ثمن الخيانة

الدنيا كانت مقلوبة في الصالة وصوت حماتها طالع يجيب آخر الشارع وهي بتزعق وتقول يا حسرة قلبي على ابني وشبابه اللي بيضيع مع واحدة مابتخلفش العمر بيجري يا جاسم وأنا نفسي أشوف عيالك قبل ما أموت وإنت صابر على إيه كل دي سنين بتعدي من عمرك وإنت رابط نفسك بواحدة أرضها بور ومفيش منها إيمان كانت واقفة ورا باب المطبخ ودموعها نازلة بتكوي خدودها وإيدها بتترعش وهي ماسكة صينية العصير اللي كانت خارجة تقدمها لهم الكلام كان زي السكاكين بتقطع في قلبها وكل كلمة بتدبح كرامتها وهي عارفة إنها ملهاش ذنب في أي حاجة وكل الحكاية إنها متمسكة بستر جوزها ومش عايزة تفضحه قدام أهله جاسم كان قاعد على الكنبة وحاطط رجل على رجل وباصص في تليفونه وبرود الدنيا كله في ملامحه ورد بكل هدوء وقال يا أمي خلاص سيبك من السيرة دي دلوقتي كله بميعاد ومفيش داعي للكلام ده كل ما نيجي هنا إيمان بتتحسس من الموضوع ده وإنتي عارفة إنها رقيقة ومابتستحملش الكلمة الحما لوت بوزها وقالت بنبرة سخرية وتتحسس ليه وعلى إيه يا خويا ما دي الحقيقة اللي الكل عارفها وإلا هي فاكرة نفسها هتقعد تدلع كده طول العمر وإنت محروم من كلمة بابا علشان خاطر عيونها ما تفوق لنفسك يا جاسم وشوف مصلحتك العمر مابيقفش ومحدش هينفعك لما تكبر وتلاقي نفسك لوحدك إيمان مابقيتش قادرة تستحمل أكتر من كده خرجت بالصينية وحطتها على التربيزة بقوة خلت الكبايات تتهز وقالت بصوت مخنوق بالدموع منورة يا طنط بس ياريت وحياتك بلاش النغمة دي كل مرة بندخل فيها بيتك أنا وجاسم متجوزين عن حب من أيام الجامعة وعمرنا ما فكرنا في الموضوع بالشكل القاسي ده الحما قامت وقفت وحطت إيدها في وسطها وقالت وعلي إيه يا ست إيمان الحب ده هيجيب عيال الحب ده هيملى البيت عزوة ابني راجل ومن حقه يشوف ضناه وإنتي بقالك خمس سنين مفيش منك فايدة والكل عارف إن العيب منك وجاسم ساكت ومتحمل علشان بيحبك بس الصبر ليه حدود يا حبيبتي إيمان بصت لجاسم بعيون كلها رجا إنه يتكلم ويرد غيبتها إنه يقول لأمه الحقيقة اللي مخبيينها عن الناس كلها إن العيب مش منها هي وإن التحاليل كلها بتقول إنه هو اللي عنده المشكلة بس جاسم كتم نظراتها وبص الناحية التانية وقال بعصبية مصطنعة خلاص بقى يا إيمان اقفلي السيرة دي ومتزعليش من أمي هي برضه بتتمنى لي الخير ومش قصدها تجرحك يلا بينا نمشي علشان ورايا مشوار مهم الحما ابتسمت بنصر وقالت مع السلامة يا قلب أمي وفكر في كلامي كويس وماتخليش حد يضيع عمرك في الأوهام إيمان خدت شنطتها وجريت على السلم وهي مش شايفة قدامها من كتر الدموع وجاسم حصلها وركبوا العربية وطول الطريق كان السكون هو سيد المكان وإيمان بتبص من الشباك وجواها بركان شغال أول ما دخلوا شقتهم إيمان لفت لجاسم وقالت بصراخ وزعيق لغاية إمتى يا جاسم لغاية إمتى تلميحات أمك وكلامها الدبش اللي بيموتني كل يوم وإنت قاعد ساكت ومابتنطقش وتقول لها الحقيقة ليه مطلعني أنا اللي مابخلفش قدامهم كلهم ليه بتداري عيبك وبتلبسهوني أنا جاسم زعق هو كمان وقال وإنتي عايزاني أروح أقول لأمي إني أنا اللي عندي مشكلة إنتي عايزة تكسري هيبتي قدام أهلي وناسي يا إيمان إنتي مابتفهميش يعني إيه راجل يتقال عليه مابيخلفش في عيلتنا أنا بداري على نفسي وإنتي كمراتي المفروض تستحملي وتشيلي معايا مش تفضحيني إيمان ضحكت بوجع وقالت أتحمل إيه أتحمل إني أكون مكسورة قدام الكل وأنا سليمة ومفيش فيا حاجة إحنا اتجوزنا عن حب يا جاسم الحب اللي خلاني أوافق أداري عليك وأقول حاضر لما طلبت مني نخبي الحقيقة بس مش لدرجة إن أمك تهيني في الرايحة والجاية وإنت واقف تتفرج عليا وكأن الكلام ماليقش بيك جاسم قرب منها وحاول يهدي صوته وقال يا إيمان يا حبيبتي إنتي عارفة أنا بحبك قد إيه وعارف إنك بتستحملي علشاني بس معلش عديها علشان خاطري أمي ست كبيرة ونفسها تفرح بيا ومش هتحمل الصدمة دي لو عرفت الحكاية خلي الأمور تمشي زي ما هي وأنا هعوضك عن كل ده بس بلاش نكبر الموضوع إيمان زقته بعيد عنها وقالت الموضوع كبير يا جاسم وأكبر مما تتخيل أنا تعبت ومبقتش قادرة أعيش في التمثيلية دي وكل ما أفتكر أيام الجامعة والوعود اللي كنت بتقولها لي زمان بيموت جوايا كل شعور حلو ناحيتك إنت اتغيرت ومبقتش جاسم اللي عرفته وحبيته جاسم اتنرفز وقال أنا ماتغيرتش أنا