مايا والعقرب الفصل الأول حصري فقط صفحة روايات مايا خالد.

الفصل الأول مايا والعقرب بقلم #ماياخالد حصري فقط صفحة روايات مايا خالد. الليل كان ساتر كل حاجة بعبايته السودا، والنجوم منورة زي اللولي المنثور في السما الواسعة. فوق روف الفيلا اللي كانت ساكنة فيها، مايا كانت قاعدة لوحدها، التلسكوب🔭 بتاعها صاحبها الوحيد اللي بيشاركها سكون الليل. عينها كانت متعلقة بالسما، بتدور على أي نجمة جديدة، أي كوكب بعيد ينسيها مرارة حياتها اللي عايشاها مع عمها ومرات عمها اللي ماصدقت إن أبوها وأمها ماتوا عشان تتخلص منها. خلصت جامعتها، و عمها رافض إنها تشتغل عايزها لوحدها منعزله عن العالم مكسورة مهزوزة الوحدة كانت رفيقها الدائم، لا صحاب ولا أهل، بس النجوم كانت بتسمعها من غير ما تتكلم. في الليلة دي، وهي بتلف التلسكوب بتاعها، لمحت حركة غريبة في الفيلا اللي قصادهم. نور قوي اتفتح فجأة، وحركات كتير جوه البيت اللي كان طول عمره مهجور ومقفول.فضولها شدها، وركزت أكتر في التلسكوب. شافت ضل راجل طويل وعريض بيتحرك جوه، ملامحه كانت غامضة من بعيد، بس هيبته كانت واضحة. كان باين عليه إنه شخصية قوية، صارمة، وعينه كانت بتلمع ببرود غريب. مايا حست بقشعريرة في جسمها، كأنها شافت حاجة مش المفروض تشوفها. مين الراجل ده؟ وإيه اللي بيعمله في الفيلا دي في الوقت دا بالذات؟ أسئلة كتير دارت في دماغها، وهي مش عارفة إن الراجل ده، العقرب🕷 الاي قرصته والقبر، جاي يقلب حياتها رأسًا على عقب. مايا فضلت ماسكة التلسكوب، قلبها بيدق بسرعة كأنها بتعمل حاجة ممنوعة❌. الراجل اللي ظهر فجأة في الفيلا اللي قصادهم كان غامض ومثير للريبة. ضله الطويل كان بيتحرك في الصالة الواسعة، وشافت لمحة من عيونه السودا اللي كانت بتلمع بقسوة، كأنها بتحكي عن سنين طويلة من الصراع والتحدي. كان ماشي بخطوات واثقة، كل حركة فيه بتدل على قوة وسيطرة.شافت رجالة كتير حواليه، كلهم لابسين أسود، وجوه الفيلا كان فيه حركة مش طبيعية. صناديق بتتنقل، وأصوات خافتة مش مفهومة. مايا حست إنها بتشوف فيلم أكشن، بس الفيلم ده كان حقيقي، وبيحصل قدام عينيها. كانت بتحاول تفهم إيه اللي بيحصل، وإيه سر الراجل ده اللي ملامحه كانت بتطاردها حتى وهي مغمضة عينيها.صخر، جوه الفيلا، كان حاسس بحاجة غريبة. إحساس إنه مراقب. هو راجل متعود على عيون المراقبة، بس الإحساس ده كان مختلف. كان حاسس إن فيه عين بتتبعه، عين فضولية، مش عين عدو. بص ناحية الفيلا اللي قصاده، وشاف نور خافت جاي من الروف. ابتسامة سخرية رسمت على شفايفه. "مين اللي بيراقب العقرب؟"، سأل نفسه بصوت خافت، وهو عارف إن اللعبة لسه بتبدأ. مايا، من غير ما تعرف، كانت لسه ماسكة التلسكوب، وعينها متعلقة بيه، مش عارفة إن نظراتها البريئة دي هتكون بداية طريق طويل مليان بالمفاجآت والصراعات. الساعة كانت داخلة على تلاتة الفجر. مايا كانت أخيراً استسلمت للنوم بعد ليلة طويلة من التفكير والفرجة من ورا التلسكوب. كانت نايمة في أوضتها البسيطة، بتحلم بأحلام مشوشة عن الراجل الغامض اللي شافته. فجأة، حست بهوا بارد داخل الأوضة، وكأن الشباك اتفتح لوحده. فتحت عينها ببطء، وفي الأول افتكرت إنها لسه بتحلم، بس الظل اللي كان واقف قدام السرير كان حقيقي جداً.شهقت بخوف وهي بتحاول تتعدل في سريرها، بس لقت إيد قوية وكبيرة بتكتم نفسها. "ششش... مش عايز أسمع صوت" الصوت كان واطي، بس فيه نبرة آمرة تخلي الدم يتجمد في العروق. مايا برقت بعينيها وهي شايفة "راجل ضخم" واقف قدامها، بهيبته اللي تخوف، وعيونه السودا اللي كانت زي المغناطيس بتشدها وفي نفس الوقت بترعبها. كان لابس قميص أسود وبنطلون أسود، وكأنه جزء من ضلمة الليل.شال إيده من على بوقها ببطء، بس فضل محاصرها بجسمه. "كنتي بتبصي على إيه بالتلسكوب يا قطة؟" ، سألها ببرود قاتـ.ل، وهو بيقرب وشه من وشها لدرجة إنها حست بأنفاسه. مايا كانت بتترعش، مش قادرة تنطق كلمة واحدة. "أنا... أنا كنت بس..."، لسانها عجز عن الكلام. ضحك ضحكة خفيفة، بس مكنش فيها أي نوع من الهزار. "المراقبة ليها تمن، وإنتي شكلك لسه متعرفيش تمن إنك تراقبي العقرب🕷. فضلت مشلولة في مكانها، أنفاسها المتسارعة هي الصوت الوحيد المسموع في الأوضة الضلمة. كان باصص لها بنظرات خالية من أي رحمة، عيون سودا صلبة زي الحجر، مفيش فيها أي تعبير غير البرود القاتل. حاولت تبعد ضهرها لورا لغاية ما لزقت في ظهر السرير الخشبي، ولمت رجليها لعند صدرها بخوف وهي بتترعش: "أنا.. أنا مكنتش بقصد أراقبك.. أنا كنت ببص على النجوم.. والله العظيم النجوم!" متأثرش بدموعها اللي بدأت تنزل، ولا بنبرة صوتها اللي بتترجاه. مد إيده ببطء، وحرك صوابعه القوية على حافة التلسكوب الصغير اللي كان محطوط على مكتبها القريب من السرير، وكأنه بيتفحصه، وبعدين رجع بص لها وقال بصوت واطي وواثق: "النجوم؟ والنجوم دي من امتى نزلت تحت مش كانت فوق يا.. يا قطة؟" بلعت ريقها بصعوبة، وحست إن صوتها هيموت جوة حلقها: "أنا شوفت نور.. فضول.. مجرد فضول.. أرجوك امشي من هنا، لو عمي صحي.." قاطعها بضحكة ساخرة، ضحكة هزت كيانها الضعيف. قرب منها أكتر، لدرجة إنها شافت الخدوش الصغيرة على وشه، ملامح راجل عاش في وسط الخطر والإجرام لدرجة إن الشَر بقى جزء من هيبته. همس جنب ودنها بقسوة: "عمك؟ تؤ.. متقلقيش على عمك، عمك نايم في سابع نومة.. ومظنش إنه هيقدر يحميكي مني، حتى وهو صاحي." الكلام كان فيه إشارة مبهمة مخيفة مايا مفهمتهاش، بس حسيت برعب مضاعف. وقف بطوله الفارع، وبص للأوضة البسيطة بنظرة احتقار وكأنه بيعاين مكان يخصه، وبعدين رجع نظره ليها وثبت عيونه في عيونها المليانة دموع: "دي أول وأخر مرة عينك تتجرأ وتبص على حاجة تخص العقرب🕷. المرة الجاية.. مش هكتفي بالكلام. فاهمة؟" قبل ما تنطق، التفت بكل برود وتحرك ناحية البلكونة بخطوات خفيفة ومحترفة زي الفهد، وفي ثواني كان اختفى في ضلمة الليل وكأنه مكنش موجود، وساب وراه ريحة عطر قوية ومختلطة بريحة السجاير، وأنفاس مايا المحبوسة. صباح اليوم التالي مايا منمتش دقيقة واحدة لحد ما الشمس طلعت. كانت قاعدة على السرير، ضامة نفسها، وكل ما تغمض عينها تشوف عيونه السودا وصوته الآمر. الخوف اتمكن منها وبقت شخصيتها المهزوزة أضعف من الأول بمراحل. نزلت الصالة تحت وهي بتترعش، لقت مرات عمها (إلهام) قاعدة بتشرب القهوة ووشها مقلوب كالعادة. أول ما شافت مايا، قالت بنبرة كلها غل وضيق: "صحيح، مقصوفة الرقبة.. صاحية الضهر؟ وكمان نازلة وعينك منفوخة كدة ليه؟ فالحالي بس تقعدي فوق السطوح زي القطط الفسيانة، ولا شغلانة ولا مشغلة، وعمك طافح الدم عشان يأكلك!" مايا مكنتش قادرة ترد، كانت خايفة تحكي على اللي حصل فجرًا، وخايفة أكتر من الشخص اللي بيقول على نفسه العقرب. ردت بصوت مرعوب وواطي: "أنا.. أنا آسفة يا طنط.. كنت تعبانة شوية." في اللحظة دي، دخل عمها (عاصم) الصالة، بس مكنش عاصم بتاع كل يوم. وشه كان أصفر زي الليمونة، عرقان، وإيديه كانت بتترعش وهو ماسك الموبايل. ملامحه كان عليها علامات صدمة ورعب حقيقي. إلهام استغربت شكله وقامت وقفت: "مالك يا عاصم؟ في إيه؟ شكلك عامل زي اللي شاف عفريت!" عاصم قعد على الكرسي بصدمة، والموبايل وقع من إيده على السجادة، وبص للفراغ وقال بصوت هيروح منه: السيوفي اللي كنت خايف منه حصل ابنه رجع عشان ينتقم وضيع كل حاجة... الشركات.. البورصة.. كل حاجة راحت في ثانية.. أنا أفلست يا إلهام.. أفلست! احنا لازم نهرب ونسافر بسرعة كلمت فا... مايا واقفة بعيد، قلبها دق بسرعة جنونية.. وافتكرت كلمة الراجل الغامض بتاع امبارح: "ومظنش إنه هيقدر يحميكي مني، حتى وهو صاحي". هل الراجل ده له علاقة بخراب بيت عمها؟ جواها كان فيه يقين مرعب.. الراجل صاحب العيون السودا اللي اقتحم أوضتها الفجر، هو السبب في الزلزال ده. انقلب البيت لساحة من الصراخ والعويل. إلهام كانت بتلطم على وشها وهي مش مصدقة إن العز والشراكات والفلوس كل ده اتبخر في ليلة وضحاها قبل ما عمها يكمل كلامه يقول نسافر ل فا... ومن غير أي مقدمات، الباب الخارجي للفيلا اتفتح بقوة. دخلوا تلات رجالة بجسام قوية ولابسين بدد سودا، ووقفوا على الجنبين زي الحراس، وبعدها.. دخل هو. بخطواته الواثقة المنتظمة، وهيبته الطاغية اللي بتجبر الكل يبص له. كان لابس بدلة سودا كاملة، ملامحه الحادة والصارمة كانت خالية من أي تعبير، وشه كان ينطق بالشر والسيطرة. أول ما عاصم شافه، وقف على رجليه وهو بيترعش، وصوته طلع متحشرج: "صـ.. ص؟ صخر ؟" صخر مبصش لعاصم نظرة كاملة حتى، مشي ببرود شديد وقعد على الكرسي الرئيسي في الصالة، حط رجل على رجل، وطلع ولاعة دهبية وولع سجارة، ونفخ الدخان ببطء وهو بيتأمل المكان، وكأنه صاحب المكان والناس اللي فيه مجرد ضيوف غير مرغوب فيهم. إلهام صرخت بغضب وهي مش فاهمة حاجة: إزاي تدخل بيتنا بالمنظر ده؟ عاصم.. مين الجدع ده؟ صخر وجه نظره لعاصم، وابتسامة سخرية باردة اترسمت على شفايفه: "قول لمراتك يا عاصم بيه.. قول لها الشركات والأراضي والفلوس اللي كنت عايش فيها طول السنين اللي فاتت دي بقت ملك مين دلوقتي؟ إنت افلست يا عاصم.. وكل حاجة سرقتها زمان بقت ملكي حتى البيت دا عشر دقايق تكونوا اتبخرتوا من هنا. عاصم نزل على ركبه قدام صخر بقلة حيلة وهو بيبكي وبيتفادى عيونه المخيفة: أنت خد كل حاجة يا عاصم بس البيت دا مش ملكي لوحدي. صخر رفع حاجبه ببرود ونفخ الدخان في وش عاصم: "مش ملكك؟ وإنت من امتى بتعرف الحلال والحرام يا عاصم؟" عاصم شاور بإيده المرتعشة ناحية مايا اللي كانت واقفة ورا العمود بتترعش، وقال بسرعة وكأنه بيحاول ينقذ نفسه: "والله العظيم ما ملكي! الفيلا دي بتاعة أخويا الله يرحمه.. دي ورث بنته مايا! أنا ماليش فيها غير النصيب الأصغر، واحنا قعدين معاها هنا.. يعني متقدرش تاخدها في وسط ديوني، دي ملك البنت اليتيمة دي!" صخر لف وشه ببطء، ونظراته السودا الحادة اتنقلت من عاصم لعند مايا. عينيه لمعت بلمعة غريبة.. لمعة خبيثة وقاسية جداً. بص لمايا من فوق لتحت، وافتكر رعبها منه الفجر وافتكر تلسكوبها. صخر وقف بطوله الفارع، ومشي بخطوات بطيئة لغاية ما بقى واقف قدام مايا بالظبط. هي نزلت راسها الأرض وهي بتترعش من قربه وهيبته اللي بتخنق الأنفاس، فمد إيده القوية، وبأطراف صوابعه رفع دقنها لفوق بجفاء وقسوة، وخلاها تبص في عيونه بالعافية. همس بصوت واطي ومسموع ليها هي بس، وابتسامة خبيثة على وشه: "يعني طلعتي إنتي صاحبة البيت يا قطة؟" التفت صخر لعاصم، وقال بنبرة صارمة مفيهاش مجال للنقاش: "إنت ومراتك قدامكم عشر دقايق بالظبط.. تاخدوا هدومكم وتغوروا من أملاكي اللي برة. والفيلا دي.. أنا أخد نصيبك ونصيب البنت، أو بالأصح.. هاخد الفيلا باللي فيها." عاصم بصدمة: "يعني إيه؟" صخر ساب دقن مايا بقسوة رمتها لورا خطوة، وقال وهو بيبص لها بنظرة كلها تحدي وسيطرة: "يعني إنتو