اسيرةفي قلب صعيدي الاخيرة

"أسيرة في قلب صعيدي " "البارت التاسع" الكاتبه شيماء طارق ★بسم الله الرحمن الرحيم ★ "“""""""""“""""""""""""""""""""""""" يلا عايزة ادعمكم في الكومنتات ولايكات كثير علشان الفصل اللي جاي لقبل الأخير بسرعه علشان انزله وكمان عايزة اخد رايكم اكمل روايه قربان على مائدة الصعيد ولا بلاش "في بيت العيله " (صوت إطلاق نار مستمر، في فوضى كبيرة و أحمد في لحظة دي بيبدأ يقف ويمشي بصعوبة قدام مراته، اللي بتتفاجئ) أحمد (بصوت مليان تعب وهو بيقولها): يلا يا زينب بسرعه أطلع على فوق وانتي ياما انتي وندى؟؟ زينب (وهي عندها شعور ممتزج ما بين الخوف والفرحه): أنت واقف بجد يا أحمد خلي بالك لا تتصاب يا ولد عمي خلي بالك من حالك ! أم مصعب بصدمه:هو انت يا ولدي بتعرف تقف على رجلك من ميتا بقيت اكده؟! احمد وهو بيتحرك بصعوبه بيقولها: مش وقت الحديت ده دلوقت يا مايا بعدين يبقى نتحدت يلا بس خدي البنات واطلع الاوضه اللي فوق خالص مش رايد حد يوصل لكم واصل يلا بسرعه؟؟؟ احمد (وهو ماسك إيد مراته): متخافيش يا حبيبتي، أنا اهنا، مش هسيبك واصل وما فيش حد هيقدر يقربلك يا حته من قلبي اسمع حديتي كيف ما قلتلك روحي؟! (احمد بيشوف حد بيقرب منهم، بيطلع مس\دسه ويرد إطلاق نار. فجأة بيجري ناحية زينب اللي بتتألم وبتشد إيديها.) زينب (بدموع وصرخة): احمد انا اتصبت ؟؟ احمد (مصدوم وبيشدها بحنية): حبيبتي ما تخافيش هاخدك المستشفى دلوقت وهتكوني مليحه يا حبيبتي ما تخافيش ياااا مايا تعالي شوفي زينب ما رحتيش مع أمي ليه يا زينب إيه اللي خلاك اهنا؟! زينب وهي بتبص له بحب: ما اقدرش هملك يا احمد أنت حته من قلبي ما قدرتش اشوفك وهم بيهجموا عليك وهملك لحالك؟! احمد بصوت عالي وعصبيه: كنت هملتين كنت غرت في داهيه انتي ودارتي حالك يا حبيبتي! يا مايا هات التليفون بسرعه واطلب الاسعاف؟! ام مصعب جت بلهفه علشان كانت خايفه جداً على زينب وكانت معاها ندى وكانوا بيعيطوا جدا وهم ماسكين زينب واحمد ماسك التليفون واتصل بالاسعاف؟! والاسعاف والشرطه كانوا موجودين في خلال دقائق والهجوم خف على البيت الكبير ونقلوا زينب المستشفى وكانت العيله كلها موجودة. في غرفة المستشفى – الدكتور يطلع من غرفة العناية المركزة. (الكل في حاله صدمه واحمد مش قادر يقف على رجليه لان اصلا بيتحرك عليها بصعوبه بعد علاج فترة طويله بدا يحركها ويوم ما بدا يحركها حصل عليه هجوم وحاسس أنه هيتهزم تاني لو زينب حصل لها حاجه مش هيقدر يعيش يوم تاني بعدها دموع ونزلت بحرقه في الوقت ده خرج الدكتور من غرفه العمليات احمد بصعوبه راح عليه علشان يكلمه رغم انه مش عارف يدوس على رجله وكل شويه بيقع وامه بتحاول تسنده واخته ندى) احمد بدموع ولهفه: إيه يا دكتور مراتي كيف الوقت مليحه يا دكتور؟! الدكتور (بحزن وآسف قال): حالتها صعبه جداً والطلقه جت في القلب وفي خطر كبير جداً على حياتها؟؟؟ الحاج عبد الجواد (واقف قدام الدكتور وبيتكلم بصوت مهزوز): يعني يا دكتور... مافيش أمل بتي اللي لسه ما بقلهاش يومين متجوزه يحصل لها اكده كيف يا دكتور شوف اي حاجه انقذها؟ الدكتور (بحزن): اللي نقدر نعمله عملناه... الطلقة جت في مكان حساس قوي، ولو ما فاقت خلال 48 ساعه الجايين هيبقى في خطر كبير جداً على حياتها واحتمال ما تكملش! أم مصعب (بتبكي): يا رب يحفظك يا زينب يا بتي من كل سوء ربنا يخليكي يا بتي ويشفيك ويعافيك يا رب؟؟؟ الحاج محمد (واقف جنب ابنه أحمد، وبيطبطب على ضهره): شد حيلك يا ولدي، البكا مش هيرجع حاجة، ربنا كبير، ومراتك تستاهل دعوة صادقة منك، مش دموع وأنت راجل يا ولد يروح صلي وادعيلها وربنا هيستجيب منك إن شاء الله؟؟ (سلمى واقفة ووشها فيه قسوة غريبة، عينيها كلها نار) سلمى (ببرود وهي بتبص على أحمد): هو ده اللي أنت عملته في خيتي يا ولد عمي اتجوزتها ليه علشان تاخدها وتموتها جبتلنا وجع القلب ودلوقت احنا رايدين خيتي ترجع كيف الأول احنا مسلمينها لك سليمه؟؟ الحاج عبد الجواد (بص لها بحدة): انتي إيه اللي بتقوليه ده؟! اتقي ربنا يا بتي ده حاجه بتاعه ربنا بطل السم اللي جواكي ده واتقي الله هملينا وروحي الدار ! سلمى (بغضب وهي بتعيط): انا عملت إيه يا ابويا انتم كلكم شايفيني عفشه علشان بقول الحقيقه بس ربنا هيحاسبكم على اللي انتم بتسووه فيا ربنا يطلع خيتي من اللي هي فيه ويسترها عليها يا رب علشان خاطر شبابها اللي لسه ما فرحتش بيه!؟ أحمد (قام واقف، وبص لها بنظرة قاسية): لو زينب جرالها حاجة، عمري ما هسامح حالي انا احبها وهي مرتي وحته من قلبي مش رايد اي حد يتكلم واللي رايد يقول اي حاجه يمشي من وشي دلوقت علشان ما يشوفش مني حاجه عمره ما شافها قبل اكده؟! سلمى خافت وقعدت على جنب وندى فضلت قاعده جنب احمد وماسكه ايديه وبتواسيه لانها كانت خايفه عاليه جداً وامه برده كانت خايفه عليه لانه كان بادئ علاج طبيعي مش باقي له فتره طويله واللي حصل معاه ده بالنسبه لحالته كان معجزة . في الوقت ده خرج الدكتور ثاني من اوضه العمليات وعلى وشه المره دي ابتسامه هاديه. الدكتور (بصوت فيه أمل بسيط): في تطور بسيط... القلب بدأ يستجيب شوية في خطوره بس بسيطه وان شاء الله الكام ساعه دول لو القلب فضل على وضعه هنكون وصلنا لمرحله قويه جداً وإن شاء الله هتستجيب وهتكون احسن! أحمد: يعني ممكن تعيش؟ يا دكتور مش هيبقى فيها حاجه؟! الدكتور: قول يا رب يا حضره المقدم وان شاء الله ربنا هيقدم اللي فيه الخير انت راجل مؤمن؟! (الكل بيعيط من الفرحة وهم بيدعوا لزينب واحمد في الوقت ده سجد في الارض شكر لله على المعجزه ان لسه مراته حيه وبيدعي ربنا انه يشفي حبيبته ومراته وشريكه حياته) (اما عند ميرنا ومصعب ميرنا بتقرب منه، وبتقف جمبه من غير كلام بس وشها باين عليه الحزن) ميرنا (بهدوء): تعرفي يا مصعب انا كنت شايفاك راجل قاسي مش بيهمه اي حاجه خالص في الدنيا بس دلوقتي شايفه فيك حاجه ثانيه خالص شخص بيخاف على اهله وناسه بيخاف على اللي منه ولو حب ممكن يعمل اي حاجه علشان اللي بيحبهم؟! مصعب (بص لها بهدوء): ده تبع الراجل الصعيدي يا ميرنا لازما يخاف على اهله واللي منه لو ما عملش أكده يبقى مش راجل؟! ميرنا (وهي تبص له بحنان): وأنا... كنت شايفة فيك حد بعيد عني، بس طلع أقرب من الكل. مصعب (بص في عينيها لأول مرة من غير دفاع أو حذر): لو الظروف كانت غير كده... كنت قلتلك كلام كتير، بس خليني أبدأ بحاجة واحدة... (بيسكت لحظة) مصعب: أنا مبسوط إنك جمبي دلوقتي... وأتمنى تفضلي جنبي مش بس في لحظة زي دي على طول ومدى الحياة ؟! ميرنا (بابتسامة خفيفة وسط الدموع): نفسي اكون معاكي على طول ومش عايزة اخسرك وخايفه جدا من اني افقدك انت بقيت سندي في الدنيا وكل حاجه في حياتي؟! (فجأة… الموبايل بيرن) مصعب (يبص للموبايل، ويقرأ اسم المتصل: "أم مصعب مصعب (بيرد باستغراب وخوف وقلق لانه كان عارف ان حصل هجوم على البيت بس ما يعرفش ايه اللي حصل بالظبط وما كانش عايز يعرف ميرنا باي حاجه علشان ما يقلقهاش): ألو كيفكم يا مايا إيه اللي صار عندكم؟! أم مصعب (بصوت بيترعش وهي خايفه ومرعوبه): يا مصعب… حصل هجوم على الدوار عندنا زينب مرات اخوك الصابت يا ولدي واحنا دلوقت في المستشفى! مصعب (بخوف وصدمه): نعم؟! زينب؟!! اتصابت ؟! فين؟! كيف حصل اكده؟! أم مصعب (بتعيط): اللي هجموا كانوا من الناس اللي بيدوروا على احمد … بس زينب كانت جنبه، الطلق جالها في صدرها… الدكتور بيقول حالتها خطر… يا مصعب ارجع… بت عمك هتروح من من… وكلنا في المستشفى. (مصعب بيسند الحيطة، باين عليه الصدمة، ميرنا بتقول لي بصوت عالي وهي عايزه تفهم ايه اللي بيحصل ) ميرنا (وهي بتحاول تقوم): مصعب؟! إيه اللي حصل؟ في إيه؟ مصعب (يبص لها، بصوته مخنوق): زينب… بنت عمي… مرات أحمد… اتصابت، والدار كان فيه هجوم،وانا مش عارف اسوي إيه دلوقت … ميرنا (تقرب منه بحنية): روحلهم يا مصعب… أنا كويسة، روحلهم، دي مرات أخوك، وبنت عمك ما ينفعش تسيب احمد في الوضع اللي هو فيه دلوقتي وانا هبقى كويسه معايا سارة ورامي وكل حاجه تمام… مصعب (يبص لها في عينيها، بشكر وحزن): انا مش عارف اسيبك حتى لو معاكي سارة ورامي برده قلبي مش هيطمن الا لما تكوني معايا الخطر ملحقك في كل مكان يا ميرنا! ميرنا: أنا مش لوحدي… إنت رجعتلي الأمان… بس عيلتك محتاجاك دلوقتي… روحلهم ما تسيبهمش وما تقلقش عليا رامي كويس جدا ومراته سارة انا بحبها وهاخدوا مني يعني انت مش سايبني لوحدي ما تقلقش بقى؟! مصعب (بياخد نفسها عميق، ويبوس راسها): هروح… وهارجع…على طول هوعدك بس خلي بالك من نفسك؟! (بيمسك جاكته بسرعة وبياخد مفتاح العربيه ويوصلها مره ثانيه وبيخرج من باب الاوضه ) اخيرا مصعب بعد دقائق بيوصل قدام بابالمستشفى وبيدخل وبيسال على زينب في ا الإستقبال. مصعب :لو سمحت في حاله وصلت كانت متصابه بطلقه ناريه هي فين دلوقتي؟! الإستقبال: في المشرحه يا فندم هي ماتت؟! مصعب بصدمه: ماتت ازاي؟! تابع..؟!ا اسيره في قلب صعيدي الفصل العاشر الحلقه قبل الاخيرة الكاتبه شيماء طارق "بسم الله الرحمن الرحيم" ★★★★★★★★★★ الإستقبال: في المشرحه يا فندم ماتت؟! (مصعب بيقف مصدوم بيترعش عيونه اتسعت والدم نشف في عروقه وهو بيقولها): ماتت كيف؟! الإستقبال (بتقلب في الورق):هي جات في حالة متأخرة جدًا، ومحاولات إنقاذها فشلت... كانت عاملة عملية خطيرة جداً قوي يا فندم! مصعب (بيرفع حاجبه بانفعال): اكيد بتتحدتي عن حاله تانيه! أنا بتحدت عن الحاله، اللي كانت واخدة طلقة في صدرها... كانت في غرفة العمليات! الإستقبال (بترجع تبص في الكشف وتقول): آه، حضرتك تقصد زينب عبد الجواد ؟ دي دلوقت في غرفة العناية المركزة... حالتها حرجة، بس لسه عايشة؟! (مصعب بيتنفس بارتياح وهو بيحط إيده على صدره) مصعب (بهمس): "الحمد لله... تمام هي فين دلوقت؟ الإستقبال باحترام :في الطابق الخامس؟! (مصعب بيركب الاسانسير وبيروح اوضه العنايه المركزه علشان يطمن على زينب بيلاقي كل العيله موجودين وقاعدين على الكراسي مستنيين الدكتور يخرج يطمنهم على زينب و أحمد اخوه قاعد على الكرسي بيحاول يتحرك برجليه وش مليان حزن على مراته جدا اللي بين الحياه والموت) مصعب (بصوت مليان حزن قال): "أحمد... كيفك يا اخويا؟! (أحمد بيرفع عينه المحمره من العياط بيقوم من مكانه بس بيفشل للأسف مصعب بيجري عليه وبيمسك ايديه وبيقف جنبه وبيقوله): حاسب يا اخويا واحده واحده؟ أحمد (بوجع وحزن): كل اللي حصل كان بسببي، يا مصعب... هم جوم علشان أنا... علشان ينتقموا مني يا أخويا مراتي كانت هتروح مني اسوي إيه يا أخويا دلوقت! (مصعب بيروح عليه بسرعة وبيحضنه بقوة) مصعب: بلاش الحديت ده يا أحمد ما تلومش حالك على حاجه ما لكش ذنب فيها واللي عمله اكده إحنا هنجيبهم يعني هنجيبهم! أحمد (بدموع): "أنا السبب... مرتي في خاطر دلوقت بسببي وكل اللي في الدار كانوا متعرضين انهم يحصل لهم نفس اللي حصل لزينب كله بسببي يا مصعب ؟ مصعب : "بصلي! أحمد، إحنا دلوقت في حرب... وحرب مش ضد ناس عاديين، دي ضد شبكة ضخمة ما تستهونش بيهم يا اخويا وإحنا لازما نكون اقويه ما ينفعش نضعف لأن الضعيف بيندس قوي او روحك اكده واخليك وياي لأن في خاين عندنا في الجهاز وده اللي انا عرفته في الفترة الاخيرة؟! أحمد (بصدمة): "تقصد مين؟ مصعب (بصوت واطي): "سامي... من أول يوم وانا شاكك فيه وحاسس ان وراه سر كبير جدا وهو اللي بيسرب اخبارنا." أحمد (بيهز راسه): انت تقصد سامي صاحبك معقول؟! مصعب: بقالي كتير جداً شاكك فيه وبحاول اكدب حالي بس كل حاجه بقت ضده ومعايا ورق ومستندات كلها ضده؟! احمد بحزن :ومش هي بس يا اخويا كمان سيرين هي قص البلاوي كلها هي اللي عملت فينا اكده مفيش حد غيرها كان يعرف اني في ماموريه؟ مصعب (بحزن): سيرين كانت بتلعب بيك يا أخوي كانوا عايزين يستخدموها علشان يوقعوك في الفخ وللاسف أنت وقعت ؟! أحمد (بصوت حاسم): خابر ان انا كنت غلطان بس لو هم رايدين يلعبوا إحنا هنبدا اللعب وياهم ... نرد الضربة 10 اضعاف ضربتهم؟! مصعب: "والمرة دي، الضربة هتكون قاضية... هنرجع حقك وحق زينب... وحق البلد كلاتها هم دمروا كل حاجه حوالينا وإحنا جه الوقت اللي ناخد فيه حق الناس البريئه اللي ماتت بسببهم؟! احمد بيهز راسه وبيقوله: إن شاء الله يا اخويا ربنا يقدم اللي فيه الخير! (في الوقت ده أحمد قاعد على الكرسي و، مصعب واقف جنبه وباين عليه القلق والتوتر) الدكتور (بيخرج من باب العناية بصوت ثابت): الحاله فاقت الحمد لله... وده في حد ذاته معجزة. الرصاصة كانت قريبة جدًا من القلب ربنا بيحبها جدآ اني نجاها من اللي هي فيه؟! أحمد (بيقوم من مكانه بتعب وهو بيستند على اخوه وبيقوله): ممكن ادخل عنديها يا دكتور واشوفها لو سمحت؟ الدكتور (بابتسامة بسيطة): اهم حاجه ما تعوقش عندها لان هي لسه تعبانه ما تحاولش تجهدها في الحديت؟ (الدكتور بيمشي، وأحمد بيبص لمصعب، عينيه فيها دموع) أحمد: أنا مش خابر اقولك إيه يا اخويا بس خلي بالك من نفسك وشوف أنت ناوي على إيه وأنا وياك؟! مصعب (بحنان): ما تخافش يا اخويا يلا ادخل شوف مرتك ويبقى طمني عليها؟! (أحمد بيهز راسه ويمسح دموعه، ويدخل غرفه العنايه المركزة بخطوات بطيئةالغرفة هادية، ضوء خافت، أجهزة طبية، وزينب نايمة بضعف وعينيها شبه مفتوحه و أحمد بيقرب منها وبيقعد جنب السرير وبيضم ايديها لايديه وهو حزين جداً ) أحمد (بهمس): لو كان حصل لك حاجه كنت هضيع يا بت عمي يا حبيبتي يا قطعه من قلبي الدنيا سوداء قدامي وانتي مش فيها فوقي اكده وخليكي وياي ؟! (زينب تبتسم ابتسامة ضعيفة، وتحاول ترد عليه بصوت واطي) زينب: ايوه يا احمد انا وياك عمري ما هقدر اسيبك لوحدك ما تخافش انا هقعد على قلبك علشان ما تتجوزش غيري؟! أحمد (يبوس إيدها وهو بيعيط): يا رب دايما على قلبي انتي جوه قلبي يا حته من قلبي مش هسيبك تاني، وعد... هفضل جمبك، وهكون ضلك، وهحميكِ بروحي يا روح قلب أحمد ؟! زينب (بدموع): "أنا بحبك... حتى لو قلبي ❤️ بيقف برده هيفضل ينطق باسمك ؟! أحمد (يبص في عينيها): "وأنا بحبك أكتر من عمري... إنتِ روحي يا زينب. مسك احمد ايديها وهي بتبص له والدموع بتنزل من عينيها وكانت باين عليها التعب والضعف جداً وهو بيحاول يطمنها ان هو جنبيها ومش هيسيبها ابدا . مصعب (لنفسه): لازم اروح دلوقت علشان اطمن على ميرنا ربنا يسترها مش خابر أنا قلبي قلقان ليه خايف ليكون حاجه حصلت وانا ما اعرفش؟؟؟ (بيمشي بسرعة من المستشفى،و بيركب عربيته اتجاة المنتجع اللي ميرنا فيه) (اما في الاوتيل الجو هادي، ميرنا بتتكلم مع رامي وسارة في الحديقة فجأة، عربية سودا تدخل بسرعة و بيظهر مع مجموعة مسلحة قدامهم) رامي (يقف قدام ميرنا بيحاول يحميهم ويقول):سارة خديها ميرنا وادخلي جوه يلا بسرعه!! سارة (بصراخ): "رامي لأ! ابعد إنت كمان يا حبيبي لا حد ياذيك! (رامي بيوجه الس\لاح اتجاه المسلحين وبيظهر قدامه المسلحين بيقربوا جدا منه بيبداوا يضربوا نار ورامي بيرد عليهم بطلقات ناريه وفي نفس الوقت عايز يحمي سارة وميرنا وهم مش عايزين يسمعوا كلامه ويطلعوا فوق او يبعدوا بعيد عن المكان ده في الوقت ده رامي اخذ طلقه في ايديه وقع في الارض لكن بيحاول يقاوم ويقف) واحد من المسلحين :خدو البت دي بسرعة خلص أنت وهو! (المسلحين بيخطفوا ميرنا وسط صراخ سارة، واللي بتحاول تجري وراهم وهي بتعيط بياخدوها ويهربوا بالعربية بسرعة) (مصعب سايق بسرعة،و تليفونه بيرن، بيشوف اسم رامي بيرد فورًا) مصعب: "أيوه رامي؟! في إيه؟" سارة (بصوت بيترعش): "مصعب! خدوها!! خدو ميرنا!!! هجموا علينا! رامي اتصاب الحقني بالله عليك يا مصعب انا مش عارفه اتصرف! مصعب (بيصرخ وهو بيضرب دركسيون العربية): "إيه؟! خدو ميرنا؟! كيف ورامي إيه اللي حصل له اتصلي بالاسعاف بسرعه يا سارة؟! رامي اخذ منها التليفون وهو تعبان ومش قادر يتكلم وهو بيقوله: أسف يا صاحبي ما قدرتش احافظ على الامانه اللي سبتها معايا... كانوا مسلحين... خدوا ميرنا... معرفناش نوقفهم انا أسف والله غصب عني؟! مصعب (بصوت مليان غضب وحزن): "أنا جاي حالًا... واللي عمل اكده، هيدفع التمن انا هجيب رؤوسهم كلهم تحت رجليكم !!! ( مصعب بيضغط بنزين العربية بكل قوته، وعيونه مليانه غضب وحزن وهو حاسس بقله الحيله هو مش عارف يعمل إيه يشوف حبيبته ولا صاحبه) (مصعب بيوقف عربيته قدام بوابة المنتجع، بينزل وهو بيجري، بيلاقي الدم على الأرض، ورامي قاعد على عربيه الاسعاف و سارة قاعدة جنبه وبتبكي، والشرطة وصلت بتاخد أقوال عربيه الاسعاف موجودة ورامي كان خلاص هيمشي مع الإسعاف بس اخيرا مصعب وصل في الوقت المناسب) مصعب (بصوت عالي): رامي عامل إيه دلوقت يا سارة؟! سارة (بدموع): خد رصاصة في دراعه بس الدكتور لحقه... خدو ميرنا قدام عنينا يا مصعب... كنت ماسكاها بإيدي وإحنا ما قدرناش نعمل حاجه! مصعب (بيمسك راسه بغيظ): "كل حاجة كانت محسوبة... كانوا مترصدين ليها من الأول انا مش هسيبهم؟! (مصعب بيقرب من رامي، اللي بيتكلم بصعوبة من الألم.) رامي: كان في عربية سودة فيها 4... بس على ما اعتقد ان دول تبع المافيا؟! مصعب (بيفكر): ما فيش حاجه مميزة في العربيه او في الأشخاص اللي كانوا موجودين؟ رامي (بيرفع عينه ليه): العربيه كان لونها اسود ورقم العربيه انا حافظه هديه لك روح يلا بسرعه خد وروح انقذ ميرنا لان هي نفس العصابه اللي خطفوها قبل كده انا حاسس بكده خلي بالك يلا يا مصعب بسرعه ؟ مصعب (بنظرات حادة): "مش بس اكده... أنا شاكك إن في حد من جوه الجهاز بيسرب المعلومات ليهم... والشك الأكبر ناحيته هو...؟! حرامي (بتقاطع): "سامي؟" مصعب (بنظرة ثابتة): كويس ان انت خابر ان هو سامي كل حاجة بقت واضحة. من أول ما دخل التحقيقات في قض\ية ميرنا، وكل حاجة بتتسرب المهم دلوقت يا سارة يلا بسرعه خلي عربيه الإسعاف تمشي روحي المستشفى ويبقى طمنيني عليه في التليفون معلش يا رامي مش هقدر اجي وياك؟! رامي بحزن: خلي بالك من نفسك انت يا صاحبي ويبقى طمني هتعمل إيه وعرفني كل حاجه يلا خلص بسرعه حاول تنقذ مرتك؟ (مصعب بيمشي وبيسيب رامي وعربيه الاسعاف بيتحرك للمستشفى في الوقت ده مصعب بيدخل مقر الجهاز وبيروح على مكتب القائد ويبقى معايا ورق كثير جداً وصورة مستندات ضد سامي اللي كان موجود في مكتب القائد في الوقت ده) القائد:فيه حاجة يا مصعب؟ مصعب: أيوه يا فندم حصل هجوم مسلح، وتم اختطاف ميرنا لكن المكان ده ما فيش حد يعرفه اغير سيادة اللواء انا شاكك في سامي لانه كان بيراقبنا الفترة اللي فاتت وانا متاكد ان هو اللي ورا اللي حصل ده النهاردة هو اللي بيسرب كل اخبارنا من الجهاز؟! سامي (بصوت حاد): انت بتتهمني يا مصعب انت اتجننت ؟! مصعب (بيفتح الملف وبيوريهم صور من كاميرات مراقبة): "الصورة دي من بوابة المنتجع قبل الهجوم بـ10 دقايق و شوفت العربية دي؟ دي نفس العربية اللي ظهرت في فيديو المراقبة بتاع مخزن العصابة، وقت فشل العملية اللي كنت إنت مسؤول عنها؟؟؟ سامي (اتوتر وبدأ يتكلم بسرعة): "أنا... أنا معرفش حاجة عن ده كله... يمكن حد تاني بلغهم وكمان هو انا هتعمد اني اخلي المهمه اللي انا مسؤول عنها تفشل قول كلام عاقل يا حضره المقدم! القائد (بصوت حازم قال): مصعب معاه كل الادله وللاسف ضدك لحد ما نتحقق، هتتوقف عن العمل ويتم التحقيق معاك رسميًا! (سامي بيحاول يعترض، بس أفراد الأمن بياخدوه برا.) في الوقت ده مصعب خرج من اوضه القائد وهو في طريقه قابل زين صاحبه وهو بيساله عن اللي حصل مع ميرنا لان كل حاجه هم عرفوها وبداوا ان هم يرصدوا كل حاجه عن العصابه واخبار ميرنا. زين: عرفت أخبار عن الانسه ميرنا يا مصعب حضره اللواء متوتر جداً وقالب الجهاز؟ مصعب: طبعا حقه بس اخيرا وصلنا لمكانها وعرفنا انهم راح المكان مجهول ... بس المخابرات قدرت تتبع مكالمة من خط وهمي اتسجل من على حدود الإسماعيلية... يبقى هربوها برا المدينة خالص علشان ما نعرفش مكانهم بس هم اغبياء ما يعرفوش ان هم لو في بطن الحوت برده أنا هجيبهم؟! زين: "يبقى لازم نتحرك قبل ما يبعدوا بيها أكتر من كده يا مصعب؟! مصعب : الفريق دلوقت بيكتمل وكلنا هنكون موجودين ان شاء الله وهي هتبات في دارها النهارده وهانيه على الموضوع ده علشان هو اخذ اكتر من وقته وما تنساش يا زين ان هي مراتي وانا ما بقاش راجل من ضهر راجل لو ما رجعتهاش؟! زين (بعزيمة): ان شاء الله يا حضره المقدمه انا واثق فيك وعارف ان أنت قدها وقد وهتدفعهم تمن اللي هم عملوه ده غالي؟! مصعب (بيمد له إيده): ان شاء الله يا زين جهز بس الفريق علشان نطلع دلوقت؟ بعد دقائق الفريق اكتمل وهم في طريقهم الاسماعيليه علشان يوصلوا العصابه ويجيبوا ميرنا في الوقت ده كانت ميرنا في مكان ضلمه خالص مرميه في الأرض ومربوطه وشكلها متبهدل خالص دخل عليها في الوقت ده شخص باين عليه البشاعه وهو بيقول لها بصوت مليان شر . المجهول :تصدقي أنتي مزة جامدة قوي وشكله الخرونج اللي انتي متجوزاه شرب المقلب اللي احنا عملناه فيه بس هو وقع في شر اعماله هو ما جاش جنبك ولا إيه يا قمر ؟! ميرنا بتعب وهي بتحاول تفك نفسها وتقوله: حرام عليك وبتعملوا فيا كده ليه مقلب إيه ؟ اللي انت بتقول عليه دلوقتي فكني بقى حرام عليكم ؟! المجهول – بضحكة خبيثة قال: لا يا ميرنا انا مش بعمل فيك مقلب لان يوم الحادثه اللي حصلك أن ما فيش حد لمسك ولا قربلك اصلا الحوار كله كان تمثيليه علشان نوهم بيها اللواء عبد الكريم ونخليه يترعب عليكي وده حصل فعلا؟! ميرنا – شهقت، وعينيها اتسعت بالذهول: إيه اللي انت بتقوله ده ؟! المجهول –قرب من وشها وقالها : انتي تعمللك عمليه في يوم الحادثه وخليناك تفتكري ان تم الإعتداء عليكي بسبب العمليه دي بس للأسف هي كانت عمليه بسيطه قرصه ودن مننا بس ما فيش اي راجل قرب منك او لمسك بس كانت كفيله انك تفتكري انك تم الاعتداء عليك وتفضلي مذلوله طول عمرك وتدمري نفسيا وابوك كمان يحس انه تدمر بسببك ويفضل مطاطي راسه طول عمره وده كان رد فعل للواء عبد الكريم على اللي حصل معاكي وده كان جزاؤه لانه دمر لنا شغلنا ! ميرنا بتنهار وتبكي بمرارة والم وهي مش مصدقه اللي حصل اللي حصل جسمها وجعها بس الم قلبها كان اقوى من الم جسمها هي كانت فرحانه ان ما فيش أي شخص قربلها اي نعم هم نزعوا منها حاجه هي بالنسبه لها او بالنسبه لاي بنت ما تقدرش تستغنى عنها لانها يوم ما بتشاركها بتحب تشاركها مع شريك حياتها فقط الراجل اللي بتديله قلبها. المجهول – بصوت بارد: عارفة ليه بقولك دلوقتي على اللي حصل فيكي بعد السنين دي كلها؟ عشان إنتي خلاص في عداد الموتى. ومحدش هيلحقك... حتى مصعب يا حلوة لأني هخلص عليكي دلوقتي حالا؟! في الوقت ده على الطريق الصحراوي مصعب سايق العربية بسرعة جنونية، والعرق مغرقه، ملامحه جامدة، بس عنيه فيها نار الوجع والغيره والخوف وفي نفس الوقت كان بيلحقوا من كل اتجاهات فريق كامل مجهز علشان لو في اي وقت استدعوهم يكونوا جنبه ويقدر يخلص المهمه دي من غير اي خساير. أحد الأفراد الشرطه في السماعة: المقدم مصعب، قربنا من الإشارة اللي جالنا... المصدر ثابت، ومكانه تحت الأرض؟! مصعب – بعنف: تمام انا ماشي في طريقي مش عايز حد يلاحظ وجودكم تمام ؟! أحد الأفراد الشرطه في السماعة: علم وينفذ يا فندم ! اما عند ميرنا والمجهول بيجهز الم\سدس ويحطه على راس ميرنا... المجهول – بابتسامة شريرة: قولي الشهادة علشان تعرفي ان انا كريم... إيه الصدمه اللي انتي فيها دي اقولك على حاجه علشان نكمل صدمتك للآخر بس الموضوع مفاجاه عقلك نفسه مش هيستحملها؟ ميرنا – بتصرخ وتقوله: مش عايزة أسمع منك حاجه خلصني عايز تموتني تموتني انا تعبت بقى! المجهول – بيرفع إيده و... بيشيل القناع. ميرنا بتتجمد مكنه وهي مصدومه اول ما شافت وشه كانت في حاله من؟الصدمه والرعب والخوف والقلق قلبها كان بيدق بسرعه و كانت مش مصدقه اللي هي بتشوفه قدام عينيها؟ ميرنا : سامي؟! الضابط سامي – بابتسامة مجنونة: أيوه يا حلوة... أنا الظابط سامي، زميل جوزك هي دي الحقيقه اللي ما فيش حد يعرفها غيرك انتي انا هو البوس الكبير اللي دمر حياتك ودمر كل حاجه بسبب غرور الزفت اللي اسمه مصعب! ميرنا – عينيها مليانه دموع وهي بتترعش وبتقوله : انت... انت اللي عملت كل ده؟! أنت اللي دمرت حياتي وحياة مصعب؟! انت ليه... سامي – بيقاطعها: أنا المافيا في مصر... أنا اللي ببيع وبشتري كل حاجه انتي تتخيليها حتى اني ببيع الناس واشتريها كمان كل حاجه كل حاجه ممنوعه انا السبب فيها تعرفي ان كل الناس كانت شايفه مصعب فوق وانا تحت بس هم كانوا اغبياء انا طول عمري فوق وهو اللي تحت رجليا علشان كده قررت اثبت للكل ان هو ما لهوش اي لازمه والمهمه دي لازما يفشل فيها وبالنسبه للواء عبد الكريم كانت مشكلتي معاه من ايام الجامعه هو عمره مكان كويس معايا بعكس كان كويس مع مصعب وبقيت زميلي اما انا لا كان بيعاملني بطريقه قذرة هو