روايه كامله بقلم ميرا
فجأة…
صوت رصاصة دوّى في القصر.
الكل اتجمد.
الرصاصة خبطت في الحيطة جنب رأسي.
آدم اندفع ناحيتي وأسقطني على الأرض.
وفي نفس اللحظة، رجالة آدم بدأوا يردوا النار.
سيلين اختفت ناحية الممر.
صرخت:
«سيلين!»
لكنها ما ردتش.
آدم مسكني من كتفي.
«إنتِ كويسة؟»
بصيتله.
«أنا كويسة.»
«والبنت؟»
حطيت إيدي على بطني.
«بتتحرك.»
تنفس براحة.
لكن قبل ما يقوم، سمعنا صوت العربية وهي بتبعد بسرعة من قدام القصر.
واحد من رجاله جري ناحية الباب وقال:
«الباشا! سيلين هربت.»
آدم وقف.
وبصلي.
«لا.»
سألته:
«إيه؟»
قال:
«هي ما هربتش.»
«أمال؟»
نظر ناحية الباب المفتوح.
«هي كانت بتنفذ آخر خطوة في الخطة.»
وفي اللحظة دي، موبايل آدم رن.
بص للشاشة.
رقم مجهول.
رد.
مافيش صوت.
بس بعد ثواني…
جاله تسجيل صوتي.
وصوت راجل غريب قال:
«آدم المنشاوي… لو عايز مراتك وبنتك يفضلوا عايشين، عندك ساعتين.»
اتجمد آدم.
«ساعتين لإيه؟»
جاله الرد:
«تجيب لينا الدليل اللي أبوها خبّاه قبل ما يموت.»
وبعدين الخط اتقفل.
بصيت لآدم.
«إيه الدليل؟»
فضل ساكت.
قربت منه.
«آدم… إيه اللي أبويا خبّاه؟»
رفع عينه ليا.
وقال:
«دفتر.»
«دفتر إيه؟»
«دفتر فيه أسماء كل الناس اللي اشتروا الحماية من المافيا في شيكاغو.»
سكت لحظة.
وبعدين قال:
«والاسم الأول فيه… هو اسم والدك.»
حسيت إن الأرض اختفت من تحتي.
لكن آدم كمل:
«والاسم الأخير… اسمي أنا.»فضلت باصة لآدم، مش قادرة أستوعب اللي قاله.
«اسمك؟»
هز راسه.
«أيوه.»
«يعني إنت كنت عارف إن اسمك موجود في الدفتر؟»
«ما كنتش عارف محتواه كله.»
«بس كنت عارف إنه موجود.»
سكت.
صرخت:
«إنت بتخبي عني إيه تاني؟!»
آدم قرب، لكني رجعت خطوة.
«كل حاجة اتقالتلي عن أبويا طلعت كدب.»
«مريم—»
«لا! المرة دي هتسمعني.»
حطيت إيدي على بطني.
«أنا اتجوزتك وأنا فاكرة إنك الراجل الوحيد اللي ممكن أحتمي فيه.»
بصيت حواليّا.
«طلع حتى البيت اللي كنت فاكرة إنه أماني… هو أكتر مكان كنت محتاجة أهرب منه.»
آدم قال بهدوء:
«أنا مش همنعك من المشي.»
ضحكت بسخرية.
«من شوية كنت مانع الطيارة.»
«لأني كنت عارف إن في حد بيراقبك.»
«وماقولتليش.»
«لأني كنت بحاول أحميكي.»
«بطريقتك؟ بالكذب؟»
ما ردش.
وفجأة، واحد من رجاله دخل بسرعة.
«الباشا… لقينا حاجة في عربية الست.»
آدم لف له.
«إيه؟»
مد له ظرف بني.
«كان مستخبي تحت الكرسي.»
آدم أخده.
