أخطر زعيم
شروق خالد
«مين؟»
الصوت كمل:
«الشخص اللي خانني مش مراد.»
توقف التسجيل لثوانٍ.
ثم ظهرت الجملة التي جعلت فارس ينظر إليّ مباشرة:
«الخيانة جاية من أم فارس.»
وشي شحب.
أما فارس…
فلم ينظر إلى مراد.
بل نظر إلى أمه.
لأنها كانت تقف خلفه مباشرة.
حكايات شروق خالد
أول ما فارس لف وشاف أمه واقفة ورا مراد، وشه اتغير تمامًا.
«إنتِ؟»
والدته ما ردتش.
كانت واقفة بهدوء غريب، كأنها كانت مستنية اللحظة دي من سنين.
مراد ابتسم.
«أخيرًا يا فارس.»
فارس رفع س\لاحه.
«ابعد عنها.»
أمه قالت بصوت ثابت:
«نزّل الس\لاح يا فارس.»
«مش قبل ما أعرف الحقيقة.»
«الحقيقة إن كل اللي حصل كان بسببي.»
سكت المكان كله.
أنا كنت ماسكة إيد ليان ونور بقوة.
فارس قال:
«يعني إيه؟»
أمه تنهدت.
«أبوك ما ماتش في حادث.»
فارس تجمد.
«إنتِ قتلتيه؟»
«لأ.»
«أمال مين؟»
«أنا خليت مراد يوصله.»
مراد ضحك.
«أبوك كان عايز يسلّم الإمبراطورية لفارس. وأنا كنت الأحق.»
فارس رد بغضب:
«إنت ماكنتش الأحق بحاجة.»
مراد اقترب.
«لكن كنت ابن أخوه المخلص.»
أمه قاطعته:
«كفاية.»
وبصت لفارس.
«أبوك اكتشف إن مراد كان بيسرق من العيلة. وكان ناوي يفضحه. فاضطريت أوقفه.»
فارس هز رأسه بعدم تصديق.
«تضحي بجوزك علشان تحمي مجرم؟»
«ماكانش عندي اختيار.»
«دايمًا فيه اختيار.»
أمه بصت لي.
«ولما ظهرت سلمى في حياتك، عرفت إنها نقطة ضعفك.»
قلبي انقبض.
«فأمرتي مراد يهددني؟»
هزت راسها.
«أيوه.»
فارس بص لي بسرعة.
«كنتِ عارفة؟»
«كنت عارفة إنك لو فضلت معايا، هتدخل حرب معاهم.»
أمه قالت:
«أنا حاولت أخوفها بس.»
فارس صرخ:
«خوفتيها لدرجة إنها اختفت عشر سنين!»
سكتت.
فارس قرب منها.
«خدتي مني بناتي.»
«أنا ماكنتش أعرف إنها حامل بتوأم.»
مراد ابتسم.
«أنا كنت أعرف.»
فارس لف له.
«إنت كنت تعرف؟»
«من أول يوم.»
«وسكت؟»
«كنت مستني الوقت المناسب.»
فارس رفع س\لاحه.
«إنت مجنون.»
مراد رد:
«ممكن.»
ثم أشار ناحية ليان ونور.
«لكن هما مفتاح كل حاجة.»
فارس وقف قدام البنات.
«مش هتقرب منهم.»
مراد أخرج هاتفه.
«إذن افتكر إن فيه رجال برا المخزن.»
في اللحظة دي، سمعنا صوت سيارات كثيرة توقفت بالخارج.
فارس ابتسم ابتسامة باردة.
«إنت فاكر إن رجالتك هي اللي حاصرت المكان؟»
مراد اتردد.
وفجأة أبواب المخزن اتفتحت، ودخل رجال فارس من كل اتجاه.
مراد بص حواليه بصدمة.
«إزاي؟»
فارس رد:
