عنذما يحب القلب الاخير

## الفصل الحادي والعشرون بدأت سمر تشعر بإرهاق غير معتاد ، دوخة خفيفة في الصباح، وغثيان لم تعتد عليه من قبل. في البداية ظنت الأمر مجرد إجهاد من ضغط العمل ورعاية سامر، لكن حين تكررت الأعراض لثلاثة أيام متتالية، بدأ شك صغير يتشكل في داخلها. فعلت أختبار الحمل بسرية تامة خلال استراحة العمل، وقد كان قلبها يخفق بقوة وهي تنتظر النتيجة. وقفت سمر مذهولة للحظات، يداها ترتجفان وهي تحمل ورقة النتيجة، دموع فرح غزيرة تنهمر دون إرادتها: "معقول؟ بجد؟" قضت سمر بقية يومها في حالة من السعادة الممزوجة بالتوتر، تخطط بعناية لكيفية إخبار سامر بالخبر. قررت أن تنتظر حتى المساء، حين يكونا وحدهما تمامًا بعيدًا عن ضغط اليوم. في المساء، دخلت غرفتهما لتجد سامر يقرأ كتابًا وهو مستلقٍ على السرير، ذراعه المصابة قد تحسنت كثيرًا ولم تعد بحاجة للجبيرة الكاملة. "سامر، عندي حاجة أقولهالك." قالت بصوت يحمل ارتجافة خفيفة من التوتر والسعادة معًا. رفع نظره من الكتاب فورًا، لاحظ بريقًا غريبًا في عينيها: "في إيه يا سمر؟ كل حاجة تمام؟" جلست بجانبه، أمسكت يده بكلتا يديها، ووضعتها برفق على بطنها: "عندي ليك خبر مش عارفه هيزعلك ولا هيفرحك " ثم واصلت كلامها بفرحة "إحنا هنبقى تلاتة قريب." استغرق الأمر لحظات قبل أن يستوعب سامر معنى كلماتها بالكامل، ثم اتسعت عيناه بصدمة مليئة بفرح غامر: "إنتِ... حامل؟" أومأت برأسها وهي تبكي وتضحك في آن واحد: "أيوه يا سامر، حامل." انفجر سامر بضحكة فرح صادقة لم تخرج منه منذ وقت طويلة، نهض من الفراش ثم احتضنها بكل قوته المتاحة رغم ذراعه، يرفعها قليلاً عن الأرض ثم يعيدها برفق خوفًا عليها: "يا الله... يا سمر... أنا هبقى أب!" قبّلها بشغف ممزوج بدموع فرح لم يحاول إخفاءها: "إنتِ أسعدتيني بطريقة معرفش أوصفها. من كل قلبي، شكرًا يا حياتي." --- جلسا معًا على السرير ، يده لا تفارق بطنها، عيناه لا تفارقان وجهها المشرق بسعادة نادرة: " أنا فرحان أوي يا سمر.. عايز أصرخ وأقول أني هبقى أب." دمعت عينها وهي تمرر أصابعها على خده قائلة: "هيكون أسعد طفل لأن هيكون عنده أحن أب وأشطر دكتور." انحنى نحوها ببطء، قبّلها قبلة عميقة مليئة بكل الحب والامتنان، قبلة احتفال بحياة جديدة بدأت تتشكل بينهما. سحبها بلطف أقرب إليه، يداه تحيطان بها بحرص مضاعف الآن، وكأنه يحمي كنزين بدلاً من واحد. استلقت بجانبه برفق، رأسها على صدره، بينما يده تداعب شعرها بلطف والأخرى لا تزال تحمي بطنها بحنان أبوي مبكر: "الليلة دي، وأنا حاضنك وحاضن بكرة اللي جاي، حاسس إني أسعد راجل في الدنيا." بقيا معًا في دفء صامت طويل، يستمتعان بلحظة سعادة نقية خالية من أي توتر عائلي أو خوف من المستقبل، فقط هما، وحلم صغير بدأ ينمو بينهما، ينتظر لحظة الإعلان للعائلة بأكملها، ولحظة ربما، أخيرًا، ستكون كافية لكسر آخر جدار في قلب فؤاد. ## الفصل الثاني