هو أنا بس الدنيا والمسؤولية هما اللي بيضغطوا عليا عموماً أنا نازل دلوقتي علشان عندي شغل ومش فاضي للمناهدة دي ولما أرجع نبقى نشوف حل للحكاية دي وسابها ونزل ورزع الباب وراه بكل قوته وإيمان قعدت على الأرض تعيط بحرقة وهي حاسة إنها لوحدها تماماً في الدنيا دي الليل جه وإيمان كانت قاعدة في الصالة في الضلمة وتليفونها رن وكانت مامت جاسم مردتش عليها في الأول بس التليفون فضل يرن كتير فتحت الخط وسمعت صوت حماتها وهي بتقول بعياط ولطم الحقيني يا إيمان جاسم تليفونه مقفول وأنا تعبانة ومش قادرة أتحرك من مكاني تعاليلي بسرعة يا بنتي إيمان رغم كل الوجع اللي جواها من الست دي مأستحملتش تسمعها بتعيط ولبست عبايتها ونزلت بسرعة وراحت على بيت حماتها الشقة كانت هادية والأنوار مطفية إيمان استغربت ودخلت تنادي يا طنط إنتي فين أنا جيت يا طنط ومفيش حد بيرد عليها خالص إيمان مشيت في الممر اللي بيودي على أوض النوم وبدأت تسمع صوت همس وضحك جاي من أوضة عبير مرات أخو جاسم المسافر في الخليج الصوت كان غريب ومش مريح إيمان قربت بخطوات بطيئة وقلبها بيدق زي الطبل والوجع بدأ يتسلل لـ كل حتة في جسمها ايمان وقفت قدام الباب والباب كان موارب سنة صغيرة وبصت من الفتحة وشافت الصدمة اللي شلت تفكيرها وضيعت النطق من لسانها شافت جاسم جوزها وحبيب أيام الجامعة قاعد في حضن عبير مرات أخوه وبيتكلموا ويضحكوا وكأن مفيش أي حاجة في الدنيا تهمهم عبير كانت بتلعب في شعر جاسم وبتقول له يعني إنت لسه مقلتلهاش إنك هتطلقها يا جاسم أنا تعبت من الاستغماية دي ونفسي نبقى مع بعض علني سيبك منها دي واحدة مابتخلفش وإنت تستاهل حد يحافظ عليك وعلى اسمك جاسم ضحك وباس إيدها وقال هانت يا قلبي أنا بس مستني أظبط أموري وأخلي شكلها وحش قدام الكل علشان لما أطلقها محدش يلومني والكل يقول إني صبرت عليها كتير وهي مأثمرش فيها وأخويا كده كده مسافر ومش دريان بحاجة وإنتي اللي في القلب يا عبير إيمان كانت واقفة ورا الباب والدموع نشفت في عيونها وحست إن الأرض بتلف بيها الدنيا كلها اسودت في وشها والحب اللي عاشت عليه السنين اللي فاتت دي كلها اتمسح في ثانية واحدة وبقى مكانه غل ووجع مش قادرة تتحمله الاول ثمن الخيانة الكاتبة هاجر سلامةالتاني إيمان حطت إيدها على بوقها والدموع المحبوسة في عيونها اتجمدت وبقت زي لوح تلميح بالانتقام الغل كان بياكل في عروقها بس عقلها اشتغل فجأة ورفضت إنها تقع في الفخ وتدخل تعمل خناقة ملهاش لازمة تطلع منها هي الخسرانة لو دخلت دلوقتي جاسم وعبير هيقلبوا الترابيزة عليها وهيطلعوها هي الغلطانة والشكاكة خصوصاً إن عبير في شقة حماتها اللي هي بيت العيلة لمت الباقي من كرامتها ولفت وضهرها مكسور واتسحبت بخطوات زي الريشة لغاية ما خرجت من باب الشقة الكبير وقفلت الباب وراها بكل هدوء من غير ما حد يحس بحركتها خالص نزلت على السلم لغاية ما وصلت لمدخل العمارة وقفت وخدت نفس طويل ودقات قلبها كانت مسموعة في المكان كله طلعت تليفونها وإيدها بتترعش بس عيونها كانت فيها نظرة غريبة ونظيفة من كل ضعف اتصلت برقم حماتها وفضل التليفون يرن لغاية ما الخط فتح وجاها صوت حماتها المبحوح وهي بتصرخ بجد وتعب وتقول الحقيني يا إيمان أنا عملت حادثة بالتكتك وأنا راجعة من عند اختي ورجلي اتلوت ومش قادرة أتحرك والناس لموني وجابوني على المستشفى جاسم تليفونه مقفول وأنا مش لاقية حد معايا يا بنتي إيمان اتصدمت لأنها اكتشفت إن حماتها مكنتش بتعمل كمين ولا حاجة والست تعبت بجد وعملت حادثة وجاسم استغل إن أمه مش في الشقة والبيت فاضي وكلم عبير تجيله فوق إيمان ردت بصوت كله لهفة وتمثيل متقن وقالت سلامتك يا طنط ألف سلامة عليكي إنتي في مستشفى إيه دلوقتي أنا جاية ليكي حالا ومتقلقيش خالص جاسم تليفونه مقفول بس أنا هعرف أتصرف وأجيلك علطول الست قالتلها اسم المستشفى الحكومي القريب من البيت والخط قفل إيمان وقفت في الشارع وحست إن القدر بيلعب لصالحها وإن جاسم وعبير قاعدين فوق في الأمان ومفاكرين إن الدنيا مأمانة ليهم تماماً إيمان ركبت تاكسي وطايرت على المستشفى وأول ما وصلت دخلت الاستقبال ولقت حماتها قاعدة على كرسي متحرك ورجلها متجبسة جبس خفيف ووشها شاحب من الخضة إيمان جريت عليها بلهفة مصطنعة وسندتها وقالت سلامتك يا طنط ألف سلامة عليكي الحمد لله إنها