العقرب ومايا بقلم #ماياخالد حصري فقط صفحة روايات مايا خالد.
بقلم #ماياخالد حصري فقط صفحة روايات مايا خالد.
التفت صخر نحوها بسرعة، وعيناه كانتا تشتعلان بشرار أحمر من أثر الغضب، لكن بمجرد ما وقعت عيناه على وجهها المرتعش ونظرة الرعب في عينيها.. تجمد في مكانه!
غمّض صخر عينيه وأخذ نفساً عميقاً وطويلا جدا، يصارع به الشيطان المشتعل داخله، ويحاول يمتص موجة الغضب العارمة دي بكل ما أوتي من قوة.. مكنش يستحمل أبداً يشوف نظرة الخوف منه ترجع في عينيها تاني بعد ما صدقت أمانه.
فتح عينيه ببطء، وكانت النبرة الحادة بدأت تهدأ وتتحول لجمود متعب، قرب منها بخطوات هادية، ومسك كفها المرتجف بين إيديه القويتين، وقال بصوت خفيض محاولاً يطمنها:
— مفيش حاجة تخوفك يا مايا.. دي مجرد مشاكل وتقفيل حسابات في الشغل.
سكت لثانية وهو بيتنفس بهدوء، ثم كمل وهو يبص في عينيها بنبرة حاسمة لا تقبل التأجيل:
— وعشان الحسابات دي تنتهي صح.. احنا مضطرين نسافر روسيا ضروري الفجر.
وأنتي جاية معايا روحي حضري الشنط
اتسعت عينا مايا بذهول، وهزت رأسها ببطء وهي تتراجع خطوة للخلف، تاركة يده تسقط بينهما:
— روسيا؟! سفر إيه وفجر إيه يا صخر؟! أنت مدرك أنت بتقول إيه؟!
اقترب صخر منها خطوة أخرى، محاصراً مساحتها بهيبته الصارمة التي لا تلين، وقال بنبرة هادئة لكنها أصلب من الحديد:
— مدرك جداً يا مايا. الشغل هناك محتاج وجودي، وأنتي مش هتقعدي هنا ثانية واحدة بعيد عن عيني.
سفرك معايا مش خيار.. ده أمانك الوحيد.
انفجر العناد في رأس مايا، وخالطته حرقة الخوف الصادق عليه وعلى حياتهما التي بدأت للتو.
امتلأت عينها بالدموع، وهجمت عليه تمسك بياقة قميصه بكفيها المرتجفين، تصرخ بنبرة مبحوحة يمزقها الرجاء:
— أماني؟! أنت فاكر الأمان هو إنك تاخدني لقلب الخطر والنار؟! صخر عشان خاطري ابعد عن العالم ده! ابعد عن المافيا واللغات الغريبة والدم ده كله! احنا مش محتاجين حاجة من الدنيا.. تعالى نعيش في هدوء ونبدأ حياة نظيفة.
ليه مصمم تحط روحك وروحي على كف عفريت؟!
توقفت حركة صخر تماماً.
انمحت ملامح الهدوء الحذر، وارتسمت على وجهه نظرة حادة، كاسرة، وشديدة الجمود.. نظرة أعلنت بوضوح أن شغاله وعالمه خط أحمر لا يقبل المساومة ولا التراجع!
أمسك معصميها برفق ولكن بصلابة، وأبعد يديها عن قميصه ببطء، ثم انحنى نحوها ليصبح وجهه أمام وجهها مباشرة، وقال بصوت خفيض، حاد كالسيف، يزلزل الثقة في أعماقها:
— العالم ده هو اللي عمل صخر السيوفي.. وهو نفس العالم اللي بيخليني أقدر أحميكي وأجيبلك حقك تحت جزمة أي حد يفكر يمسك.
