نهاية العقرب🕷 بقلم #ماياخالد حصري فقط صفحة روايات مايا خالد.
مايا والعقرب بقلم #ماياخالد حصري فقط صفحة روايات مايا خالد.
سفرك معايا مش خيار.. ده أمانك الوحيد.
انفجر العناد في رأس مايا، وخالطته حرقة الخوف الصادق عليه وعلى حياتهما التي بدأت للتو.
امتلأت عينها بالدموع، وهجمت عليه تمسك بياقة قميصه بكفيها المرتجفين، تصرخ بنبرة مبحوحة يمزقها الرجاء:
— أماني؟! أنت فاكر الأمان هو إنك تاخدني لقلب الخطر والنار؟! صخر عشان خاطري ابعد عن العالم ده! ابعد عن المافيا واللغات الغريبة والدم ده كله! احنا مش محتاجين حاجة من الدنيا.. تعالى نعيش في هدوء ونبدأ حياة نظيفة.
ليه مصمم تحط روحك وروحي على كف عفريت؟!
توقفت حركة صخر تماماً.
انمحت ملامح الهدوء الحذر، وارتسمت على وجهه نظرة حادة، كاسرة، وشديدة الجمود.. نظرة أعلنت بوضوح أن شغاله وعالمه خط أحمر لا يقبل المساومة ولا التراجع!
أمسك معصميها برفق ولكن بصلابة، وأبعد يديها عن قميصه ببطء، ثم انحنى نحوها ليصبح وجهه أمام وجهها مباشرة، وقال بصوت خفيض، حاد كالسيف، يزلزل الثقة في أعماقها:
— العالم ده هو اللي عمل صخر السيوفي.. وهو نفس العالم اللي بيخليني أقدر أحميكي وأجيبلك حقك تحت جزمة أي حد يفكر يمسك.
الخط ده خط أحمر يا مايا.. مفيش مخلوق على وجه الأرض بيملي عليّ أغير طريقتي أو أسيب شغلي.
شهقت مايا بدموع حارقة، وصرخت بعناد يرفض الاستسلام لهذا المنطق المرعب:
— أنا مش عايزة حماية بالمنظر ده! إزاي هحس بالأمان وأنا عارفة إن الموت مستنيك في أي لحظة برة؟! إزاي هعيش وأنا شايفاك رايح لقلب الخطر برجلك؟!
أحاط صخر وجنتيها بكفيه القويين، وضغط عليهما برفق ليجبر عينين المترقرتين بالدموع على النظر في عمق عينيه السوداوين، وقال بنبرة تملك صارمة تخرج من بين أسنانه:
— أمانك هو أنا.. مش نوع شغلي! طالما عينك شايفاني وجسدك في حضني، يبقى أنتي في أمان مش موجود عند حد تاني في الدنيا دي كلها. الخطر برة الأوضة دي، لكن معايا أنا.. الموت نفسه بيعمل حساب خطوتي. فكري في حبنا وفي بيتنا.. وسيبيني أنا أربي الشياطين دول بطريقتي.
سكتت مايا وهي تتنفس بصعوبة، وشفتيها ترتجفان بقلة حيلة. نظرت في عينيه الصارمتين، وعرفت أن معركة إقناعه بترك هذا العالم قد خُسرت في هذه الليلة.. وأن رحلتهما إلى ظلمات روسيا أصبحت حقيقة لا مفر منها.
كانت الطائرة الخاصة بـ صخر تقطع سماء الليل الحالك، متجهة نحو صقيع روسيا.
