حكايات رولا

بس بعد سنين، تحليل الـ DNA أثبت إن شريف ابن “سامح” بصورة قاطعة.. لكن عفاف فضلت تستخدم الشبهة دي عشان تبتز أبويا ولما سامح جوزها اكتشف سرقتها وفبركتها وقرر يفضحها.. اختفى وما حدش شافله أثر من يومها!
​في اللحظة دي.. جالي لوكيشن (موقع) من شريف على الموبايل:
“تعالي لوحدك مخزن الشركة القديم في طريق السويس.. لو عاوزة تعرفي الحقيقة كاملة عن سامح وشغله.”
​توفيق المحامي حذرني: “ده فخ يا ندى!”
قلتله: “عارفة.. بس لازم أعرف شريف شريك مع أمه في القذارة دي ولا مجرد لعبة في إيدها زي ما عملت مع الكل!”
​الجزء السادس: الراجل اللي اختفى
​الحراسة والأمن مشيوا ورايا من بعيد وبحرص لحد ما وصلت المخزن المهجور في طريق السويس..
​دخلت، لقيت “شريف” قاعد على كرسي، وشه أصفر، مرعوب، والشنطة المعدن السوداء مفتوحة قدامه على الطاولة.
​جوة الشنطة كان في تقرير تحليل الـ DNA الأصلي، وإقرار مكتوب وموقع من جوز أمه “سامح”!
​شريف بصلي بعيون مكسورة وكأنه صحي من كابوس:
“ندى.. أمي بنت حياتي كلها على كذبة! فهمتني طول عمري إن أبوكي هو اللي رماني وما اعترفش بيا، وإن سامح ده مش أبايا.. طلعت هي اللي زورت وكل ده كان كذب!”
​قلتله ببرود: “أنا عارفة..”
​زق ورقة ثانية ناحيتي بإيد بتترعش.. ورقة من قسم الشرطة وبلاغ قديم متغطي بالتراب!​الجزء السادس (تكملة): الراجل اللي اختفى
​في الورقة اللي سحبها سامح وقدمها للشرطة، كان كاتب فيها كل التحويلات المزورة والحسابات السريعة اللي عفاف عملتها باسمه، ورغبته إنه يخرج من حياتها تماماً.
​وفي آخر الفقرة كان كاتب:
“لو حصلي أي حاجة، عفاف مالهاش دعوة، أنا ماشي بمزاجي وبسيب كل حاجة ورايا.”
​سامح ما ماتش زي ما عفاف فهمت الكل!
سامح اختفى بمزاجه عشان توقيعاته كانت على عمليات النصب اللي عفاف استغلته فيها.. ساب عربيته في حتة مهجورة، غير اسمه، وبدأ حياة جديدة من الصفر!
​وفجأة.. طلع صوت من الضلمة في المخزن:
“أنا هنا يا شريف..”
​خرج راجل كبير في السن تحت إضاءة المخزن..
دقن بيضاء هادية.. وعيون رمادية شبه عيون شريف بالظبط!
​شريف همس بصدمة ودموعه نازلة: “بابا؟!”
​سامح اعترف إنه هرب زمان من الخوف، وبنى حياة جديدة، وتجوز وخلّف بنتين وعند أحفاد كمان. وعفاف وصلتله من ست شهور وكانت عاوزة الإقرار والأوراق الأصلية عشان تدمر عيلة “النحاس”.. ولما رفض يديها الورق، راحت لأمي “فاطمة” وبدأت تضايقها وتستغلها لأنها كانت فاكرة إن أبويا سايب نسخ من الأوراق دي مع أمي!
​عفاف ما كانتش بس قاسية مع أمي.. دي كانت بتفتش البيت وبتستغلها بعنف عشان تدور على المستندات!
​سامح سلمنا فلابشة عليها نسخ من كل التحويلات والعقود. النيابة جيت، وعفاف اتحبست بتهم جرائم مالية وتزوير، بالإضافة للبلاغ الخاص بالأذى والاعتداء على أمي فاطمة.
​شريف تعاون مع النيابة والشرطة، وما حاولش يحمي أمه ولا يغطي عليها.