شبل الصعيد كاملة
نظر فارس اليها وفجأه صفع زهره بغضب شديد وتحدث مردفا: لو هتاخدي حد فخدي الزباله دي من اهنيه علشان مش عايز اشوف وشها
نظرت زهره ببكاء وخوف فاقتربت منها خلود واحتضنتها وتحدثت منصوره بحده مردفه: بتضربها ليه يا فارس هي اختك عملت اي
فارس بغضب: اي حاجه ياسمين بتعملها زهره شريكه فيها بنتك خانتني جبل ياسمين بكتير
نظرت منصوره اليها بصدمه ثم تحدثت مردفه: ال اخوكي بيجوله صوح
زهره ببكاء وخوف: والله يا ماما انا كان نفسي بس فارس يتجوز ياسمين
اقتربت خلود منها قبل ان تتحدث اكثر ويزداد الامر سوء ثم اخذتها وذهبت مع محمد الي بيتها اما عند علي كان يجلس مع هذه الفتاه المدده علي الفراش يتحدث بحزن مردفا: بتجول علشان تخلف يا سجده
سجده بحزن: مش هيسامحها… انا لازم اروح البيت مينفعش افضل اهنيه انا عايزه اروح هناك
علي بلهفه: مينفعش يا سجده انتي عارفه فارس بيخاف عليكي ازاي ولو رجعتي البيت هيعرضك للخطر
سجده بدموع: انا مش عايزه حاجه يا علي… كل ال عايزاه ابجي جمبه وبس يعني هو كتير عليا… انا اي ذنبي؟
علي بحزن: الحجه منصوره مش هتخليكي في البيت… انتي اهنيه في امان اكتر
في صباح اليوم التالي كانت ياسمين طوال الليل جالسه في غرفتها تبكي حتي جفت عيونها فدخلت عليها العمه وتحدثت بضيق مردفه: غيري هدومك وانزلي الكل هيجي يبارك
ياسمين ببكاء: عمتي بالله عليكي سامحيني وجولي لماما وفارس يسامحني
هيام بضيق: سيبيها علي ربنا…يلا جومي
القت هيام كلماتها ثم خرجت من الغرفه وذهبو الي الغرفه الموجود بها فارس وانصدمت عندما وجدته علي الفرلش نائم بملابس الخروج والحذاء والغرفه ويبدوا انه كان يدخن بشراهه في الامس فاقتربت منه وحاولت ايفاقه حتي نجحت ونهض وهو يمسك رأسه بألم ويتحدث مردفا: اااه دماغي بتوجعني جووي
هيام بحده: حاجه طبيعيه بعد كل السجاير دي… جوم علشان الناس هتيجي تبارك
فارس بسخريه: علي اي.. الناس هتيجي تبارك علي خيبتي صوح
هيام بضيق: يا فارس بلاش تجول اكده
فارس بحده: انا هجوم اخد حمام واغير هدومي واجهز علشان عامل للعروسه احلي مفاجأه في حياتها
القي فارس كلماته ثم نهض واخذ حمام دافئ وابدل ملابسه ونزل الي الاسفل فاقتربت منه ياسمين وتحدثت بلهفه مردفه: فارس اسمعني بالله عليك