جت على قد كده ومحصلش حاجة أكبر الحما بصت لإيمان بامتنان حقيقي ودموعها نزلت وقالت تسلمي يا بنتي كتر خيرك إنك جيتي لي جري وجاسم الخايب تليفونه مقفول ومش حاسس بأمه إيمان طبطبت عليها وقالت معلش يا طنط تلاقيه في الشغل ومسمعش التليفون المهم إنتي دلوقتي يلا نخلص أوراق الخروج وأنا معاكي أهو في الوقت ده إيمان طلعت تليفونها واتصلت بجاسم اللي كان لسه فاتح تليفونه حالا جاسم رد وصوته كان باين فيه الخضة واللخبطة وقال أيوة يا إيمان في إيه وتليفونك رن عليا كذا مرة إيمان ردت ببرود تام وصوت عالي علشان حماتها تسمع وقال أيوة يا جاسم أنا في المستشفى مع مامتك الست عملت حادثة بسيطة وهي راجعة من عند اختك ورجلها اتجبست وأنا جيت خدتها وجرينا على المستشفى إنت فين وتليفونك كان مقفول ليه في وقت زي ده ومخليني أتصرف لوحدي جاسم ارتبك جداً وصوته بدأ يقطع وفهم إن أمه مكنتش في الشقة بالصدفة وقال هاه تليفوني فصل شحن ونمت ومسمعتش حاجة أمي مالها فيها إيه أنا جاي حالا مسافة السكة وأكون عندكم إيمان قفلت السكة في وشه من غير ما تستنى رده وبصت لحماتها اللي كانت قاعدة ومكسوفة من موقف ابنها وقالت لها بابتسامة باردة جاسم جاي في الطريق يا طنط متقلقيش ابنك مش هيتأخر عليكي أبداً الحما بلعت ريقها وبصت الناحية التانية وهي حاسة بالذنب لأنها دايماً بتهين إيمان في الرايحة والجاية وإيمان هي الوحيدة اللي وقفت معاها في وقت زنقتها بعد نص ساعة وصل جاسم المستشفى وهو بيجري ونهجانه مغرق المكان وشه كان أصفر ومخطوف من الرعب وبص لإيمان بترقب وخوف ليكون انكشف وقال أمي عاملة إيه يا إيمان الدكتور قال إيه إيمان وقفت وحطت إيدها في وسطها وقالت بكل ثقة الدكتور بيقول شرخ بسيط في الرجل واتجبست ومحتاجة راحة تامة ومفيش أي حاجة تانية تستدعي القلق بس الحمد لله إني جيت في الوقت المناسب ومسبتهاش لوحدها في المستشفى جاسم خد نفس طويل وبص لأمه وعرف إن السر لسه في أمان وإن إيمان مشافتهمش في الشقة فوق لأنها راحت المستشفى علطول جاسم قرب من إيمان وحاول يمسك إيدها ويصلح الموقف وقال تسلم إيدك يا حبيبتي أنا مش عارف من غيرك كنت هعمل إيه إنتي بجد أصيلة وبنت ناس وبتستحملي كل حاجة علشاني وعشان أهلي إيمان سحبت إيدها براحة وبصت له بنظرة حادة خلت جسمه يقشعر وقالت له العفو يا جاسم ده واجبي برضه وإنت عارف إني بعمل كل ده علشان بحبك وعشان العهد اللي بيننا من أيام الجامعة وإلا إنت نسيت العهد ده والوعود اللي كانت بيننا زمان جاسم وشه جاب ألوان وحس إن النبرة فيها حاجة غريبة وسكت ملقاش رد يقوله والحما قامت وقالت يلا بينا نمشي أنا تعبانة وعايزة أروح شقتي أرتاح إيمان قالت علطول يلا يا جاسم خد مامتك وروحها واقعد معاها واخدمها الليلة دي وأنا هاخد تاكسي وأرجع الشقة علشان تعبانة وعايزة أنام ومحتاجة أركز في كام حاجة ورايا الفترة الجاية جاسم قال لها طب استني أوصلك الأول إيمان ردت بقوة قاطعة قولتلك روح مامتك يا جاسم أنا هعرف أتصرف كويس أوي ومتقلقش عليا من هنا ورايح أنا بقيت بعرف أتصرف في كل حاجة لوحدي سابتهم إيمان ومشيت وخرجت من المستشفى وهي حاسة إن خطوتها بقت أسرع وأقوى الوجع اللي كان كاسر ضهرها اتمسح وبقى مكانه رغبة في تدمير جاسم وعبير ركبت التاكسي وطول الطريق كانت بتبص على شوارع القاهرة والأنوار وجواها فكرة واحدة بتكبر وتتبلور فتحت تليفونها ودخلت على صفحة مروان أخو جاسم المسافر وفضلت تبص على صورته وقالت في سرها حقك هيرجع يا مروان وحقي وحق كل السنين اللي ضاعت في الكذب هيرجع وتلت ومتلت واللعبة يلا هتبدأ من الليلة دي والكل هيدفع التمن وصلت إيمان شقتها ودخلت وقفلت الباب وراها ورمت الشنطة على الكنبة ومسكت التليفون وكلمت صاحبتها الانتيم سمر اللي شغاله في شركة اتصالات كبيرة وقالت لها بصوت واطي ومسمم سمر أنا عايزاكي في خدمة عمري ومحدش هيجيب لي حقي غيرك أنا عايزة برنت مكالمات كامل لرقم جاسم ورقم عبير مرات أخوه في آخر ست شهور وعايزة أعرف الأوقات اللي تليفوناتهم كانت بتفتح وتلمس مع بعض في نفس المكان سمر استغربت وسألتها في إيه يا إيمان إيمان ردت بعيون بتلمع غضب في إيه دي حكاية طويلة هحكيهالك لما تديني البرنت بس اخلصي يا سمر الموضوع فيه خراب بيوت وموت وحياة ولازم الدليل يكون في إيدي بسرعة قفلت مع سمر وقعدت على