حكايات ميرا
سلمى بصت لآدم.
— إنت كنت تعرفني قبل ما نتجوز؟
— لأ.
الصوت ضحك.
— مش هو اللي كان يعرفها.
ثم قال:
— أنت كنت تعرفها.
سلمى اتصدمت.
— أنا؟
— وإنتِ طفلة.
بدأت ذاكرتها تتحرك.
بيت قديم.
رجل طويل.
صوت سيارة.
ومشهد مشوش لطفل صغير كان بيديها قطعة شوكولاتة.
سلمى حطت إيدها على رأسها.
— أنا مش فاكرة.
آدم بص لها.
— سلمى؟
— في حاجة…
— إيه؟
— أنا شفتك قبل كده.
آدم اتجمد.
— إمتى؟
— وأنا صغيرة.
صوت الرجل من بره قال:
— أخيرًا افتكرتي.
سلمى قربت من الباب.
— إنت مين؟
— اسمي فارس.
آدم شد فكه.
— فارس…
عرف الاسم.
— إنت كنت شغال مع أبويا.
— بالضبط.
— وإنت اللي قتلت حسن؟
سكت فارس.
ثم قال:
— أبوكي ما اتقتلش.
— إنت قلت إنه مات!
— قلت إنه مات عشان أحميكي.
سلمى صرخت:
— من إيه؟
الصوت رد بهدوء:
— من الحقيقة.
آدم بص لسلمى.
— ما تفتحيش.
لكن سلمى كانت بتبكي.
— أنا تعبت من الأسرار يا آدم.
— عارف.
— كل الناس بتعرف حاجة عن حياتي إلا أنا.
— عشان كده مش هفتح.
فارس ضحك.
— قرار ذكي.
ثم سمعوا صوت مفتاح بيدخل في القفل.
آدم رفع س\لاح.
— إزاي معاك مفتاح؟
صوت فارس رد:
— لأن الشقة دي كانت شقتي قبل ما تكون شقتك.
الباب بدأ يتفتح.
آدم سحب سلمى للخلف.
لكن فجأة…
الباب اتفتح.
وظهر فارس.
رجل في أواخر الخمسينات، شعره رمادي، ووشه هادي بشكل مخيف.
رفع إيده.
— لو كنت عايز أقتلك، كنت قتلتك من بدري.
آدم صوب الس\لاح عليه.
— ارمي أي حاجة في إيدك.
فارس ابتسم.
— أنا جاي لوحدي.
ثم بص لسلمى.
— زي ما وعدت أبوكي.
سلمى خرجت من ورا آدم.
— بابا فين؟
فارس بص لها بحزن.
— مات.
— إمتى؟
— امبارح.
دموعها نزلت.
— مين قتله؟
فارس ما ردش.
آدم سأله:
— مين؟
فارس بص له.
— أبوك.
آدم اتجمد.
— أبويا مات من عشرين سنة.
— أبوك مات.
— يبقى إنت بتتكلم عن مين؟
فارس قال:
— عن الرجل اللي كان بيشتغل باسم أبوك.
سلمى سألت:
— مين؟
فارس أخرج صورة قديمة من جيبه.
حطها على الطاولة.
سلمى قربت.
الصورة كانت لرجلين واقفين قدام المستودع.
واحد منهم كان والدها.
والتاني…
كان آدم.
سلمى شهقت.
— ده إنت!
آدم بص للصورة.
وشه شحب.
— مستحيل.
فارس قال:
— الصورة اتاخدت قبل ما آدم يعرفك بخمس سنين.
سلمى بصت له.
— إزاي؟
آدم مسك الصورة.
— أنا كنت فين وقتها؟
فارس رد:
— مش آدم.
سكت لحظة.
— أخوه التوأم.
آدم رفع عينيه بصدمة.
— أنا معنديش أخ.
فارس ابتسم.
— دي أول كذبة أبوك قالهالك.