والعشرون مرّت أيام قليلة بعد معرفتهم بالحمل، وكان سامر وسمر لا يزالان يخططان للحظة المناسبة لإخبار العائلة، منتظرين استقرار حالة سامر الصحية بشكل كامل قبل خوض هذه المفاجأة الكبرى. كان سامر يقضي معظم وقته في جناحه بالفيلا خلال فترة النقاهة الأخيرة، يتنقل بحرية أكبر الآن بعد تحسن حالته. في أحد الأيام، وبينما كان سامر يعبر الممر المؤدي لمكتب والده الخاص في الفيلا، بحثًا عن كتاب كان قد تركه هناك قبل ساعات، سمع صوت والده يتحدث في الهاتف من خلف الباب الموارب قليلاً. توقف تلقائيًا حين سمع اسم "عادل" يتردد، فضول بريء تحول سريعًا إلى صدمة متصاعدة مع كل كلمة. "يا عادل، أنا لسه بقولك، خليك صابر شوية." كان صوت فؤاد يحمل نبرة تفاوضية مألوفة. "الظروف الصحية اللي مر بيها سامر أخّرت كل حاجة، بس أنا لسه شغال على الموضوع من تحت لتحت." تجمد سامر مكانه، يده على مقبض الباب دون أن يفتحه بعد. "لأ يا عادل، الجواز ده لسه قائم في نيتي، مش اتلغى." تابع فؤاد. "أنا بس محتاج وقت أهدي الأمور مع سامر، وألاقي طريقة سلسة أطلع بيها البنت دي من حياته من غير ما يبقى فيه فضيحة تأثر على سمعة العيلة. منى بنتك لسه هي الاختيار الصح لمستقبل ابني، ومستقبل العائلتين. بس محتاج صبر شوية كمان." اشتعل غضب سامر بشكل لم يعرفه من نفسه من قبل. دفع الباب بعنف، داخلاً بخطوات غاضبة. --- شحب وجه فؤاد فورًا عند رؤية ابنه، أغلق المكالمة بيد مرتجفة دون حتى أن يودّع محدثه: "سامر... إنت من إمتى واقف هناك؟" " ليه يا بابا ، ليه يا فؤاد بيه مستكتر عليا السعادة!" ثم صرخ بصوت يرتجف بين الألم والخيانة،. "يعني كل حاجة كانت كذب؟! كل ده كان مسرحية اتقنتها عليا وعلى مراتي؟!" "سامر، خليني أوضحلك..." حاول فؤاد التقدم نحوه. "توضحلي إيه؟!" ابتعد سامر خطوة، رافضًا الاقتراب. "إنك كنت بتخطط تفرّق بيني وبين مراتي وأنا مش واخد بالي؟! إنك كذبت على أمي كمان، خليتها تصدق إنك اتقبلت وجود مراتي في الفيلا؟!" "أنا كنت... كنت بس محتاج وقت أفكر في كل الاحتمالات." حاول فؤاد الدفاع عن نفسه، لكن صوته كان أضعف مما اعتاد. "مفيش احتمالات يا بابا!" ارتفع صوت سامر أكثر، غير قادر على كبح غضبه. "سمر مراتي، وهي حامل دلوقتي، حامل في حفيدك! وإنت لسه بتخطط تجوزني لواحدة تانية وكأني حياتي صفقة بتديرها!" "وطي صوتك ، مش ديه الطريقة اللي تكلم بيها والدك يا دكتور..." حاول فؤاد استعادة السيطرة على الموقف. " أوطي صوتي؟!" قالها سامر وهو يضحك ضحكة مريرة غاضبة. ثم أضاف" حاضر يا والدي العزيز!" --- أنتبهت نسرين على صوت الصراخ العالي وهي في غرفتها، أسرعت نازلة الدرج بقلق شديد، لتصل إلى باب المكتب المفتوح وتقف مذهولة أمام المشهد: زوجها شاحب الوجه، وابنها في قمة غضبه، وكلمات متطايرة بينهما تكشف حقيقة صادمة. "في إيه؟ إنتم بتزعقوا على إيه؟!" دخلت بذعر واضح. التفت سامر نحوها، أنفاسه لا تزال متسارعة من الغضب: "بابا لسه بيخطط يجوزني لمنى بنت عادل بيه يا أمي، من وراي، من وراكي، حتى بعد كل اعتذاره الكداب لسمر. سمعته بنفسي دلوقتي بيكلم عادل بيه في التليفون." اتسعت عينا نسرين بصدمة عميقة، نظرت لزوجها بعدم تصديق تام: "فؤاد... ده صحيح؟!" حاول فؤاد الكلام، لكن الكلمات خانته أمام نظرة زوجته المكسورة: "نسرين، أنا..." "مش عايزة أسمع 'أنا' تانية!" قاطعته بنبرة صوت حادة. "إزاي تكدب عليا كل الفترة دي؟ وأنا واقفة جنبك، بدافع عنك، بحاول أقنع نفسي إنك خلاص فكرت في مصلحة أبننا؟!" --- في تلك اللحظة، وصلت سمر مسرعة بعدما سمعت هي الأخرى صدى الصراخ، وجهها شاحب من القلق على سامر أكثر من أي شيء آخر. اقترب منها سامر فورًا، يحيطها بذراعه بحماية واضحة: "سمر، إحنا هنمشي من هنا دلوقتي." نظرت إليه بذهول، ثم لمحت وجه فؤاد المصدوم ونسرين المنهارة، فأدركت أن شيئًا خطيرًا قد وقع: "في حاجة حصلت..." " أسمعي الكلام." قاطعها بحزم لم تعهده منه من قبل. ثم أردف بوجه مستاء ومقصد مبطن يفهمه والده. "مش قادر أفضل تحت سقف واحد مع حد كذب علينا بالشكل ده." والتفت نحو والده للمرة الأخيرة، عيناه تحملان خيبة أمل أعمق من أي غضب: "من دلوقتي، أنا مش هحضر أي اجتماع عائلي، ومش هدخل المستشفى لحد ما تحسم موقفك مرة واحدة وللأبد.." خرج سامر ممسكاً يد سمر، يقودها نحو غرفتهما لتجهيز حقيبتهما، تاركين وراءهما صمتًا ثقيلًا يخيم على الفيلا بأكملها. --- وقفت نسرين تنظر لزوجها بعينين مليئتين بخيبة أمل عميقة، صمتت لدقائق طويلة قبل أن تتكلم بصوت هادئ لكنه أشد قسوة من أي صراخ: "أنا عشت معاك عمر يا فؤاد، دافعت عنك في كل موقف، صدقت كل كلمة قلتها. بس النهاردة، فهمت حاجة كنت خايفة أشوفها: إنك مستعد تضحي بسعادة ابنك الوحيد، وتكدب عليا وعلى نفسك، عشان صفقة تجارية وكبرياء أعمى." "نسرين، أرجوكي، أفهمي بقى وجهة نظري..." "مش هسمع مبررات منك تاني." قاطعته وهي تتجه نحو الدرج بخطى ثابتة رغم دموعها. "أنا هروح أقعد عند أختي لحد ما تقرر إنت فعلاً مين أهم عندك: الفلوس، ولا عيلتك." صعدت نسرين لتحزم حقيبة صغيرة، تاركة فؤاد وحيدًا تمامًا في مكتبه. جلس على كرسيه، رأسه بين يديه، يدرك للمرة الأولى حجم الخراب الذي تسبب فيه بيديه، وأنه، في سعيه للحفاظ على "مكانة العائلة"، كان على وشك أن يخسر العائلة بأكملها. ## الفصل الثالث والعشرون مرّت ثلاثة أيام على تلك المواجهة العاصفة، ثلاثة أيام عاش فيها فؤاد وحيدًا تمامًا في الفيلا الواسعة التي بدت فجأة أكبر وأبرد من أي وقت مضى. نسرين لم تعد من عند أختها بعد، وسامر لم يتصل، وحتى الخدم لاحظوا صمتًا ثقيلاً يخيم على المكان. جلس فؤاد في مكتبه لساعات طويلة كل يوم، يراجع في عقله كل قرار اتخذه خلال الأشهر الماضية. في اليوم الرابع، اتصل فؤاد بالدكتور عادل بنفسه، بصوت حازم لم يترك مجالاً للنقاش: "يا عادل، أنا آسف، بس لازم نقفل موضوع تزويج سامر ومنى نهائيًا. الموضوع خلاص، وأنا كنت غلطان إني فتحته أصلاً من غير ما آخد رأي ابني من البداية." تفاجأ عادل بالحسم المفاجئ: "فؤاد، إنت متأكد؟ كنا اتفقنا..." "متأكد تمامًا." قاطعه بثبات. "ابني له حياته وقريب هيجيله طفل، وأنا كنت هخسره بسبب غبائي. مش هكرر الغلطة دي." أنهى المكالمة بشعور غريب من الراحة الممزوجة بالندم العميق رغم معرفة عواقبها مع عادل. --- في ذلك المساء، قرر فؤاد أن يذهب بنفسه إلى بيت أخت نسرين، رغم أنه لم يفعل ذلك منذ سنوات طويلة، معتمدًا دائمًا على أن تأتي الأمور إليه. وقف أمام الباب طويلاً قبل أن يطرقه، متجمعًا لأول لقاء يخشى منه فعلاً. وقفت نسرين أمامه، وجهها لا يزال يحمل آثار الأيام الصعبة: "فؤاد؟" "خلينا نتكلم يا نسرين ولا هونت عليكي خلاص." جلسا في غرفة الجلوس وصمت ثقيل يخيم بينهما قبل أن يتكلم فؤاد أخيرًا: "نسرين، مش جاي أدافع عن نفسي، ولا أبرر اللي عملته. جاي بس أقولك إني اتصلت بعادل النهاردة، وقفلت موضوع منى نهائيًا." تنهد بثقل منتظراً ردها. نظرت إليه نسرين بحذر: "الكلام سهل يا فؤاد." "عارف." أومأ برأسه بصدق. "بس مش جاي بالكلام بس. جاي أطلب فرصة أثبت بيها إني بجد، مش بس مع سمر، لكن معاكِ إنتِ كمان. إنتِ اللي وقفتي جنبي طول عمري، واستحملتي عنادي سنين." دمعت عينا نسرين رغم محاولتها التماسك: " أنا خايفة إن ابني يفضل بعيد عننا ، أنا ما صدقت شوفته سعيد ورجع يحب الحياة تاني." أخفض فؤاد رأسه قائلاً بصوت رخيم: " ارجعي البيت وأنا هصلح كل حاجة مع سامر." بعد صمت طويل، أومأت نسرين برأسها. في اليوم التالي، توجه فؤاد بنفسه إلى شقة سامر وسمر، دون سابق إنذار. فتح سامر الباب، وتجمد وجهه فور رؤية والده: "بابا؟ بتعمل إيه هنا؟" "جيت أتكلم معاك، لو سمحت لي." قالها بتواضع صادق. "مش هطول عليك، بس محتاج أقولك حاجات مهمة." بعد تردد، سمح له سامر بالدخول. جلست سمر بجانب زوجها متوترة، لا تعرف ما الذي سيحمله هذا اللقاء المفاجئ. نظر فؤاد إليهما، ثم بدأ يتكلم بصوت يحمل انكسارًا حقيقيًا لم يظهره من قبل: "مش جاي أطلب سماح سهل، لأني عارف إن اللي عملته مش بيتسامح بسهولة. كدبت عليكم، وعلى نسرين، وحتى على نفسي، لمدة طويلة، عشان كبرياء وحسابات غبية." توقف، ينظر مباشرة إلى سمر هذه المرة: "سمر، أنا مديونلك باعتذار حقيقي، مش الكلام المزيف اللي قلته قبل كده. إنتِ من أول يوم كنتِ صادقة، حتى وأنا بعاملك بأسوأ طريقة ممكنة. اعتنيتي بيا وأنا مريض، وقفتي جنب أبني كل لحظة، وأنا كنت لسه بخطط أبعدك عنه من وراكم. ده مش تصرف أب، ده تصرف راجل أناني." دمعت عينا سمر رغم عنها، لكنها بقيت صامتة، تستمع. ساد صمت طويل في الغرفة، سامر ينظر إلى والده بمزيج من الحذر والأمل، قبل أن يتكلم أخيرًا: "أنا صدقتك قبل كده يا بابا." "عارف،." ثم أردف. "بس عايز فرصة أثبت بيها بالأفعال، مش بالكلام بس.." نهض فؤاد