حكاوي زين

رفع وشه وبصلي – سكتي لية؟
– أنت.. أنت
إبتسم – أنا أية؟
– يعني انت بصتلي! مش المفروض إنك غاضص البصر
من بدري؟
– دي رؤية، أنا محبتش أحرجك من الأول بس من حقي وحقك إننا نشوف بعض كويس
إتوترت اكتر من رده الواثق – ممكن متبصليش
نزل وشه في الأرض – تمام، هتكلم أنا عن نفسي.

خلص كلام عن نفسه أنه محاسب وعنده شقته ومرتبه ممتاز وأهله طيبين وشوية اتكلم عن حياته بشكل عام وبدأ يسألني فجأة
– أية سبب خوفك من الجواز ؟
– خوفي!
بصتله بشك فابتسم وكمل – مصطفي كلمني عنك شوية وعن رفضك للجواز بشكل عام.

يعني مقالوش علي حكاية العرسان الي بتطفش ؟ وهيقول ازاي اختي بيجري منها العرسان من غير سبب ! ميصحش برضو
– مؤذي
– مؤذي! لية؟ الجواز مودة ورحمة
رديت بجمود – ليا أسبابي الخاصة ومش حابة إني اقولها
هز رأسه بتفهم وكمل – بتحبي الأطفال؟
إبتسمت – جدًا
– وأنا مبحبهمش
– أية! لية؟
– ليا أسبابي الخاصة ومش حابب إني اقولها
رفعت حاجب واحد بإعجاب – بتلعب معايا علي المكشوف كدا عيني عيني ؟
إبتسم – بس أية رأيك؟
– في إيدي ارفضك
– وفي إيدك توافقي
– وأية يخليني اوافق ؟
– نفس السبب الي مخلكيش تعملي حاجة تطفشني أو تخليني أمشي من البيت فجأة من غير سبب
بصتله بصدمة وتوتر – أن.. انت بتقول أية ؟ عرسان أية الي بطفشهم !
– تؤ، إحنا قولنا هنلعب علي المكشوف، مش كدا ولا أية؟
– مين قالك ؟
– مش محتاجة تفكير، مفيش سبب منطقي غير كدا
رجعت ضهري لورا وشبكت إيديا في بعض بجدية
– جميل مش محتاجة أعمل دلوقتي حاجات تطفشك، انت تاخد يمين في شمال
– وعلطول والباب في وشي
وقفت – جدع، يلا وريني جمال خطوتك
متحركش من مكانه مكانه ببرود – روحي علي اوضتك وناديلي مصطفي
– نعم
– برا

بيتحداني؟ ورحمه جدي لأوريه النجوم في عز الضهر، أنا هخليه يقف علي رموشه ويقول حقي برقبتي
– بتتكلمي بجد؟
– ايوه، هفكر المرادي.

من حكاية معقدة ولا رافضة الجواز، أنا بس كل الي حواليا كان جوا علاقات فاشلة، فاشلة بكل المقاييس، دا خطيبها سابها من غير أسباب، ودي حبيته حب الدنيا كله وفي الاخر اتجوز صاحبتها، ودا طلقها بعد 3 سنين حب في الخطوبة، ودا كان بيعاملها وحش قدام اهله، ودا كان بخيل، ودي خلعت دا، و و و… وأنا اية يدخلني في المتاهه دي؟ أسيب بيت اهلي وورك الفرخة بتاعي لية ؟
يييي قصدي أروح أعيش مع شخص غريب ياعالم هيعمل فيا أية لية واقول صوابعك مش زي بعضها
أية الضمان ؟ أية يضمنلي ميأذنيش؟ أية يضمن!
– رحمة
– نعم يا مصطفي