شبل الصعيد كاملة
بارك الجميع لفارس وياسمين وسط نظرات منصوره الغاضبه ثم ذهبوا فتحدق فارس بضيق مردفا: خدي زهره اختي بكره ان شاء الله وانزلي اشتري كل ال انتي محتاجاه واتصلي باختك كمان عرفيها وخليها تيجي تجعد عندنا الاسبوع دا وانتي يا حجه جهزي بجا الترتيبات اهنيه
منصوره ببكاء وغضب: مش مجهزه حاجه انا مش موافجه علي الجوازه دي ومش عامله حاجه اتصرفوا انتوا بعيد عني
القت منصوره كلماتها ثم ذهبت فاقتربت زهره من ياسمين وتحدثت مردفه: متزعليش يا ياسمين انتي عارفه ماما هي بتحبم جووي بس متعصبه شويه
ياسمين وهي تمسح دموعها: انا مستحيل ازعل منها دي امي
تنهد فارس بضيق ثم اخذ سيارته وذهب وفي مكان اخر في احدي البيوت تحدثت هذه الفتاه بعصبيه مردفه: علشان انا ال بدفع اهنيه وانا ال بصرف من فلوس ابوي وعمي الله يرحمهم يبجي انت متتكلمش ولا ليك صالح
نظر هذا الشاب اليها ثم تحدث بضيق مردفا: خلود انا بحبك علشان اكده بسكتلك بس مش هستحمل كتير واما بشتغل اصلا بس انني ال مش راضيه بأي حاجه بعملها
خلود بسخريه: بتشتغل بأي يا محمد ب 2000 جنيه في الشهر دول مش بيكفوا مصاريف لأبنك ال لسه مكملش سنتين اسبوعين علي بعض
محمد بحزن: طيب انا هشوف شغل تاني بليل
خلود بعصبيه: جولتلك هشوفلك شغل عند فارس ابن عمي وهتاخد مرتب حلو
محمد بحزن: ماشي يا خلود ال يريحك جوليلي عليه وانا هعمله البسي وحضري حاجتك علشان اوصلك عند اختك
خلود بضيق: طيب انت مش هتيجي معايا؟!
محمد بحزن: لع هوصلك وبعدين اروح لفارس اجوله انا علي شغل وهبجي اجي اشوفك وارجع انام في بيتي ميصحش انام عندكم بس هاجي اشوفك كل يوم ان شاء الله
خلود بعدما شعرت بالسوء : طيب انا هعملك وامل اهنيه واحطه في التلاجه علشان تاكل وبرده لازم تيجي تتعشي معانا كل يوم علشان كلما نتجمع مع بعض
محمد بحزن: ان شاء الله تسلم ايدك
القي محمد كلماته ثم ذهب اما عند فارس كان يجلس في مكتبه في احدي المصانع وهو يتحدث بعصبيه مردفا: يعني اعمل اي لو مكنتش عملت اكده كنت هخالف وصيه ابوي
علي بضيق: يا فارس انا مجولتش حاجه بس برده الحجه منصوره معاها حق ياسمين اكبر منك بكتير جووي يا فارس وبعدين مش بس المشكله في السن هي مختلفه عنك في كل حاجه
فارس بحده: عندك حل تاني غير الجواز… اخالف وصيه ابوي واضيع العموديه ال عمرها ما خرجت من عيلتنا.. اضيع كل حاجه علشان فرق السن اهه وافجت بجا وخلاص وال يوحصل يوحصل