السرير وفردت ضهرها وهي بتفكر في الخطوة التانية وبتقول لنفسها جاسم فاكر إنه ذكي وبيلعب بيا بس أنا هعرفه مين هي إيمان بتاعة الجامعة اللي كانوا بيحلفوا بذكائها أنا هخلي الفضيحة بجلاجل والكل هيعرف مين الخاين ومين اللي مابيخلفش ومين اللي بيلعب في ضهر أخوه الشقيان في الغربة ومروان لازم يعرف بس في الوقت المناسب السهرة لسه طويلة واللعب على الكبير يا جاسم ومش هسيب حقي أبداً جاسم رجع البيت بعد ساعتين ودخل الشقة براحة وشاف إيمان نايمة على السرير وعاملة نفسها مش دريانة بحاجة قرب منها وبص على وشها وكان جواه خوف وريبة مش طبيعية قعد على طرف السرير وقال بصوت واطي إيمان إنتي صاحية إيمان فتحت عيونها ببطء وصنعت ملامح التعب وقالت أيوة يا جاسم في إيه مامتك كويسة جاسم اتنهد وقال الحمد لله نامت وبقت كويسة أنا بس كنت عايز أشكرك تاني وأقولك إني بحبك ومستحي أفرط فيكي مهما أمي قالت إيمان ابتسمت في الضلمة وقالت له وأنا كمان بحبك يا جاسم ومستنية اليوم اللي كل واحد فينا ياخد فيه جزاءه والكل يعرف الحقيقة اللي مستخبية عن عيون الناس كلها جاسم حس بنغزة في قلبه من كلامها بس حاول يتغاضى وقام غير هدومه ونام جمبها وإإيمان عيونها كانت مفتوحة في الضلمة وبتبص للسقف وبترسم ملامح الخطة اللي هتدمرهم كلهم الليلة دي كانت أول خطوة في مشوار طويل مش هينتهي غير لما الكل يركع تحت رجليها ويطلب السماح وهي مش هترحم حد فيهم خصوصاً عبير اللي خانت جوزها وبيتها مع أخو جوزها ثمن الخيانة الكاتبة هاجر سلامةالتالت إيمان بدأت تنفذ الخطة بذكاء وهدوء شديد وعرفت إن أسرع طريق لتدمير عبير هو نار الغيرة اللي في قلبها الستات اللي زي عبير بيموتوا لو حسوا إن الراجل اللي بيخونوا علشانه بدأ يرجع لمراته أو يهتم بيها تاني وإيمان قررت تلعب على الوتر ده بكل احترافية وتخلي عبير تفضح نفسها بنفسها قدام العيلة كلها من غير ما إيمان توسخ إيدها في حاجة الصبح صحيت إيمان ولبست فستان شيك جداً وحطت ميك اب خفيف ووقفت قدام المراية تسرح شعرها وجاسم صحي من النوم وبص لها وهو مبهور ومستغرب التغيير المفاجئ ده وقرب منها وقال إيه الجمال ده كله يا إيمو إنتي رايحة فين على الصبح كده وشك منور وزي القمر إيمان لفت له بابتسامة ساحرة وقالت له مفيش يا حبيبي قولت أغير من نفسي شوية الزعل مابيجيبش غير المرض وأنا قررت أعيش حياتي وأهتم بيك وبنفسي زي أيام الجامعة بالظبط ولا إنت مش عايزني أكون حلوة في عينك جاسم فرح جداً وحس إن هم وانزاح من على قلبه وإن إيمان مكنتش دريانة باللي حصل الليلة اللي فاتت وقالها لأ طبعاً يا روحي ده أنا نفسي تفضلي كده علطول يلا بينا ننزل وأنا هفسحك النهاردة وأفطرك برة ونقضي اليوم مع بعض إيمان وافقت علطول وهي عارفة إن دي أول خطوة في المصيدة ونزلوا مع بعض وجاسم كان مهتم بيها وبيضحك معاها زي زمان وإيمان كانت حريصة إنها تتصور معاه كذا صورة وهما ماسكين إيد بعض وفي قمة الانسجام أول ما رجعوا الشقة إيمان مسكت التليفون ونزلت الصور دي كلها على صفحتها على الفيسبوك وكتبت عليها جوزي وحبيبي ربنا يخليك ليا وميحرمنيش من حبك واهتمامك اللي مغرقني بيه السنين دي كلها وطبعاً عبير كانت أول واحدة تشاهد الصور دي والبوست والغيرة بدأت تأكل في قلبها وعروقها وبقت زي المجنونة ومش قادرة تستوعب إزاي جاسم اللي كان بايت في حضنها الليلة اللي فاتت خارج بيفسح مراته ومبسوط معاها بالشكل ده بعد ساعة بالظبط تليفون جاسم رن وكان رقم عبير جاسم اتخض وبص لإيمان اللي كانت قاعدة بتقرأ كتاب ومركبة سماعات في ودنها وعاملة نفسها مش سامعة حاجة جاسم قام بسرعة ودخل البلكونة وقفل الباب وراه ورد بصوت واطي وقال أيوة يا عبير في إيه بترني ليه دلوقتي عبير كانت بتزعق وصوتها كله غل وغيرة وقالت له إيه الصور اللي إنت منزلها مع الست هانم دي يا جاسم إنت بتضحك عليا ولا إيه إنت مش قولتلي إنك قرفان منها وهتطلقها قريب إزاي خارج تفسحها وبتدلعها كده في الصور ريحني وقولي الحقيقة إنت بتلعب بيا جاسم كان بيحاول يهديها وبيقول لها يا بنتي اهدى وطي صوتك الله يخرب بيتك إيمان برة وممكن تسمعني الصور دي تمويه بس علشان أمي تعبانة والكل كان متوتر وأنا حبيت أهدي الجو ومبينش إن في مشاكل بيننا لغاية ما أظبط أموري عبير زعقت أكتر وقالت له ماليش دعوة بالكلام ده يا جاسم