زعيم حكايات ميرا
قال:
— أيوه.
— ليه قربت مني؟
سكت.
ثم قال:
— لأن أبوكي ساب حاجة محدش يعرف مكانها.
— إيه؟
نظر إلى عيني مباشرة.
— مفتاح.
— مفتاح إيه؟
ابتسم.
— الخزنة اللي فيها كل أسرار الشركة.
الأستاذ فؤاد اتغير وشه.
— مستحيل.
أحمد رد:
— صدقني.
ثم بص لي.
— وأبوكي كان سايب المفتاح الوحيد…
وسكت لحظة.
ثم قال:
— لمريم.
مد إيده ناحيتي.
— عشان كده اتجوزتك.
سقط الظرف من إيدي.
ولأول مرة منذ وفاة أبي…
فهمت أن زواجي من أحمد لم يكن بداية قصتي معه.
بل كان آخر فصل في خطة بدأت قبل أن أعرف حتى بوجوده.
#حكايات_ميراا
سيبوا لايك ومتنسوش الصلاة على النبي ﷺ
باقي القصة هنا 👇♥️خرجنا من المطار من غير ما أحمد يعرف أنا رايحة فين.
الأستاذ فؤاد كان سايق، وأنا قاعدة جنبه، ومنة في الكنبة الخلفية.
أما أحمد والحاجة سعاد، ففضلوا في المطار لأن رحلتهم لسه موجودة.
وقبل ما نخرج، بصيت لأحمد من بعيد.
كان واقف وسط الناس، بيتكلم بعصبية في الموبايل.
ولما شافني ماشية…
ابتسم.
الابتسامة دي خلتني أتأكد إن الرسالة الأخيرة مكانتش صدفة.
هو كان عايزني أرجع.
لكن السؤال كان:
ليه؟
—
بعد حوالي أربعين دقيقة، وقفنا قدام المحل القديم.
المكان كان في شارع جانبي هادي.
واجهة المحل متربة، واللافتة القديمة لسه معلقة.
نزلت من العربية.
فضلت واقفة قدامه ثواني.
هنا كنت بقضي وقت طويل مع بابا وأنا صغيرة.
كان بيقول لي:
— المحل ده يا مريم مش مجرد محل.
كنت أضحك وأسأله:
— أمال إيه؟
كان يبتسم ويقول:
— يوم ما تكبري هتفهمي.
عمري ما تخيلت إن اليوم ده هييجي بعد موته.
—
الأستاذ فؤاد فتح الباب بمفتاح قديم.
دخلنا.
ريحة التراب والخشب القديم ضربت في وشي.
منة فضلت عند الباب.
— أنا مش عايزة أدخل.
بصيت لها.
— ليه؟
قالت بصوت ضعيف:
— عشان آخر مرة جيت هنا مع أحمد… شفت حاجة خلتني أخاف.
اتجمدت.
— إيه اللي شوفتيه؟
قبل ما تجاوب، سمعنا صوت حركة في الدور الخلفي.
الأستاذ فؤاد رفع إيده.
— متتحركوش.
مشينا ناحية الصوت.
الباب الخلفي كان مفتوح.
ودخلنا غرفة صغيرة.
فيها مكتب قديم.
وفوق المكتب…
كان فيه جهاز كمبيوتر شغال.
بصيت للأستاذ فؤاد.
— إزاي؟
— واضح إن حد بيستخدم المكان.
قربنا.
على الشاشة كان مفتوح ملف.
اسم الملف:
عبدالرحمن للنقل — الحسابات السرية.
قلبي دق بسرعة.
دي كانت شركة بابا.
قلت:
— افتحه.
الأستاذ فؤاد بدأ يقلب الملفات.
