ادهم وسارة
المعازيم على وصول والعروسة مش موجودة.. هنعمل ايه يا ادهم؟ الناس هيقولوا علينا إيه! عروسة ادهم الجارحي هربت منه ليلة الفرح!! كل واحد من العيلة كان بكلمة وادهم ساكت مش بيتكلم! عيونه مركزه في الفراغ وبيدور على حل. مش مهتم بهروب عروسته لانها اصلا مش في دماغه ومش اختياره! ساندي كانت اختيار عيلته وابوها شريكهم وفي بينهم مشاريع كتير. الجوازة دي كانت بالنسبه له زي اي صفقه بيعملها! قلبه عمره ما عرف الحب ومش بيعترف بيه.
بس بهروب ساندي حطته في موقف وحش قدام كل الناس وكل مواقع الاخبار اللي كانوا جايين يغطو الفرح. لازم يبقى في عروسة والفرح يتم. طلع في الجنينه اللي كانت بتتجهز للفرح. على ترابيزة قدامه كان في بنت جرسونه بتجهز الترابيزة وفجأة جاتلها مكالمة-هاتفية ومن خلال ردها فهم ان البنت دي فقيرة وظروفها صعبه وامها مريضه وعليها فلوس حق الادويه بتاعها. ادهم قرب من البنت وهو بيبص لها وسألها بنبرة مباشرة: انتي متجوزة ؟
سارة اتخضت وبصت حواليها بتوتر ومكانتش تعرف ان دا العريس وفكرته واحد من المعازيم وصل بدري وبيعاكسها. زعقت فيه وقالت: وانت مالك؟ وازاي اصلا تسألني سؤال زي ده. كانت لسه هتمشي لكن أدهم مسكها من دراعها وساره ب رد فعل سريع بدون تفكير ضـ,ـربته بالقلم وهي بتزعق: ابعد ايدك عني. ادهم اتصدم وحط ايديه على وشه وهو بيحاول يمسك أعصابه عشان ميتهورش عليها. سارة جريت من قدامه بسرعه وراحت المطبخ، وادهم خد قرار ان البنت دي هتبقى هي عروسته الليلة
منها تنقذ الفرح ويبقى في عروسة قدام الناس ومنها يعاقبها علي القلم دا. سارة وقفت في الفرح ترتجف وحاسه ان اللي عملته دا مش هيعدي علي خير. الشخص اللي ضـ,ـربته دا شكله حد مهم وهي غصب عنها عملت كدا. وقفة متوترة وبعد شوية جه واحد من منظمين الحفلة وجمعهم كلهم وقال: أصحاب الفيلا بلغونا ان في ساعة دهب اتسـ,ـرقت.. والشنط بتاعكم كلها لازم تتفتش. اخدوا الشنط يفتشوها واحدة واحدة لحد ما جه الدور علي شنطة سارة..
الأمن اول لما فتحوا شنطة سارة لقوا الساعة الدهب فيها. سارة اتصدمت ومش مستوعبه دا حصل ازاي! ادهم دخل بثقة وهو بيبص لها وقال بصوت واثق: لقيتوا الحراميه اللي سـ,ـرقت الساعة ؟ الأمن بص لبعضه، وبعدين واحد منهم رفع الساعة وقال: ـ أيوه يا فندم… لقيناها في شنطة البنت دي. كل العيون اتوجهت ناحية سارة. سارة كانت واقفة مذهولة، بصت للساعة وبعدين بصت لهم وهي بتقول بتوتر: ـ أنا… أنا مسـ,ـرقتهاش! والله العظيم معرفش دي جت في شنطتي إزاي!