استعدادًا للمغادرة، لكنه توقف عند الباب، والتفت نحوهما مرة أخيرة: "حفيدي اللي جاي... لو سمحتوا لي، عايز أكون جزء من حياته من أول يوم." لم يرد سامر بكلمات، لكنه أومأ برأسه بصمت يحمل بداية تسامح حذر، بينما شعرت سمر، للمرة الأولى، أن الجدار الأخير بدأ فعلاً يتصدع نحو الانهيار الكامل. ## الفصل الرابع والعشرون مرّ شهرين بعد ذلك اللقاء بسرعة وفي أحد الأيام، وأثناء زيارة روتينية لسمر للمتابعة الطبية لحملها الذي دخل شهره السابع، فوجئت بفؤاد ينتظرها في ممر المستشفى، يحمل باقة زهور بسيطة. "جيت أطمن عليكِ وعلى الطفل." قالها بابتسامة صادقة. ابتسمت سمر بدفء حقيقي هذه المرة، دون أي تحفظ: "الحمد لله كله تمام يا دكتور فؤاد. الدكتورة قالت إن كل حاجة طبيعية جدًا." "ولد ولا بنت؟" سأل بفضول جدّي واضح. "لسه مش عايزين نعرف، عايزين المفاجأة." ثم ضحكت وأضافت : "بس سامر مقتنع إنه ولد، وبيصر على كده من غير أي دليل!" ضحك فؤاد ضحكة صافية نادرة: "بصراحه أنا عايزه ولد وأحساسي بيقول إنه ولد." كانت تلك أول مرة تشعر فيها سمر بأنها تتحدث مع فؤاد كأب حقيقي، لا كرجل يتحملها مجبرًا. --- مع اقتراب موعد الولادة، أصر فؤاد ونسرين على أن يكون البيت العائلي مفتوحًا بالكامل لسامر وسمر، ليس كضيوف مؤقتين هذه المرة، بل كجزء أصيل من العائلة يمكنهما اختيار البقاء أو الاستقلال بحرية تامة، دون أي شرط أو ضغط خفي. ... في ليلة عودتهما الأولى، وبعد عشاء عائلي هادئ حمل دفئًا لم يعتاداه من قبل في هذا البيت، دخلا إلى جناحهما. وقفت سمر أمام النافذة الكبيرة، تراقب حديقة الفيلا المضاءة بهدوء تحت ضوء القمر، يدها تداعب بطنها المتزايد بحنان. اقترب منها سامر من الخلف، أحاطها بذراعيه، يداه تستقران فوق يدها على بطنها: "لسا حاسه بتعب؟" همس في أذنها. تنهدت بوهن: "يعني شوية لكن متقلقش يا دكتور ده الطبيعي" ثم استندت بظهرها إلى صدره واسترخت قليلاً في حضنه وبعد وقت استدارت نحوه ببطء لتواجهه، عيناها تلمعان بمزيج من الإرهاق اللطيف والسعادة الهادئة، سألها بلطف مجدداً " لسا حاسة بتعب." هزت رأسها ، فتنهد وهو يمسح خدها بإبهامه: "تعالي، هخليكي مرتاحة شوية." قادها برفق نحو السرير، ساعدها بحرص على الجلوس، ثم ركع أمامها، يداه تدلكان قدميها المتورمتين قليلاً من الحمل بلطف شديد. "كده أحسن؟" ضحكت بخفة، رأسها يميل للخلف من فرط الراحة: "بتدلّعني أوي يا سامر." "وأنا عندي مين أدلعه غيرك يا حببتي." ألتمعت عيناها بالعشق ،فنهض وجلس بجانبها على حافة السرير، يسحبها برفق لتستند ظهرها على صدره كما اعتادا في لياليهما الهادئة، ذراعاه تحيطان بها وببطنها معًا. بقيا صامتين لدقائق، فقط صوت أنفاسهما المتزامنة يملأ الغرفة الهادئة، حتى شعر سامر بحركة خفيفة تحت راحة يده المستقرة على بطنها. "حسيت بيه؟" همست بابتسامة متعبة لكنها سعيدة. اتسعت عينا سامر بفرح غامر لم يخفت رغم تكرار الإحساس