يوم علشان افرحها بس هى مكنتش كويسه انا كنت حاسس بيها بس مش عارف مالها لدرجه انى اتصلت بالباند بتاعها وجم وقعدو معاها و قعدت تعزف معاهم كانت بتضحك ومبسوطه انا كنت واقف وشايفها من بعيد واتصلت بعمتها علشان عارف انها بتحبها و فعلا كانت مبسوطه عند نور كان بيعمل كل حاجه تخلينى مبسوطه وانا كنت عارفه بس مش قادره دماغى كان اقوى منى لحد ما فى يوم كان هو عندى و كان جايب ورد اخدت الورد منه واتعصبت ورميته وطلعت جريت على الحمام وقفلت على نفسى بقيت بعيط بانهيار خلاص مش قادره استحمل بقى واقف بيخبط علشان افتح بس انا كنت فى عالم تانى عند مصطفى كنت واقف بخبط زي المجنون مش فاهم انا عملت ايه مزعلها منى انا مش مستحمل اشوفها كدا -نور علشان خاطرى افتحى -امشى يامصطفى -طب انا عملت ايه زعلك طب انا اسف ولو على تعبك ياستى انتى هتبقى احسن والله صدقينى وكلو هيعدى بس انتى متستسلميش بس انا بحبك والله متزعليش منى وعلى العموم انا همشى واجيلك بكرا عند نور كنت بسمع كلامو وانا بعيط وبعد ما خرج من الاوضه خرجت وراه فضلت بصالو هو ماشفنيش كنت بفكر فى كلامه قولت انى لازم اعمل ذكريات معاه حتى قبل ما امشى واسيبوه عند مصطفى روحت وانا مش طايق البيت مش طايق هدوءه دخلت اوضتى ومن كتر خنقتى رجعت صليت علشان افتكرت لما كانت بتقولى: -انت عارف ان بحب ربنا اوى علشان فى كل مره كنت ببقى مضايقه فيها وكنت بروح ل ربنا واصلى ليه وادعى مكنش بيردنى ابدا وكان بيجبر بخاطرى و حتى وانا مبسوطه كنت بصلى ركعتين شكر لله و كنت بشكره و بحمده كتير على نعمه الى بيديهانى -خلاص انا هلتزم فى صلاتى و فى ايه وقت احمده على نعمه الى مغرقانى برغم تقسيرى معاه -ربنا جميل اوى يامصطفي مهما عملت بيسامحك خليك مع ربنا دايما و متبعدش عنه -حاضر رجعت للحاضر و دخلت صليت ونمت و صحيت تانى يوم روحتلها لقيتها صاحيه من بدرى وكانت قاعده بتقرأ قران لما شافتنى صدقت وقالتلى: -انا عايزه اروح السينما الكرتون بتاعى نزل ضحكت اوى وقولتلها: حالا هطلب اذن بخروجك وفعلا روحنا السينما وكانت بتاكل فشار واتصورنا صور كتير للذكرى وروحنا بيتنا رجعت تانى لدوشتها و صدعها بس المره دى وانا مبسوط رجعنا لروتينا تانى بس ادوارنا اتعكست بقت هى الى تصحى تحضر الفطار و انا الى اكون مستعجل واطلع اجرى علشان الحق و هى الى تخرج اخر واحده علشان تقفل باب الشقه و فى مره رجعت لقت ان انا الى مبهدل المطبخ ورجعت تانى تزعجنى باوضه الموسيقى بتاعتها دى بس فى يوم جالى وكانت الاشاره قافله وكنا ماشين انا وهى وبنعدى الطريق مع الناس انا سبقتها وعديت ببص عليها لقيتها واقعه على للارض والناس حواليها عند نور كنت ماشيه وراه بس مره واحده رجعتلى النغزه تانى و كنت هشده من ضهره بس معرفتش وكانت الضلمه هى ملجئ عند مصطفى كنت بجرى علشان الحقها بس كانت فى عربيه جايه مخدتش بقالى منها وخبطتنى كنت نايم وحلمت ان انا ونور كنا ماشين على البحر و هى بتجرى قدامى و عماله تلعب فى المايه و مره واحده خرجت من المايه ووقفت قدامى قالتلى: خلى بالك من نفسك و اهتم بصحتك و متزعلش انا ديما معاك فى كل حته و انتظم فى صلاتك وافتكرنى ديما وانا هاجى ازورك فى الاحلام وبقيت مره واحده بتبعد عنى وانا مش قادر اطولها -نور استنى لاا متمشيش خليكى معايا صحيت بسرعه لقيت نفسى فى المستشفى وقالو انى عملت حادثه اول حاجه عملتها انى سالت على نور -نور نور فين -... -متردو عليا نور فين -انا اسفه بس البقاء لله مدام نور كانت جت بعد فوات الاوان -لا لا انتو اكيد بتكدبو عليا نور مسبتنيش قومت بسرعه ومسكت العجاز علشان اتسند عليه واروحلها بس وقعت فى نص الطريق و بقيت بعيط بعيط زي طفل تايه من امه ومش لاقيها عدت فتره على وفاتها فى الفتره دى البيت الى كنت بحبه ديما نضيف بقى كلو كركبه ودقنى الى بحلقها كل يوم بقت طويله اوى لحد ما في يوم قومت روقت الشقه و حلقت دقنى وظبطت نفسى حضرت الفطار وروحت اندهلها فى اوضه الموسيقى بتاعتها الى لسه زي ماهى سابتها -يلا يانور الفطار جه.. سكت لما افتكرت انها خلاص مش موجوده فضلت سرحان فى الاوضه شويه بفتكر كل ركن هى كانت موجوده فيه لحد ما عينى لمحت اللاب توب بتاعها الى على المكتب فتحته ولقيت فايل باسمى فتحت الفايل وكان فديو ليها مصوراه وكان عباره عن: -هالووز عامل ايه؟ كويس بص هو معنى انك بتشوف الفديو ده ف معناه انى مشيت صدقني انا مش زعلانه انى مشيت قد ما زعلانه انى سبتك ورجعت لوحدك تانى انا كنت بحبك و مازلت وهفضل احبك انت كنت كل حاجه حلوه فى حياتى شكرا على كل لحظه كنت فيها جمبى شكرا على كل نظره خوف شوفتها فى عينك و شكرا علشان كنت معتبرنى بنتك مش مراتك شكرا على كل حاجه كمل حياتك متوقفهاش ارجع تانى بالبلعكس اتعرف على الناس وحب تانى و اخرج واتبسط واهم حاجه تحافظ على واعدك ليا وتفضل تصلى وتدعيلى متنسنيش انا مليش غيرك و بس ده كل الى عايزه اقولهولك "و دمت سالما يا اعز الناس الى قلبى❤🩹" قفلت فى الفيديو وانا بعيط بعيط بحرقه على فراقها الى مش قادر اتخطاه بس هنفذ الى طلبتو منى بس مش هقدر اتعرف على بنت تانيه غيرها هى كانت حياتى وعمرى كلو ومش هينفع خلاص حد تانى فيها "الى اللقاء يا اعز العابرين فى عمرى" تمت الكاتبة رياس🤎☄️ اكتبولي رايكم

مقالات ذات صلة

كلية الطب

رواية كاملة

لا يستحق بقلم سوليه نصار

خيوط القمر ج٢

قسوة بنتي

زوجتي

اترك تعليقاً إلغاء الرد