أنا مش هقبل أكون في الضلمة والست دي تتباهى بيك قدام الناس كلها لو ملقيتش حل للموضوع ده أنا هطربق الدنيا على دماغ الكل وإنت عارفني لما بقلب بعمل إيه جاسم قفل معاها وهو بيمسح عرق جبينه وميت من الرعب ايمان كانت شايفاه من ورا قزاز البلكونة ومبتسمة ابتسامة نصر وعرفت إن السك\ينة بدأت تسخن في الحلاوة تليفون إيمان رن وكانت سمر صاحبتها وقالتلها إيمان البرنت في إيدي أهو وفيه بلاوي رقم جاسم ورقم عبير مبينطقوش غير مع بعض وفي أوقات متأخرة من الليل وفي أوقات تانية البرنت بيبين إن تليفوناتهم كانت بتفتح في نفس المكان يعني الشبهة كاملة ومفيش فيها شك إيمان قالتلها تسلم إيدك يا سمر شيلي البرنت ده معاكي في حتة أمان وجاي وقته اللي هحتاجه فيه إيمان قررت تزود الجرعة وتخلي عبير تولع أكتر كلمت حماتها وقالتلها يا طنط أنا هجيلك النهاردة أعملك لقمة حلوة وأقعد معاكي أسليكي في تعبك ده الحما فرحت وقالتلها تعالي يا بنتي تنوري الشقة إيمان نزلت واشترت حاجات كتير وراحت لحماتها وبدأت تطبخ وتظبط البيت وعبير كانت قاعدة في شقتها فوق وسامعة حركة إيمان تحت والغل بيموتها نزلت عبير ودخلت شقة الحما ولقت إيمان واقفة في المطبخ بكل ثقة وبتهزر مع حماتها عبير لوت بوزها وقالت برقة مصطنعة منورة يا إيمان كتر خيرك والله بتخدمي حماتك رغم إن الكل عارف إنك مابتخلفيش ومقصرة في حق ابنها بس يلا الأصيل أصيل إيمان لفتلها بكل برود وابتسمت وقالتلها مفيش تقصير ولا حاجة يا عبير جاسم جوزي ومكتفي بيا ومبسوط معايا جداً والحمد لله الحب اللي بيننا من أيام الجامعة مبيأثرش فيه أي حاجة تانية وبعدين إحنا لسه جايين من فسحة تجنن وجاسم قالي إنه مستحيل يشوف ست تانية غيري في الدنيا دي كلها وبصت في عيون عبير وقالتلها أصل الراجل لما بيحب بجد يا عبير بيشوف مراته الدنيا كلها ومبيفكرش يبص برة حتى لو في عيوب الدنيا كلها الكلام نزل على عبير كأنه مية نار ووشها احمر وجسمها كله كان بيترعش من الغيظ وحست إن إيمان بتلقح عليها بالكلام بطريقة غير مباشرة سابت المطبخ وخرجت تجري وهي هتموت من الغل وطلعت شقتها ومسكت التليفون وبعتت رسالة لجاسم كتبتله فيها لو مجيتش عندي الشقة حالا دلوقتي حالا يا جاسم وأنا وإنت في البيت لوحدنا أنا هانزل لمراتك وأمك وأقولهم على كل حاجة وميهمنيش أي حد في الدنيا دي صبري نفد وخلاص هخربها جاسم استلم الرسالة وهو في الشغل ووشه اتخطف وبقى مش عارف يتصرف إزاي وعرف إن عبير مجنونة وممكن تعملها فعلاً استأذن من الشغل وجري على البيت وهو بيلعن اليوم اللي عرفها فيه دخل العمارة وطلع شقة عبير بسرعة وفتح الباب ودخل وهو متنرفز وقالها إنتي اتجننتي يا عبير إيه التهديد ده وإيه الهبل اللي بتعمليه ده إنتي عايزة تخربي بيتنا وتفضحينا عبير وقفت قدامه وعيونها بتطلع شرار وقالت له أيوة هخربها يا جاسم لو م طمـنتنيش دلوقتي حالا الست دي نازلة تتباهى بحبك ليها قدام أمك وقدامي وأنا مش هسكت على الوضع ده إنت لازم تثبتلي إنك بتحبني أنا مش هي جاسم حاول يهدأ وقرب منها وحضنها وقال لها يا بنتي اهدى والله بحبك إنتي وإنتي اللي في القلب بس اهدى دلوقتي لغاية ما نلاقي حل ومحدش يحس بحاجة في اللحظة دي إيمان كانت واقفة في الصالة تحت وسمعت صوت رزع باب شقة عبير وخطوات جاسم وهي طالعة ابتسمت وطلعت تليفونها وشغلت التسجيل وطلعت على السلم براحة وقفت ورا باب شقة عبير وبدأت تسمع وتصوّر الصوت الواضح اللي طالع من الشقة وجاسم وهو بيقول لعبير أنا مابحبش إيمان أنا قاعد معاها بس علشان أداري على نفسي والناس متقولش إني أنا اللي مابخلفش وعيبي يتفضح وإنتي عارفة إنك إنتي كل حاجة في حياتي وهطلقها بس اصبري عليا عبير ضحكت وقالت له طب أثبتلي وطلقها الأسبوع ده وإلا هبعت لمروان أخوك في الغربة وأقوله إننا مع بعض وهخرب الدنيا على الكل إيمان كانت واقفة ورا الباب ودموع الوجع خلاص اختفت وبقى مكانها ابتسامة مرعبة وهي بتسجل كل كلمة صوت وصورة وبتقول في سرها خلاص يا عبير إنتي حفرتي قبرك بإيدك واللعبة انتهت وكلكم هتقعوا في شر أعمالكم يتبع ثمن الخيانة الكاتبة هاجر سلامةالرابع إيمان نزلت من على السلم وخطواتها ثابتة والأرض مش شايلاها من الفرحة والنصر التليفون في إيدها وفيه الفيديو والتسجيل اللي يودي في داهية دخلت شقتها وقفلت الباب وطلعت خط تليفون