كل مرة. ... في مساء أحد الأيام، وبينما كانت العائلة بأكملها تتناول العشاء معًا في جو دافئ أصبح شبه معتاد، بدأت سمر تشعر بألم مفاجئ حاد. تجمد الجميع للحظة قبل أن تنطق بصوت مرتجف: "أعتقد إن الطلق بدأ." انفجرت الفيلا بحركة سريعة: سامر يحمل حقيبة الولادة المجهزة مسبقًا، فؤاد يتصل بسائقه الخاص ليجهز السيارة الأسرع، نسرين تحاول تهدئتها بينما هي نفسها في قمة التوتر والفرح. --- في المستشفى، وبينما كان سامر يرافق سمر داخل غرفة الولادة، ممسكًا بيدها بقوة، جلس فؤاد ونسرين في غرفة الانتظار، يد فؤاد تمسك بيد زوجته بقوة كما لم يفعل منذ سنوات. "فاكرة لما كنتِ حامل في سامر؟" سألها بحنين مفاجئ. "فاكرة كل لحظة." ثم ابتسمت رغم توترها وتابعت كلامها "وفاكرة إنك كنت قلقان زي دلوقتي بالظبط." "يمكن أكتر." اعترف فؤاد بصدق وأضاف. "أنا مش مصدقه إن هيكون عندي حفيد." خرج الطبيب أخيرًا بابتسامة عريضة: "مبروك! ولد سليم بالكامل، والأم بخير الحمد لله." انفجرت العائلة بفرح غامر، احتضنت نسرين زوجها بدموع سعادة، بينما وقف فؤاد للحظة، يستوعب الخبر بامتنان عميق يفوق الوصف. --- بعد دقائق، سُمح للعائلة بالدخول لرؤية المولود الجديد. وجدوا سامر جالسًا بجانب سمر المنهكة لكن المشرقة بسعادة، يحمل بين ذراعيه طفلاً صغيرًا ملفوفًا ببطانية بيضاء. اقترب فؤاد بخطى بطيئة، عيناه لا تفارقان الطفل: "ممكن أشوفه؟" مد سامر الطفل نحو والده ، حمل فؤاد حفيده بحذر شديد، يداه ترتجفان قليلاً من فرط التأثر، ونظر إلى وجهه الصغير النائم بحب غامر لم يتوقع أن يشعر به بهذه القوة. همس بصوت متهدج. "أهلاً بيك يا حفيدي." نظرت سمر إلى المشهد بدموع فرح، ثم إلى سامر الذي كان يمسك يدها بحب. سأل فؤاد، وهو لا يزال يحمل الطفل بحنان: "سميتوه إيه؟" تبادل سامر وسمر نظرة مليئة بالمعنى قبل أن يجيب سامر: "سميناه فؤاد يا بابا، على اسمك." اتسعت عينا فؤاد بدهشة عميقة، دموع لم يستطع كبتها هذه المرة انسابت بحرية: "سميتوه على اسمي؟" هزت سمراء رأسها بوهن وقد ربت سامر على كتفه وقال: " سمر اختارت إن يكون اسمه على أسمك." احتضن فؤاد الطفل الصغير إلى صدره، ينظر إلى ابنه وزوجة ابنه بامتنان لا يوصف. --- بعد أسابيع، وفي احتفال بسيط أقيم في حديقة الفيلا بمناسبة عقيقة الطفل، اجتمعت العائلة بأكملها. وقفت نسرين بجانب فؤاد، تراقب المشهد بعينين مليئتين بالرضا: "مين كان يتخيل إننا هنوصل للحظة دي، بعد كل اللي حصل؟" ابتسم فؤاد وهو يحيط كتفها بذراعه: "الحب الحقيقي دايمًا بيلاقي طريقه، حتى لو أخد وقت أطول مما المفروض. والأهم إننا اتعلمنا الدرس قبل ما يبقى الوقت متأخر أوي." وقف سامر بجانب سمر، ينظران معًا إلى طفلهما النائم بسلام بين ذراعيها، وإلى العائلة المجتمعة حولهما بحب صادق أخيرًا. *نهاية القصة* ## عندما يحب القلب تابع صفحة سحر الفيروز وانتظر الحكاية الجديدة بين الضابط مهاب و فرحة.