حكاوي زين

فتح الباب فنزلت وبصلي وخرج، إبتسمت وسقفت، ياااس الخطة نجحت، الخطة نجحت

– وحيات أمك !!
بصتله بخضة – يالهوي زين
شمر اكمام قميصه – أنا هفرجك
لقيت ولف ورايا – إعقل يا زين
– ” هرمي نفسك، إبعد عني” مش كدا؟
– أعصابك ياراجل اعقل كدا
– انتي خليتي فيها عقل، أنا بقيت خُلل زيك
وقفت مكاني – أنا خُلل! انت.. يالهوي سيبني

‏تابع قناة أجمل الروايات و الاسكربتات 💘 في واتساب: https://whatsapp.com/channel/0029VbByV1z9hXF16lDUcr2Q

مسك دراعي وإبتسامة شريرة شفتها علي شفايفه
– عاوزاني أطلقك ها؟
– دي وزة شيطان والله
– وقبلها ما تحترم نفسك وغلطانة إني كلمتك
– ايوه غلطانة… ها لا مش غلطانة أوي يعني
– بتفرجي الناس علينا يارحمة؟
– هفهمك

شالني وقرب ناحية الشباك – أنا هرميكي بنفسي من هنا وأخلص منك.
مسكت في قميصه بسرعة – يالهوي يخربيتك إلحقوني
– كل ما تصرخي أكتر كل ما هوصل للشباك أسرع
– يعني أموت مقتولة ومن غير صوت؟ أية السهولة دي !
قرب من الشباك اكتر – مش عجبك، شكلك مش عجبك
مسكت فيه اكتر – لا وربنا عاجبني، خلاص والله
– إعتذري عن كل الي عملتيه
– لا طبعًا
قرب من الشباك أكتر – يالهويي أنا أسفة خلاص والله مش هعمل كدا تاني.
– وافقتي علي الجواز برضاكي ولا غصب عنك؟
– غص..
– ها
– برضايا، وأنا هلاقي زيك فين يا سبعي، برضايا طبعًا
– قولي إنك بتحبيني
– لا أنت زودتها اوي
– رحمة
غمضت عيوني – لا، إرميني يلا أشهد أن لا أله إلا الله وأن محمد رسول الله.
حسيت بدرعاته بتسيب واستسلمت.. بس فجأة حسيت إني نايمة علي حاجة طرية! انا نايمة علي الكنبة ؟

سمعت صوته الخايف – رحمة.. رحمة أنتي سمعاني ؟
مفتحش عيوني ومسكت نفسي إني مضحكش، والله لأربيك
– رحمة.. رحمة فوفي يا لهوي حصلك أية بس !
مفتحتش فكمل ورش برفيم – رحمة.. في أية حصلك أية ؟
والله كنت بهزر معاكي معرفش إن قلبك خفيف كدا.

وربنا لعلمك الأدب ياابو بدلة كحلي يا قمر أنت
– ردي عليا.. رحمة.. رحماااااه

قررت ارحمه وفتحت عيني بالراحه خالص، شفته ملامحه القلقانه.. يالهوي أنا في التمثيل معرفش ياما ارحميني
ساعدني اقعد – انتي كويسة؟

هزيت راسي فمرة واحدة حضني، حضني جامد اوي وانا استغربت.. معقول خاف بجد ! طب لية بيعمل فيا كدا ؟
طبطبت علي ضهره – أنا بخير
بصتله وانا مستغربة من ملامحه القاعة – أنت خايف؟
– لو مخوفتش عليكي هخاف علي مين ؟