طعم ف يدا اليفه السادس

بعد عدة ساعات صعدت الى ابنة جارتها التي تعمل باحد الكباريهات بتقديم المشروبات
_عاملة ايه يابت ياصباح
_جيهان وحشتيني، يخربيتك، كل مرة بتحلوي يابت
ضحكت جيهان واشارت لوالدتها
_هكون احسن من امك يابت
ازيك ياخالتي
_ازيك ياجيهان، كويس انك جيتي، تعالي قولي رأيك الفستان دا احسن ولا دا
_ايه ياخالتي مش عايزة تكبري خالص، على العموم البني احسن، ياترى السهرة فين
_دا عمك فرح بنت صاحبة عمك مأمون، ومينفعش اروح معاه متبهدلة
ضحكت جيهان وقالت
_جننتي الراجل ياخالتي، سحبت صباح ودلفت بها للغرفة
_عايزاكي في موضوع مهم، قبل ماجوز امك يرجع
_خير ياجيهان
_انت لسة شغالة في الكباريه يابت
_لسة ياختي، ربنا ينتقم منه جوز امي
_طيب اسمعيني كويس، عايزة اسألك عن واحد. بيروح عندكم
شهقت صباح وقالت
_اوعي يكون جوزك يامنيلة
_ياريت ياختي، دا اخره حفلة طهور
ضحكت صباح ولكزتها
_يابت احمدي ربنا مش احسن ماعينه تيجي كدا ولا كدا
_طب خليه يعملها كدا، وانا احط صوابعي كلها في ننن عنيه، المهم فيه واحد عندكم اسمه مروان الحارث، تعرفيه
ضربت على صدرها شاهقة
_يخربيتك… ودا عرفتيه ازاي
_اهدي ياختي، انا بسأل بس، اصل فيه بنت عندنا في الشارع لفتت انتباه، فجابر قالي بيروح عندكم
_لا لا.. بلاش، قولي لها تبعد عنه
_ليه علشان بتاع بنات وكدا، الرجالة كلها في الاول كدا
هزت رأسها وهمست اليها
_لا.. دا راجل مش ولابد، مجنن بنات الديسكو، وطبعا محدش قادر يتكلم علشان الفلوس
_اوعي يابت تكوني بتروحي معاه
مصمصمت شفتياه، تهز ايدها
_اروح فين ياختي، هو انا بتاعة كدا، حتى ولو، مستحيل اروح معاه
ضيقت عيناها بتساؤل ليه
دنت تهمس لها بعض الكلمات، فضربت جيهان على صدرها
_يالهوي… انت متأكدة
_اه والله، دا البت صاحبتي اللي شغالة معايا في نفس الصالة، راحت معاه ليلة كانت هتموت، لو تشوفي جسمها، دا حيوان  ياجيهان، شغل حيوانات بالظبط، وقالها لو قولتي لحد هقطع لسانك، وهي مكنتش هتقول، بس شوفتها وهي بتحط كريمات وشكيت، وفضلت اتحايل عليها حكت لي
_يعني هو سادي
هزت رأسها وقالت ومش بس كدا، مالوش في الجواز
شردت جيهان بكلماتها، وتذكرت حديثه عن خديجة
_حلوة اوي اخت خالد، هي مرتبطة
سألته
_ليه بدور على عروسة ولا ايه
صمت للحظات ثم اجاب، لو هي اه ليه مااتجوزش
ولكنها رفضت قائلة
_بس هي مش بتفكر في الجواز دلوقتي، تمتمت بها، رافضة زواج خديجة منه لغناه الفاحش، ولكن بعدما استمعت الى كلمات اخيها، بدأت تفكر بحديثه
خرجت من شرودها على كلمات صباح
_جيهان قولي للبنت دي ترفضه، بس من غير اسباب، حرام بنت تتجوز واحد زي دا
نهضت وهي تهز رأسها
_اه طبعا هقولها متقلقيش
نهضت تقف بمقابلتها
_اوعي الكلام اللي قولته يطلع برة، دا لو عرف معرفش ممكن يعمل ايه، كفاية على جوز امي
ربتت على كفتها قائلة
_متقلقيش حبيبتي، انا نسيت اصلا، كان لازم اسأل عليه، البنت يتيمة حرام
خرجت جيهان من ذكرياتها على صوت خالد
_مروان رفض اروح ابات معاه، قالي ميقلقش، ولو فيه حاجة هيتصل
خرجت من غرفة خديجة واتجهت للخارج
_متكلمنيش ولا لسانك يخاطب لساني، وتنام هنا في بيت امك، وانا هطلع شقتنا
_بتقولي ايه ياجهان اتجننتي
دفعته بعيدا عنها، وتصنعت البكاء بدلال
_ابعد ياخالد، بعد الحب دا كله تشك فيا
_جيهان اعقلي… ايه اللي بتقوليه دا
دلفت لداخل المطبخ
_هسبلك الاكل في المطبخ، بس ميهنش علي تفضل من غير اكل
دلف خلفها وقال
_جيهان مش قصدي، خديجة صعبت علي
دفعته للخارج واشارت
_طب روح لها، انا مستحيل اسامحك على شكك في
_جيهان… هنا ارتفع رنين هاتفه، فخرج للرد، اتجهت الى المطبخ، واخرجت الحبوب التي تضعها له، وهي تقول
_مااشوف يااستاذ خالد هتقضي الليلة ازاي وانت بعيد عني
وضعت الطعام على سرفيس، وحملته للخارج، وضعته على الطاولة، في نفس اللحظة التي انهى الاتصال بها
التفت اليها نظر للطعام ثم اليها
_حمام كمان… ليلتنا فل إن شاءلله
_لا ياحبيبي… كنت عاملة منه لاختك، وانا اللي مهتمية بيها، وشوف في الاخر عملت ايه
سحبها من خسرها
_يابت متبقيش قلبك اسود كدا
جلس وجلست فوق ساقيه تطعمه الى أن انتهى، نظرت اليه وبدأت تتدلك عنقه بدلال، ثم طبعت قبلة وفوق شفتيه
_تصبح على خير ياخلودتي
قالتها ونهضت من فوق ساقيه متجهة الى غرفة خديجة، واغلقتها على نفسها
_هشوف انا ولا انت ياخالد، مين اللي هيقدر على التاني
عند خديجة وصلت الى المنزل الذي يقطن به مروان، دلفت للداخل، وشعرت بقبضة قوية تعتصر فؤادها
دارت عيناها بالمكان، حتى وقعت على وقوفه وهو يضع كفوفه بجيب بنطاله وقالت
_اوضتي فين
اقترب منها وهو على حاله
_اوضتك، هو فيه عروسة تبات ليلة فرحها بعيد عن جوزها
استدارت اليه بكامل جسدها
_انا اتفقت معاك، اديني وقتي لحد مااخد عليك، وانت وافقت
_وقت قد ايه ياخديجة
ارتبكت تسحب عيناها منه وقالت
_معرفش… وقت مااحس بالامان معاك
هز رأسه واشار الى الغرفة
_تمام… خدي وقتك، الاوضة اللي على اليمين
حملت حقيبتها وقالت
_شكرا بقلم سيلا وليد