ذئب الصعيد كاملة
صرخ اوس في وجهها بغضب مردفا: كنتي اطلبي انتي بس… والله اطلبي لو كنتي طلبتي فلوسي كلها كنت اديتهالك وانا مبسوط… دا انتي لو كنتي طلبتي روحي كنت اديتهالك… بس لع تخونيني؟ تعملي لمراتي اعمال وتجتليها وتحرقيها وتحاولي تقتلي ابني مره واتنين وتلاته وتخطفي دنيا انتي والزباله ال جمبك دي وتخلوا حد يغتصبها وتعملولها اعمال وتخوفوها وتوصلوها للأنتحار وتخبوا مراتي وتبطلوا تعالجوها لحد ما تموت يعني عيشتوني موتها مرتين…. دا غير المؤامرات التانيه وغير العمايل ال كنتوا بتعملوها… كل دا لييه علشان الفلوس ملعون ابو الفلوس ال تخلي الناس تكفر بربنا وتعمل اكده وانتي يا ست هناء… استفادتي اي لما جتلتي اختك.. لا كسبتيني ولا ابنك عاش ولا عملتي اي حاجه صوح وسمعتي كلام الحربايه ال جمبك دي
شكريه بخوف وحده : انت متعرفش انا ممكن اعمل فيك اي انا ممكن اخليهم يلبسوك دلوجتي ويخلوك تتجنن
ضحك اوس بشده ثم تحدث مردفا: بجد!؟ شكريه انتي اضعف واحده ممكن الانسان يتعامل معاها… انتي شخصيه ضعيفه جووي… انتي اصلا واحده ملهاش اي ستين لازمه جبانه متعرفيش تعملي اي حاجه
اقتربت هناء منه وتحدثت بلهفه مردفه: اوس خلينا نسيب كل دا ونمشي من اهنيه ونبدأ من جديد… انا وانت وريان وكمال معانا كمان اهه… وانا هتغير انا بحبك جووي
اوس ببرود: وامك؟! هتسبيها انا مش هسامحها لا هي ولا ال المفروض تكون عمتي دي
نظرت هناء الي شكريه بحزن ثم تحدثت مردفه: بس هي ساعدتني وبتحبني مش انت هتسامحني…. سيبها هي كمان وهي هتمشي من اهنيه من البلد كلها ومش هتشوفها تاني… وعمتك اعمل معاها ال انت عايزه انت حر
نعيمه بغضب: انتي واحده زباله وخاينه…. انتي واحده حقيره
أوس بضحك: شوفتي؟! … احترامك كان بسببنا يا عمتي… خوف الناس منك كان بسببنا احنا… بس انتي طلعتي زباله جووي انا مش عارف لما تروحي لابوي وعمي هتعرفي توريهم وشك ازاي
نعيمه بقلق: جصدك اي
القي اوس كلماته ثم دفع هناء بقوه وسحب احدي الصناديق والقي محتواها علي الارض وتحدث مردفا: دا بنزين وال في ايدي دا ولاعه اكيد عرفتوا انا هعمل اي
نظر الجميع الي اوس بخوف وتحدثت دنيا بلهفه مردفه: اوس خلينا نبلغ الشرطي وهما يتصرفوا بالله عليك
فدوه بدموع: ايوه يا اوس.. سيب البوليس يتصرف وياخدوا عقابهم