جديد مكنش حد يعرفه خالص ولا متسجل باسمها وفتحت الواتساب وكتبت رقم مروان أخو جاسم الشقيان في الغربة قلبها مكنش فيه أي رحمة ولا تردد مروان شخص طيب وميستاهلش الخيانة دي بس لازم يفوق ويعرف الحقيقة وإيمان لازم تاخد حقها تلت ومتلت رفعت الفيديوهات والبرنت بتاع المكالمات اللي جابته من سمر وكتبت رسالة قصيرة ومسممة وقالتله يا مروان الحق شرفك وبيتك وفلوسك اللي بتبعتها من الغربة ادخل وشوف مراتك المصونة عبير بتعمل إيه في غيابك ومع مين مع أخوك جاسم حبيب عمرك وسندك في الدنيا اتفرج وشوف خيانتهم ليك واصلة لحد فين وخلي بالك طويل وشوف بعينك الدليل اللي مفيش فيه كدب إيمان درست الرسالة وداست على زرار الإرسال والرسالة ظهر جمبها علامة استلام واحدة لأن الوقت في الخليج كان متأخر ومروان تلاقيه نايم من التعب والشقا حطت التليفون الجديد في درج الكومودينو وقعدت على السرير وخدت نفس طويل وحست إن جبل كان كاتم على نفسها وانزاح وبدأت تتخيل رد فعل مروان لما يصحي ويشوف المصيبة دي وفي نفس الوقت فوق في شقة عبير جاسم كان بيحاول يهديها بكل الطرق وباس دماغها وقال لها وحياة غلاوتك عندي يا عبير أنا بظبط كل حاجة وهطلقها في أقرب وقت بس بلاش جنان وبلاش تجيبي سيرة مروان في الموضوع إحنا ماشيين صح ومش عايز خطأ غبي يضيع كل اللي عملناه عبير بدأت تهدى ولَوت بوزها وقالت ماشي يا جاسم هصدقك المرة دي بس لو شوفتها بتتدلع وتتباهى بيك تاني أنا مش هسكت والمرة دي هتبقى بجد جاسم نزل من عندها وهو حاسس بـ رعب وبيلعن الساعة اللي طاوع فيها شهوته وغباءه الصبح طلع وإيمان كانت صاحية وبتعمل قهوة بكل روقان جاسم صحي ودخل المطبخ وباس كتفها وقال صباح الخير يا قمر عاملة إيه النهاردة إيمان لفتله وبصت في عيونه ببرود مخيف وقالت صباح النور يا جاسم أنا كويسة جداً فوق ما تتخيل النهاردة يوم مميز أوي وحاسة إن في أخبار حلوة كتير هتحصل جاسم استغرب من نبرة صوتها وقال أخبار إيه يا بنتي إيمان ضحكت وقالت مفيش يا حبيبي قصدي على الشغل وحياتنا يلا اشرب قهوتك علشان تروح شغلك بعد ساعتين بالظبط تليفون جاسم رن وكان رقم مروان من الغربة جاسم فتح الخط وهو فرحان ويقول يا مرحب بالغالى وحشني يا أبو مروان عامل إيه في الغربة بس فجأة جاسم سكت ووشه اسود تماماً والدم هرب من عروقه وجسمه كله بدأ يترعش لدرجة إن التليفون كان هيقع من إيده مروان مكنش بيتكلم مروان كان بيصرخ ويشتم بأقذر الألفاظ وصوته طالع زي البركان وبيقوله يا خاين يا كلب بتخوني في شرفي وبيتي مع مراتي وأنا شقيان علشانكم برة الفيديو معايا وكل حاجة معايا أنا حجزت أول طيارة ونازل مصر حالا وربنا مش هسيبكم عايشين يا جاسم إنت والكلبة التانية الخط قفل وجاسم قعد على الكنبة زي المشلول مش قادر ينطق ولا يتحرك ريقه نشف وعيونه كانت هتطلع من مكانها إيمان كانت واقفة بعيد ومتابعة الموقف وكاتمة ضحكتها وقربت منه وعملت نفسها مخضوضة وقالت في إيه يا جاسم مالك ووشك اتقلب كده ليه ومروان ماله كان بيزعق ليه جاسم باصلها برعب وتلعثم وقال مروان مروان عرف كل حاجة يا إيمان مروان نازل مصر حالا وهيق\تلنا إيمان حطت إيدها على صدرها وصنعت ملامح الخضة والذهول المتقن وقالت بصوت طالع بالعافية مش فاهمة يا جاسم يعني إيه مروان عرف كل حاجة وهيقت\لكوا ليه ومين دا اللي هيقت\لك معاه إنت بتتكلم عن إيه ومروان جاب سيرة قت\ل وخيانة ليه فهمنا في إيه بالظبط وقعت قلبي في رجلي جاسم كان بيلف حولين نفسه في الصالة زي المجنون يلطم على وشه وإيده بتترعش والتليفون كان هيقع منه وقال بصوت مخنوق ومكتوم مصيبة يا إيمان مصيبة وحلت على دماغي أنا ضيعت نفسي وضيعت العيلة كلها مروان جاله فيديو على تليفونه وصور ومكالمات بتبين إني كنت مع عبير مراته في شقتها وأمي مش هنا مروان عرف إن في حاجة بيني وبين عبير يا إيمان وفهمني غلط ونازل يقت\لنا إحنا الاثنين إيمان شهقت بصوت عالي وعملت نفسها مصدومة ورجعت خطوتين لورا وقالت بذهول عبير عبير مرات أخوك الشقيان في الغربة يا جاسم إنت بتخون أخوك مع مراته في بيته وشرفه وإنت اللي كنت طالع فيها الراجل الشريف اللي صابر على مراته ومستحمل عيبها ومطلعني أنا اللي مابخلفش قدام الناس كلها طلعت بتعمل البلاوي دي كلها من وار ضهري ومن ورا أخوك جاسم قرب منها وجري عليها ومسك إيدها وبدأ يعيط