حامل ولكن بقلم ندا الشرقاوي
تاني يوم
صوت خبط على الباب صحى البيت كله من النوم لحد ما الباب اتكسر ودخلوا اتنين رجاله
جه سعيد من الاوضه وهو بيلبس جلابيته وبيقول
-في اي انتوا مين ؟؟؟
رد واحد من الرجالة بنبرة حازمة وهو بيبص حواليه في الشقة
-مباحث …فين حاتم كامل
فتحت أم حاتم باب أوضتها بسرعة، وخرجت وهي حاطة طرحتها على راسها وقالت
-حصل ايه يا باشا عمل ايه ابني
لسه بتتكلم وفجأة ظهر حاتم من آخر الطرقة، وشكله متلخبط من النوم،وقف وهو بيبص للرجالة باستغراب
-في ايه؟؟
قرب منه الظابط خطوة، وبص له نظرة ثابتة
-أنت حاتم؟؟
رد بتوتر بسيط
-أيوه خير؟
طلع الظابط ورقة من جيبه وفتحها قدامه
-أنت متهم في قضيه اغتصاب وبلاغ رسمي
سكت البيت كله فجأة كأن الكلام وقع عليهم زي الصاعقة.
شهقت أمه وهي بتبص له بعدم تصديق.
-ايه؟؟ اغتصاب ايه يا باشا
بص حاتم حواليه بسرعة وكأن الأرض بتتهز تحت رجل
-ده كدب أنا معملتش حاجه
رد الظابط ببرود
-الكلام ده هتقوله في القسم.
وقبل ما حاتم يستوعب مسكوه من دراعه.
بدأ يقاوم بعصبية.
-سيبوني أنا معملتش حاجة ،مين بلغ طيب يا باشا
صرخت أمه وهي بتقرب منهم.
-استنوا ياباشا اكيد في حاجه غلط
لكن الظابط وقفها بإيده.
-ابنك هيتاخد القسم ولو برئ هيجيلك مش هنقعد نرغي
اتشد حاتم ناحية الباب وهو بيصرخ
-مين عمل كده
وفي اللحظة دي لمعت في دماغه فجأة صورة حسنه
اتجمد وشه للحظة…
وهمس بصدمة
-لا مستحيل
لكن الرجالة كانوا خلاص نزلوا بيه على السلم وأمه واقفة في نص الصالة، ملامحها متحجر وقلبها بيقول إن اللعبة اللي كانت بتفكر فيها… انقلبت عليهم …
في القسم بره
كانت حسنه وقفه على الباب عماله تفرك في اديها مش لاقيه كاظم من ساعة ما سبها وهيا لوحدها وخايفة تكون لوحدها
ثوانٍ ولمحت حاتم وهو داخل مع العساكر ووهو شافها وقرب وبدا يزعق وقال
-بتبلغي عني يا حسنه أنتِ عاوزه تبليني ببلوه ولا ايه ،حاضر يا حسنه وحياه امك ماشي
بدا العساكر تتدخل ويفكوا الاشتباك وبعدين طلع العسكري وقال
-بس يا متهم منك ليها الباشا عاوزكم
هدء الجو ودخلوا جوه ورفعت حسنه عنيها وقالت
-انت……
#حامل_ولكن
#الحلقة_السادسة
#ندا_الشرقاوي
بس يا متهم منك ليها الباشا عاوزكم
هدء الجو ودخلوا جوه ورفعت حسنه عنيها وقالت
-انت…
بص ليها كاظم بصة كانه بيقولها اسكتي ،فضل قاعد ساكت بيبصلها ويبصله وبعد خمس دقايق وقف عن الكرسي وقف قدام حاتم عدل ليه ياقه بجامته اللي مش موجوده وقاله
-معلش يا حاتم بيه جبناك من غير ما تغسل وشك وتلبس اللي على الحبل ،بس ملحوقه هلبسك أحلى منها يا أزرق يا أحمر ومتقاطعش وتكون الأحمر بعون الله
بدا حاتم يتوتر ومش عارف يقول ايه لكن بدا يقول
-يابيه أنا معرفش فيه ايه ،وبعدين حسنه بتعمل اي هنا
وجه كلامه لحسنه وقال بغضب
-أنتِ مش هربتي مع الولا اللي ماشيه معاه ف الحرام عاوزه مني ايه تاني بقا
بصت ليه حسنه بصدمة وقالت بدهشة
-أنا؟؟
مسكه كاظم من هدومه وقاله بكل غضب
-ولااااا أعدل وتعال دغري علشان جيت دغري مجتش أنت هتلبسها هتلبسها
بدا علامات الخوف والزعر تبان على وشه وانكمش في نفسه وقال
-يابيه يعني هلبس تهمه أنا معملتهاش
بدات حسنه تمتم
-حسبي الله ونعم الوكيل فيك ..حسبي الله ونعم الوكيل فيك
وقف كاظم قدام حسنه ،وعينيه بقت حمرا كأن نار مولعة جواه،كلام حسنه وهى بتقول حسبي الله ونعم الوكيل فيك فضل يرن في ودنه، وكل ما يتخيل اللي حصل لها إيده كانت بتترعش من الغضب
قرب منه خطوة، وبصله نظرة خلت الدم ينشف في عروق حاتم
قال كاظم بصوت واطي لكنه مليان غضب
-يعني مش بس كدبت كمان عامل فيها مظلوم؟؟
قبل ما حاتم يلحق يرد، إيد كاظم نزلت على وشه قلم خلّى الكرسي اللي وراه يتزحزح اتلخبط حاتم وقال وهو بيحاول يبعد
-يابيه والله ما عملت حاجة
مسكه كاظم من هدومه بعنف وزقه ناحية الحيطة صوته عالي وهو بيقول
-لسه بتقاوح وتكدب ،محدش هيشيلك من تحت ايدي
كان كل ما يتخيل خوف حسنه وانكسارها وإزاي استغل ضعفها الغضب جواه يزيد أكتر ضربه مرة تانية وبعدها لكمة خلت شفايف حاتم تنزف
صرخ حاتم بعدها وقال
-حرام عليك يا بيه
رد كاظم وهو بيضغط على أسنانه
-الحرام؟؟ أنت عارف الحرام أنت؟؟كان فين الحرام وأنت بتاخد منها أغلى حاجة ؟؟ كان بين يابن ***
ضربه ضربه تانيه قويه دخل العسكري بسرعه ووراه اتنين كمان ،صرخ فيهم بصوت عالي وقال
-اطلع بره يا عسكري منك ليه ،برررره
في الركن كانت حسنه واقفة وإيديها بتترعش مش عارفة تبص ولا تبعد الدموع كانت مالية عينيها، لكن لأول مرة حسّت إن حد واقف لها
رجع كاظم بص لحاتم وقال بحدة
-اللي عملته مش هيروح كده يا حاتم واللي جاي عليك مش هتتخيله
سكتت الأوضه لحظة والهواء بقى تقيل، وكل واحد فيهم عارف إن الليلة دي لسه مخلصتش.
