العبيط

— بابا حجز تذكرة طيران واحدة لتركيا باسمه ليوم الخميس، وحجز نهى اتلغى من 3 أيام. وهو خد 180 ألف بتوع شهد وسدد بيهم ديونه الشاطبية.

نهى اتسمرت في مكانها، وبصت لـ تامر بذهول:

— تامر… الكلام ده صح؟! إنت لغيت حتتي؟!

تامر ارتبك وصرح بصوت عالي:

— الواد ده كداب ومجنون!

قبل ما تامر يكمل كلمته، دخلت القاعة “ميرفت” ومعاها ضابط شرطة واثنين من أمناء الشرطة.

— هو ده الدكتور والأستاذ اللي زوروا الأشعة والتقارير الطبية باسمي! — قالت ميرفت وهي بتشاور على تامر ودكتور مدحت اللي كان قاعد في آخر الترابيزة.

المحامية أمل وقفت وقدمت للضابط محضر رسمي يتضمن:

* إيميل المستشفى الألمانية الموثق بنفي وجود أي مريض باسم نهى.

* صور المحادثات بين نهى وتامر للتخطيط للسرقة والنصب.

* تسجيلات وبلاغ سرقة الـ 180 ألف جنيه الخاصة بشهد.

* التقرير الطبي المزوروالمسروق من مستشفى القلب.

ضابط الشرطة بص لـ نهى وقالها بصرامة:

— اتفضلي معانا يا مدام.. وإنت كمان يا أستاذ تامر، ودكتور مدحت يتفضل معانا.

نهى زقت الكرسي وقامت وقفت على حيلها بمنتهى الصحة والنشاط، نسيت العكاز ونسيت وجع القلب، ومسكت في هدوم تامر بتصرخ:

— يا خاين! يا حرامي! كنت عاوز تاخد فلوسي وتخلع لوحدك؟!

تامر زقها بقوة وقالها:

— فلوس مين يا هبلة؟! إنتي فاكرة نفسك إيه؟ إنتي مجرد أداة نصب بالنسبة لي!

الشرطة كلبتش إيد تامر ونهى ودكتور مدحت وسط ذهول كل المتواجدين في المطعم اللي كانوا بيصوروا المشهد بالموبايلات.

نهى وهي بتتجر لبرة بصت لـ حسين ودموعها نازلة، المرة دي دموع حقيقية:

— حسين! ارجوك سامحني.. أنا اتضحك عليا! حسين أرجوك متسبنيش!

حسين بص لها بكل برود وقال كلمة واحدة:

— انتي انتهيتي من حياتي يا نهى.. والقانون هو اللي هيديكي حقك.

بعد شهرين من الحادثة:

* تم الحكم على تامر النجار بـ 5 سنوات سجن بتهمة النصب والتزوير وسرقة أموال شهد.

* تم الحكم على نهى بـ 3 سنوات سجن لمشاركتها في الجر..يمة والشروع في سرقة القرض والتزوير.

* تم إلغاء ترخيص دكتور مدحت وحبسه سنتين.

* تم استرداد الـ 180 ألف جنيه الخاصة بشهد بعد حجز النيابة على حسابات تامر.

رجع حسين لشتقته مع بنته شهد، كانت الشقة أهدى وأطهر. شهد دخلت جامعتها اللي بتحلم بيها، وحسين رجع يشتغل في مصنعه وهو مرفوع الرأس، بعد ما كشف الخيانة وانقذ بنته ونفسه من أبشع ملعوبة كانت هتخرب حياتهم للأبد.