سيف وليان الجزء الأول بقلم #ماياخالد حصري فقط صفحة روايات مايا خالد.
بقلم #ماياخالد حصري فقط صفحة روايات مايا خالد.
– قولنا الجيران لازم ياكلوا من أكلنا النهارده.
ابتسمت والدة ليان.
– تعبناكِ يا فاطمة.
– تعب إيه بس؟ ده إحنا بقينا أهل.
ليان ابتسمت، ثم بدأت تساعدها في وضع الأطباق.
وفي اللحظة نفسها، دخل سيف من الباب.
وقف مكانه لما شاف ليان قاعدة وسط والدته.
– إيه ده؟
فاطمة ردت من غير ما تبص له:
– أكل.
– شايف.
– أمال بتسأل ليه؟
ليان ضحكت.
سيف بص لها.
– انتي بتضحكي؟
– لا.
– أنا شايف.
– يمكن خيالك.
جلس سيف بعيدًا عنهم، بينما والدته بدأت تحكي مع ليان عن القرية.
بعد دقائق، قالت فاطمة:
– بكرة عندنا مناسبة صغيرة في بيت عم سيف.
ليان ردت:
– ربنا يتمم بخير.
– لازم تيجي.
سيف رفع رأسه فورًا.
– ليه؟
فاطمة بصت له.
– مالك؟
– مفيش.
– يبقى اسكت.
ضحكت ليان.
– حاضر، هاجي.
سيف بص لها بضيق.
– إنتِ بتوافقي على طول؟
– أيوه.
– من غير ما تعرفي المناسبة إيه؟
– مش شغلك.
ابتسمت فاطمة وهي تراقبهما.
– ربنا يهديكم لبعض.
سكت الاثنان في نفس اللحظة.
ليان احمر وجهها.
أما سيف فعدل جلسته وقال بسرعة:
– أمي، بلاش الكلام ده.
– ليه؟
– عشان ملوش لازمة.
ليان قامت من مكانها.
– أنا هساعد ماما.
دخلت المطبخ، وبعد ثوانٍ سمعت صوت خطوات خلفها.
التفتت.
سيف.
– في إيه؟
– متجيش بكرة.
رفعت حاجبها.
– ليه؟
– المناسبة فيها ناس كتير.
– وأنت مالك؟
– بس بقولك.
– وأنا بقولك هاجي.
– ليان…
– سيف…
نظر إليها بضيق.
– انتي بتعملي عكس كل حاجة أقولها.
ابتسمت.
– أصل أوامرك حلوة أوي.
– مش بهزر.
– وأنا كمان.
اقترب منها، ثم خفض صوته:
– لو جيتي، متبعديش عن والدتك.
– حاضر.
– ومتروحيش مكان لوحدك.
– حاضر.
– ولو حد كلمك…
قاطعته وهي تبتسم:
– أقولك؟
سكت.
– ده اللي كنت عايز تقوله؟
– لأ.
– أمال؟
نظر إليها طويلًا.
– متخلينيش أندم إني خليتك تيجي.
ضحكت.
– مش هقدر أوعدك.
تركها وخرج.
ليان فضلت تبص في أثره، ثم هزت رأسها.
– ده عايز يتحكم فيا حتى وأنا في بيتي!
في اليوم التالي، كان بيت الهواري مليان بالناس.
أصوات الضحك جاية من الفناء، والنساء بيتحركوا بين الغرف، والرجال قاعدين في المجلس الكبير.
ليان دخلت مع والدتها، وحاولت تندمج وسط الجو الجديد، رغم إن كل حاجة حواليها كانت مختلفة عن حياتها في المدينة.
لكن بمجرد ما رفعت عينيها…
شافته.
سيف كان واقفًا وسط مجموعة من الرجال، لابس جلبابًا داكنًا، وبيتحدث مع أحد أقاربه.
