حور وياسين بقلم حور
لتجلس حور على الطاوله وتقول بمرح: مبروك يا ام الصراصير هتبقي ام والواد فادي ده عايزاكي تطلعي عينه
لتنظر لها ساره فهي تقرأ الحزن في عيناها: الله يبارك فيكي يا حبيبتي يارب تلاقي اللى يعوضك
حور بأبتسامه حزينه يارب.
ليقطع هدوئهم الشيخ: حور يا حبيبتي هتروحي تجيبي لبسك
حور بهدوء: لأ يا جدو انا هاخد ساره واروح اشتري لبس جديد علشان هتحجب
الجد بأأبتسامه: يهديكي ربنا يا نور عين جدك.
ليرن هاتف حور لتجد المتصل ميرا لتستأذن حور للرد عليها
ميرا بغضب: انتي فين انا سمعت جدو وهو بيقول انك سبتي البيت انتي هبله
حور ببكاء اهدي يا ميرا
ميرا: سبتيلها جوزك يا عبيطه
حور بألم: هو اللى باعني يا ميرا
ميرا: سرقتو منك زي العيله
حور بصوت عالي مسرقتهوش هو اللى رمرام عندك حق انا عيله هو ضحك عليا علشان انا عيله هسافر ومش راجعه.
ميرا بغضب: هتسافري علشان تنسيه ولا هتسافري علشان متعيشيش على زكراه وتحني وترجعيلو
حور بغضب هسافر اشوف نفسي وارجع الروح اللى ياسين اخدها منها هحاول ارجع تاني من غيره هبني نفسي من غيره
ميرا ببكاء وهتسبيني يعني طيب مين هيزفني ويلفلي طرحتي
حور بدموع: هفضل معاكي هحضر فرحك كمان هو انا عندي غيرك. دلوقتي
ميرا: هتسافري فين
حور: باريس.
ميرا: امته هجيلك المطار اودعك لتملي عليها حور العنوان لتودعها حور وتغلق الهاتف وتتجه لشراء ملابس خاصه بمحجبات مع ساره.
اما عند ميرا
ميرا: اخر محاوله هعملها علشانك يا ياسين
لتذهب لغرفه ياسين وتطرق الباب
ياسين بتعب ادخل
ميرا: اسمع الكلمتين دول مش علشان خاطرك دا علشان خاطر اختي اللى حضرتك كسرتها حور مسافره طلق جوانا ورجعها
ياسين بغضب: مقدرش اطلق جوانا وكمان تسافر حور خلاص هنطلق
ميرا بغضب: يا بجاحتك يا اخي انت ايه جبله
ياسين بغضب: هي اللى اختارت الطلاق ودا احسن لينا احنا الاتنين.
ميرا: انا عرفتك وخلاص انها هتسافر توقفها متوقفهاش انت حر انت الخسران وتذهب من امامه والغضب يعتليها.
عند حور
ارتدت حور فستان من اللون البني طويل يضيق من الصدر ويهبط بأتساع وحجاب من اللون الابيض فكانت تشبه الاميرات بحجابها لتنظر لنفسها برضي في المرأه وتقف وتتجه إلى الخارج لتأخدها سياره جدها للمطار.
في المطار
الجد: استني هنا هخلص الورق واجي
حور: اووك
ليتركها الجد لتقف حور وتلتفت حولها فكم تمنت ان يأتي ياسين ويأخذها معه لتفر دمعه من عينها عند تذكرها انها لن تراه مره اخري ليأتي ياسين من الخلف حور لتلتفت له بفرحه لينظر بهيام لقد كانت جميله بهذا الحجاب تشبه الاميرات حقا
حور: انت جيت يا ياسين
لم يترك لها ياسين الفرصه للكلام شدها لاحضانه لتبادله حور فهي تقريبا ستكون المرة الاخيره.
