شبل الصعيد كاملة
الفصل الاول
شبل الصعيد
في احدي مدن الصعيد وبالتحديد في بيت عمده البلد تحدثت هذه السيده بغضب مردفا: جبر يلمكم كلكم ابني عنده 23 سنه زينه شباب الصعيد يتجوز واحده عندها 30 سنه وعانس وشكلها يسد النفس انا مش موافجه
تنهد الموجودين بضيق ثم تحدث الاكبر مردفا: يا حجه منصوره مينفعش تجولي اكده دي بنت اخو جوزك الله يرحمه وانتي ال مربياها ازاي تجولي اكده
منصوره بغضب: انا ال مربياها ايوه بس مدام الحكايه وصلت لحد ابني يبجي لع انا مش هوافج علي اكده
الشيخ: يا حجه منصوره علشان فارس يبجي العمده لازم يتجوز بنت عمه دي وصيه الحج سليمان الله يرحمه يا اكده يا هنعمل انتخابات في البلد وحد تاني ال هيبجي العمده ومش من حق فارس انه يترشح
منصوره بغضب: ودا في شرع مين عاد ابني هو ال من حقه يبجي العمده ومن غير جواز انا مستحيل اوافج علي اكده و
لم تكمل منصوره كلماتها حتي قاطعها صوت فارس وهو يتحدث بضيق مردفا: انا موافج
نظرت منصوره اليه بفزع ثم تحدثت مردفه: يا لهوووي… انت بتجول اي يا ابني دي اكبر منك بسبع سنين… دي عانس… دي شكلها وحش
فارس بضيق: يا حجه متجوليش اكده علشان مينفعش متنسيش انها بنت عمي وبعيد عن موضوع العمده دا.. دي وصيه ابوي الله يرحمه ولازم انفذها حتي لو مش هبجي العمده بس لازم ناخد رائيها الاول
القي فارس كلماته ثم اشار لاحدي الخادمات ان تحضر ابنه عمه وبعد دقائق نزلت هذه الفتاه وهي ترتدي الحجاب وهذه العباءه السوداء وتحدثت مردفا: سلام عليكم
نظر الشيخ اليها بابتسامه ثم تحدث مردفا: جوليلي يا ياسمين يا بنتي انتي عارفه الوصيه بتاعت عمك الله يرحمه صوح
نظرت ياسمين بتوتر الي فارس ثم تحدثت مردفه: ايوه عارفه يا حج
الشيخ: طيب اي رايك يا بنتي موافجه؟!
ياسمين بتوتر: انا مجدرش اكسر كلمه عمي الله يرحمه
تحدثت منصوره بغضب: طبعا هو انتي تطولي اخيرا لاجيتي عريس وهو مش اي عريس دا فارس المنشاوي زينه شباب الصعيد بسبب انانيتك عايزه تدمري حياه ابني
نظرت ياسمين اليها بصدمه ودموع فهذه المره الاولي التي تري زوجه عمها بهذا الحال كانت دايما تعاملها مثل ابنتها وتشكوا لها دايما وهي الوحيده التي تواسيها في كل شئ كيف تبدلت هكذا فتحدث فارس بحده مردفا: خلااص كفاايه اكده… حددوا ميعاد الفرح وخلصونا
احدي الموجودين: خلونا نسرع في الفرح انهارده الجمعه اي رأيكم يبجي علي الخميس ان شاء الله وتمسك العمده في نفس اليوم
فارس بضيق: خلاص ان شاء الله الفرح الخميس