كان ظالم وظلمني كثير فانا رديتها له وانا اللي كنت بسرب كل اخبار الجهاز حتى العمليات اللي كانت بتم تحت اشراف مصعب انا اللي كنت ببوظها وكنت ببلغ المافيا وكنت بحذر الناس قبل ما العمليه تتم كل حاجه تتخيليها كنت بعملها ما تستغربيش؟! ميرنا بصيتله بصدمه وقالتله: طب أنا ذنبي إيه في كل اللي حصل ده أنا عملتلك ايه؟! سامي وهو كان خلاص هيضربها بالنار وبيقولها: ذنبك انك مرات مصعب وبنت اللواء هو عبد الكريم يلا ‏good bye يا شاطرة! في نفس اللحظة – الباب بيتكسر فجأة !! و الفريق بيقتحم المكان وبيسيطر على كل حاجه رغم ان المكان كان فيه حرس كثير جدا الا الفريق كان مجهز وقدر يسيطر على المكان بالكامل. مصعب بيجري، عينه بتدور على ميرنا. بيشوف سامي، بيشهق! مصعب – بصوت مرعب: إنت؟!!! سامي بيضحك بجنون وبيصوب المس\دس اتجاه ميرنا وكان خلاص هيضربها بالنار بس بطريقه غير مباشره جيهم مصعب وادي له رصاصه في كتفه وقع في الارض وقدر يسيطر عليه وظباط الشرطه قبضوا عليه في وقتها بس حطوه الأول في عربيه الإسعاف علشان يروح المستشفى ويقدر يطلع الرصاصه مصعب راح على ميرنا وبدا يفكها بسرعه وهي كانت منهاره بتحاول ان هي تتكلم ومش عارفه تنطق من الخوف والرعب ومش مصدقه ان هو جه ونقذها....... ميرنا – بصوت واطي: هو... هو اللي... عمل فيا كل ده.... هو اللي دمر حياتي يا مصعب؟ مصعب – وهو بيحضنها: أنا اهنا... وانتي بخير... وانتي أقوى من كل ده اجمدي اكده بقى يلا تعالي وياي؟! مصعب بيشيل ميرنا من على الارض بيروح يوديها لعربيه الإسعاف اللي كانت معاهم بره وبعد كده بيطلعوا على المستشفى العسكري وبياخدوا سامي برده معاهم في عربيه الإسعاف ثانيه تحت حراسه كامله مشددة. بعد ساعتين –في المستشفى العسكري – قسم الطوارئ ميرنا قاعدة على السرير وعينيها تايهة. مصعب واقف جنبها، لابس بدلة لبس القوات الخاصه وبين على وش الضغط والخوف كان بيبص لميرنا بنظرات مليانه عشق . مصعب – بهدوء: أنا جنبك يا ميرنا... ومش هسيبك تاني ما حدش هيقدر يقرب منك يا قلب مصعب انا كنت هموت وانتي بعيد عني؟! ميرنا – بصوت متقطع: هو... هو قاللي... إن محدش لمسني... قاللي إنهم عملولي عملية..... عشان أحس إني فقدت كل حاجة بسبب اللي عملوه فيا وافتكر انا فقدت عذريتي وبقيت كده يعني انا ما فيش حد جه جنبيه ولا لمسني يا مصعب؟! مصعب : أنا هحاسب الكل على اللي هم سووه وياكي بس انا دلوقت فرحانه قوي ربنا كريم وبيحبك وانا قلتلك حتى لو إيه حصلك انا برده هفضل وياكي مش هسيبك انتي بقيتي بالنسبه لي ادمان ما اقدرش ابعد عنه لو بعدت عنه اموت انت خلاص بقيتي مراتي وهتبقي في المستقبل ام عيالي إن شاء الله ؟! ميرنا – بتبصله: بجد يا مصعب يعني انت بتحبني بجد ولا علشان خاطر يعني ظروفي كنت بصعب عليك ؟! مصعب بهدوء قال: تصعبي عليا إيه ده انا مش بحبك انا بعشقك انتي اغلى حاجه عندي في الدنيا ده انا عايش دلوقت بسببك لان قلبي بينبض باسمك ولو انتي خرجت منه قلبي هيقف يا حته من قلبي؟! ميرنا كسوف وهي بتحاول تغير الموضوع وتقوله : بعد الشر عليك ما تقولش كده تاني قولي صح يا سيادة المقدم انت بقيت بتعرف تعاكس بنات ده انا اخاف منك بقى ؟! مصعب بيقرب منها ويقولها: أنا بعاكس مراتي اللي بتغير الموضوع ورايده تبعد عني وخدودها بقت حمراء من الكسوف؟! ميرنا سكتت ومصعب قرب منها واخدها في حضنه وفضل يطبطب عليها علشان يحسسها بالامان. اما عند سامي كانوا خرجوا له الرصاصه واخذوا ودوه مقر الامن علشان يحققوا معاه في غرفه التحقيق كان قاعد قدامه المحقق الخاص بالق\ضيه. المحقق: سامي ابو اليزيد... أنت متهم بإدارة أخطر شبكة مافيا دولية في مصر... والأدلة كلها ضدك. سامي – بضحك هستيري: يعني فاكرين إنكم قبضتوا على الراس الكبيره انا اصغر حد في المافيا دي؟انتوا كده بداتوا في اول خطوه في الشطرنج لسه قدامكم الطريق طويل وانا كنت مجرد الحجر الأول وجاي علشان انتقم من ناس معينه بس مش اكثر بس الروسي الكبيره عمركم ما هتقدروا توصلوا لها حتى اللي هنا في مصر لسه بيتدربوا صغيرين مجرد بيبيهات بالنسبه للعتاوي للكبار ؟! المحقق – بنبرة حادة: كل حاجة اتكشفت يا سامي... وده آخر وقت ليك لا تقول الحقيقه لاما هتلبس كل حاجه لوحدك حتى الناس اللي في مصر هنا احنا عارفينهم بس لو انت اعترفت عليهم هيكون احسنلك هتخفف على نفسك شويه من العقوبه. سامي: أنا ماكنتش بحارب الدولة... أنا كنت بحارب "مصعب واللواء عبد الكريم اللي دمروا حياتي يعني انا ما كنتش عايز اؤذي حد بس هم نصيبهم كان كده هنعمل إيه بقى؟! المحقق – بيبصله باستغراب: اشمعنا مصعب واللواء عبد الكريم؟ سامي – بنبرة مليانه حقد وغيره قال: لانه زمان كسرني فين ايام الكليه والناس كلها شايفاه احسن مني في كل حاجه لازما هو الاول وانا بعديه حتى في البنات هو على طول البنات بتبقى معجبه بيه وانا بعده على طول لازم اخذ المرتبه الثانيه ما ينفعش اكون مع مصعب بيه حتى في التكريم وفي الترقيات هو بياخد ترقيه بتكون اعلى مني رغم انا بعمل شغل اعلى من شغله علشان كده انا قررت اخذ كل حاجه منه وادمر له حياته! المحقق – بيقرب وشه ليه: قول الجرايم اللي انت عملتها كلها انا عايز اسمع اعترافاتك انا كده كده عارف انت عملت إيه بس عايز اسمع منك الكلام دوت هيكون احسن برده وتمضي عليه هيخفف عنك شويه؟! سامي – وهو بيضحك ضحكة خبيثة: انا ما عنديش مانع اقولك انا كنت بعمل إيه هي كده كده بقت خربانه وانتوا هتعرفوا اسمع بقى انا دخلت في تجارة البنات... والمخدرات... والأعضاء والمافيا الاساسيه في الدول الاوروبيه هي اللي كانت بتمول كل حاجه واللواء عبد الكريم حاول يكشف المؤامرات اللي احنا كنا بنعملها علشان كده احنا مسكناه من نقطه ضعفه وهي بنته وكنا بنحاول ان احنا نشتت انتباهه ؟! المحقق – مصدوم: عارف لو طلع كلامك ده صح هوديك في داهيه؟! سامي – بثقة: آه... امال خطفنا ميرنا بنت اللواء عبد الكريم ليه... كنّا عايزين نكسّر بيها اللواء عبد الكريم... وكنّا هنبعتها برا بس الأمور خرجت عن السيطرة... بيبص في الملف بتاع القض\يه بيشوف اسم السيرين مكتوب فيه فبيساله عنها ويقوله:: إيه علاقه سيرين بيك؟؟ خطيبة الظابط أحمد؟ كانت بتشتغل معاكم؟ سامي – بيهز راسه: كانت الواجهة النضيفة... بتضحك على ظابط محترم زي احمد والشخصيات المحترمه من المجتمع الراقي وتجمع لنا معلومات اللي احنا عايزينها وكانت بتستخبى ورا مرايه الحب وضحكت بيها على احمد في الق\ضيه اللي هو كان ماسكها؟! المحقق بيدوس على الجرس وبيدخل ظابط وبيقوله : عايزك تاخذ قوات وتجيبلي البنت اللي اسمها سيرين دي حالا؟! الظابط بيرد عليه ويقوله: تمام يا فندم علم وينفذ! بعد 24 ساعة – القبض على سيرين سيرين باين عليها البهدله في الوقت ده احمد راح المقر بسبب استدعائه علشان خاطر القض\يه بتاعته. أحمد – بيبص من بعيد ووشه فيه راحة غريبة: وأخيرا... رجع حقي. كنتي سبب عذابي... اللي سوتيه فيا ربنا خلصه منك ربنا كرمني اني ما لوظتش ايدي بدمك ؟ زينب – بتحط إيدها على كتفه، بصوت ناعم: ربنا بيجيب الحق يا أحمد... شفت ربنا كبير يا حبيبي؟ أحمد – بيبص فيها بحب حقيقي: وإنتي بقيتي حياتي... ومش هسيبك أبدًا. وهنبدأ من جديد... على نظافة بعيد عن القرف اللي انا كنت عايش فيه ربنا فتحلي عيني علشان اشوفك يا أغلى حاجه في حياتي يلا بقى انتي إيه اللي جابك وياي اهنا انتي لساتك تعبانه يا زينب؟ زينب بحب: ببقى مليحه اما اكون وياك يا أحمد يلا علشان نروح دارنا يا ولد عمي؟! احمد مسك ايد زينب وكان بيسندها ووديها لحد العربيه وبعد كده راحوا البيت. اما مصعب بعد ما خلصت تحقيق راح علشان يزور رامي في المستشفى العسكري في الجناح الخاص بتاعه مصعب – وهو بيطمن عليه: أنت البطل الحقيقي يا رامي... استحملت وسكِت، وكنت دايمًا ضهري وسند ليا يا احلى صاحب في الدنيا واجمل اخ انت بجد اكثر من اخويا يا رامي انت اخوي اللي امي ما جابتهوش؟ رامي – بابتسامة ضعيفة: وإنتو تستاهلوا السعادة... يا صاحبي ربنا ما يحرمنيش منك ابدا ويخليك ليا انا ما عملتش حاجه انا عملت وجبه كاخ ليك كفايه اللي ما عرفتش احمي ميرنا من العصابه وقدروا ياخدوها مني وده معذبني جدا والله يا مصعب ؟ مصعب: انا خابر اللي هو غصب عنك يا اخويا؟ يلا بقى الجدعن علشان تخرج من المستشفى عايز اسوي فرح كبير ليا انا وميرنا ومش معقوله سويه واخويه في المستشفى نايم على السرير خلص بقى وبطل كسل وخف بسرعه علشان تفرح قلب اخوك؟ رامي وهو بيناكب فيه وبيقول له:ان شاء الله يا مصعب هقوم قبل الفرح بس ما تجيش تعمله بكره وتقولي لازما تقوم؟ مصعب :بطل بس انت مناكفه وخد علاجك وهتكون مليح واقدر اسوي فرحي وافرح بمراتي يا رخم؟! مصعب بعد ما اطمن على رامي ماشي وراح البيت وكان معايا ميرنا وعرف امه وابوه كل حاجه وامه خدتها هي وندى وبدات ان هي تقعد معاها وتكلمها وتخفف عنها شويه لانها حست ان هي تعبانه فعلا اما مصعب كان تعبان جداً داخل اوضت اخذ شاور وبعد كده نام بعد عناء طويل اخيرا يستريح. تاني يوم –في مقر الجهاز اللواء عبد الكريم – وهو بيكلم مصعب بعد خلص الماموريه بتاعته واقبض على المتهمين وسجل اعترافاتهم والقض\يه اتقفلت قاله: أنا ما عنديش مانع... تسيب ميرنا... هي كانت امانه معاك والمهمه بتاعتك خلاص نجحت يعني تقدر تطلقها انت مش مجبور تخليها على ذمتك يا مصعب يا ابني؟! مصعب – وهو بيبص له بثبات: ميرنا مش أمانة... ميرنا مراتي وحبيبتي... وهتكون مراتي قدام الكل انا رايد احدد ميعاد الفرح من حضرتك لو سمحت يا سياده اللواء؟! اللواء عبد الكريم وعينيه مليانه فرحه قاله: ربنا يكرمك يا ابني وانا فرحان جداً أنك هتكون جوز بنتي وانا من زمان بعتبرك ابني يعني دي مش حاجه جديدة ربنا يوفقكم وانا ما عنديش مانع الوقت اللي انتم تحددوه انا معاكم فيه؟ مصعب قام واقف وقاله :تمام يا فندم؟! اللواء عبد الكريم قاله :بلاش يا فندم دي انا وانت هنا قاعدين قاعده عائليه يعني مش مستاهله تكلفه انا دلوقتي بقيت عمك؟! مصعب ابتسامه وفرحه قاله :ده شرف ليا يا عمي انا مبسوط جدآ بموافقه حضرتك على جوازي من بنتك ميرنا وان شاء الله هكون عند حسن ظن حضرتك؟! اللواء عبد الكريم :ربنا يوفقك يا ابني في حفظ الله؟! بعد شهر –في الصعيد – في البيت الكبير كانت الفرحه ماليه البيت والطبله والزغاريد ماليه البيت والزينه اللي متعلقه في كل مكان ومصعب لابس الجلابيه الصعيدي واقف وسط اهله بكل هيبه والناس كلها بتبص له بنظره حب واحترام وميرنا قاعدة في وسط الحريم لابسه فستان ابيض جميل جداً والناس كلها فرحانه بيهم وبيباركوا لهم وهي عنيها مليانه شوق وفرحه. ندى وهي بتبص لميرنا بفرحه وبتقولها: أهو جه اليوم اللي استنيته من سنين اخيرا اخوي مصعب هيتجوز وهيتجوز اكثر بت كنا بنتمناه ان هو يتجوزها ربنا يتمملك على خير يا خيتي! أم مصعب – بتعيط من الفرحة: أهو ربنا جبر بخاطري يا ولدي... وشفته عريس اخيرا هيتجوز حبيبه قلبي ميرنا اللي من يوم ما شفتها كنت بتمنى اللي هي تكون مرات ولدي انا قلتلك انتي بقيتي بتي من اول يوم والحمد لله امنيه اتحققت! ميرنا بدموع وهي بتبص لهم :ربنا يخليكي ليا يا ماما وانتي يا ندى انا بعتبرك زي أختي الصغيرة ربنا يخليكم ليا وما يحرمنيش منكم ؟! ندى: ولا يحرمني منك يا خيتي يلا رايدينك تهيصي اكده مع البنات؟! ميرنا بزعل :اسكتي يا اختي اخوك حلف عليا بالطلاق ما اقومش من مكاني؟! تابع الختام..؟! ★اسيره في قلب صعيدي★ ★الخاتمه.....★ الكاتبه شيماء طارق ★بسم الله الرحمن الرحيم★ ______________________ ميرنا بزعل اسكتي يا اختي اخوك حلف عليا بالطلاق ما اقومش من مكاني؟! ام مصعب :خلاص يا ندى خليها قاعده إحنا هنهيصولها ما تخليش اخوك يوقع طلقته من أول يوم؟! ندى :ماشي ياما انا هيصه برقص كمان شفت البنت سلمى قاعده كيف البومه يخرب بيتها انا هروح ارقص بلاش هم؟! ام مصعب: عيب يا ندى دي بت عمك تسمعك وتزعل عيب يا بتي لازما نراعي شعور غيرنا؟! ندى: حاضر يا مايا! سلمى كانت واقفه ومتغاظه جدا وساكته ومش عايزه تتكلم بس هي من كام يوم كان جالها عريس كويس جداً وعيشته مرتاحه هو من اعيان البلد ابن العمده وخطبها بس هي كانت برده متضايقه بس مش زي العادة ما عملتش مشاكل مع حد . عنده مصعب والرجاله في المندره الكبيره مصعب كان بيرحب بالضيوف وبيقول بابتسامه فرحه: يلا يا سيادة اللواء رايدين نكتب الكتاب دلوقت احنا تاخرنا قوي قوي؟؟ رامي: مش عارفه إيه الاستعجال ده أنت فعلاً كسبت قلب الناس كلها ويا ابن المحظوظه هتتجوز البنت اللي بتحبها انا نفسي ايه كميه الحب اللي انت عايش فيها دي يا ابن الذين ؟ مصعب بيبص له بغيظ ويقوله: عينيك دي اللي جايبان الأرض يا رامي حرام عليك النهارده ليله دخلتي سيبني في حالي بقى بطل نبر فيها هو انا أول واحد يتجوز اللي بيحبها ما انت يا اخويا متجوز مرتك وكنت بتعشقها وبتموت فيها وفرجت علينا الدنيا لحد ما جوزناها لك رايد إيه ثاني؟! أحمد حاول يهدي مصعب ويقول له: انا عن نفسي ما توقعتش ان اليوم ده يجي واشوفك داخل قفص الزوجيه انا فرحان بيك قوي يا اخويا اخيرا ربنا نولك اللي أنت رايده بس برده بقيت من ضمن المتجوزين! مصعب بص لهم بعصبيه وقالهم: هو انتم كلكم هتشتغلوني ولا إيه النهاردة هو انا بقيت شغلنتكم لموا نفسكم علشان ما تشوفوش الوش الواعر!! احمد بص له بنبره مرعبه وقالي :وطي صوتك ياض علشان لو ما لمتش نفسك اخليك تندم لم لسانك علشان أنت خابر أنا هعمل وياك إيه لو لسانك طول ؟! مصعب وهو بيصطنع الخوف يقوله: هو انا اقدر برده اتحدت وأنت موجود يا كبير اديني خلاص خرست؟! احمد وهو بيضحك قاله: ايوه ناس تخاف ما تختشيش ما بتجيش الا بالعين الحمراء؟! مؤمن صاحب مصعب وكان جاي علشان يباركله واقف معاهم وحضر الموقف وبيقولهم: صحيح، الناس كلها بتتكلم عن شجاعتك وحبك اللي حربت علشانه ربنا يوفقك يا حضره المقدم ؟! مصعب: الحمد لله، أنا مش لوحدي، ربنا معانا، والأهل والناس واصحابي انا بجد فرحان لاني كلكم وياي ربنا يديمكم ليا سند وظهر وبكره يا مؤمن ربنا يرزقك ببنت الحلال وهتعيش قصه حب واعره وكلنا هنوقف نفس الوقفه دي وياك ؟ مؤمن: اللهم امين يا رب العالمين؟! في الوقت ده اللواء عبد الكريم بينادي على مصعب ويقوله: يلا يا مصعب كتب الكتاب الماذون مستعجل أنت رجعت في كلامك ولا ايه؟! مصعب بجرى عليه وقاله: لا طبعا هو انا اقدر يا عمي اوعى تقولي اكده تاني ؟! الماذون بيبدا في كتب الكتاب وبيقول جملته الشهيره بارك الله لكما وبارك عليكما وجمع بينكما في خير وبيشد المنديل من على ايد مصعب واللواء هو عبد الكريم وبعد كده الشباب بياخدوا مصعب وبيقولوا له يلا علشان يرقص على الطبل البلدي والكل كان مستني بطل الليله اللي هو مصعب علشان يرقص والفرحه بتاعته تكتمل اكن الظاهره جداً على وشي قدام الناس. نزل يرقص معايا اخوه احمد كان شكلهم جميل جدا وهم بيرقصوا كانوا ملفتين وكانوا مميزين والكل الناس عينهم كانت عليهم في اللي كان بيبص بحبه فيه اللي كان بيحسد بس اهل البلد كانوا فرحانين جدا وهم بيسقفوا وبيهيصوا كانوا منهم اللي بيتمنوا ان مصعب او احمد يكونوا من عيلتهم شابين زي دول كانوا محترمين جدا ومجتهدين في عملهم والناس كلها بتحبهم ولاد كرم واصول اي بيت يتمنى ان هم يكونوا فيه . في الأوضة عند الستات – ميرنا قاعده وهي ومرات ابوها يسرا وام مصعب وزينب مرات احمد وستات كثير جداً من البلد جايين علشان يباركوا : يسرا بحب وحنان قالت: ربنا يتمملك على خير يا بنتي وان شاء الله حياتك كلها تكون مليانه بالحب والسعادة؟! ميرنا: انا مش قادرة اوصفلك شعوري يا ماما انا فرحانه قوي انا اول مره افرح كده اخيرا حققت حلمي وهتجوز الراجل اللي انا بحبه! يسرا (بحنان): ربنا يكملك على خير يا بنتي ويا رب حياتك كلها تكون مليانه بالفرحه والسعادة وانا معاكي في كل خطوه في حياتك ولو احتجتيني في اي وقت انا جنبك وفي ظهرك يا حبيبتي؟! ميرنا بتبص لها بحب وتقولها :ربنا يخليكي ليا يا ماما؟! أم مصعب: ميرنا انا قلتلك قبل سابق انتي كيف بتي ندى بالظبط انا دايما جنبك وياكي يا بتي اوعى تخافي وانا وياكي ؟ ميرنا بتبص لها وتقولها بحب: ربنا يخليكي ليا وما يحرمنيش منك ابدا يا ماما بجد والله انتي اكثر حد تعلقت بيه في البيت هنا بجد انا حبيتك جدا من اول يوم شفتك فيه كفايه قلبك الطيب حسيت امي ما ماتتش اول ما شفتك يمكن ماما يسرا حاولي تعوضني عن غياب امي بس شفت فيك حاجه ما شفتهاش في حد قبل كده ربنا يديك الصحه والعافيه ويباركلنا في حياتك يا رب؟! زينب: ربنا يخليكي لينا يا مراه عمي ودايما تكوني ويانا وانتي يا ميرنا بجد انا اعتبرتك خيتي يا رب يفرح قلبك وتكوني وش الخير على دارنا؟! ميرنا بحب :وانا كمان والله يا زينب اعتبرتك زي اختي ربنا يخليكي وما يحرمنيش منك ابدا انتي وندى بقيتم اخواتي انا اصلا ما عنديش اخوات غيركم؟! ام مصعب :ربنا يباركلكم يا بنات ويجعلكم على طول بتحبوا بعض ويا ربنا يديم المحبه بيناتكم وما يدخلش بينكم حاجه عفشه؟ كلهم رفعوا وديهم لفوق وقالوا :امين ! مصعب بعد ما رقص مع اخو احمد على الطبل البلدي راح عليهم وقالهم تصبحوا على خير يا شباب انا هروح هاخد العروسه واطلع مطرحي رايدين مني حاجه؟! رامي: انا مش رايد حاجه بس كل اللي انا عايزه منك تبقى تحكيلي كل حاجه الصبح ياض عايز اعرف انت هتعمل ايه؟! مصعب بعصبيه :بطل قله ادب واقفل خشمك علشان ما حبسكش الليله في الزريبه واخلي سارة تفضل تدور عليك في البلد كلها؟؟ رامي :لا يا اخويا هقفل خشمي زي ما قلت انا ساكت اهو خلاص مش هقول اي حاجه يا عم؟؛ أحمد: بالتوفيق يا اخويا ويا رب دائما في سعادة وحياتك تكون فيها فرحه ويرزقك بالذريه الصالحه يا رب؟؟ مصعب راح عليه وحضن وقاله :ربنا يخليك ليا يا اخويا ما يحرمنيش منك واصل وتفضل ظهر وسند ليا واكون انا كمان ظهري وسند ليك؟ احمد بص له بحبه وقاله: اللهم امين يا رب العالمين؟! المصعب بيروح عند ميرنا وبياخدها ويطلعوا على الجناح بتاعهم واول ما بيدخلها بتقعد على السرير وبتكون مكسوفه جدا وهو بيبص لها بحبه ويقول لها وهو ماسك ايديها: ميرنا... دلوقت إحنا مع بعض، من غير حديت كتير انا بحبك وبعشقك ورايد اقضي وياكي عمري كله ؟؟ ميرنا (بخجل وفرح): أنا كمان، يا مصعب، مهما كانت الدنيا صعبه وجودك جنبي هو الأمان انا كمان بحبك وما اقدرش استغنى عنك ؟ مصعب: النهاردة بدايه جديدة لحياتنا استعدي علشان نبدا احلى قصه حب احنا لسه هنبداها مش زي الناس اللي اول ما بيتجوزوا بينهوا حبهم لا احنا من اول ليله بنبدا حبنا وده اللي هنثبته ان الحب مش بينتهي مع أول ليله جواز بالعكس ده بيبتدي مع العشرة وبيزيد اكثر؟! ميرنا: وأنا مستعدة أبدأ معاك واشاركك في كل حاجه في حياتك وبكده يزيد حبنا مع الاهتمام والموده ما بينا ! مصعب (مبتسم وهو بيحتضنها): انتي احسن حاجه حصلت لي في حياتي انتي راحه لقلبي اللي كان محتاج يحس انه لسه موجود! ميرنا... لما بشوفك قدامي بحس الدنيا كلها بتنور. انتي مش بس مراتي، انتِ روحي وقلبي! ميرنا (بخجل وعيونها بتلمع): وأنت... يا مصعب، كنت دايمًا السند والظهر والدعم ليا حتى لما الدنيا كلها كانت ضدي انت كنت معايا علشان كده اسلمك روحي وانا مش خايفه من اي حاجه في الدنيا . مصعب (بيقرب منها شويه): وأنا مهما عملت مش هقدر أوفيكي حقك. رايدك تحسي دايمًا بالأمان معايا، مهما حصل. ميرنا (بتغمض عينيها): مش هسيب إيدك أبدًا، مهما الدنيا كانت صعبة. مصعب (بيهمس في ودنها): حلمي الكبير... إنك تكوني دايمًا جنبي، نكمل سوا اخيرا اتحققت يا احلى حاجه في حياتي. ميرنا بتبص في الارض وهي مكسوفه ومصعب بيبص لها بعشق وبيبداوا اول ليله وبتصبح ميرنا زوجته زوجته امام الله. بعد مرور سنه في المستشفى وميرنا كانت داخله اوضه العمليات علشان بتولد. ميرنا (بتزعق بصوت عالي وهي قاعدة على السرير): انت اللي عملت فيا كده منك لله يا مفتري! مصعب (متعجب وهو واقف جمبها): والله ما كله كان بمزاجك يا أختي انتي هتستعبطي؟ ميرنا (بغضب): اشمعنا انا احمل وانت لا ليه الرجاله ما بتخلفش وتتعب زي ما احنا ما بنتعب حرام عليكم اتقوا الله فينا ؟ مصعب (وهو بيحاول يفكها علشان تهدى): اهدي يا بنتي قولي يا رب ان شاء الله هتقومي بالسلامه وهسوي كل اللي انتي رايداه مش هاجي جنبك ثاني ويوم ما هاجي جنبك همضيك على تقرير انك موافقه على كل حاجه بتحصل في الليله دي احنا مش ناقصين فضايح ثاني ياما ؟! ميرنا بصوت عالي وتعب وهي بتتالم: انت بتتريق عليا يا مصعب ماشي ماشي والله لاوريك اقوم بس؟ دخله ميرنا اوضه العمليات وقعدت اكثر من ساعتين وبعد شويه خرجت الممرضه وهي مبسوطه جدا وعلى وشها ابتسامه وبتقول لمصعب : الف مبروك يا مصعب بيه جالك ولدين كيف القمر؟! مصعب بصدمه: ولدين انتي بتتحدتي جد؟ الممرضه: ايوه ولدين الف مبروك لحضرتك المدام دلوقت في الاوضه بتاعتها وتقدر حضرتك تدخل تطمن عليها بنفسك؟! العيله كلها باركت له وهو دخل علشان يطمن على مراته وكان فرحان جدا وعنيه بتدمع دخل عليها كانت ميرنا نايمه على السرير وجنبيها التوام. ميرنا (بتبوس التوأم): ايه القمر ده انتم حلوين قوي ربنا يخليكوا ليا وما يحرمنيش منكم ابدا؟! مصعب: ولا يحرمني منك يا ست البنات؟! ميرنا: إيه رايك يا مصعب ما شاء الله ولدين انا مش مصدقه نفسي؟! مصعب باس على راس ميرنا وقالها :ربنا يبارك فيهم يا حبيبتي ويجعلهم خلف صالح وينفعنا انتي كيفك دلوقت ؟! ميرنا بهدوء: الحمد لله بخير ما تزعلش من كلامي اللي قلته وانا داخله اولد والله ما كان قصدي انت عارف بقى كنت تعبانه ما كنتش عارفه انا بقول ايه؟ مصعب بحب: انا عذرك يا حبيبتي الله يكون في عونك انتي كنت تعبانه وعندك عذرك؟ ميرنا: خذ يا مصعب شيل ولد منهم حلوين قوي بس صغننين خالص؟ مصعب شيل طفل من الطفلين وكان فرحان بيه جدا وقلبه كان بيدق جامد اخيرا شال ابنه بين ايديه في الوقت ده كان احمد اخوه وزينب مراته جايين المستشفى ومعاهم ابنهم الصغير اللي مسميينه مصعب على اسم اخوه مصعب. احمد خبط على الباب ودخل وقال بفرحه :حمد لله على السلامه يا مره اخوي؟! ميرنا بابتسامه: الله يسلمك يا احمد؟ زينب :الف مبروك يا خيتي يتربوا في عزك يا رب وعز ابوهم مبروك يا مصعب ربنا يخليهم لك يا اخويا؟ ميرنا حبيبتي :يبارك فيك يا رب ويخليلك مصعب الصغير؟! مصعب بحب:حبيبي يا احمد ربنا يخليك ليا وما يحرمنيش منك واصل الله يبارك فيك يا زينب كيف الواد مصعب الصغير عامل إيه من غيري ؟! احمد مزعل: ادي قرفنا في عيشتنا وريني النونو الصغنن ده حبيب قلب عمو سميته العيال دي ولا لسه؟! مصعب : حط ابنه على السرير وراح على احمد اخوه شايل مصعب الصغير وفضل يلاعب فيه ويقول له حبيب قلب عمو اللي وحشني عامل ايه توحشتك قوي قوي شفت انا جبتلك اخين علشان تلعب وياهم قولي إيه رايك في المفاجاه دي؟ احمد: ما ردتش عليا ولد ابويا هتسمي العيال دي إيه ؟؟ مصعب وهو بيبص لميرنا :هسمي ده احمد والثاني هسميه عبد الكريم على اسم اللواء عبد الكريم لان هو مثلا الاعلى واحمد اخويا حبيبي برده هو كان مثل الاعلى من وانا صغير وانا كنت نفسي اكون كيفكم نفسي ولادي ياخدوا شويه صفات من صفاتكم الجميله علشان اكده هسميهم على اساميكم؟! احمد كان فرحان جدا انه هيسمي ولد من الاثنين على اسمه في الوقت دوت جاء اللواء عبد الكريم دخل علشان يطمن على بنته ميرنا . اللواء عبد الكريم (راح على بنت وحضنها وقالها): ... الحمد لله على سلامتك يا بنتي عامله ايه يا حبيبتي ؟ ميرنا (بتبتسم): حبيبي يا بابا الله يسلمك انا جبت اتنين يا بابا ومصعب سمى ولد منهم على اسمك؟! اللواء عبد الكريم بيبص لمصعب بفخر وبيقوله: ربنا يخليك ليا يا مصعب وما يحرمنيش منك ابدا ويخليلك ولادك يا ابني ؟ يسرا : الف مبروك يا بنتي ربنا يبارك لك في عيالك يا رب ويفرحك بيهم ويجعلهم على طول جنبك وفي ظهرك ويبعد عنك اي حاجه وحشه؟! ميرنا :شكرا يا ماما ربنا يخليكي ليا يا رب؟! (الحاج محمد أبو مصعب): الف مبروك يا ولاد ربنا يتم فرحتكم على خير ويخليلكم عيالكم؟؛ عبد الجواد: ربنا يحفظ لكم عيالكم يا رب ويا رب ياخدوا منك أنت واخوك احمد الصفات المليحه اللي فيكم يا مصعب يا ابن اخويا انتم فخر عيلتنا وبنفتخر بيكم في كل حته وان شاء الله ولادكم هيكونوا كيفكم ؟! مصعب: ربنا يخليك لينا يا ابوي انت وعمي ويخليكوا لينا ويجعلكم فوق رؤوسنا دائما يا رب ! احمد: الكل بقى يتجمع جنب مصعب وميرنا علشان ناخد صوره للعيله؟! مصعب وهو بيشيل التوام في حضنه وفرحان جدا واحمد وزينب والعيله كلها بياخدوا صوره جماعيه وده كان اخر مشهد في روايتنا انتظروني في روايه جديده قريبا بقلم الكاتبه شيماء طارق دمتم في رعايه الله.

مقالات ذات صلة

الفرح

ياسين وليلى ج٢

عيالي

مراد ونغم

أنقذت رجل غريب

المفتاح حكايات رولا

اترك تعليقاً إلغاء الرد