هتمشوا.. والبنت دي هتفضل هنا في بيتها.. معايا. هعلمها إزاي تدفع تمن المراقبة صح." مرت العشر دقايق وكأنهم جنازة. إلهام وعاصم كانوا بيلموا هدومهم في شنط بسرعة وجنون، والخوف من رجالة صخر اللي واقفين على الباب مسيطر عليهم. عاصم مكنش قادر حتى يبص في عين مايا؛ باع لحمه وبنت أخوه اليتيمة في ثواني عشان ينجد بجلده من الموت. مايا حاولت تتحرك من مكانها تمشي معاهم وقف لها الصخر قدامها مانعها من التحرك. أول ما عاصم وإلهام خرجوا بالشنط صخر رمى السجارة من إيده وداس عليها بجزمته، وتحرك بخطوات بطيئة وواثقة ودخل الفيلا وعلى ثغره ابتسامه ماكرة. قفل الباب وراه بالمفتاح. الصوت تكة القفل—كان بالنسبة لمايا زي صوت حكم الإعدام. اتنفضت ورجعت لورا لغاية ما لزقت في الحيطة. صخر قلع جاكيت البدلة ورماه على الكنبة بإهمال، وفك أول زرارين من قميصه الأسود، وبص لها بنظراته الحادة الساخرة: "امسحي دموعك دي.. مبحبش النكد." صوتها طلع مرعوب ومبحوح وهي بتبكي وشخصيتها المهزوزة مخلياها مش قادرة تقف ثابتة: "أنا.. أنا عايزة أمشي معاهم.. سيبني أروح ورا هم، خد الفيلا وخد كل حاجة، أنا مش عايزة ورث ولا عايزة حاجة!" ضحك ضحكة باردة، ضحكة خلت قشعريرة تسري في جسمها كله. قرب منها ببطء، وهي بترجع لورا وكل خطوة يقربها كانت مايا بتحس إنه بيمتص الأكسجين من الأوضة. وقف قدامها بالظبط، وبطوله الفارع وهيبته الطاغية كان مغطي عليها تماماً، باين جداً فرق الحجم والسن بينه وبينها؛ هي بنت رقيقة عندها عشرين سنة لسه مخلصة جامعتها، وهو راجل ناضج، صلب، وعاش نص عمره في وسط المافيا والإجرام. حط إيده على الحيطة فوق راسها، وبقى محاصرها بجسمه القوي وعيونه السودا اللي بتنطق شر: "تروحي فين يا قطة؟ تروحي لعمك؟ عمك باعك خلاص.. مضالي على كل حاجة نصيبه في الفيلا، وهرب برة البلد بشنطة هدومه عشان يحمي نفسه من موته.. أصل البلد دي مبقتش تسيعنا إحنا الاتنين، يا أنا يا هو.. وهو اختار يهرب بجلده وسابك ليا! بلعت ريقها بصعوبة وصدرها بيعلو ويهبط من الخوف: "سابني ليك؟ يعني إيه؟ دي فيلا بابا.. وأنا شريكة معاك فيها! شريكة؟ قالها صخر بنبرة ساخرة وقاسية، ومد صابعه حركه على خدها المبلول بدموعها بجفاء، وبعدين ضغط على فكها ببطء وخلاها تبص في عينه: "ورقك دا تبليه وتشرَبي ميته.. إنتي هنا في بيتي، وتحت رحمتي. وبما إن عمك وجع أبويا زمان وداس عليه، فإنتي اللي هتسددي الفاتورة.. أنا قولتلك عايز أتسلى، وهنلعب سوا شوية." من كتر الرعب والصدمة، حست مايا بإن عقلها هيقف. فجأة، ومن غير ما تفكر، زقته بكل قوتها الضعيفة والتفتت عشان تجري ناحية السلم تحاول تهرب... لكن صخر مكنش راجل عادي؛ بلمح البصر وبحركة سريعة ومحترفة من إيده القوية، قبض على معصمها الصغير وشدها ليه بقوة. ضهرها خبط في صدره العريض والصلب زي الصخر، وإيده التانية حوطت وسطها الصغير وحجمت حركتها تماماً وكأنها عصفورة وقعت في مصيدة فهد. لفت وشها ليه وهي بتصرخ بضعف ودموعها مغرقة عينيها: "سيبني.. سيبني أرجوك!" صخر قرب وشه من ودنها، وأنفاسه الحارة والباردة في نفس الوقت خلتها تتجمد. همس بقسوة لا تعرف الرحمة: "أنا مبحبش الحركة الكتير.. ورجلك دي لو فكرت تهرب تاني هكسرها.. فاهمة؟ بقلم مايا خالد حصري فقط صفحة روايات مايا خالد هزت راسها بسرعة برعب وهي بتترعش بين إيديه، فسابها فجأة وبَعَد عنها، وقال بنبرة آمرة وجافة وهو بيتحرك ناحية السلم: "اطلعي هاتيلي قهوة مظبوطة على مكتب الصالة .. قدامك خمس دقائق، لو أتأخرتي.. هتشوفي الوش التاني للعقرب بقلم #ماياخالد حصري فقط صفحة روايات مايا خالد. كانت إيدين مايا بتتغير لونها من كتر الرعشة وهي واقفة في المطبخ، وصوت المعلقة وهي بتقلب القهوة كان بيخبط في الفنجان زي دقات ساعة بتعد ثوانيها الأخيرة. عقلها مكنش مستوعب؛ البنت اللي كانت من كام ساعة بتراقب النجوم في هدوء، بقت دلوقتي محبوسة مع شيطان في بيت أبوها. شالت الصينية بخطوات تقيلة، وكل خطوة كانت بتحس إنها بتقرب من حتفها. طلعت السلم ووصلت للمكتب المفتوح في الدور الثاني. صخر كان قاعد ورا مكتب عمها القديم—المكتب اللي بقى ملكه دلوقتي. كان لابس نظارة قراءة طبية زادت ملامحه غموض، وقدامه أوراق وملفات كتير، وفي إيده سيجار كوبي ريحته نفاذة ملت الأوضة. ملامحه كانت صارمة، خالية من أي ذرة إنسانية، وشه كان ينطق بالإجرام المقنن. دخلت بتوجس، ونبرة صوتها طلعت مهزوزة ومكتومة: الـ.. الــ القهوة. صخر مبصلهاش، شاور بصباعه على طرف المكتب من غير ما يرفع عينه من على الورق. قربت ببطء وحطت الصينية، ولسه بتلف ضهرها عشان تجري وتستخبى في أوضتها، صوت صخر قطع السكون زي الس..كينة: أنا قولتلك امشي؟ اتجمدت في مكانها، ولفت وشها ليه ببطء وعيونها المليانة رعب بتترجاه: "أنا.. أنا قولت اأسيبك تشوف شغلك.." صخر قلع النظارة ورماها على المكتب، وسند ضهره لورا وهو بياخد نفس عميق من السيجار، وينفخ الدخان ببطء في وشها. النظرة اللي في عينه المرة دي مكنتش سخرية.. كانت الشر الحقيقي اللي اتكون جواه من سنين الشقا والمافيا برة مصر. "شغلي؟" قالها بصوت هادي وواطي مرعب" شغلي إني أدمر أي حد يقف في طريقي. وعمك وقف في طريق أبويا زمان.. ودلوقتي، إنتي اللي قدامي. وقف بطوله الفارع وقرب منها. مايا رجعت خطوة، بس صخر فاجأها لما مد إيده ومسك فنجان القهوة، داق منه بؤ واحد، وفي ثانية.. ملامحه اتحولت لغضب أعمى. مسك الفنجان ورماه بكل قوته على الحيطة اللي وراها. الفنجان اتدشدش مية حتة، والقهوة المغلية طرطشت على هدوم مايا وعلى الأرض. مايا صرخت وركبتها خانتها ونزلت على الأرض وهي حاطة إيدها على راسها وبتعيط بنهيار. صخر نزل لمستواها، وقبض على شعرها من ورا بقسوة وخلاها ترفع وشها المبلول بدموع الرعب ليه، وهمس وفكوكه بتتحرك من الغيظ: "دي قهوة دي؟ إنتي فاكراني زي الأغبية اللي كنتي بتخدميهم هنا؟ أنا صخر السيوفي.. لما أطلب حاجة تتعمل بالملي! القهوة دي تتدلق وتتعمل غيرها.. ودلوقتي!" مسك إيدها المرتعشة وقام وقف، وشدها وراه بكل جفاء وقسوة وهي بتتحرك زي العروسة اللعبة بين إيديه، ونزل بيها للمطبخ تحت. رماها قدام البوتاجاز وقال بصوت حاد زي السيف: "قدامك دقيقتين.. لو القهوة متعملتش مظبوط، المرة الجاية الفنجان المغلّي ده هيكون على وشك الرقيق ده.. سامعة؟! كانت بتشهق من الخوف، مش قادرة حتى تلمس كنكة القهوة من كتر الرعشة، وعيون صخر السودا كانت بتراقبها ببرود سادي، مستمتع بكسرتها وضعفها، وكأنه بيحرق فيها بالبطيء تمن كل سنين العذاب اللي عاشها زمان. كانت أنفاس مايا مسموعة في سكون المطبخ القاتل، وصوت اصطدام "الكنكة" بسطح البوتاجاز المعدني كان يشبه صرخة استغاثة مكتومة. كانت تشعر بعيني صخر تخترقان ظهرها، وكأنها فريسة تحت مراقبة صياد لا يرحم. حاولت وضع البن والسكر، لكن يدها خانتها وانسكب بعض البن على الرخام الأسود اللامع. تجمدت مكانها، وتوقفت أنفاسها وهي تنتظر رد فعله. لم يتحرك من مكانه، بل ظل واقفاً خلفها مباشرة، لدرجة أنها كانت تشعر بحرارة أنفاسه ورائحة سيجاره القوية التي بدأت تخنقها. قطع السكون بصوته الأجش البارد: "ليكي أصحاب؟" اتخضت من السؤال المفاجئ، ولفت راسها نص لفتة وهي بتبلع ريقها بصعوبة: "لـ.. لأ.. ماليش حد." صخر ابتسم ابتسامة خبيثة خالية من أي دفا: "أحسن.. عشان محدش يتعب نفسه ويسأل عليكي. من النهاردة، إنتي مالكيش وجود برة أسوار الفيلا دي. تليفونك، حاجتك، كل حاجة تخصك هتتسلم للحراس برة. إنتي هنا مجرد خدامة وحساب قديم وبقفله. في اللحظة دي، القهوة بدأت تفور. مايا اتلبكت وجت تشيل الكنكة بسرعة، بس من كتر الرعشة، مالت من إيدها والمياة المغلية والبن اتدلقوا على إيدها الصغيرة. "آآآه!" صرخت مايا بألم حقيقي وهي بتسيب الكنكة تقع على البوتاجاز، وحضنت إيدها المحروقة وبدأت تبكي بنهيار وجسمها كله بيتنفض. صخر ماتحركش من مكانه، ملامحه الصلبة والباردة ماتهزتش ولا رمش سِكت. بص لإيدها الحمراء وبص لدموعها بنظرة خالية من الرحمة، وقرب منها بخطوات بطيئة، مسك إيدها المصابة بقسوة من عند المعصم، وضغط عليها خلى دموعها تنزل زي الشلال. "بتعيطي على حرق صغير في إيدك؟" همس بصوت واطي ومرعب وعيونه بتلمع بالشر، "أنا أبويا حرقوا قلبه على شقا عمره كله وسابوه يموت قدام عينيا! الوجع اللي في إيدك ده ولا حاجة قصاد اللي هتشوفيه معايا يا مايا." "حرام عليك.. أنا ماليش ذنب! أنا ماليش ذنب في اللي حصل زمان!" صرخت بضعف وهي بتحاول تملص إيدها منه، بس قبضته كانت زي الحديد. شدها وراه بقسوة وطلع بيها من المطبخ، ورمى إيدها بجفاء: "الذنب ذنب إنك من ريحتهم. اطلعي على أوضتك.. ومش عايز أشوف وشك في الفيلا لحد الصبح. الحساب الحقيقي هيبدأ من بكرة، وجهزي نفسك.. عشان الجحيم اللي عيشت فيه زمان، هخليكي تدوقيه بالملي." مجادلتش، جريت بأقصى سرعة عندها وهي ماسكة إيدها المحروقة وبتشهق بالبكاء، طلعت على أوضتها وقفلت الباب وراها بالمفتاح، وهي ضامة نفسها وبتترعش من الرعب. تحت في الصالة، صخر كان واقف يبص لأثر دموعها على الأرض، وطلع سيجارة تانية وولعها ببرود، وعينه لمعت بانتصار أسود.. اللعبة لسه في أولها. لم يزر النوم جفون مايا تلك الليلة. كلما أغمضت عينيها، ارتسمت أمامها عينا صخر السوداوان، وصوته القاسي يتردد في أذنيها كصدى لعنة. كانت يدها المحروقة تؤلمها، لكن الألم الأكبر كان في روحها المكسورة. مع بزوغ الفجر، نهضت ، و جسدها يرتجف وعيناها حمراوان من البكاء وقلة النوم. لم تعد تلك الفتاة التي تراقب النجوم، بل أصبحت مجرد ظل، فريسة في قفص من ذهب.نزلت السلالم ببطء، كل خطوة كانت تثقلها، وكأنها تسير نحو مصير مجهول. وصلت إلى الصالة، فوجدته جالساً على الأريكة الفاخرة، يرتشف قهوته بهدوء غريب، وكأنه لم يفعل شيئاً بالأمس. كان يرتدي قميصاً حريرياً أسود مفتوح الصدر، يكشف عن عضلات قوية، وبنطالاً أسود أنيقاً. ملامحه كانت هادئة، لكن تلك النظرة الباردة في عينيه كانت كافية لتجعل قلبها ينقبض. لم يرفع رأسه لينظر إليها، بل أشار بيده إلى طاولة الطعام التي كانت معدة لفرد واحد فقط. قال بصوت خفيض، خالٍ من أي عاطفة:"الفطار جاهز. كلي." جلست مايا على الكرسي، يدها ترتجف وهي تمسك بالشوكة. لم تكن تشعر بالجوع، بل بالغثيان. حاولت أن تأكل لقمة واحدة، لكنها لم تستطع. كانت عينا صخر تراقبانها من طرف خفي، وكأنه يستمتع بتعذيبها البطيء. بعد دقائق من الصمت الثقيل، وضع صخر فنجان قهوته ونظر إليها مباشرة. كانت نظراته حادة كحد السيف:" مش هتاكلي؟ ولا مستنية حد يأكلك؟ "أنا.. أنا مش جعانة. همست مايا، صوتها بالكاد مسموع.نهض صخر ببطء، واقترب من الطاولة. سحب الكرسي المقابل لها وجلس. مد يده وأخذ قطعة خبز، ثم غمسها في طبق الجبن ورفعها نحو فمها. كانت حركته سريعة ومفاجئة، لدرجة أنها لم تستطع الرفض."