حكايتي مع صهيب رابع والخامس

غالية بتكز على سننها بغيظ بتكلم نفسها: انا لو عليا عوزها تمشي واخلص منها ماهو بعد كلام منصور عنها وكل شويه يمدح فيها وفي اخلقها وادبها ووقد ايه هي عظيمه أكيد لما يعرف انها منوعايله وغنيه هينسى حبنا لبعض وهيروح يخطبها واضيع انا بعد حب السنين لمنصور لا دى لايمكن تروح في اي مكان لازم تفضل قدامى
اتعصبت من كلام امها: لا انت اكيد مش امنا بتقلى منا وهى بتمدحي فيها.
علوان قرب من حوريه يزعق فيها: سمعتي بناتك بيقولوا ايه.
قرب منها وهي بتبص على بنتها بحزن وماسك حوريه من درعها جامد : كفايه بقي خلاص بناتك موفقين مصدقوا عاوزين يخلصوا من وشك اسمعنى كويس البيه زمنته على وصول حسك عينك تفتحى حنك يلا جهزى حاجة البت وكتبها عشان تاخدهم معها.
حورية: لا ياغادة رجعى نفسك يابتي بلاش الشيطان يوسوسك خبل الكذب ملوش رجلين وهتلاقي نفسك روحتى في دوامة متعرفيش تخرجي منها.
علوان: لا انتِ مفيش فايدة بالكلام وياكِ انا هحبسك في الحاصل واقغل عليكِ لحد ما البت تمشى ويا البيه.
قرب منها علوان وشدها من ايدها جامد صرخت حورية تترجه فيه
فجأة لقوا باب البيت اتفتح مرة واحده وفي حد دخل بينادى على علوان بصوت مرعب وقوي.
ــــــــــــــــــــــ
رشيدة قعدت جنب غزل بتحكى ليها عملت ايه: في يوم حورية جات عندى وقالت ان البيه عاوز البت تروح المدرسة انا خفت البت تروح وتتعلم وتوعي وتعرف هي مين
منعتهم وخلتهم يدخلوا بتهم هما قلت لحورية اوصفهالى بقت عمله ازاي
وصفتها ليا كانها بتوصف سنابل
مقدرتش اتحمل روحت شفتها بنفسي نار وجادت في جتتي قلت لو حد شافها بالصدفة هيعرفها على طول
خلتهم يلبسوها بيشه وميخلهاش تخرج من البيت غير للغيط شغلتها
باليوميه زى امها خلتها خدامة عند العالم.
غزل: في حاجه محيراني اسمها مخفتيش حد يعرفها من اسمها.
رشيدة: تعرفي اول مرة يجي في بالى حاجة زى كده، امكن عشان ناس كتير سموا عيالهم بنفس الإسم
من حبهم في عزيز سموا الولاد على اسمه والبنات غصن.
غزل: لدرجة دى عمي عزيز كان محبوب!
رشيدة: عزيز الحصى اللي في الارض كان بيحبه يوم موته العيال قبل الكبار بكوا عليه جدك مقدرش يتحمل مات بعديه من الحزن عليه.
غزل: طيب لما انت كنت بتحبيه كده يامه ازاي حبيتي ابويا.
رشيدة: انا حبيت عزيز لطبته وانه الكبير واتعشمت مز كلام خالتي اني هكون ست السريا لكن لما رفضني واختار سنابل غيرت ويكفيكِ شر ست تغير على حاجة كانت بتعتبرها ملكها وست تانيه خدتها منها، عارفه انامعرفش ازاي حبيت رفيق امكن مع الوقت ومن كتر التفكيرفيه فهمت طبعة هو يبان خبيث لكن هو في الحقيقه طيب حبيته عشان حسيت انه مظلوم زيي
شفت حبه لسنابل صممت اخده منيها زى ما اخدت عزيز مني وافوز عليها، بس طلعت هي الكسبانه بردة فضل يخبها وبيتمنها اتجوز عليا عشان مجدرتش انسهاله وبردة ما نسهاش عشان كده استحالة هخليها تفوزالمرة دى عليا مهما حصل حتى لو موت&ها على اديا.
غزل: طيب يعنى لو الراجل ده ماقدرش ينفذ اللي طلبتيه منه وابويا جابها هتعملي ايه.
رشيدة: تفي من حنكك هينفذ ولو زى ما بتقولى ملحقش موتها هى وامها هيكون مع بعض والنار بتقش كل اللي في سكتها يبالك من المجانين المتربطة بجنزير حديد.
ــــــــــــــــــــــ
غصن دخلت بيت ام منصور بعد ما فتحت ليها بنتها سناء سلمت عليها وقعدت على اول كرسي قبلها
قربت سناء منها مستغربه سكوتها على غير عادتها وابتسامتها اللي بتبان على عنيها من تحت البيشة
وظاهر بدلها عيون مليانه دموع سناء حطت اديها على كتف غصن وكلمتها بطيبه وقفت غصن تبك وحضنت سناء تبكِ على كتفها
طبطبت عليها سناء وهدتها وسالتها ايه اللي مزعلها.