بضعف وذل ويقولها وحياتك عندي يا إيمان م تسبينيش دلوقتي وماتتخليش عني أنا كنت غلطان والشيطان ضحك عليا وعبير هي اللي كانت بتجرجرني وتتدلع عليا لغاية ما وقعت في الفخ أنا مابحبهاش والله العظيم ما بحبها وإنتي عارفة إني بحبك إنتي من أيام الجامعة بس اِقفِ مع معايا في المصيبة دي وشوفيلي حل مروان لو نزل مصر هيطير رقبتي علطول إيمان سحبت إيدها منه بكل قرف وبصت له بنظرة جمدت الدم في عروقه وقالت ببرود مخيف أقف معاك إزاي وفي إيه يا جاسم إنت خنت أخوك في عرضه وشرفه وعايزني أنا الغريبة أقف معاك وأحميك من أخوك اللي دمه محروق في الغربة وبعدين أنا ذنبي إيه أتحمل قرفك ده كله ده إنت كنت لسه من يومين بتتهرب من كلام أمك وجايب العيب فيا ومطلعني مكسورة الجناح قدام العيلة ودلوقتي جاي تعيط تحت رجلي علشان أحميك جاسم قعد على الأرض وحط راسه بين رجليه وهو بيبكي ويسألها طب أعمل إيه أروح فين أستخبى فين مروان قال إنه حجز على أول طيارة ونازل ومفيش قدامه غير كام ساعة ويكون هنا في المطار والدنيا هتتقلب تلفونه رن تاني وكانت عيبر رد بص ل إيمان ودخل الأوضة ورد عليها بعد ٣ تلات دقايق أخرج بسرعة وقال برعب.. عبير اتصلت بيا دلوقتي وهي بتصرخ وبتقول إن مروان بعت لها الرسائل وبيهددها بالدبح وهي كمان مرعوبة وقافلة على نفسها باب الشقة ومش عارفة تروح فين إيمان سابته قاعد على الأرض ودخلت المطبخ صبت لنفسها كباية مية وشربت براحة وهدوء تام وهي حاسة بنشوة انتصار ملهاش مثيل وخرجت وقفت فوق راسه وقالتله بصوت جاف مفيش قدامك غير حل واحد يا جاسم إنت لازم تروح لأمك وتقولها على المصيبة دي علطول قبل ما مروان يوصل ويدخل عليها بالدم الست تعبانة ورجلها متجبسة ولازم تفهم ابنها ماله علشان تلحق تتصرف مع مروان وتهديه أول ما يوصل من المطار جاسم رفع راسه ووشه كان باهت ومخطوف وقال لأمي أقول لأمي إني بخون أخويا مع مراته يا إيمان دي أمي ممكن تروح فيها فيها سكتة قلبية وتموت من الصدمة إنتي مش عارفة أمي بتحب مروان قد إيه وبتخاف على بيته إزاي إيمان ضحكت بسخرية وقالت له والله دي مشكلتك يا جاسم إنت اللي عملت المصيبة دي بإيدك ولازم تتحمل نتيجتها ويلا انزل لأمك وقولها قبل ما تلاقي مروان واقف فوق راسها بالسكي\نة وساعتها الصدمة هتبقى اتنين جاسم قام وقف على رجليه وهو مش قادر يتوازن وخرج من الشقة وهو بيتحرك زي الأموات ونزل على السلم ورايح على شقة أمه وإيمان وقفت في البلكونة وبصت على الشارع وهي عارفة إن الفصل الأخير من الرواية بدأ يتكتب بالنار وإن الفضيحة اللي خططتلها بدأت تتحرك وتكبر ومحدش هيقدر يوقفها والكل هياخد جزاءه تلت ومتلت يتبع ثمن الخيانة الكاتبة هاجر سلامةالاخير إيمان دخلت أوضتها بكل هدوء وطلعت التليفون التاني اللي بعتت منه الفيديوهات وفتحت الواتساب لقت مروان باعت رسائل كتير بيترجى الشخص المجهول ده إنه يقوله هو مين وعمل كده ليه إيمان كتبتله رسالة ببرود وثقة وقالتله مفيش وقت للأسئلة يا مروان أنا فاعل خير وصعب عليا شقاك وغربتك والفلوس اللي بتبعتها والكلب أخوك ومراتك عايشين بيها في الحرام المهم دلوقتي إنت هتوصل الساعة كام بالظبط علشان أنا هكون مستنياك مع العيلة كلها والشرف لازم يتغسل قدام الكل مروان رد في ثانية وكأن التليفون مابيفارقش إيده وكتب والنار بتطلع من كلماته أنا طيارتي هتنزل مطار القاهرة الساعة تمانية بالليل وهكون في البيت على الساعة عشرة بالظبط جهزي العيلة كلها يا فاعل الخير علشان المذ..بحة هتبدأ أول ما رجلي تخطي عتبة البيت ده والكل لازم يشوف فضيحتهم قبل ما أموتهم إيمان ابتسمت ابتسامة نصر مرعبة وقالتله في سرها تمام أوي يا مروان الميعاد مظبوط والساعة عشرة هتكون نهاية جاسم وعبير للأبد قفلت التليفون وشالت الخط وكسرته ميت حتة ورمته في التواليت ونزلت المية وراه علشان ميبقاش في أي أثر يربطها بالقصة دي وقعدت في الصالة تتابع المسرحية من بعيد وهي سامعة صوت زعيق وصراخ جاي من شقة حماتها تحت جاسم كان تحت راكع على ركبه قدام أمه وعمال يعيط ويلطم ويقولها الحقيني يا أمي مروان عرف كل حاجة ونازل يقت\لني أنا وعبير الحما كانت قاعدة على السرير ورجلها متجبسة والصدمة شلت لسانها وعيونها كانت هتطلع من مكانها من كتر الرعب والذهول وبدأت تصرخ وتلطم على وشها وتقول يا مصيبتي السودا يا خراب بيتك يا فوزية بتخون أخوك الشقيان برة يا جاسم مع مراته في بيتي وتحت سقفي ده أنا كنت بهين إيمان الغلبانة وبقول عليها مابتخلفش علشان أرفع راسك قدام الناس وإنت تطلع بالوساخة دي كلها وتوطي راسي في الطين عبير نزلت من شقتها وهي بتترعش ودموعها مغرقة وشها ودخلت شقة الحما وقالت بعياط هنعمل إيه يا طنط مروان بعت لي رسايل وبيهددني بالد..