النهايه لعالم حكايات مريم
— لو في يوم عملت حاجة تزعلك، اديني تلات فرص أصلح غلطتي.
ضحكت وقتها وقلت:
— تلاتة بس؟
قال:
— تلاتة.
والليلة دي فهمت إن التلاتة خلصوا.
فقلت له:
— محمد… إحنا انتهينا.
سكت.
وبعدين ضحك.
— يا سارة، بلاش دراما.
— أنا مش بعمل دراما.
— أمال إيه؟
— أنا بنهي العلاقة.
صوته اتغير شوية.
— إنتِ زعلانة بس. نامي وبكرة تبقي كويسة.
قفلت الشنطة.
— مش هلغي التذكرة.
— أمال هتعملي إيه؟
بصيت لتذكرة السفر على موبايلي.
— هسافر.
سكت تمامًا.
— لوحدك؟
— دي مشكلتي.
وقبل ما يقول حاجة، قفلت المكالمة.
وبعدين عملت له حظر.
تاني يوم الصبح كنت في المطار.
لوحدي.
كنت خايفة.
مش من السفر.
كنت خايفة من القرار نفسه.
فضلت أقول لنفسي:
“يمكن استعجلت.”
“يمكن كان لازم أدي فرصة رابعة.”
لكن كل ما كنت أفتكر المستشفى…
والحفلة…
والبرد…
وصورة ندى…
كنت أقول:
كفاية.
ركبت الطائرة.
وقبل الإقلاع بدقائق، جالي إشعار رسالة من رقم مش مسجل عندي.
فتحتها.
كانت من شخص ما شفتوش من سنين.
أدهم: “سمعت إنك جاية ألاسكا.”
قلبي دق بسرعة.
أدهم.
صديق طفولتي.
الشخص اللي اختفى من حياتي فجأة من سنين.
كتبت:
“أيوه.”
جالي الرد بسرعة:
“لسه نفسك تشوفي أول تلجة؟”
ابتسمت رغمًا عني.
“أكتر من أي وقت.”
الرد وصل بعد ثواني:
“يبقى بلاش تخططي لبكرة. أنا هكون مستنيكي.”
فضلت باصة للرسالة.
وأول مرة من شهور…
ابتسمت من قلبي.
وصلت ألاسكا بالليل.
الجو كان بارد جدًا.
وأنا خارجة من المطار، لمحت راجل واقف بعيد ماسك ورقة صغيرة.
مكتوب عليها:
سارة.
قربت.
كان أدهم.
اتغير كتير.
لكن عينيه كانت زي ما فاكرها.
ابتسم وقال:
— اتأخرتي.
ضحكت.
— وإنت لسه بتتأخر في الترحيب؟
ضحك.
— لا. المرة دي أنا وصلت قبلك.
ركبت عربيته.
وطول الطريق كنا بنتكلم.
عن الدراسة.
عن أهلنا.
عن السنين اللي عدت.
وفجأة سألني:
— محمد فين؟
سكت.
بص لي من غير ما يضغط.
— حصل إيه؟
قلت:
— اختار حد تاني يساعده بدل ما يكون معايا.
سكت شوية.
وبعدين قال:
— وإنتِ؟
— اخترت نفسي.
ابتسم.
— أخيرًا.
في الصبح أخدني لمكان بعيد عن المدينة.
كان الجبل مغطى بطبقة خفيفة من الثلج.
نزلت من العربية.
وفجأة بدأت حبات التلج تنزل.
رفعت وشي للسما.
وضحت.
ضحكة طويلة من قلبي.
أدهم وقف بعيد بيتفرج عليا.
قال:
— فاكرة؟
— فاكرة إيه؟
— وإحنا صغيرين، كنتِ بتقولي إن أول يوم تشوفي فيه التلج هتكوني مع الشخص اللي بتحبيه.
