روايه كامله بقلم ميرا
لكن المس/دس ماكانش موجه لآدم.
كان موجه ليا.
وقالت:
«مريم… لو عايزة تعرفي الحقيقة عن جوزك، لازم تيجي معايا دلوقتي.»
آدم صرخ:
«سيلين، متقربيش منها!»
ابتسمت.
«متأخر يا آدم.»
وبعدين قالت الجملة اللي خلت الدم يتجمد في عروقي:
«لأن مريم هي السبب الحقيقي اللي رجعت عشانه من البداية.»ما فهمتش.
فضلت باصة لسيلين وأنا حاسة إن كل كلمة قالتها بتخبط في دماغي.
«أنا؟»
ضحكت ضحكة صغيرة.
«إنتِ رجعتي عشاني أنا؟ ليه؟»
سيلين قربت خطوة، والمس/دس لسه موجه ناحيتي.
آدم قال بحدة:
«سيلين، نزلي الس/لاح.»
ردت من غير ما تبصله:
«اسكت يا آدم.»
وبعدين بصتلي.
«إنتِ فاكرة إن جوازك من آدم كان صدفة؟»
قلبي دق بسرعة.
بصيت لآدم.
«هو قالك إيه؟»
آدم سكت.
ودي كانت الإجابة.
قلت:
«آدم؟»
غمض عينه للحظة، وكأنه عارف إن السر اللي دفنه سنين خلاص طلع.
قال:
«مريم… الموضوع مش زي ما إنتِ فاكرة.»
ضحكت بمرارة.
«كل مرة الرجالة بتقول الجملة دي قبل ما الدنيا تطلع أسوأ.»
سيلين قالت:
«آدم اختارك من البداية.»
بصيتلها.
«اختارني؟»
«أيوه.»
صوتها بقى أهدى.
«قبل ما يحبك.»
حسيت إن رجلي مش شايلاني.
«قبل ما يحبني؟»
آدم قال:
«سيلين، كفاية.»
لكنها كملت:
«أبوك كان شريك في واحدة من أكبر العمليات اللي آدم كان بيحقق فيها من سنين.»
اتجمدت.
«أبويا؟»
ضحكت بعصبية.
«أبويا مات وأنا عندي سبعتاشر سنة.»
سيلين هزت راسها.
«وإنتِ فاكرة إنه مات من غير سبب؟»
الدنيا لفت بيا.
آدم قرب مني.
«مريم، اسمعيني.»
رجعت لورا.
«ما تقربليش.»
وقف.
كنت شايفة في عينيه حاجة عمري ما شفتها قبل كده.
الندم.
قلت:
«إنت كنت عارف؟»
ما ردش.
صرخت:
«كنت عارف إن أبويا مات بسبب شغلك؟»
قال بصوت مكسور:
«كنت عارف جزء.»
«وجوازنا؟»
سكت.
«اتجوزتني علشان توصل لحقيقة أبويا؟»
رفع عينه في عيني.
«في البداية… أيوه.»
حسيت كأن حد ضربني في صدري.
لكن قبل ما أتكلم، قال:
«بس ده كان قبل ما أحبك.»
دموعي نزلت.
«إنت عارف إيه أسوأ حاجة في كلامك؟»
سكت.
«إنك بتحاول تخليني أصدق إن خيانتك دلوقتي أقل وجعًا عشان حبيتني بعدين.»
سيلين بصت لآدم باحتقار.
«قلتلك إنك هتخسرها.»
آدم تجاهلها.
كان مركز معايا.
«مريم، أنا ما بقيتش معاكي علشان أعرف الحقيقة من زمان.»
«أمال ليه؟»
«علشان إنتِ بقيتي الحقيقة الوحيدة في حياتي.»
ضحكت وسط دموعي.
«كلام حلو.»
مسحت دموعي.
«بس أنا مش هصدقك تاني.»