بح وأنا مش هقدر أقعد في البيت ده ثانية واحدة أنا هلم هدومي وأهرب عند أهلي الحما لوت بوزها وتفت في وشها وقالتلها تهربي فين يا فاجرة يا خطافة الرجالة يا اللي خربتي بيت ابني وضيعتي شرف العيلة غوروا من وشي أنتوا الاثنين ربنا يأخذكم ويريحني من قرفكم الوقت كان بيجري بسرعة مرعبة والساعة بدأت تقرب من عشرة بالليل وإيمان لبست أشيك عباية عندها وحطت ميك اب كامل ونزلت شقة حماتها بكل برود ودخلت لقتهم قاعدين زي الفئران المرعوبة الحما بتعيط وجاسم عمال يلف حولين نفسه وعبير قاعدة في زاوية وبتترعش إيمان قعدت على الكنبة وحطت رجل على رجل وقالت بصوت هادي ورايق مالكم يا جماعة منورين في الضلمة كده ليه ومستنيين إيه جاسم بصلها بضعف وقالها إيمان مروان زمانه على وصول أرجوكي لما يدخل اتكلمي معاه وهديه وقوليله إن الكلام ده كدب وإني مستحيل أعمل كده في اللحظة دي بالظبط الباب الخارجي للعمارة اترزع بقوة هزت الجدران كلها وصوت خطوات تقيلة وسريعة بدأت تطلع على السلم الخطوات دي كانت زي دقات الساعة اللي بتعلن وقت الحساب جاسم وشه اتقلب ألوان وعبير صرخت واستخبت ورا الحما والحما بدأت تتشاهد وتعيط بصوت عالي الباب اتفتح بكل قوة ودخل مروان وعيونه كانت حمرا زي الدم والشرار بيطلع منها وفي إيده شنطة سفر صغيرة رماها في الأرض وقرب بخطوات مرعبة وهو بيزعق ويقول فين الكلاب فين الخاينين اللي ضيعوا شرفي في الغربة جاسم جري عليه وحاول يمسك إيده ويقوله مروان يا أخويا اهدى والله الموضوع سوء تفاهم وفي حد عايز يخرب بيت الفيديوهات دي كدب مروان مأستناش يكمل الكلمة وضربه بالبوكس في وشه وقعه على الأرض وفضل يضرب فيه برجله بكل غل وقسوة وهو بيقوله يا خاين يا كلب أنا شقيان وتعبان وأنت عايش في الحرام مع مراتي في بيتي وعبير صرخت وجريت علشان تستخبى في المطبخ بس مروان لمحها وجري وراها ومسكها من شعرها وجرها في الصالة وفضل يضرب فيهم هما الاثنين وسط صراخ الحما اللي كانت بتلطم وتقول كفاية يا مروان هيموتوا في إيدك يا ابني فضيحتنا بقت بجلاجل والشارع كله اتلم على صوتنا إيمان كانت قاعدة على الكنبة بكل برود وهدوء وبتتفرج على المشهد وكأنها قاعدة في السينما ومفيش على وشها غير ابتسامة نصر وتشفي مروان بعد ما أشفى غليله فيهم وضمن إنهم مش قادرين يقفوا على رجلهم ولف مروان لإيمان وهو بينهج وقالها إنتي إيمان صح أنا آسف يا بنت الناس إحنا ظلمناكي وطلعنا العيب فيكي وأخويا الكلب ده هو اللي طلع خاين ووسخ وإنتي الوحيدة الشريفة في البيت ده إيمان وقفت بكل كبرياء وكرامة وقالتله مفيش داعي للأسف يا مروان كل واحد بياخد جزاءه في الدنيا دي وأنا حقي رجع لي النهاردة تلت ومتلت قدام الكل والناس كلها عرفت مين الشريف ومين اللي مابيخلفش ومين الخاين اللي بيلعب في ضهر أخوه إيمان لفت وبصت لجاسم وهو مرمي على الأرض بوش كله دم وكسرة وبصت لعبير اللي كانت بتبكي بذل وبصت للحما الشمتانة في عيالها وقالت لهم بابتسامة باردة مبروك عليكم الفضيحة يا عيلة جاسم ومبروك عليكي يا طنط سرك اللي طلع للعلن وأنا من النهاردة مش هقعد في البيت ده ثانية واحدة وورقتي هتوصل لي لغاية عند بيت أهلي يا جاسم ورجولتك اللي كنت بتداري عليها وتلبسني عيبها النهاردة اتكشفت قدام الشارع كله سابتهم إيمان ومشيت وخطواتها كانت بتسمع في المكان كله وخرجت من العمارة وهي رافعة راسها للسما والهوا النظيف بيدخل صدرها لأول مرة من خمس سنين بعد ما دمرت حياتهم بذكائها وخدت حقها تلت ومتلت والكل ركع تحت رجليها في النهاية تمت ثمن الخيانة الكاتبة هاجر سلامة حد قالي اني بشجع الحرام عمري ما شجعت الحرام ولا هعمله انا كتبت قصة إيمان علشان أوري وجعها مش علشان أبرره هدفي أن اي حد يقرأ يتعلم ان الخيانة تمن وأن الحرام نهايته كسر . وشكرا لكل الكومنتات الجميلة اللي وصلتني♥️ وانتظروني في قصة جديدة بكرة . ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