يونس بقلم اسراءعلي 2

-هششش..أنا يونس متخافيش

هزت رأسها ليجذبها هو بـ يده ثم قال وهو يتجه إلى أحد النوافذ

-مقدمناش وقت..لازم نهرب قبل أما الحرس يوصلوا
-هتفت بـ خوف:هنهرب منين!!
-هنّطْ

ولم يدع لها فرصة ليقوم عقلها بـ تحليل ما قاله..ليقوم بـ تحطيم زجاج النافذة في الجهه المُعاكسة..ومن ثم قفزا من النافذة..وبتول تصرخ..وكان أسفلهما حوض سباحة..ليسقطا به…

***********************************

تمدد عدي على فراشه وهو يشعر بـ ألم في صدره..تنهد أكثر من مرة ومشهد إقتراب سيف منها يتكرر أمامه..إعتدل جالسًا بـ عنف وأخذ يفرك وجهه بـ قوة..همس مُستغفرًا

-أستغفر الله العظيم..أستغفر الله العظيم يارب

أغمض عيناه وهو يزفر بـ ضيق..صوت طرقات خفيفة على باب غُرفته وتبعها دلوف والدته والتي كانت تبتسم بـ بشاشة..رفع وجهه ليرى والدته وتلقائيًا إبتسم وقال بـ سعادة

-ست الكل منورة أوضتي!!..تعالي يا صفوة قلبي
-إبتسمت صفوة وقالت:إزيك يا عدي!!
-ضحك عدي وقال بـ مزاح:أنتي أول مرة تشوفيني ولا إيه!!

تقدمت منه وجلست بـ جانبه..ولا زالت تبتسم ثم قالت

-أنا فعلًا حاسة أني أول مرة أشوفك من سنتين
-أمسك عدي يدها بـ حنو وقال:عاوزك تنسي السنتين دول يا ماما..يونس هيرجع بس لما يرجع الحق لأصحابه…
-ربتت على وجنته ثم قالت بـ دعاء:ربنا يرجعهولي بالسلامة ويخليكوا ليا..
-ويخليكي لينا يا ست الكل

ثم مال على يدها يُقبلها لتبتسم بـ رضا وهى تربت على خُصلاته السوداء..إرتفع بـ رأسه وسألته بـ جدية

-ها قولي بقى مالك!!
-عقد ما بين حاجبيه وقال:مش فاهم..أنا كويس
-إبتسمت مرة أخرى وقالت:عيب تكون شحط كدا وتكدب عليا

ضحك عدي وهو ينظر إلى والدته..ثم قال بـ هدوء

-أولًا أنا مبكدبش..ثانيًا أنا فعلًا كويس ومفيش حاجة
-أنا أمك يا عدي ومهما كبرت هفضل فهماك

صمتت قليلًا..وعدي يُحدق بها بـ جمود..عادت لتُكمل حديثها قائلة

-واللي فيك دا حب..وحي من طرف واحد

إتسعت حدقتي عدي بـ قوة..ليقول بـ تلعثم

-آآ..أنا..مبحبش..آآ..حد

قهقهت صفوة بـ قوة..ثم ربتت على يده وقالت بـ هدوء

-أمشي ورا قلبك..وقول اللي جواك..الحياه مش هتعيشها مرتين..وبدل الوجع والهم دا روح قولها
-تنهد عدي وقال بـ خفوت:ولو رفضتني!!
-تبقى ع الأقل حاولت عشان متندمش لما تروح منك..الحاجة اللي بتحبها عافر عشان توصلها..