سناء: غصن مالك يا حبيبتي بتعيطي ليه حدزمن اخواتك زعلك ابوكِ شفته وهو جاي زعلك ضربك عملك حاجه ديقتك.
غصن بعدت عن سناء هزت رأسها بلا.
سناء:طيب مالك بتبك ليه تعبانه اخلى بابا يكشف عليكِ.
غصن: ابلة سناء يعني ايه لقيط دى حاجه وحشه.
سناء: لقيط سمعتيها فين دى.
غصن: قول لي الله يخليك معنتها ايه.
سناء: معنها عيل مش معروف اهله لقوه مرمي قدام جامع بيت في الشارع ابن حرام اهله جبوه من غير جواز.
غصن انهارت جسمها ارتعش
قعدت مرة تانيه على الكرسى
عمالة تبك من غير صوت تبلع ريقها وراء بعضه قربت سناء منها مالك ياغصن انت تعبانه
ام منصور طلعه من المطبخ شايله طباق أكل سمعت بنتها بتسأل غثن هي تعبانه كلمتها.
ام منصور: تعبانه دى شويه عليها دى ياحبته عينى من طلعه النهار لدلوقت ما حطتش الزاد في بقها
وتلاقيها هبطتت من قلة الأكل يلا يا سناء تعالى انت وغصن كلوا انا خلصت.
سناء: هناكل مش هنستنا بابا واخواتى.
ام منصور: بابا عنده نبطشيه هيبات الليلة في المستشفى واخواتك لما يرجعوا يكلوا لوحدهم وكمان عشان غصن تعرف تاكل وترفع النقاب برحتها.
سناء: في دى عندك حق ياماما،
بينا يا غصن نأكل وارجع معاكِ الواجب واشوف انت ولا ما أشطر من التانية حفظتِ الكلمات اللى عطتهملكم.
ام منصور: تعالى ياغصن للأكل هيبرد وسيبك انت قال انجليزي قال
والنبي قوللها هنحفظ ا مته انا طول النهار اعمل لها المحشي اللي طلبته مني وبتزن عليا بقالها اسبوع
وانتِ من الفجر للمساء في الارض.
تعالي ناكل ياختي بلا انجليزي بلا فرنساوي.
غصن: صوت بكاها عالى .
سناء: فى ايه ياغصن مالك بتبكى ليه.
ام منصور: اكيد خافت تزعلى منها عشان محفظتش الدرس.
سناء: فعلا انا زعلانه منها انها مخفظتش ولا رجعت الدروس اللي قلتلها عليهم لان انا خلاص قدمت ليها في فصول محو الأمية وجبت ليها الكتب ومفروض تخلى وقت
لمذكرتها ده مستقبلها بدل ما بتضيع يومها في الأرض تساعد الناس او تشتغل باجر بسيط ياريت بتستفاد بيه لنفسها تخصص وقت ليها
تاخد بالها من صحتها وتغير من حياتها متزعليش مني ياغصن انا بقول الكلام ده عشان انا فعلا صعبان عليا اللي انتِ فيه، الفلوس اللي بتديها لاخواتك كنتِ علجتي نفسك.
غصن زاد بكاها اخدتها ام منصور فى حضنها.
ام منصور:حرام عليكِ بابنتي البت انفطرت من العياط وهي في اظيها ايه بس تعمله ما عملتهوش.
سناء:ف.اديها ياماما كتير ااقل حاجه
متسمحش لأخوتها يخدوافلوسها
لما تعبت والدكتور قال لازم تتحجز في المستشفى وتعمل عمليه شفتى اخواتها وابوها عمل ايه، رفضوا
يعالجوها حتى لما بابا طلب من الدكتور يعالجها وفهمه ظروفها
خرجها وقال طالما مش حاجه خطيرة يبق ملهوش لازمه تبقى في المستشفى وخرجها للشغل بدل ما تريح واديكى شفتى جسمها زاد ازاي اللي يشفها يقول من الأكل محدش فهم انه مرض بسبب اهمال فى علاج الغدد.
غصن معدتش قادرة تتحمل اي كلام
عنيها بتغمض مش قادرة تأخد نفسها ريقها نشف حاسه بدوخه كانت هتقع على الارض سندت على الحيط جريت سناء وامها يفوقوا فيها وام منصور عمالة تزعق لبنتها.
ام منصور: عجبك كده البنت مقدرتش تتحمل كلامك كانت هتقع من طولها بسرعة روحى هاتي قزازة الريحة نفوقها.
سناء : مش كلامى ياماما دى قلة العلاج والتغذيه ارفعى ليها النقاب
نفسها مكتوم محتاجه هواء.
مسكت غصن ايد سناء وهي
بترفع النقاب.
غصن ببكاء وصوت موجع:بلاش ياأبله بلاش ابوس
ايدك.
سناء: اسفه ياغصن انى ضيقتك
بكلامي.
غصن بصوت مخنوق بتأخد نفسها بصعوبة : متتاسفيش ياابله
انا مزعلتش من كلامك انا تعبانه
شويه.
سناء: ارفعي نقابك يابنتى عشان تاخدى نفسك.