كابوسك في نومك

_طب أنا جعان طيب، مفيش عشا ولا أنتوا بخلا..

_لا إحنا مش بخلا، ثواني وجاية…

طلعت واتعشينا أنا وهو وبعدها لقيته قعد ومسك إيدي ولقتني تلقائي بدأت اتكلم:
_تعرف يا جاد البنت مننا لما بتلاقي السند والاهتمام قلبها بيوقع غصب عنها، وأنا لقيت فيك أمان وسند وحنية واهتمام وقلبي له عذره لما غرق فيك، ربنا يحفظك ليا…. أنا ربنا بيحبني عشان كرمني بزوج زيك… هين لين سهل المعشر رحيم، اوعدني إنك متتغيرش عليا في يوم من الأيام

_بوعد قلبك وعد شرف ووعد الحر دين لازم يوفيه ولو بعد مية سنة إنك هتكوني وحيدة قلبي، بنتي البكرية وأمي التانية ومراتي الأولى والأبدية، وصاحبتي، بوعدك يانور أيامي إنك هتكوني كل ماليا….

_عارف ياجاد أنا قلبي اختار راجل
_قوليها تاني كده
_هي إيه دي؟
_جاد
_موهييي
ضحك، الله يسامحك على دقات قلبي، قلبي هيضعف كده والله
_اتنيلي
_النيل هيجف يا أخ موهييي ومش هنلاقي نشرب، هتنيل فين بقا
_في بيتي
_تدري ياخان أنا نفسي في إيه دلوقتي؟
_قول يا جعفر
_على فكرة أنا مش جعفر خالص مالص، أنا بحبك
_وأنا قلبي ليكِ مال، ومل الانتظار ومشتاق للوصال…
_احم هات حضن
_إيه مفيش كسوف خالص؟
اتكسفت ونزلت راسي لتحت لقيته رفع راسي وحضني _أنا مُلكُ قلبكِ ضميني إليكِ لأهتدي…
_السكوت في حرم الجمال جمال يا جاد
_قلبي معاكي عمره مابيسكت، دومتِ لي ونيسة الروح ونور ليالي
_أحبكَ
************************************

أميرة الأخرس
رأيكم يهمني 💙✨