روايات روماني مكرم 1
جوزى مسافر وسلفي خبط عليا باب فتحت الباب واقف بيبص جوا وعينه بتلف في المكان وسعي كدا يا شيماء أنا مستعجل ومحتاج 20 ألف جنيه من الفلوس اللي إبراهيم سابها معاكي
أنا بصدمة وقفت أسد الباب فلوس إيه يا حسن؟ الفلوس دي أمانة بتاعة قسط الشقة والتسليم بكرا وأخوك محذرني أطلع منها جنيه واحد لأي مخلوق
حسن بعصبية خفيفة مخلوق إيه؟ أنا أخوه مش حد غريب! بقولك عليا كمبيالة مستحقة ولو ما اندفعتش النهاردة هتحبس هاتي الفلوس وإبراهيم لما يرجع من السفر هبقى أتصرف وأديله
رديت عليه بثبات مقدرش يا حسن والله ما أقدر دي أمانة وأنا ماليش حق أتصرف في حاجة مش بتاعتي اتصل بأخوك الأول ولو هو قالي اديله الفلوس من عيني الاتنين هديهالك
حسن بصوت عالي أخويا تليفونه مقفول في السكة وأنا مش هستنى لما يفتح أنتِ هتعملي عليا صاحبة البيت والفلوس؟ دي فلوس أخويا يعني فلوسنا!
قلتله يا حسن افهمني الفلوس دي لو نقصت جنيه القسط هيروح علينا والشرط الجزائي هيتدفع أنا مقدرش أشيل الليلة دي روح استلف من أي حد من صحابك لحد ما أخوك يرجع
حسن بصل بغل وتوعد تمام أوي يا مرات أخويا يعني بتستخسري فيا فلوس أخويا وبتقفي تتفلسفي عليا؟ ماشي أنا هعرف أتصرف إزاي بس قسماً بالله لتدفعي تمن وقفتك دي غالي
نزل حسن وهو بيخبط على السلم برجليه وقفت أرتعش وحطيت إيدي على قلبي وقفلت الباب ودخلت الفلوس في الدولاب وقفلته بالمفتاح
تحت في شقة حماتي دخل حسن يزعق ويرمي المفاتيح على الترابيزة
حماتي بخضة في إيه يا واد بتزعق ليه؟ وعامل الدوشة دي كلها ليه؟
حسن بتمثيل ووش غضبان الهانم اللي فوق اللي ابنك مأمنها على ماله وعرضه بشكيلها همي وبقولها سلفيني من فلوس إبراهيم عشان مديون تقولي أنا مالي ومالك فلوس جوزي ليا أنا وبس روح اشحت من برا!
أم حسن لطمت على صدرها يا لهوي! البت دي قالت كدا؟ مرات إبراهيم بتقول عليك شحات؟
حسن وأكتر من كدا يا أمي طردتني وقالتلي مالكش دعوة بفلوس جوزي دي مفكرة نفسها كلت بعقله حلاوة وخلاص طردتنا من حسباته
حماتي عنيها احمرت من الغضب طب وحياة غلاوتك عندي يا حسن لأكون طالعة جايباها من شعرها دي حتة بت لا راحت ولا جت تتحكم في قرش ابني وتطرد أخوه؟ دا أنا أكسر وسطها!
طلعت حماتي وهي بتنهج من الغضب وحسن وراها بيبتسم بخبث رنت الجرس مرتين ورا بعض فتحت الباب وأنا لسه مخضوضة