افتحي بوقك." قالها بنبرة آمرة، لا تقبل النقاش. فتحت مايا فمها ببطء، وابتلعت اللقمة بصعوبة. كانت تشعر بالإهانة تنهش كرامتها، لكنها كانت عاجزة عن فعل أي شيء. استمر صخر في إطعامها بضع لقيمات، كل لقمة كانت تشعرها بالاختناق. من النهاردة، حياتك كلها تحت إيدي. أكلك، شربك، نومك، حتى أنفاسك. كل حاجة هتكون بأمري. هتصحي بدري، وهتنامي متأخر. هتخدمي في البيت ده زي أي خدامة، وهتنفذي كل أوامري من غير نقاش. ولو فكرتي تعصي أمر واحد.. هتندمي ندم عمرك." خرج صخر وأغلق الباب خلفه، تاركاً مايا وحيدة في صالة الطعام، تشعر بأنها فقدت كل شيء، حتى حريتها. نظرت إلى يدها المحروقة، ثم إلى الأطباق أمامها، وانهارت في بكاء مرير. كانت تدرك أن هذا هو الجحيم الذي وعدها به، وأن كل يوم سيمر سيكون أشد قسوة من سابقه. رحلة العذاب قد بدأت للتو، وصخر الجارحي كان يستمتع بكل لحظة فيها. صباح اليوم التالي على الساعة تسعة الصبح، خبطات قوية ومنتظمة على باب أوضتها خلتها تتنفض في مكانها. الصوت مكنش غريب.. دي نفس النبرة الآمرة، بس المرة دي كانت من خلال الخشب. "مايا.. قدامك دقيقتين تفتحي الباب وتنزلِي، وإلا هكسره فوق دماغك." صوت صخر كان هادي، بس الهداوة دي كانت أرعب من الزعيق. قامت بسرعة، شعرها متبهدل، ووشها باهت مفيش فيه نقطة دم. فتحت الباب ببطء وهي منزلة راسها الأرض، لقيته واقف قدامها بكامل أناقته؛ قميص أبيض ضيق مبين عضلات جسمه القوية، وبنطلون أسود، وعينه السودا الحادة كانت بتفحص شكلها المتبهدل باحتقار ووداعة ممزوجة بشر. مشي من قدامها ونزل السلم وهو بيقول بجفاء: "ورايا." نزلت وراه بخطوات مرعوبة لغاية ما وصلت الصالة تحت. لقت على السفيرة شنطة سودا صغيرة، وجنبها راجل من رجالة صخر، لابس بدلة وحاطط إيده ورا ضهره زي الحراس. صخر قعد على الكرسي، وشاور للراجل اللي واقف: "هات اللي معاك يا سليم." الراجل قرب من مايا، وبكل برود مد إيده وأخد موبايلها اللي كان محطوط على الترابيزة الصغيرة، وأخد كمان المحفظة بتاعتها وباقي ورقها الخاص. مايا شافت حاجتها بتتاخد قدام عينها، وحست إنها بتتجرد من أخر خيط يربطها بالعالم الخارجي. "أنت.. أنت بتعمل إيه؟ دي حاجتي!" صوتها طلع مخنوق بدموع مكتومة. صخر سحب نفس من سيجارته وبص لها ببرود قاتل: "قولتلك مفيش خروج، ومفيش تواصل مع حد برة. تليفونك ده مش هتشوفيه تاني. ومن هنا ورايح.. إنتي ملكيش اسم برة الحيطة دي. سليم.. الورق ده يتعدم، والموبايل يتفرمت بالكامل." "حاضر يا صخر بيه،" الراجل قالها وتحرك برة الفيلا بكل طاعة. مايا لفت لصخر وبدأت تترعش، وجع إيدها المحروقة مع الإذلال والتحكم خلوها مش قادرة تتحمل. نزلت على ركبها قدامه، ودموعها نزلت مغرقة وشها: "أرجوك.. أنا عملتلك إيه؟ أنا ماليش ذنب في اللي عمي عمله! سيبني أمشي.. اشتغل خدامة في أي مكان، بس سيبني برة هنا.. أرجوك." صخر قرب وشه منها ببطء، ونظراته الصلبة كانت بتخترق عيونها المهزوزة. مد إيده ومسك فكها بقسوة وجفاء، وخلاها تبص له بالعافية: "الذنب إن دمك من دم الراجل اللي دمر عيلتي. وعايزك تفهمي حاجة كويس يا قطة.. صخر السيوفي مبيسبش حقه، وبما إن عمك اختار نفسه وهرب.. فإنتي اللعبة اللي هعوض بيها سنين الغل اللي عشتها. دموعك دي مش هتحرك فيا شعرة.. جهزي نفسك، عشان من دلوقتي، الشغل الحقيقي في الفيلا هيبدأ، والكسر اللي هكسرهولك.. ملوش علاج." ساب وشها بجفاء رماها على الأرض، وقام وقف بكل هيبته وجبروت، وسابها في الصالة تبكي على حظها والوجع اللي جاي. واتحرك نحو لوحة زيتية لوالدها كانت معلقة في منتصف الصالة، كان ينظر إليها ببرود، وفي يده كأس من الماء. ."اللوحة دي لازم تتشال." قالها صخر فجأة دون أن يلتفت إليها، صوته كان حاداً كالشفرة.انقبض قلب مايا، وصرخت بضعف:"لأ. أرجوك! دي أغلى حاجة عندي.. دي صورة بابا!"التفت إليها صخر ببطء، وكانت نظراته تحمل سخرية قاتلة. اقترب منها حتى حاصرها بظله الطاغي، وهمس بصوت أجش:"أبوكي اللي صورته منورة الصالة ده، كان شريك في ضياع أبويا. البيت ده، بكل ركن فيه، بقى ملكي أنا.. وبما إنك "الخدامة" الجديدة هنا، فإنتي اللي هتشيليها بإيدك وتنزليها المخزن تحت."بكت مايا بنهيار، كانت تشعر بأنها تُجرد من هويتها قطعة قطعة في بيتها الذي ولدت فيه. "حرام عليك.. كفاية اللي عملته في عمي، سيبلي أي حاجة تفكرني ببابا."لم يلن قلب صخر، بل زاد قسوة. أمسك بكتفها وضغط عليه بقوة أجبرها على النظر إليه: "الحرام هو اللي عيشته أنا سنين برة.. الجوع، والبرد، والذل عشان أرجع وأقف الوقفة دي. ودلوقتي، قدامك عشر دقايق.. اللوحة تتشال، والصالة تتنضف، وبعدها تطلعي ترتبي أوضتي "الجديدة".. أوضة عمك العزيز اللي سابك وهرب. عايز كل ركن فيها يتغير، مش عايز ريحة حد من ريحتكم تفضل موجودة."تركها وخرج إلى الحديقة، تاركاً إياها تصارع ذكرياتها وآلامها. وقفت مايا أمام لوحة والدها، لمست وجهه بأصابعها المرتعشة، وهمست بمرارة: "سامحني يا بابا.. البيت مابقاش بيتنا، وبنتك بقت جارية عند العقرب." بدأت في تنفيذ أوامره بآلية ميتة، شالت اللوحة وهي تشعر بأن روحها تُنتزع معها. كل ركن في الفيلا كان يصرخ بذكريات طفولتها، لكن صوت صخر كان يطغى على كل شيء، مذكراً إياها بأنها الآن مجرد "حساب قديم" يتم إغلاقه بالدموع والذل.