قبل مااتم التلاتين بقلم ميرا احمد
بالعكس.
ابتسمت.
ابتسامة غريبة… كأنها كانت مستنية اللحظة دي.
وبهدوء شديد قالت:
“أيوه… كنت بحط السم.”
اتجمد الجميع.
لكنها كملت وهي بتبصلي مباشرة:
“بس لو قتلتني دلوقتي… عمرك ما هتعرف مين اللي دفعلي… ولا ليه كنت لازم أموتك قبل يوم الفرح.”
وفي نفس اللحظة…
دوّى انفجار هائل عند البوابة الرئيسية للقصر، واهتزت الأرض تحت أقدام الجميع، بينما صرخ أحد الحراس عبر جهاز اللاسلكي:
“يا باشا… في قوة مسلحة اقتحمت القصر… وبيقولوا إنهم جايين ياخدوا… البنت!”تجمدت ملامحي.
“مين البنت؟”
لكن قبل ما حد يرد…
انطفأت أنوار القصر كلها.
ودوى صوت إطلاق نار في الخارج.
الحراس انتشروا في الممرات، واللواء فؤاد صاح في جهاز اللاسلكي:
“اقفلوا الجناح الشرقي… محدش يقرب من الباشا!”
في وسط الفوضى…
لقيت ليلى ماسكة طرف جاكيتي بكل قوتها.
كانت بترتعش.
همست:
“هما جم عشاني…”
نزلت لمستوى نظرها.
“مين هما؟”
ردت بصوت مخنوق:
“الراجل اللي قتل بابا.”
اتسعت عينا إيمان.
صرخت وهي تبكي:
“ليلى… اسكتي!”
لكن الوقت فات.
أمسكت بإيمان من كتفها.
“يعني إيه قتل أبوها؟”
انفجرت في البكاء.
“أنا كذبت عليك يا باشا… ليلى مش بنت جوزي.”
سكتت لحظة، ثم قالت الجملة اللي قلبت حياتي كلها:
“ليلى… بنتك.”
كأن الزمن وقف.
بصيت للبنت الصغيرة…
لنفس العينين…
لنفس الملامح…
لنفس الطريقة اللي كانت بتبص بيها حوالين نفسها قبل ما تطمن.
كل حاجة كنت حاسسها من أول يوم… طلعت حقيقية.
لكن كان فيه سؤال واحد.
“ليه خبيتيها عني؟”
إيمان مسحت دموعها.
“فاكر الليلة اللي قضيتها مع بنت من شبرا من تسع سنين؟”
هززت رأسي ببطء.
“أنا البنت دي.”
حسيت الأرض بتتهز تحت رجلي.
“اختفيت ليه؟”
قالت وهي تبكي:
“لأن أبويا عرف… وضربني وطردني من البيت. وبعدها واحد من رجال عيلة منافسة عرف إن البنت اللي في بطني منك… ومن يومها وهم بيطاردونا.”
في نفس اللحظة…
دخل أحد الحراس وهو بينزف من كتفه.
“يا باشا… الجماعة اللي برة معاهم صورة للبنت… وبيقولوا إنهم مش هيمشوا غير بيها.”
