حكايتي مع صهيب السادس والسابع
مشيت شيماء ورجعت القصر واول ما دخلت سألت رئيسة الخدم لتخبرها بعدم رجوعه.
ــــــــــــــــــــــــــــــــــ
في البلد وصل رفيق لبيت عزيز وقف العربية متردد ياخد غصن لامها ويوف بوعده ويحطها قدام الامر الواقع ويطلب منها تنفيذ شرطة وإلا تنسي ان غصن رجعت، فضل محتار وبيكلم نفسة.
رفيق: لازم افكر في حل سريع، إمؤ مش هتسكت ولا هطول منها حق في الورث حتى بعد عمر طويل ممكن تكتبه لسنابل ولعيالى وابق تحت رحمتهم وتاني حاجه لوودتها الدوار القديم رشيدة وغزل مش هيهمدوا ورشيده هتتحكم فيها غيرتها وحقدها وبردة غصن هتكون في خطر، لو قاعدتها في اي شقة من بتوعي هكون مشغول بيها ومصالحي هتقف، وخصوصي بعد حريق السرايا واحاسب اللي عملوها، يبق الأمن والانسب تعيش مع امها ومن الفجر هخدها ااعمل ليها بطاقة شخصية وورق الوصايا اضمن بعدها امي اول ما تكتب ليها الورث يكون في ايدي واي حاجه اقدر اتحكم فيها لو سنابل اتمنعت، يبق مش دخلين لاي مكان وهطلع بيها على المركز اخلص المطلوب واكلم حبايبي هناك يخلصوا البطاقه بسرعة عشان الوقت.
رفيق شغل العربية ومشي بيها التفتت غصن ليه بخوف: عمي رايحين على فين تاني.
رفيق: مفيش هنطلع على المركز هنخلص شوية ورق ليكي وبطاقتك ونرجع طوالي.
غصن: بطاقة.
رفيق: ايوة بطاقة شخصية ليك باسمك غصن عزيز المنسي.
غصن: عمي لو سمحت ممكن اسالك سؤال.
رفيق: إسألى.
غصن: إمي حورية واخواتي.
رفيق: متقوليش امك، امك سنابل وبس وملكيش خوات دول خدمين عندك لولا اصرارك كنت رمتهم لكلاب السكك بس عشانك سبتهم بالدار يعيشوا فيها وسبتلهم حته الأرض يكلوا منها.
غصن: ربنا يخليك ياعمى.
قاطعها رفيق: اسمعيني كويس احنا بنعمل الورق اي حد يسالك عن اسمك تقولي غصن عزيز المنسي تاريخ ميلادك/ ١٣/١٠/ ٩٧
ليه مطلعتيش بطاقة مترديش انا هتصرف، وهخلص كل حاجه بس زى ما قلتلك احفظى اسمك وتاريخ ميلادك كويس واسم امك سنابل عبدالله حسن إبراهيم… لحد ما نوصل تكوني حفظتيهم، اي حد يقولك الراجل اللي معاكي يقربلك ايه قولي عمي رفيق اخو ابوكي
فضل رفيق يعيد بالكلام لغصن لحد ما أتأكد انها حفظت كل اللي قال عليه وصل المركز اخدها مطعم اكلها واول ما معاد فتك المصالح الحكومية بدء كان واقف اول واحد طلع شهادة ميلاد واخد غصن وراح جهه استخراج البطاقة واستغل معرفه وجهز الاوراق وكان هو ضامن ليها وبعد إجراءات كتيرة لتجهيز الاوراق اتصورت غصن صورة البطاقه ولان رفيق قدم طلب ودفع مبلغ كبير للادارة لتسريع استخراج البطاقة، لدواع السفر واستخراج جواز زى ما قدم في الطلب بعد ساعتين استلم البطاقة، واخد غصن ورجع البلد، اول ما وصل لقي الغفر مستنينه على مدخل البلد.
