في وسط الفرح

بصيت لها باستغراب.
فضايح إيه يا طنط؟ هي اللي كبّت
قاطعتني وهي بتزعق
ابني بيصرف عليكي وعايشك عيشة ما كنتيش تحلمي بيها، وفي الآخر جاية تعملي مشاكل في حفلة شغله!
اتجمع حوالينا ناس أكتر.
قلت بهدوء
بصي كويس مين اللي عليه النبيذ.
رنا حطت إيدها على صدرها وقالت بصوت مسموع
أنا مش فاهمة هي ليه بتغير مني بالشكل ده!
ضحكت ضحكة صغيرة من الصدمة.
بتغير منك؟
وبصيت لأحمد.
هي ليه لابسة عقد أنا شفت فاتورته طالعة من فلوس شركتك؟
الهمس بدأ ينتشر في القاعة.

أحمد قرب مني ووشه اتغير.
سلمى، مش وقته الكلام ده.
لأ، وقته.
بصيت له في عينه.
دي مراتك واقفة قدامك، والست اللي إنت داخل معاها الحفلة ماسكة عقد تمنه مليون و ألف جنيه من فلوس الشركة وعايزني أسكت؟
نوال دخلت بينا.
إنتِ اتهبلتي؟! رنا دي ضيفة مهمة.
رديت عليها
ضيفة مهمة؟ ولا عشيقة ابنك؟
القاعة كلها سكتت.
حتى الموسيقى اللي كانت شغالة في الخلفية بقت كأنها مش موجودة.
وش رنا احمر.
نوال بصتلي بكره.
ابني مدير عام شركة كبيرة! وإنتِ؟ إنتِ إيه يعني؟

ست قاعدة في البيت وعايشة على قفاه من عشر سنين!
سكت لحظة.
وبعدين بصيت لأحمد.
هسألك سؤال واحد بس.
قربت منه خطوة.
هتسيب أمك وعشيقتك يهينوني قدام الناس دي كلها؟
فكه اتشد.
وفجأة
القلم الأول
نزل على وشي.
راسي لفت ناحية تانية.
القاعة شهقت.
لكن قبل ما أستوعب اللي حصل
القلم التاني نزل أقوى.
المرة دي حسيت بطعم الډم في بقي.
وسكت الجميع.
أما القلم التالت
فهو اللي قتل آخر حاجة كانت لسه جوايا ناحية الراجل ده.

بصلي بعينين باردتين وقال
عشان تتعلمي مقامك.
رنا ابتسمت.
ونوال
صفقت بإيديها وهي بتضحك.
مسحت الډم اللي نزل من شفايفي بمنديل.
الغريب إني ما عيطتش.
ما صرختش.
ما شتمتش.
ولا حتى حاولت أضربه.
طلعت موبايلي بهدوء.
أحمد بصلي باستهانة.
هتعملي إيه يعني؟
ضغطت على رقم محفوظ عندي من سنين.
المكالمة ما خدتش أكتر من عشر ثواني.
أستاذ فيكتور؟ فعّل قرار الطوارئ الخاص بمجلس الإدارة.
سكت ثانيتين.
من اللحظة دي، أحمد الشافعي موقوف عن منصب المدير العام.
بصيت قدامي.

اقفلوا كل صلاحياته على أنظمة الشركة، واسحبوا العربيات التلاتة اللي تحت تصرفه.
وسكت لحظة قبل ما أضيف
وكمان ابدأوا إجراءات استرداد الفيلا اللي في التجمع، لأنها مسجلة ضمن ممتلكات الشركة ومخصصة للمدير العام.
قفلت المكالمة.
ثانية
اتنين
وبعدين نوال اڼفجرت في الضحك.
يا عيني! إنتِ صدقتي نفسك بقى؟
رنا ضحكت معاها.
وأحمد بصلي وكأني فقدت عقلي.
إنتِ هتوقّفيني أنا عن شغلي؟!
قرب مني وهو بيضحك باستهزاء.
إنتِ أصلًا تعرفي الشركة دي بتساوي كام؟
رفعت عيني له.
وبهدوء حطيت الموبايل في شنطتي.