شبل الصعيد كاملة
نظر فارس الي والدته ثم تذكر كلام الطبيب فتحدث بضيق مردفا: موافج
ابتسم عدلي وتحدث بسعاده مردفا: يلا نكتب الكتاب دلوجتي
جلس الجميع وتم كتب الكتاب واقترب فارس من والدته التي احتضنته وتحدثت بسعاده مردفه: ربنا يراضيك ويرضي عنك يارب يا فارس يا ابني
خلود بضيق: هتخليه يطلج ياسنين يا ماما كمان
منصوره بتعب وحزن: لع يا خلود متنسيش انها كمان بنتي
زهره بضيق: مش باين يا ماما احنا عرفنا دلوجتي بتعتبري فعلا مين ابنك الحقيقي ومين ال مش حقيقي
نظر فارس اليها بحده ثم تحدث بغضب مردفا: انتي مجنونه اي ال بتجووليه دا من امتي وماما بتفرق بينا انتي ال روحي بصي لنفسك وشوفي عملتي اي وبعدها ابجي تعالي اتكلمي
نظرت زهرت اليه بتوتر ثم الي جميله وتحدثت بغضب مردفه: انا بكرهك علشان انتي خطافه رجاله
القت زهره كلماتها ثم ذهب فتحدثت جميله بضيق مردفه: هروح اطمن علي ياسمين
القت جميله كلماتها ثم ذهبت الي غرفه ياسمين وظلت بجانبها بعض الوقت ولكنها لم تستعيد وعيها فذهبت الي البيت لتبدل ملابسها وترتاح من السفر لبعض الوقت اما في المستشفي جلس فارس وهو يتحدث بضيق مردفا: يعني كنت اعمل اي انا خوفت الا يوحصلها حاجه انا خسرت ابوي من فتره صغيره مش هجدر اخسر امي كمان يا علي
علي: انا موافج علي كلامك ومعاك بس ياسمين هتجولها ولا هتعمل اي
فارس بضيق: انا مش عارف اعمل اي اسامحها علي ال عملته والتمس ليها العذر واجول انها كانت عايزه تبجي ام علشان اكده كدبت وخليتني اتجوزها بعد ما منت معتبرها زي اختي الكبيره ولا افكر ان لع هي انانيه وفكرت في نفسها وبس ومكنش هاممها حد غير نفسها
ياسمين بتعب: الاحتمال التاني يا ابن عمي… انا كنت انانيه علشان اكده ربنا عاقبني بالحاجه ال عملت كل دا وكدبت علشانها
اقترب فارس منها ثم تحدث بلهفه مردفا: ياسمين انتي كويسه طمنيني عليكي
ياسمين بدموع وتعب: انا خسرت كل حاجه يا فارس… ومش عايزه اخسرك انت كمان طلجني وخلينا اخوات زي ما كنا انا خسرتك انت كمان من وجت ما عملت كل دا
فارس بضيق: متفكريش في كل دا دلوجتي.. فكري بس في صحتك دي اهم حاجه
ياسمين بدموع: انا عايزه امشي من اهنيه طلعني من المستشفي
علي: انتي لسه تعبانه يا ياسمين
ياسمين بتعب وحزن: طول ما انا اهنيه مش هتحسن
