مريم

"اسكريبت " مريم : انا حامل خالد كان ماشي و وقف فجأه : بتقولي أيه مريم قامت و بصتله بجمود : بقولك انا حامل ، عتقولي نزليه ولا عداري علي مصيبتك ازاي ؟ خالد : مريم انتي بتكلمي جد مريم : وانا حهزر معاك ، شوف هتعمل ايه ف مصيبتك دي خالد بفرحه : دي مش مصيبه دي حاجه كويسه ، هو انتي ليه دايما مفكرة اني ضحكت عليكي واني مش بحبك ، انا كان غظب عني افهمي مريم بعدت عنه : اخرس انا بكرهك وعمري ما هحبك ابدا ، انت شيطان "و ادورت و لسه عتمشي " خالد مسك ايديها : انا عاجي اتقدملك بليل يمريم وافقي ، انا بحبك صدقيني وعمري ما هضحي بيكي ، و مصيرك تفهمي أنه غظب عني . مشيت وهي كلها دموع و محتارة *************** فاطمه : يووووة دا البيت يضرب يقلب هنلحق نروق كل دا يماما عبير : ايوا بسرعه يلا الناس جايه بليل ، يامريم يااامريم مريم طلعت من الأوضه و هي مرهقه و بتسند : ايوا يماما عبير : مالك يابنتي ، فيكي ايه مريم : لا يماما مرهقه شوية بس عبير : طب يلا ساعديني ، عاوزين نخلص ............. "ف المساء " فاطمه : لولولولولولي ، ايه الجمال دا يامريم والله ما كنت اعرف انك حلوة كدا . مريم : حلي عن وشي ، انا مش مبسوطه يا فاطمه فاطمه : ازاي دا مش خالد الكان نفسك تبقوا مع بعض دائما ، و كان دائما حب المراهقه و حتي لما دخلتي الجامعه مريم بزعيق : مبقاش مبقاش زفت فاطمه : وطي صوتك لماما تسمع ، طب يا مريم عدي اليوم و نتكلم بعدين عبير : يلا يا فاطمه اجري افتحي الباب فاطمه : حاضر يماما عبير : بسم الله ماشاءالله ، فرحانه بيكي اوي يماما ، كان نفسي افرح بيكي من زمان ، زي القمر يا حبيبتي مريم : ربنا يخليكي ليا يماما .................. خالد : بس ياحماتي انا احب نقرأ كتب الكتاب بعد يومين و الفرح كمان شهر عبير : ليه يبني التسرع دا ، هو ف ايه خالد : لا ياطنط مفيش ، انا بس مسافر شغل كمان شهر و اتمني مريم تبقي معايا و بما اننا عارفين بعض من زمان ملهوش لازمه نطول الموضوع و غمز لمريم ولا ايه رءيك يا مريم مريم وهي متلخبطه : التشوفو عبير : خلاص وانا معنديش مشكله خالد : يلا نقرأ الفاتحه. و قرأو الفاتحه . خالد : استأذنك اتكلم مع مريم شوية يا ماما . عبير : اة اة اتفضلو ، عن اذنكو ............. مريم بدموع : انت حابب تشوفني وانا مذلوله كدا قدامك انا و اهلي صح ، ليه يخالد ليه خالد قرب منها بحزن و مسح دموعها بايدو : صدقيني يا مريم ولا عمري افكر ف كدا ، انتي غاليه اوي عندي ، الظروف كانت اقوي مني مريم : اقوي منك ، اقوي منك انك تقرب مني بالعافيه ؟ خالد : كان غظب عني كنت مخنوق و كنت هتجن و ملقتش غيرك ف وشي و مقدرتش يامريم مقدرتش مكنش لازم تيجي يوميها مريم بدموع : أنا جيت لاني واثقه فيك من سنين ، جيت اقف جمبك بعد ما باباك اتوفي و تجازيني بالطريقه دي خالد نزل رأسه لتحت : كنت شارب ، مكنتش داري ، كنت تعبان اوي مريم : وانا عمري ما هسامحك خالد : هعوضك يا مريم اديني فرصه هتمم كل حاجه بالحلال و هتبقي مراتي قدام الناس كلها و هننسي و نبدأ من جديد مريم بعدت ايديها : اسفه مش بسهوله كدا ، صحيح هبقي مراتك بس عنطلق كمان كام شهر فاهم ، نادي علي ماما انا داخله ***************** "عدي شهر ف يوم الفرح " عبير : ياالهوي علي الجمال زي الحوريه و الطرحه زادتك جمال يا مريومتي مريم بفرحه : بجد بالطرحه حلوة عبير : طبعا جميله ، كان نفسي تلبسيها من زمان مريم : خالد هو الطلب مني و مكنتش عاوزة عبير : خالد انا مشوفتش زيه ، وقف جنبنا ، تخيلي يامريم أنه كل الايام الفاتت وانتي حابسه نفسك كان معايا انا و اختك لحظه بلحظه ، مخلناش نشيل هم حاجه ولا ندفع شئ و كان كل كلامه أن أهم حاجه يشوفك ف بيته وأنه مبسوط اوي مريم : معقوله يماما عبير : انا مش عارفك يابنتي ايه الخانقك من ناحيته وايه المخليكي مش بتقومي من علي سجادة الصلاة و دائما عياط بس خالد مفيش احسن منه لو فيه حاجه يابنتي فحاولي تغيري تفكيرك و ابداي حياة جديدة مريم : هو ينفع الإنسان يبدأ حياة جديدة من اول و جديد عبير قربت منها : يابنتي الإنسان يقدر كل يوم يغير حياته للاحسن و ينسي حياته الفاتت يغير صحابه يغير طبعه يغير الغلط للصح ، حاجتين بس الميقدرش يغيرهم قلبه و عيلته مريم فكرت ف كلامها : انا بحبك اوي يماما و هتوحشيني عبير بدموع : انتي اكتر بكتير انا مستحمله بعدك و حضنتها ************** "عدي تلت شهور و مريم كل يوم بتفكر و خالد بيحاول معاها و مفيش فايدة " خالد بحزن حقيقي : بصي يامريم انا تعبت و حاولت كتير واضح انك كرهاني لدرجه عمرك ما هتقدي تقربي مني ولو حته سنتي واحد ، انا هديكي حريتك يامريم و لسه هينطق مريم حطيت أيدها علي شفايفه : متقولهاش يخالد ، متقولهاش انا بحبك مقدرش ابعد عنك بس انا مش قادرة اسامح نفسي انا كل يوم بقعد علي سجادة الصلاه و بلوم نفسي ، نفسي اطهر من ذنبي ، نفسي انسي ، كل يوم باخد شاور بقعد ساعتين يمكن الميه تطهرني ، انا خايفه من ربنا ، انا زعلانه علي نفسي و كرهاها ، لكن اكتشفت اني مش بكرهك ، انا بكرة نفسي و بس ، متبعدش عني يخالد خليك جنبي خالد شال ايديها و اخدها ف حضنه : انتي جميله يا مريم و طاهرة و قلب طاهر ، احنا صلحنا كل حاجه بالحلال و توبنا لربنا ، وربنا عارف النوايا و الحصل أنه كان غلط ، ربنا سامحنا بدليل أن انا وانتي كويسين لحد النهاردة ، بدليل انك بتقدري تصلي بقلب وانتي بتعيطي علي ذنب كان غظب عنك و بسببي ،انا بحبك يامريم و لأكتر من المرة المليون بقولك ربنا غفور رحيم و ادينا ايدك خلينا نبدأ و بعد عنها و وقف و مد ايديه خالد : أديني ايدك يامريم مريم متلخبطه : انا خايفه خالد : متخافيش انا عمري ما هسيبك مريم مديت ايديها لي : انا بحبك يخالد و حضنته جامد خالد : وانا بحبك ، بحبك اوي ومن زمان ونا بشوفك بتكبري كل يوم قدام عيني و قرب ايديه علي بطنها : و بحبه اوي من قبل ما يجي مريم بضحك : انت مصمم أنه ولد بردو خالد : قلبي بيقولي كدا مريم باسته من خده : عاوزة ابقي معاك دائما و ف حضنك خالد : غالي و الطلب رخيص ، تعالي اقولك كلمه سر مريم بضحك : لااا لااااا ************* "بعد سنتين " مريم : انهارده انا حكتب اخر حاجه ف مذاكرتي ، انهارده انا قدرت اعيش قدرت اتبسط ، قدرت احس اني مش كارهه نفسي و أن كانت كلها اسباب و أن كفايه عليا اني حسيت وانا بصلي ، أن كأن ربنا بيطبطب عليا ، كأنه بيقولي انا سامحتك يامريم ، انا انهاردة لأول مرة احس ان ربنا سامحني فعلا و أن الدنيا ضحكتلي من اول و جديد "زي ما ماماقالت ، انت تقدر تغير نفسك صحابك طبعك الغلط للصح ، بس عمرك ما تقدر تغير اهلك و قلبگ" زين : ماما ماما بابا فين خالد من وراة : انا جيت اهو زين جري عليه : باباااا مريم قفلت المذكرة : وحشتني يخالد ، جيت بدري يعني خالد : مقدرش اتأخر عليكو " وتوته توته خلصت الحدوته" "و قرب لي دومآ ما احب يا الله " عاوزة رءيكو ف الكومنت يا بنات و لو حلو هكتب اسكريبت تاني بكرة "♥️♥️♥️♥️♥️♥️ #الكاتبه_صباح_غمري

مقالات ذات صلة

حكاوي زهرة

رقص

أسيرة سليم بقلم #ماياخالد حصري فقط صفحة روايات مايا خالد.

الوحش

عروس رشيدي الاخير

سقوط الاقنعه بقلم منال علي1

اترك تعليقاً إلغاء الرد