صعدت إلى غرفة عمها، التي اختارها صخر لتكون غرفته، وبدأت في ترتيبها وهي تشعر بالتقزز والخوف. كانت تلمس أغراضه الشخصية، عطره، ملابسه، وتشعر بأن سمه يسري في كل مكان حولها. وبينما كانت تمسح المكتب، وجدت ورقة صغيرة مخبأة تحت المفارش، كانت تحمل اسماً وتاريخاً قديماً.. تاريخاً يعود ليوم وفاة والديها. تجمدت يدها، وتسارعت دقات قلبها.. هل هناك سر آخر يربط بين صخر وموت عائلتها؟ وقبل أن تقرأ المزيد، سمعت صوت خطواته الرزينة تقترب من الغرفة.. خطوات العقرب الذي لا يغفل عن فريسته أبداً. انحبست الأنفاس في صدر مايا، والورقة الصغيرة في إيدها بقت زي الجمرة اللي بتحرق صوابعها المرتعشة. صوت خطوات صخر الرزينة والمنتظمة على أرضية الممر برة الأوضة كان بيقرب.. خطوة.. ورا.. خطوة. بسرعة وجنون، بتتصرف تحت تأثير الرعب، طبقت الورقة وحشرتها في جيب بنطلونها الصغير، ولفت ضهرها للمكتب وحركت الفوطة اللي في إيدها بسرعة فوق الخشب وهي بتدعي إن قلبها اللي بيدق بعنف ميتسمعش برة صدرها. في نفس الثانية، كان ضل صخر الطاغية غطى على عتبة الأوضة. وقف ساند ضهره على إطار الباب، حاطط إيديه في جيوب بنطلونه الأسود، وعيونه السودا الحادة كانت بتتحرك في الأوضة ببطء، بتراقب كل تفصيلة، لغاية ما ثبتت عليها. ملامحه الصارمة كانت خالية من التعبير، بس كان فيه لمعة شك وذكاء حاد في عينه تخلي الدم يتجمد. مشى خطوات بطيئة لغاية ما بقى واقف ورا ضهرها بالظبط. مايا اتجمدت، والفوطة وقفت في إيدها. همس بصوته الأجش البارد اللي لفح ودنها: "إيدك وقفت ليه؟ أنا قولت عايز الأوضة دي تتنضف من أثر ريحتكم القذرة.. مش تقفي تتأملي الخشب." بلعت ريقها بصعوبة، ولفت وشها ليه نص لفتة وهي منزلة عيونها الأرض بخوف: "أنا.. أنا كنت بمسح المكتب.. خلاص قربت أخلص." مردش، بس مد إيده القوية وفجأة قبض على معصم إيدها المحروقة وضغط عليه بجفاء وقسوة. مايا أطلقت صرخة ألم مكتومة: "آه.. بتوجعني!" صخر رفع إيدها لمستوى عينه، وبص للجرح والحرق بنظرة خالية من أي ذرة رحمة، وقال بنبرة واطية ومرعبة: "الوجع ده هو اللي هيخليكي تفوقي وتعرفي مكانك فين في البيت ده يا قطة. بس مش عارف ليه حاسس إن فيكي حاجة غريبة.. دقات قلبك دي سريعة زيادة عن اللزوم.. والمرة دي مش خوف وبس." عينه اتنقلت من إيدها لملامح وشها الباهت اللي بدأ يعرق من الرعب، ونظراته نزلت ببطء لغاية ما جت على جيب بنطلونها. مايا حست إن روحها بتنسحب؛ لو فتشها وعرف إنها أخدت الورقة، وش صخر التاني اللي شافته امبارح هيكون مجرد نزهة قصاد اللي هيعمله فيها دلوقتي. قرب وشه منها أكتر، لدرجة إنها بقت قادرة تشم ريحة سيجاره القوية المخلوطة بعطره الغامض، وضغط على فكها بأطراف صوابعه الصلبة بجفاء وقسوة: "أنا مابحبش اللف والدوران.. ومابحبش حد يخبي عني حاجة في مكاني. بقلم #ماياخالد حصري فقط صفحة روايات مايا خالد. لو حسيت بس إنك بتلعبي بديلك من ورايا، هتدفني هنا في الأوضة دي.. ومحدش هيعرفلك طريق." دموعها نزلت غصب عنها من الألم والرعب، وهزت راسها بالنفي وهي بتتكلم بصوت مكسور ومهزوز تماماً: "والله العظيم ما بعمل حاجة.. أنا تعبانة من إيدي.. وخايفة منك.. مش أكتر." تأمل عيونها البريئة المليانة دموع لثواني طويلة، وكأنه بيقرا أفكارها، وبعدين ساب وشها بجفاء رماها لورا خطوة، وقال وهو بيعدل قميصه الأبيض ببرود وسادية: "خلصي اللي في إيدك.. وانزلي الجنينة برة، الحراس جايبين صناديق تخص الشغل الجديد، هتقفي تشرفي على نقلها للمخزن تحت.. ورجلك دي لو خطت برة السور، الحرس معاهم أوامر بالضرب في المليان." التفت وتحرك برة الأوضة بكل هيبته وجبروته، وأول ما صوته اختفى، سندت على المكتب وهي بتنهج بنهيار وجسمها كله بيتنفض. حطت إيدها في جيبها وطلعت الورقة المطبقة بعناية، وبإيدين بترتعش فتحتها عشان تقرأ السطور اللي ممكن تقلب حياتها وحياة صخر رأس على عقب. الورقة كان مكتوب فيها بخط عمها عاصم: (حادث طريق الإسكندرية - تم التنفيذ بنجاح. السيوفي انتهى، والشركات بقت لينا. التاريخ: ١٤ / ٧ / ٢٠١٨) مايا برقت عيونها بذهول وصدمة، والدموع جفت في عينها.. التاريخ ده هو نفس اليوم اللي أبوها وأمها ماتوا فيه في حادثة العربية! يعني صخر مكنش بيتبلى على عيلتها.. عمها هو اللي قتل أبو صخر.. وقتل أبوها وأمها معاه في نفس الحادثة عشان يستولى على كل حاجة! وفي وسط صدمتها وذهولها، سمعت صوت صخر بيزعق للحراس تحت في الجنينة بصوت جهوري هز الفيلا. همست بين حالها" الورقة دي لو صخر شافها.. مش هيرحم حد من ريحة عاصم الجارحي، وهي أولهم!" وقفت مايا مكانها مشلولة، الكلمات المكتوبة في الورقة كانت بتدور في دماغها زي الإعصار. عمها عاصم.. الراجل اللي عاشت في بيته ورباها بعد موت أهلها، مطلعش بس نصاب وأفلس صخر، ده طلع قاتـ.