سيف وليان الجزء الأول بقلم #ماياخالد حصري فقط صفحة روايات مايا خالد.
بقلم #ماياخالد حصري فقط صفحة روايات مايا خالد.
سيف وليان الجزء الأول بقلم #ماياخالد حصري فقط صفحة روايات مايا خالد.
كانت الشمس مائلة للغروب، والطريق الترابي الممتد بين الأراضي الزراعية شبه خالي إلا من عربية ليان التي توقفت فجأة في منتصف الطريق بعد ما أصدر محركها صوتًا غريبًا وانطفأ تمامًا.
نزلت منها وهي تحاول فتح غطاء المحرك، لكن محاولاتها باءت بالفشل.
بصت حواليها بضيق؛ المكان كله غريب عليها، لا تعرف فيه بيتًا ولا طريقًا، وحتى شبكة الهاتف اختفت منذ دقائق.
وفجأة، دوّى صوت رجولي حاد من خلفها:
– مشي العربية من هنا.
التفتت بسرعة، لتجد رجلًا طويلًا يقترب منها بخطوات ثابتة، مرتديًا جلبابًا صعيديًا بسيطًا، وملامحه جامدة بشكل أثار أعصابها أكثر مما أخافها.
عقدت حاجبيها وقالت:
– العربية عطلانة، يعني أعمل إيه؟ أطير بيها؟
وقف أمامها ونظر إلى السيارة ثم إليها.
– تحركيها من نص الطريق.
– ما هي مش بتتحرك!
– يبقى اركني على جنب.
ضحكت بسخرية:
– على جنب فين؟! دي أول مرة آجي المكان ده أصلًا!
رد ببرود:
– ودي مش مشكلتي.
رفعت حاجبها باستنكار:
– واضح إن الذوق مشكلتك فعلًا.
ثبت عينيه عليها لحظة، ثم قال:
– انتي من المدينة؟
– أيوه.
– باين.
ضيقت عينيها:
– باين إيه بقى؟
اقترب خطوة، وقال بنبرة مستفزة:
– باين إنك متعودة تتكلمي كتير.
رفعت ذقنها بعناد:
– وأنت باين إنك متعود الناس تسكتلك.
سكت.
ولأول مرة، ظهرت في عينيه نظرة مختلفة تمامًا.
نظرة رجل لم يعتد أن يرد عليه أحد بهذه الطريقة.
– انتي عارفة بتتكلمي مع مين؟
ابتسمت بسخرية:
– لأ… ولا مهتمة أعرف.
نظر إليها طويلًا، ثم قال بهدوء أخطر من عصبيته:
– هتعرفي.
– مش مهتمة.
– هتضطري.
– دي ثقة زيادة عن اللزوم.
بقلم #ماياخالد حصري فقط صفحة روايات مايا خالد.
– ودي أول مرة تقابلي فيها سيف الهواري.
توقفت للحظة.
ثم قالت ببرود:
– وأنا ليان… ولو خلصنا تعارف، ممكن تشوفلي العربية بدل ما تفضل واقف تتخانق معايا؟
ظل ينظر إليها ثواني، قبل أن يمد يده نحو مفتاح السيارة.
– هاتي.
سحبت المفتاح من يده فورًا.
– لأ.
– ليه؟
– عشان أنت مستفز.
ابتسم لأول مرة.
– وانتي عنيدة.
– جدًا.
– واضح.
– ولسه ما شفتش حاجة.
اتسعت ابتسامته قليلًا.
– وأنا بدأت أخاف.
– وأنا بدأت أخاف.
قالها سيف بسخرية، ثم لفّ وراح ناحية عربيته المتوقفة على بعد خطوات.
