خطيئة الشيطان بقلم #ماياخالد حصري فقط صفحة روايات مايا خالد.

خطيئة الشيطان مايا خالد
صوت الرصاص كان بيخرم ودنها، والشرطة الكولومبية وراها في كل حتة. البنت الإسبانية كانت بتجري وهي مش شايفة قدامها، أنفاسها مقطوعة، والشوارع الضيقة في ميديلين كانت عاملة زي المتاهة. فجأة، لقت قدامها شاحنة سودة ضخمة، مركونة في ضلمة زقاق مقطوع. من غير تفكير، فتحت الباب اللي ورا و رمت نفسها وسط الصناديق وهي بتترعش.
بره، وقفت عربيات الشرطة فجأة. العساكر نزلوا وس\لاحهم في إيديهم، بس أول ما شافوا الشاحنة، الكل اتسمّر في مكانه.
الرعب اللي بيوقّف القلب
الظابط أول ما شاف اللوجو اللي على باب الشاحنة، وشه جاب ألوان. واحد من العساكر لسه بيقرب، الظابط شده من قفاه وهو بيهمس بفزع:
أنت رايح فين يا غبي؟ أنت مش شايف دي شاحنة مين؟ دي تبع إل ديابلو (الشيطان)! لو عرف إننا قربنا من حاجته، هيعلقنا كلنا على مدخل المدينة. اركب العربية وامشي فوراً، نكتب في التقرير إنها فص ملح وداب.
انسحبت الشرطة في ثواني، كأنهم شافوا عفريت، وسابوا البنت في مخبأها وهي فاكرة إنها كدة هربت.

البنت وهي جوه بدأت تهدا شوية، بس فجأة سمعت صوت مفاتيح، وبعدها الموتور اشتغل بصوت زئير مرعب. الشاحنة مشيت بيها لمسافة طويلة لحد ما وقفت في مكان هادي جداً.. هدوء يخوف.
الباب اللي ورا اتفتح ببطء، والضوء دخل عمى عينيها. شافت خيال راجل ضخم واقف، ملامحه حادة زي الس\كينة، وسيجاره في بقه. بصلها بنظرة غامضة، ونفخ الدخان في وشها وهو بيقول بصوت واطي ويدب الرعب:
نورتي يا حلوة.. بس اللي بيدخل شاحنة الشيطان برجليه، مبيخرجش منها غير بمزاجه.. وأنا مزاجي النهاردة مش رايق.
نزلت من الشاحنة وهي بتترعش، لقت نفسها وسط ساحة قصر مهجور، الحراس في كل حتة بس مفيش حد فيهم نطق بكلمة، الكل واقف زي التماثيل. الشيطان مشي قدامها بكل ثقة وهي ماشية وراه ورجليها بتخبط في بعضها، لحد ما دخلوا مكتب فخم جداً، الحيطان بتاعته كلها كتب وس\لاح.
قعد ورا مكتبه وخلع الجاكيت بتاعه، وظهرت وشوم غريبة على دراعه. شاور لها تقعد وهي لسه واقفة مكانها.

بصلها بتركيز وقال بلهجة فيها سخرية:
إسبانية ومطاردة من أمن الدولة في كولومبيا؟ ده أنتِ أكيد عملتي مصيبة توزن بلد. قوليلي بقى.. إيه اللي يخلي عصفورة زيك تغامر وتدخل عش الدبابير ده؟
البنت حاولت تجمع شجاعتها وقالت بصوت مهزوز:
أنا مكنتش أعرف إن الشاحنة بتاعتك.. أنا بس كنت بهرب من الموت.
ضحك ضحكة مكتومة تخوف وقال:
هربتي من الموت عشان تترمي في حضنه؟ مفيش حد بيدخل هنا صدفة يا شاطرة. قولي الحقيقة.. أنتِ مين؟ ومين اللي باعتك؟