ل! هو اللي دبر الحادثة اللي حرمتها من أبوها وأمها، وفي نفس الوقت دمرت عيلة صخر. حطت الورقة في جيبها تاني بسرعة وهي بتترعش، بس المرة دي الرعب مكنش من صخر وبس.. الرعب كان من الحقيقة المفزعة اللي شايلاها جوة صدرها. مسحت دموعها بكم قميصها بخطوات مهزوزة، ونزلت السلم وهي حاسة إن رجليها مش شايلاها. أول ما خرجت للجنينة، لفحت وشها حرارة الجو، ووقعت عينها على المنظر اللي قدامها. الفيلا كانت مقلوبة. تلات عربيات نقل سودا ضخمة واقفة، ورجالة صخر ببددهم السودا وجسامهم القوية بينقلوا صناديق خشبية مقفولة ومكتوب عليها بالخط العريض أرقام ورموز مبهمة. وفي وسط الجنينة، كان صخر واقف بطوله الفارع، عاطي ضهره للفيلا، وبيشاور للحراس بنبرة حادة وآمرة تخلي الكل يتحرك زي الساعة. أول ما سمع صوت خطواتها الضعيفة على النجيل، التفت ببطء. عيونه السودا الحادة جت في عيونها فوراً. اتجمدت مكانها. النظرة اللي بصتهاله المرة دي مكنتش مجرد خوف من جلادها.. كانت نظرة مختلطة بصدمة، وألم، وذنب هي مالهاش يد فيه. صخر لاحظ التغيير اللي في عيونها البريئة؛ لمح لمعة غريبة مكنتش موجودة من شوية. قرب منها بخطواته الرزينة الواثقة لغاية ما بقى واقف قدامها، ونفخ دخان سيجارته في الهوا وقال بجفاء وسخرية: "شرفتي يا هانم.. الخمس دقايق بقوا عشرة. شكلك لسه متعلمتيش يعني إيه كلمة العقرب." مايا من طوعها نزلت راسها الأرض، ونطقت بصوت مبحوح ومكسور جداً: "أنا.. أنا آسفة. هعمل إيه؟" صخر شاور بإيده على الصناديق اللي بتتنقل للمخزن اللي تحت الأرض في الجنينة: "تقفي هنا.. وعينك متفارقش الصناديق دي. الحساب بالورقة والقلم. الصندوق اللي يدخل المخزن تعلمي عليه في الدفتر ده.. ولو صندوق واحد نقص، أو حصل فيه خدش.. حسابك معايا مش هيكون هنا في الجنينة، هيكون في المخزن تحت.. في الضلمة." رمى الدفتر والقلم في إيدها بجفاء، وخبط في إيدها المحروقة غصب عنه. اتأوهت بصوت واطي ودموعها نزلت، بس حست إن الوجع اللي في قلبها بسبب حقيقة موت أبوها أضعاف الوجع اللي في إيدها. صخر مبعدش، فضل واقف قريب منها، وعيونه بتراقب ملامح وشها الباهت بنظرات صلبة خالية من الرحمة. همس بقسوة وهو بيميل عليها: "عايزك تتفرجي كويس على الصناديق دي يا مايا.. دي بداية الإمبراطورية اللي عمك حاول يهدها زمان. أنا رجعت ووقفت على رجلي.. وعمك هرب زي الفأر.. وإنتي هنا هتدفعي التمن حتة حتة." مايا رفعت عينها المبلولة وبصت جوة عيونه السودا المتوحشة. كان جواها رغبة مجنونة إنها تصرخ وتقوله: أنا كمان ضحية! عمي قـ.تل أبويا وأمي في نفس الحادثة! بس الخوف لجم لسانها. لو عرف إنها معاها الورقة، ممكن يفتكر إنها كانت عارفة ومخبية، أو ممكن ياخد منها الدليل الوحيد اللي يثبت حقيقة موت أهلها. هزت راسها بقلة حيلة ونكسرت عيونها للأرض تاني: "حاضر.. هعدهم." صخر سابها ومشي ببرود وجبروت عشان يتابع رجالته، ومايا وقفت ماسكة القلم بإيد بتترعش، وعينها على الصناديق، وعقلها شغال في مصيبة أعمق.. إزاي هتحمي نفسها من جحيم صخر وهي شايلة السر ده؟ حلّ ليل جديد على الفيلا، ليل تقيل ومخيف. كانت قاعدة في ركن الصالة الضلمة، جسمها مهدود من وقفة الجنينة تحت عيون صخر وحراسه، وجيب بنطلونها لسه مخبي السر الأعظم.. ورقة إدانة عمها في حادثة أهلها. فجأة، الباب الخارجي اتفتح ودخل صخر. ملامحه كانت مشدودة، وعيونه السودا بتلمع ببرود مرعب. قعد على الكرسي وبدأ يفك زراير قميصه الأسود بإهمال. وفي ثواني، دخل وراه "سليم" دراعه اليمين، ووشه باين عليه إنه شايل أخبار تقيلة. صخر سحب نفس عميق من سيجاره، ونفخ الدخان ببطء، وظهرت على شفايفه ابتسامة خبيثة وسادية وقال: قول اللي عندك يا سليم.. عاصم حصل ايه بعد ما طلع من هنا! مايا أول ما سمعت اسم عمها، أنفاسها اتكتمت. لزقت ضهرها في الحيطة اللي ورا العمود، وبقت بتسمع بكل جوارحها وقلبها بيدق في رجليها من الرعب. سليم انحنى ببطء وكمل بصوته الجاف: "عاصم كان الأمل الوحيد ليه هو ابنه فارس اللي في إيطاليا.. لِم اللي باقي معاه وسافر له مخصوص عشان يستنجد بيه.. وميعرفش إن رجالتنا هناك كانوا خلصوا عليه اول ما وصلوا." صخر رفع حاجبه ببرود، وعينه لمعت بشر حقيقي وهو مستمتع بالكلام. أسترسل الأخر حديثه : "أول ما عاصم وصل إيطاليا عشان يشوف ابنه، اتصدم لما لقى فارس مات في نفس اليوم! تمتم صخر بشماتة ونشوة " راح عشان يتحامى في ابنه، لقى نفسه واقف قدام جثته." ها وبعدين؟ مايا برقت عينيها بصدمة وحطت إيدها على بوقها.. حادثة طريق! نفس الموتة اللي عمها دبرها لأبو صخر ولأهلها زمان! سليم كمل: "أمه (إلهام) لما عرفت الخبر وشافت ابنها، قلبها مستحملش الصدمة.. جالها سكتة قلبية وماتت وعاصم دلوقتي.. مشرد في شوارع إيطاليا.. بيكلم نفسه، عقله طار وبقى يكلم نفسه زي المجانين في شوارع روما بعد ما خسر مراته وابنه وفلوسه في ليلة واحدة." صخر ضحك ضحكة عالية، ضحكة رجت جدران الفيلا، ضحكة كلها جبروت: "يعني مات مية مرة وهو عايش.. حرقوا قلب أبويا في حادثة وضيعوا شقا عمره، وأنا حرقت قلبه بنفس الطريقة.. الحادثة بالحادثة، والدم بالدم. سافر عشان ينجد بجلده فلقى جحيمي مستنيه هناك.. سيبوه شحات في الشوارع يكلم نفسه.. الموت ل عاصم الجارحي رحمة، وأنا مبرحمش." كانت بتشهق في صمت ودموعها نازلة زي الشلال.. من كتر الرعشة والخوف، رجلها خبطت في فازة صغيرة كانت محطوطة على تربيزة جنب العمود. الفازة اتهزت وعملت صوت في الصالة الفاضية. في ثانية.. صخر سكت، وعيونه السودا الحادة لفت ناحية العمود زي الفهد اللي شم ريحة فريسته. وبصوت جهوري يرعب الحجر قال: "مين هناك؟!" تحرك صخر بخطوات سريعة وصارمة ناحية العمود، وقبل ما مايا تلحق تتحرك أو تستخبى، كان قبض على دراعها بعنف وشدها لبرة النور. عيونه كانت بتطلع شرار وهو بيبص في وشها المبلول بالدموع: "كنتي بتتصنتي عليا يا مايا؟" مايا وجسمها اللي بيترعش كله، بصت له بعيون مكسورة وهي شايفة قاتل ابن عمها ومخرب بيتهم واقف قدامها، وفي نفس الوقت عارفة إن عمها يستاهل لأنه قتل أهلها. تداخل المشاعر والرعب خلوها مش قادرة تنطق، وجيب بنطلونها لسه جواه الورقة! كانت قبضته على دراعها زي الكلبش الحديد، صوابعه القوية غرزت في لحمها بجفاء وقسوة خلتها تطلق آهة وجع مكتومة. صخر سحبها لوسط الصالة تحت ضوء النجفة الواسع، وعيونه السودا الحادة كانت بتخترق وشها الباهت المبلول بالدموع وكأنه بيقرا كل أفكارها. سليم أول ما شاف الموقف، انحنى ببرود وقال: "تأمرني بحاجة تاني يا صخر بيه؟" صخر مبصلوش، فضلت عينه مثبتة على مايا المرعوبة، وقال بنبرة حادة وصارمة: "اتفضل إنت يا سليم.. وأقفل الباب وراك." خرج سليم وساب وراه سكون أرعب من الموت. صخر قرب وشه من مايا لدرجة إنها حست بحرارة أنفاسه الغاضبة، وضغط على فكها بأطراف صوابعه بقسوة، وقال بصوت واطي ومرعب: "سألتك.. كنتي بتتصنتي عليا؟ سمعتي إيه؟" مايا كانت بتترعش بالكامل، و دموعها بقت شلال، تداخل المشاعر جواها كان هيجننها؛ الخوف من الراجل الصلب اللي واقف قدامها، وصدمة موت ابن عمها ومرات عمها، وفوق كل ده.. معرفتها إن عمها هو اللي قتل أبوها وأمها. حاولت تنطق وصوتها طلع متقطع ومبحوح: "أنا.. أنا مكنتش بقصد.. أنا كنت نازلة أجيب مية.. والله العظيم مكنتش بتصنت." صخر ضحك ضحكة ساخرة خالية من أي رحمة، وزق وشها بجفاء رماها خطوة لورا، وفضل محاصرها بطوله الفارع وهيبته الطاغية: "دموع الحريم دي متمشيش عليا يا قطة. إنتي سمعتي كل كلمة.. سمعتي إن عمك الغالي بقى شحات بيشحت في شوارع إيطاليا بعد ما دفن ابنه ومراته بإيده.. صح؟" مايا حطت إيدها المحروقة على صدرها بوجع، وبصت له بعيون مكسورة ومصدمة، وقالت بنبرة خنقتها العبرة: "أنت.. أنت قاسي أوي.. دمرتهم كلهم في ليلة واحدة.. ذنبهم إيه؟ ذنب فارس إيه يموت ؟ أول ما قالت جملة "موت"، ملامح صخر اتحولت لكتلة من الغضب الأعمى والشر المحض. قرب منها في ثانية، وقبض على شعرها من ورا بقسوة وعنف، وخلاها ترفع وشها ليه بالعافية، وفكوكه كانت بتتحرك بغيظ: "ذنبهم إيه؟! وعيلتي أنا كان ذنبها إيه لما عمك ضيع شقا عمره وسابه بديونه؟! الذنب ذنب الدم اللي بيجري في عروقكم.. وأنا قولتلك،مش بسيب حقي.. اللي يوجع العقرب، يتدمر هو وكل اللي من ريحته." في اللحظة دي، ومن كتر الشَد والجذب، جسم مايا اتهز، وحست بإن فيه حاجة بتتحرك في جيب بنطلونها الصغير.. الورقة المطبقّة! طَرف الورقة القديمة ظهر من جيبها. عين صخر الحادة والمدربة على أدق التفاصيل لقطت اللون الأصفر للورقة القديمة فجأة. سكت تماماً، وعيونه السودا نزلت ببطء لجيوب بنطلونها، ولمع فيهم شك قاتل. ساب شعرها بجفاء، وقبل ما مايا تستوعب أو تحاول تداري نفسها، مد إيده القوية وبحركة سريعة ومفاجئة، حشر صوابعه في جيب بنطلونها وسحب الورقة برة. مايا برقت عينيها برعب حقيقي، وحست إن قلبها وقف تماماً: "لأ.. أرجوك! لأ!" صخر خطى خطوة لورا ببرود، وفرد الورقة القديمة بإيد واحدة وعيونه بتقرأ السطور المكتوبة بخط عاصم الجارحي عن حادثة طريق الإسكندرية. ملامحه وهو بيقرأ بدأت تتغير من البرود الذهول.. وبعدين لغضب زلزل كيانه كله. رفع صخر عينه من على الورقة، النظرة اللي فيهم المرة دي مكنتش مجرد غضب.. دي كانت نظرة ذبح. عروق رقبته وإيده اللي ماسكة الورقة برزت لدرجة إن الورقة اتهرت تحت صوابعه. صوته طلع واطي، حاد، وزي فحيح الأفعى: "الورقة دي.. جيباها منين؟" مايا رجعت لورا خطوة، وجسمها كله بيتنفض وشهقاتها بدأت تزيد. شخصيتها المهزوزة خلتها تفقد القدرة على التفكير، ومبقتش عارفة تدافع عن نفسها إزاي: "أنا.. أنا لقيتها.. لقيتها في المكتب فوق.. تحت المفرش والله.. والله ما كنت أعرف!" صخر خطى خطوة واحدة سريعة، وبكل جبروته وقسوته قبض على دراعها المحروق وضغط عليه بعنف، خلى صرخة ألم قوية تطلع من حلقها. مال على وشها وعيونه ماليانة شرار: "بتستغفليني يا بنت الجارحي؟! بقالك قد إيه عارفة؟ بقالك قد إيه شاحنة الورقة دي في جيبك؟ عمك باعتك هنا عشان تلاقيلك ثغرة تلوى بيها دراعي؟!" دموعها نزلت زي الشلال وهي بتحاول تفك إيدها منه بضعف وقلة حيلة: "لأ يا صخر لأ! أنا لسه لاقياها انهارده وأنا بنظف الأوضة زي ما قولتلي! والله العظيم ما كنت أعرف إن عمي عمل كدة.. أنا صدمتي في موت أبويا وأمي أكبر من صدمتك.. الورقة مكتوب فيها إنهم ماتوا في نفس اليوم.. يعني عمي قتلهم هما كمان!" صخر سكت لثانية، وعينه لمعت بذهول وشك وهو بيسمع كلامها وبيدرس ملامح وشها الميت من الرعب والكسرة. بس كبريائه وجبروته عموه عن تصديقها بسهولة. زقها بجفاء رماها على الكنبة، وفضل واقف فوق رأسها وهو بيطبق الورقة ويحطها في جيب قميصه: "عايزاني أصدق إنك بريئة؟ عاصم الجارحي مبيخلفش غير تعابين.. وإنتي الحية اللي كان سايبها وراه عشان تلدغني في ضهري. بس ورب العرش يا مايا، لو طلع ليكي يد في اللعبة دي، أو لو كنتي عارفة ومخبية عشان تحمي عمك.. اللي عملته في فارس وأمه برة مصر، هيكون نقطة في بحر اللي هعمله فيكي هنا." مسك الدفتر اللي كانت بتسجل فيه الصناديق ورماه في وشها بقسوة: "اطلعي على أوضتك.. وملمحش طيفك في الفيلا دي لغاية ما أشوف الورقة دي أصلها وفصلها إيه. والباب هيتقفل عليكي من برة.. حسابك معايا لسه مبدأش." مايا قامت تجري وهي بتعيط بنهيار، وطلعت السلم وهي مش شايفة قدامها من الدموع. دخلت الأوضة وقفل الحارس الباب وراها بالمفتاح. اترمت على الأرض وهي حاطة رأسها بين رجليها.. الحقيقة ظهرت، وصخر بقى أشرس، وهي بقت محبوسة في جحيمه من غير أي وسيلة حماية. يتبع لو لاقيت تفاعل مرضي هكملها بقلم #ماياخالد حصري فقط صفحة روايات مايا خالد. مايا والعقرب